新酒店 Buffet 送你一條斑
-
哪隻貓咪不貪腥？尤其有原條野生海斑放喺面前！平日食「蒲飛」，多送龍蝦、鮑魚及燕窩等，但香港仔新開的南灣海景酒店（ L'hotel Island South ）就於自助晚餐大搞噱頭，向每位食客送上原條野生海斑，薑葱蒸鮮味盡出，連貓咪都來搶食！
要食靚海鮮，香港仔是熱門地點，新酒店坐落這區，其餐廳 LIS 順理成章以此作賣點，供應半自助午餐外，晚上則推出海洋鮮味自助晚餐，全場有超過 30 款海鮮，配合多種烹調方式，海鮮迷真要花點時間才試得勻。
新酒店 Buffet 送你一條斑全場「鮮」味四溢
海鮮當中，不乏來自本地的靚貨，包括大家食自助晚餐時的「見面禮」─原條野生海斑，有可能是黑瓜子、白瓜子、蘇鼠及杉斑等，視乎當日魚獲而定，非常神秘，條條 6 至 8両重，以薑葱蒸煮，鮮甜嫩滑。若閣下不嗜魚，餐廳可將「禮物」換上阿拉斯加皇帝蟹腳，用日本清酒及西洋蒜烹調，蟹肉、湯汁均很清甜，配搭驚喜。既然以海鮮作主打，豈止得這兩道板斧？單是冰鎮海鮮的角落，已讓人興奮，放滿羅氏蝦、花蟹、青口、翡翠螺、皇后蟹腳及麵包蟹鉗等，配乾葱洋醋、辣根汁、咖喱蛋黃醬，夏天食特別清新；另有來自澳洲「自然生態無污染深海捕魚區」的海鮮，包括鱈魚、鱸魚及鯛魚等，以爐端燒方式炮製；日式刺身則有北寄貝、三文魚、油甘魚、希靈魚及鱆紅魚等，完全滿足哈日族。
亞洲咖喱專區
自助餐還有其他賣點，像設有亞洲咖喱區：印式香料味重，辣得刺激；泰式加椰汁烹調；日式用上咖喱磚，入口帶甜味；而海南式味道最大眾化。咖喱旁放有青瓜粒、番茄粒、白飯及印式烤餅等，大可自選合心意的來配咖喱，開開胃口，連帶爐端燒、粉麵及日式刺身等其他即製攤檔。以新酒店來說，質素相當不錯。
食完「正餐」，是時候換上另一個胃大擦甜品，自成一國的甜品櫃對正大門，入場時已吸引大家視線。每天輪流供應超過 80 款小杯裝甜品，像綠茶紅豆意式奶凍、朱古力脆粒吉士慕絲、咖啡無糖燉蛋等，還有即製梳乎厘、芝士切餅、班戟等，睇怕要多生幾個胃出來才放得下呢！
打造員工星級形象
南灣海景酒店走年輕、時尚路線，男男女女員工們都很有型格，原來酒店花費逾百萬港元找來星級團隊為員工打造新潮形象，包括由著名時裝設計師何國鉦設計員工制服，按職級、男女款式共 18 款；前線員工由名模陳沛嘉教授儀態，以及到四季酒店的 Private i Salon 剪髮一次，女員工還特別到化妝名牌 Clarins 上化妝課，真令人羡慕呢！
「南灣海洋鮮味自助晚餐」
時間：每晚 6:30pm-9:30pm
收費：成人 $398、小童 $238 （星期一至四）
成人 $428、小童 $258 （星期五至日、公眾假期及前夕）