愛情係自私的?



  • 有對男女(R男/ T女)互相愛上,打得火熱,欲生欲死,愛得簡直瘋狂。開始時雖然雙方家長唔太同意,但因為呢對後生情侶實在係太愛大家,感動咗身邊所有人,甚至令本身極度 反對呢段關係嘅T女媽媽都軟化,接受兼祝福。兩個人相處幾年後,開始有少許事業基礎,決定拉埋天窗,結婚,一起共度下輩子。

     

    到結婚前幾日,R男爸爸心臟病突發,即刻送到醫院都救唔番。因為T男家人非常傳統,喜事兩年內唔準辦,所以呢對小情侶嘅婚事亦唯有推至起碼兩年後。

     

    R男同爸爸關係 超級好,好似兩兄弟咁,而因為爸爸嘅離去,R男痛不欲生,生不如死。佢落晒形,飯食唔落瘦咗30磅,返唔到工,簡單嚟講同個廢人一樣,淨係日日喊,喊到個 樣都變咗第二個人咁。家人同T女見到R男咁,心痛得不得了。最後大家做咗個決定,就係讓R男離開香港到外地自己生活一段時間,重拾心情,希望可以幫到佢療 傷。雖然T女好唔捨得,但亦相信呢個可能係一個唔係辦法之中嘅辦法,只有接受現實,讓R男去療傷。另外,大家亦同意R男喺呢段時間唔同任何人聯絡,當傷口 復原後佢就返嚟。

     

    自R男離開以 後,T女每日以淚洗面,牽腸掛肚,生活一點味道都無。不久,喺T女身邊出現咗一個有心人,係一個男仔(K男),佢本身係T女嘅好朋友,而喺呢段T女最失落 嘅時候佢對T女無微不至,安慰T女,帶給佢笑容。好聽啲講句,K男同一個24孝老公無分別,難聽嘅,佢只不過係個狂付出狂俾T女點嘅戇居仔。其實大家心知 肚明,T女亦好明白,呢個世界,唔好話男或女,點會有個人無端端對自己咁好而無其他諗法?雖然係咁,T女忍唔住繼續接受全部K男嘅好意,但同時心入面依然 只有R男一個。

     

    時間過得好 快,R男已經足足唔見咗一年半有多,而T女同K男感情亦突飛猛進。有一日因睹物思人,T女又喊起來,K男如舊地攬實T女安慰佢。但今次有啲唔同,K男終於 拿出勇氣,抬高T女個頭嘗試錫佢。T女窒咗窒,推開K男,話:「我唔得呀…我唔想咁呀…!」K男流住眼淚答:「過去年半,你有無曾經有一刻考慮過我想要 乜?」

     

    K男含淚凝望T女,T女無言,K男擰轉身離開。

     

    愛情是自私的。



    http://www.men1000.com/attitude/blog_detail.php?cateid=117



  • 此文內容充實,七十分。