誠意想問一下大家意見, 關於同一個就快離婚的女人拍拖。。。



  • 我系男,32,未結過婚,有正當職業,專業人士,無不良嗜好, 想揾個arm傾的女朋友,然後結婚。
    女方25歲,20歲做未婚媽媽,跟住嫁咗來香港,之後話個老公整日出去滾,已經分居左兩三年,話之後就會簽紙離婚。

    同個女仔出過來好幾次,都覺得幾好,本來都唔知距有呢個過去,後來我地剛開始的時候,距主動話我知。

    我真系對呢樣野無經驗,大家有咩意見,會唔會有問題? 多謝指教。



  • 女方25歲,20歲做未婚媽媽,跟住嫁咗來香港,之後話個老公整日出去滾,已經分居左兩三年

    ========================================================



    單係睇呢個快勞, 都係過一過冷河, 巴打, 除非你好難識其他女人.



  • 個小朋友5歲? 佢接受你嗎? 你能將個小朋友當係自己親生嗎??



    還有, 個女人好自然會以照顧小朋友為先, 你是其次, 你能忍受到嗎??



    你和女方對小朋友嘅態度有共識嗎??



    考慮清楚再說吧....



  • 大致同樓上既.

    ...唔好分析佢講既到底係真定假勒,無意義啊

    主要睇你自己接唔接受到佢甘既過去,仲有就係你接受到,你屋企人按唔接受?

    比小小時間冷靜一下先囉.



  • 嗰細路咁又唔駛當係親生, 根本無得當, 劇情推落去, 熱戀過後, 就有好多現實問題要去面對,但女朋友又末必會輕易放手..唉, 箋搞.



  • 各位bros,先多謝指教,先補充一些,個小朋友衣家系跟個老豆,距一般都好少見距前夫同個細路。



  • 其實都係睇你自己係唔係咁愛呢個女人, 如果係, 你會乜都無所謂; 如果唔係, 好少野, 你都可以放到好大. 不過當然簡單就最好啦! 記得唔好信晒佢依家講既野, 要睇定d, 睇清楚, 諗清楚佢講既野係唔係合理, 會唔會係大話, 以免將來後悔.



  • mature lady, 我都覺得你講得有道理,不過有時真真假假,又點樣知道清楚。。。。



  • withyouforever replied at 2010-12-04 12:22 am

    -----------------------------------------------------------------

    mature lady, 我都覺得你講得有道理,不過有時真真假假,又點樣知道清楚。。。。

    =================================================================



    所以呢d野要好小心, 同埋唔好心急, 睇定d, 認真諗下佢講既野同事實有無茅盾.



  • mature lady replied at 2010-12-04 1:20 am

    -----------------------------------------------------------------

    withyouforever replied at 2010-12-04 12:22 am

    -----------------------------------------------------------------

    mature lady, 我都覺得你講得有道理,不過有時真真假假,又點樣知道清楚。。。。

    =================================================================



    所以呢d野要好小心, 同埋唔好心急, 睇定d, 認真諗下佢講既野同事實有無茅盾.

    =================================================================



    withyouforever

    連一個女人都甘comment件事,你真係要小心d啊(難得一個女人唔幫番女人講野@@).

    都係果句睇下接唔接受到,因為聽你講幾句,成壇野真係唔講得笑.是但諗下都會邐到一大堆手尾果種...同你本身果簡簡單單拍拖然後結婚組織家庭,好似有少少出入甘



  • 依家距系距朋友到住,系深圳,反而依家距成日都話唔知我做緊咩(雖然我一有空就揾下距),應該系距無咩安全感。

    即系講,就算距講的野系真,都可能距心理會有的問題,無安全感。(其實搞到都唔知我定距有問題)

    by the way, 我MSN系: [email protected]



  • ray29,我有考慮過你講既野。。。



  • mature lady 好細心,其他bros都好有見地。。。



  • 真系好感激你地的意見。



  • 等佢簽咗紙落實咗離婚先講啦.....



    好少有女人會唔要個小朋友.....



    個女人話唔知你份工做啲乜, 似以退為進,等你急於証明你有心同佢一齊,然後同佢結婚, 落嚟香港住.....



    佢咁細個都已經未婚就跟個男人生仔,似係想落嚟香港住....拖住分居咁多年又唔離婚, 想為攞張身份証???



    諗清楚啦....



  • 距一般都好少見距前夫同個細路。

    ..................................





    唔見前夫就話姐, 連仔都唔多見?? 樓主你唔會覺得呢個算係女人既優點吖!







  • 點解要搵個身家唔清白概女人. 你屋人同意嗎.



  • 板主形容自己係專業人士, 咁應該算係見過下世面, 神洲大地女人千千萬, 好多選擇姐! 佢地當老公係雞, 真係一雞死一雞鳴.



  • 你同佢見過幾次面, 又啱啱先開始, 你地的感情根本唔深。而你愛佢的程度都有限,因為你有所猶豫。



    我覺得你始終都係會離開佢,因為好少男人可以包容到一個離婚而有小朋友的女人,除非你好愛佢。或者你本身都係離過婚,有仔女。



    其實從另一方面睇,個女仔又唔係好差,起碼佢無一直呃你,等你好鍾意佢又唔捨得離開佢先同你講。



    這個只係我個人觀感,唔啱聽唔好鬧呀。


Log in to reply