愛情占卜 – 好臭既魚鯹味

今次故事既主角係S小姐。

S小姐是老客人，為佢同佢既屋企人算流年都有三四年，亦客亦友，間中都會一齊食飯傾計。佢今年桃花好旺，追求的人一個接一個，最後千挑萬選，以為釣到個好金龜。有日佢好開心咁打黎，話要約食飯，一路食一路晒佢個幸福樣。

係出去食飯之前，習慣將客人既資料睇一次先出發，佢既命盤已經係個腦入面，當時一路食真係有少少背脊骨落，明明記得黎緊幾年，佢夫妻宮同田宅宮輪流有事，同佢講既完全唔同。

到講到個男既對佢點好點好個陣，突然間有陣好臭既魚鯹味，似係廚房煎完攞條魚上台，聞到陣臭鯹味，就可以好肯定咁講，呢段姻緣只會係短暫既。

有咩貓唔食魚？個陣鯹味遲唔黎早唔黎，偏偏係講到個男既好處既時候先飄出黎，唔使睇盤，用占卦既外應方法，已經好明白個結果。

尋日，S小姐俾左個短信黎，問應唔應該決絕咁同男朋友分手