火年火月火日火時出世....我好想喊....

smileycat

偏印　　比肩　　劫財　　比肩　

木火火火
火火火木　

     劫財　　劫財　　比肩　　偏印　
     傷官　　傷官　　食神　　　　　
     正財　　正財　　

我係女仔, 之前無接觸過八字, 所以都無為意自己係咁火, 但當我去到一個樽頸位, 覺得生無可戀既時候, 我就嘗試找尋風水命理既幫助, 但我無諗過自己個八字會禁極端, 我一見自己個八字都驚, 聽師傳話木生火, 姐係我個八字全部都係火...我真係好想喊....聽人講八字太旺/缺都唔好, 我而家直情係一面倒係火....我仲係好後生, 咁我係咪有排捱...

我成日覺得自己所有野都唔好, 我屋企關係唔好, 父母成日嗌交, 最近母親入埋醫院, 佢呢個病都係無得醫, 同手足又不和, 今年既新年可以話無去過拜年, 因為我無咩親戚, 朋友雖然都有幾個, 但真係好知心可以有福同享有難同當既好姐妹我一個都無, 自問自己性格都唔太差, 因為我都算就得人, 亦都好肯幫人, 因為我個人好心軟, 朋友叫到我都盡力幫, 但結果成日比人搵笨...唔知點解總係同身邊既人有種疏離感....可能我本身個人都幾孤僻, 唔係好識social, 但其實我真係唔想咁樣....我咁大個女都未拍過拖, 我覺得自己未至於咁差嘛...我好似乜野都係得自己一個, 所以之前差點抑鬱到想自殺, 事業又無, 而家渾渾噩噩咁番工, 又唔係自己專長, 好似係到等運到咁....健康又無, 我好細個已經有病, 攪到長期食藥以致身體好差...呢個病仲攪到想死咁制....

我只係想開開心心咁生活落去, 我唔係話要咩大富大貴, 我係好享受同人之間既交流, 我只希望同身邊既家人, 朋友, 情人開開心心咁生活, 身體健康咁, 但偏偏自己成日都孤伶伶一個...身邊連一個support自己既人都無...讀書既時候都係摺摺地無咩朋友, 個天真係識玩弄人...其實我真係好怕自己一個架...

我想問命運有無得改變?以前都唔會太迷信玄學, 最多得閒睇下雜誌d星座運程, 但而家真係愈來愈相信, 我咁樣係咪都係因為我火旺? 我都想盡量叫自己唔好咁迷信....自問自己已經比以前樂觀, 但當身邊只係得自己孤伶伶一個既時候, 就真係覺得生無可戀, 所有樂觀既想法都好似只係自我安慰, 我真的過得不快樂...

唔好意思講左咁多說話, 我可能都只係想聽下你地既安慰, 謝謝。

新年快樂
　

其實信則有不信則無, 只要你肯改變你自己,一定唔會俾你呢個火旺既命格影響你一生架喎, 人一生到最終都係帶唔走任何野, 其實唔需要太介意你有d咩野, 最緊要係開心積極咁去感受你既人生, 好似一本傳記咁, 你想呢本傳記會記錄一d咩事, 任何事都係一種經歷, 都有佢存在既價值, 最緊要活在當下

hey, dont be like that la...im not any better.

Just like you, I've all wood in my life! Just one gold! I am just redundated..and looking for a job...suddenly i feel the life is so grey!

how old are you btw? All fire may not be that bad. You may be a 特別格局...when you are having good luck, you would be very good..but everthing will be very extreme..

honestly, I need someone to confort too...

可以話你知,呢位亞姐八字唔會係特別格局,若入專旺格如炎上格,

雖然專旺格亦未必一定係上好命格,但起碼都有一柱半柱運夾到都有

一時光輝 ma,但睇佢講到咁,似乎根本無好過,八字有可能破左格而不自知,

才會兩頭唔到岸,先會咁差。你將八粒字全部用木火代入,亞丙都幫唔到你啦...

甲丙丙丁
午午午卯

版主,
我同你一樣一向都唔太信呢d野, 但上年覺得好迷茫, 於是開始左我生平第一次去算命...我幾乎係全土命...

命運呢d野其實就好似一個劇本咁已經寫好曬, 當中有d既定情節係冇得改變, 但有部份亦可靠主角(即係你自己)去將個劇本演繹變化...

過氣算命佬,
我條命就係身強假專旺, 就係你所講嘅破左格, 好又未到我, 衰又衰唔曬咁... 所以即使我行左20年食傷運都冇乜生到財...

其實版主有明確將個八字連支藏都表達左出來:

偏印　命主　　劫財　　比肩　

乙丁丙丁

巳巳午卯　

劫財　　劫財　　比肩偏印　

傷官　　傷官　　食神　　　　　

正財　　正財　

呢個八字係真炎上格, 完全無破格.

版本仲好年青, 人生路只走左好短路程, 不能因為早運吾好而認定自己命衰. 我覺得上天係公平嘅, 佢比得好野你同時都會比考驗你, 你克服到d難關, 好野一定會黎.

我地每人雖然會有一定嘅命運軌跡, 但性格係真的可以做就命運, 正面樂觀嘅人, 命再差都吾會有絕路, 因為逆境一定會過的. 永遠活係悲觀之中, 即使有好事發生都容易miss左, 因為眼光望得吾夠遠.

乜野叫做破左格 ?

點為之破左格呢 ?

有冇得化解 ?

winnie,

你行左20年食傷運即使冇乜生到財, 但感情生活一定吾缺, 各方面都吾會太差, 對嗎? 有錢未必係最好, 知足者常樂也.

Hey i like what 普通人 written, we experience what we thinking of most of the time. I think you go the right way by looking for answers from within, that's why go check with fortune teller. But if you would look deeper, the answer is always inside of you already. Spend time communicate to inner self works for me!!!

CC,

一個女人行傷官運又點會有姻緣呢? 我嘅感情空白左好多年...不過咁講啦, 過去廿十年確實過得開心...不過呢d咪所謂嘅先甜後苦囉...下一個大運於後年開始行正財偏才, 再加上出年又傷官見官, 有排捱呀...

smileycat

to 普通人:

我真係唔識點改變, 屋企根本無得變, 至於朋友/情人, 我相信都係靠緣份, 至於事業, 我都唔知自己究竟想做d咩...

to hjoj:

既然你安慰我, 咁我都安慰番你啦, 我都希望你可以開開心心咁生活!!做人最緊要樂觀呀!!!

特別格局??特別的衰嗎?講真我真係比身邊既人特別地不好, 起碼佢地會有一個完完整整既家吧...正正常常點都會有一兩個support自己既人吧, 但我真係無...

我唔想要什麼特別既good luck, 我只係想每天都開開心心地生活下去...

to 過氣算命佬:

多謝你既贈言, 我都唔覺得自己係什麼專旺格...我用木火只係想講比大家知我個八字係好多火罷了....

to winnie

你好, 大家都係一樣八字太極端, 我又係上年覺得好confused先走去算命, 我想問你果位算命師傅好唔好架?我都想搵個師傳幫我睇下我係咪真係咁差...

希望大家都可以接受上天既安排, 好好咁生活落去....

另外想問下行食傷運會點架?乜破左格就算行緊運都唔好架?同埋究竟咩叫破左格呀?

to CC:

我想問咩叫八字破左格?

我真係唔覺得自己係d咩炎上格, so far到而家都無試過咩好好彩既事情發生, 反而唔開心既就大把, 真係好難相信會有好野, 唔通之後我屋企會無lala變番完整嗎?我覺得無乜可能...乜你真係相信上天係公平嗎?

我自問真係已經好樂觀, 但屋企接二連三有問題發生, 想搵人依靠但一個人都搵唔到, 我真係唔知點樣可以再樂觀下去....

to heart of gold

thx for yr advice. actually I think I do not quite understand wholy about myself. Seems I do not know what job do i really like to do? What do I think? so on.....I try to communicate to myself but I also hv to deal with the outside problems which surround me....

其實人生好定壞, 好多時都係睇你嘅觀點與角度.

吾會有人絕對好運, 亦吾會有人絕對衰運, 人往往是我睇你好時你睇我好...

我識一個我認為好命苦嘅女仔, 佢25歲發現患上癌症三期, 經歷左多次電療同化療後將病醫好, 之後佢身體先後出現多種問題, 骨刺, 子宮瘤, 脊骨變形, 濕疹, 盲腸炎, 仲有多種電療嘅後遺症, 佢33歲即上年癌症復發, 最終佢都戰勝左病魔, 而家在休養中...我同佢講我覺得上天對佢吾公平, 但佢好吾認同, 佢覺得上天只係比考驗佢, 無攞走佢生命已經好好, 佢話只要佢吾使死, 就等於有運行, 係佢眼中, 只要仲有命就無絕路...佢仲好感恩.

人不能改變過去, 不能改變別人, 但可以改變自己, 在有限嘅範圍內改變自己能力可以改變到嘅, 同埋學習接受已經吾可以改變嘅部份.

知足者常樂也!

午午午

地支三朋, not bad

26-6-1983 noon time

Can we help?

[email protected]

26-6-1987

只要仲有命就無絕路...佢仲好感恩.

Sure

好似聽過火旺嘅人多戴銀係有幫助嘅,不過都係問過師傅先! 唔好灰心,做多D善事,好心一定有好報!

there is problems with everybody........Metaphysically

八字入咗特別格局，六親一定易出問題，偏即係唔平衡。

六親関係失平衡，一係超好，一係超差，真係要平常心面對。

我尋日都去左算命~佢都話我火得濟~太多火~

我都係前年開始行大衰運, 去了生平第一次算命, 命中火太多, 身上要點帶金器輔助....

不知是否正處於人生低潮/行衰運, 總覺自已終日鬱鬱不歡, 渾渾噩噩, 欠缺人生目標及動力, 已很久沒有嘗過快樂的滋味了...

hi ~

我有好多水, 我可以同多火的人交朋友呀! ^^

chrissie replied @ 2010-02-26 9:57 am

我尋日都去左算命~佢都話我火得濟~太多火~

Can I help?