澳門的士司機態度問題
-
請問呢到有無朋友好似我咁樣, 有一樣的感覺....就係去親澳門坐的士, 基本上99%的士司機態度均非常非常極之差, 而且仲要好唔自在有人坐佢架車咁.
大佬呀, 我坐佢地架的士都無非係想去我自己要去的地方, 又唔係得罪佢地, 都唔知點解d態度差成咁. 無論係去遠的地方, 又或是近的地方, 情況都係一樣.
我去過咁多次, 都只係遇過一次個司機態度好好, 成程車都坐得好開心.
唉!!!! 澳門呢個係旅遊的地方, 都唔知點解d司機態度會係咁樣.....
-
佢地當然串啦, 因為澳門d的士冇香港咁多, 所以佢地吊高嚟賣, 不過我搭過幾次都冇咩野wor, 可能咁岩都係一大班人好d啦!
-
一來, 佢地普遍教育程度係低啲.
二來, 長久以來客太多唔憂做.
三來, 有客都未必有得賺, 一塞車可以好攞命, 個客一走隨時自己大倒貼.
四來, 成日接埋啲賭鬼妓女同黑幫爛仔, 態度好會好快死.
五來, 真係阿豬阿狗都咁有錢, 你係的士佬條氣都唔順啦.
六來, 其實近十年澳門發過豬頭, 94年我澳門個朋友月入四千, 一家租住三百呎既屋. 今日佢月入萬三左右, 不過仲多左兩間近千呎單位收租, 死未! 92年香港某科大學畢業生月入萬三, 今日九千都唔夠.
-
我意思係佢地跟本唔志在份工.
你係佢地你都會一樣.
-
澳門的士司機只係鍾意做d包的士嘅大6佬,
佢地多數會俾$500一程, 近就$300去碼頭,
我試過$200由威利c人去氹仔碼頭, 仲口黑面黑!
-
呀. 補多一樣, 佢地接客去約定既店商, 店商要事後比返介紹費過司機既.
-
maggie
200蚊由威尼斯人去碼頭???
多得你呢D人做壞個市
咁近 最多30蚊 澳門係睇跳標架
係D唔文明的鄉下人先玩包車
唔好講咩大陸定香港
有錢就包架賭場專車啦
有BENZ到BMW都有