各位幫幫手,教我點氹返男友





  • like-cheer,



    what had happened ar?



  • 其實係男友一直以來都對我好好,無微不至。不過係自己一直都冇好好珍惜佢, 對佢唔好..成日都發佢脾氣(我自己都控制唔到),令佢覺得好心淡,好失望...之後分手了。

    分手之後我先發覺自己好掛住佢..

    但佢同我講話我HURT得佢太深..死心塌地咁愛一個人換黎咁對待 (因為佢發現我同男性食飯同SMS 2 次..不過大家真係冇野!!)

    我都知道自己衰, 不過我真係好請教下大家有咩方法可以挽救

    佢曾經同我講過如果想再一齊就改下D性格...

    但佢而家D態度好似好泠淡

    但又肯幫我同我食飯...



  • 明白!

    仲有得救



  • 佢最怕就係好似之前咁, 對你好又點, 你都會唔滿足, 仲發脾氣. 男人都好理智既. 唯一可以有轉機的地方就係你都有一點令佢留戀的地方, 如果係有既, 佢就會掛住你上來, 才會想找回你, 又看看你會否改變. 所以現在你唯有耐心等待, 希望佢會掛住你, 想同返你一齊.



  • 同佢含囉



  • 多謝大家0既幫助。

    但我想問現階段我有乜野可以做, 大家可唔可以比D意見? THANKS



  • 你唯一可以做就係誠意加誠意,仲有就係用時間同耐心去證明你既改過~~



  • 其實我有...但我覺得佢而家對我0既要求簡直有D吹毛求訿...

    佢係見到我有誠意, 但佢就博命話冇見到我改...

    AI...



  • 睇醫生,醫返好你D港女病先,可能重有得救既!



  • like-cheer replied at 2010-04-06 3:21 am

    -----------------------------------------------------------------

    其實我有...但我覺得佢而家對我0既要求簡直有D吹毛求訿...

    佢係見到我有誠意, 但佢就博命話冇見到我改...

    AI...

    =================================================================

    佢有咩要求?



  • 可吾可以講下佢點對你吹毛求庛法? 如果你而家肯改,反而佢又變成不可理喻的話,斷關係又點會救得返?



  • agree with 小草



    一個花瓶碎了, 要它回復返本來既面貌, 談何容易呢!

    我都試過偒害過人, 人地對我死心了我才後晦, 但人唔同神, 唔會咁容易原諒人, 佢都係令我好難受, 我唯有放棄.



  • 我好想去挽回, 好想去對佢好..

    但佢令我太失望,我做乜野佢都唔滿意, 我無力了......

    多謝大家0既意見..



  • 或者他已經心太傷,無力再續前緣,若果真係太辛苦,放棄並唔係壞事,兩個人一齊,係應該開心,唔係唔開心~



  • 傻佬...你講得0岩...

    我都唔明白點解會去到而家大家都咁唔開心0既地部...

    我初頭都唔明白一段決裂0左0既感情係咁難補救,

    我淨係覺得:如果大家都仲愛大家..咁咪夠LOR...

    原來事實唔係我諗得咁簡單...



  • 愛 談何容易

    最好keep住食下飯 你自己都冷靜下

    唔好比佢覺得你死改離就佢

    一個心淡既人最怕係你改得一時三刻

    過後回服原形 如果真係吹毛求庛

    你要認真同佢商知道邊d要改 但希望對方唔好有報復心態

    要見好就收



  • 裂左就係裂左,就數補返,點都有條裂痕係度,就算一齊返有幾愛都好,而呢條裂痕好可能就係將來再次分開既主因。



    既然你都做出左補救,只要你認為已經盡左力,將來睇返呢段關係都唔會後悔的話,不如放棄。



    去到呢個地步,只可以怪當初無珍惜,唯有寄望下一次可以好好掌握同珍惜對方。



  • 真係多謝大家..睇得出大家真係真心幫我。



    不過佢0既決絕真係令我卻步了...

    佢以前對住我係好心軟,佢而家好似變左另一個人咁...好難受。



  • 只耍大家都仲係好愛對方, 咩都可以解決,

    可能...有d野真係唔同左...

    但又會唔會只係呢幾日佢心情唔好呢?



  • 唔會啦..因為其實已經持續左差唔多2個月了...

    佢一路就話我0係度迫緊佢...



  • 如果佢話你迫緊佢就唔好同佢傾呢d住啦,

    睇定d先啦, 想氹都唔係時候wor



  • 唔該喊到七情上面 然後深情講返句 對唔住我知錯



  • 三口六面再講清楚!

    今次係最後一次, 得就得唔得就算, 瀟灑d...



  • 其實我有...但我覺得佢而家對我0既要求簡直有D吹毛求訿...

    佢係見到我有誠意, 但佢就博命話冇見到我改...

    ---------

    唔會啦..因為其實已經持續左差唔多2個月了...

    佢一路就話我0係度迫緊佢...

    =============



    綜合你講既野,我覺得你心態上要放手,唔好再諗同佢係男女朋友,而只係當佢係普通朋友咁會好好多。



    佢搵你食飯,你得閒就去,唔得閒就算。總之,順乎自然,唔好勉強。



    愛情是一種非常微妙的心態,感覺得有既時候,想沒有也難;但到覺得不再存在了,想有番也很困難。



    是過去了,就是過去了。放開你的雙手,讓他自由選擇。他未必會選擇回到你的身邊,但起碼他不會看輕你。





  • 多謝各位0既寶貴意見。

    你地真係好好...

    我明白我而家真係要放手了...

    雖然真係好難想像..佢可以決絕成咁...

    不過又會諗受傷0個個係佢,唔係我。我可能冇辦法明白0個種痛。

    同埋自己對佢唔好在先..

    冇條件要求佢做d乜..



  • 不過..其實另一面咁諗,係咪都代表佢唔愛我啦?



  • 坦白講,我覺得你無左呢一段感情係唔值得可惜。



    首先,我不覺得你是愛戀著他,你只不過是可惜無左個疼愛你,當你如小公主的人。



    你掛念著他,因為他是曾經如此待你如珠如寶,可並不是你待他如珠如寶。



    至於他,我也不覺得他是真的愛惜著你。過往的遷就,只是出於迷戀,但不是真愛。



    真的愛著一個人,是不會有他後來這樣對待你的行為。



    如果你所言是真,他會為了你同男性食飯同SMS 2 次便話你HURT得佢太深…我覺得佢唔係佔有慾太強就係黐黐地。



    無論佢係呢兩種既邊一種,呢D人都唔好同佢一齊,因為遲早會好煩,早走早著。



    所以話,分手都唔駛可惜。





  • 各位...我又回來了...

    覺得自己好失敗...應承自己要放棄了...

    原來仲係好掛住佢...

    分左手先知, 原來自己係好愛佢。

    諗得越清楚, 真係覺佢真係一個好好0既男朋友...

    好後悔自己點解唔好好對佢...

    lee種後悔0既感覺...原來係最難受...ai


Log in to reply