欣宜見證 爆老竇唔認女



  • 欣宜最近信主,做了基督徒,日前出席一個信仰見證分享會時,大膽剖白過去廿多年日子裏,都是為母親沈殿霞而活。

    其間,她又坦言母親病逝後飽受人情冷暖:「跟我有血緣關係嘅人,居然喺媽咪去世後,不再當我是屋企人。」直指父親鄭少秋唔認女。得悉女兒指控,秋官不懂招架,惟有左閃右避尷尬說:「等我問吓佢!」



    一直以來,欣宜人前人後對父親鄭少秋,都流露仰慕之情。不過自從肥姐喪禮後,兩父女就再沒有齊齊出席公開場合,本來疏離的關係就更顯冷漠。



  • 首次講見證

    本刊在一個教會網頁上,發現欣宜於上月 17日,在「世界基督青年教會及女青年會公禱週聚會」中首次講見證。內容披露了剛信主的欣宜的內心世界,她大膽透露︰「從前人生只為媽媽」,訴說自己廿一年來只為取悅母親而活。

    另外,更憶述肥姐逝世後,嚐盡人間冷暖:「許多人以為,媽咪過身後有好多人支持我……那些跟我有血緣關係嘅人,居然在媽咪過身後,不再當我是屋企人,我覺得這個世界已經無希望……」矛頭直指父親鄭少秋。



    見證剖心聲

    欣宜的一段真摯見證分享,在一基督教網站「可圈可點」詳細敘述,更連結至 YouTube,片段中欣宜多番激動落淚。



  • 迷失變反叛

    周日( 11月 27日),欣宜出席港台禁毒活動,對於首次見證分享,她坦言曾掙扎過:「我覺得信仰係好私人嘅嘢,要喺咁多人面前講自己過去,真係好驚好緊張﹗」她承認以往為了令肥姐開心,凡事都依隨母親意思,漸漸失去自己,加上有一段時間母女兩地分隔,令她突然變得放縱反叛,只要媽咪不在身邊,自己便會做些「反常」行為,她表示:「嗰時學人食煙,明知唔好,但又好想做啲同平時唔同嘅行為,嗰次被人影到後,媽咪好唔開心,我都好後悔。」

    欣宜表示自肥姐離世後,頓失去精神依靠,人生更加迷失,不知為誰而活:「嗰時有衝動想返加拿大,一走了之,成個人都好 depress(沮喪)。好在後來拍《畢打自己人》有工作寄託,同劇演員又好夾,好似有番個 family咁。同劇嘅毛姐(毛舜筠)、祖藍對我特別好,佢哋成日同我 share(分享)自己嘅過去。有一次,我同祖藍講過話唔知邊度買到英文聖經,到套劇慶功時,佢突然送咗中、英文聖經各一本俾我。我只係講過一次,佢竟然記得,我好感動!」



  • 避談指控秋官

    對於見證上提到「有血緣關係的人」疑指是秋官,本來侃侃而談的欣宜,即時語塞:「唔好問喇,我冇講咩人,總之呢次係我最真實嘅分享﹗」問到與秋官現在的關係,欣宜坦言:「我哋冇一齊生活過,咁多年冇真正相處過,唔可以急,我會慢慢用時間去建立關係,大家都忙,我密咗 send SMS俾佢,希望佢知道我做緊咩……」

    事隔個多星期, 11月 29日凌晨,秋官因拍《心戰》從高台跌下,跌親尾龍骨,劇中飾演秋官女兒的何傲兒說:「我當時唔在場,但劇組人員話已立即將秋官送入將軍澳醫院檢查。」而秋官助手表示他已「冇事」,並返家休養。至於劇中另一演員陳豪亦表示這幾天已暫時停拍秋官戲份。據知欣宜亦已致電秋官問候,始終血濃於水,神果真已經安排好一切!



  • 錯誤放上.....sorry


Log in to reply