見到我前男友同佢而家個老婆耍花槍, 我個心好痛



  • 我同佢一齊6年, 一直都好好, 佢爸爸媽媽都已經當我係新抱, 兩年幾前,有一日佢突然間同我講想要d空間, 想一個人思考吓到底自己日後想點, 我好嬲, 鬧佢浪費我青春, 鬧佢自私, 鬧佢幼稚 , 鬧佢欺騙我感情, 鬧佢賤格, 我第一次都畀左佢…

    嗰晚哭哭鬧鬧幾個鐘, 佢叫我早d返屋企休息, 等佢諗清楚之後再搵我, 我死都唔肯, 佢就掉低我自己喺條街度, 嗰晚, 我一個人喺海旁喊到天光

    之後嗰幾日我無搵佢, 諗住佢應該自覺對我唔住搵返我道歉, 但係佢一直無搵我. 其實我都有諗係咪我太唔了解佢, 無認真去了解佢嘅諗法, 無真正去照顧佢感受. 過左一個禮拜度, 因為我實在太掛住佢, 所以我主動搵返佢, 但係一直都搵唔到佢, 嗰段時間真係好辛苦, 不過我相信佢諗清楚之後就會搵返我, 所以我默默咁等佢

    幾個月之後, 佢真係搵返我, 嗰日我地又好似啱啱拍拖咁樣出去玩, 仲上左佢屋企煮飯, 然後再…

    嗰晚佢送我返屋企, 十指緊扣, 好甜蜜, 臨走嘅時候仲畀左個未曾有過咁長嘅goodbye kiss, 我以為雨過天晴, 所有野都回復正常, 仲幻想佢幾時會向我求婚. 突然間收到佢個sms, 我滿心歡喜開唻睇, 點知個內容係...

    “多謝你一直以來咁愛我, 曾經有你呢個女朋友係我嘅福氣, 我下個星期結婚喇, 希望你都搵到一個好似你咁好嘅人, 我真心祝福你”

    我當時真係完全崩潰, 不斷打電話畀佢, 但係電話一直無開, 我真係無辦法相信, 只係幾個月, 點解佢可以咁快話娶第二個女人.

    頭先上佢facebook, 見到佢老婆開左個group話佢好麻甩, 個group入面仲有張好多波衫嘅相, 有d係我陪佢一齊買, 有d係我送畀佢, 佢仲留住呢d野, 係咪對我未忘情呢? 我心情好複習, 一方面恨佢地耍花槍, 一方面諗返我地以前嘅生活又覺得好甜蜜, 我真係好辛苦, 為左佢, 我已經差不多3年唔敢拍拖, 到底我係咪一世人就咁樣過

    我知道自己唔可以咁, 有無人可以鬧醒我



  • 好心你啦..人地都結左婚..人地已經有新生活..


    你重係度懷念有鬼用咩...應該放下..重新過自已想過既生活..


    要活得更開心更滿足先岩架~自怨自唉..有鬼用咩..



  • 其實,會唔會一直你都係第三者?





    你講既"第一次都畀左佢",係唔係"幾個月之後, 佢真係搵返我, ... 屋企煮飯, 然後再… " 呢一次?



  • 咪嘥時間同青春喺呢啲賤男度啦...3年...



  • 關你鬼事咩...只有活好你每一日你至係賺!!!



  • 唉...我都係死第三者手上



  • 其實,會唔會一直你都係第三者?





    6年都唔發現自己係第3者.....唔係呱?



  • 我點會係第三者, 一齊6年, 頭幾年我地差唔多日日見面, 臨訓仲一定會傾電話, 我傻, 但係我唔係蠢架!



  • 睇完之後,我好明呢種感受......我唔知可以用咩言語去開解你,佢.......一早己經唔愛你喇.但佢係有內疚,嗰種感情只係一種同情.你就好似一隻被遺棄既小狗一樣.你主人既心早就己經有了別人,然而拋棄你,會令佢唔忍心,最後佢都鼓起勇氣,將你遺棄.....





    你唔好放棄自己,發生呢 d事情每日都上演.數以千計既人每日都會被遺棄.







  • 你既將來會係點 ??我覺得你過後會揾到一個愛你既男人,然而你內心未必會愛佢,但係你己經唔介意,你會開始麻木,但求有一個愛錫自己既人响身邊己經足夠.





    好多人既另一半都唔會係最愛....愛情並唔係你所想咁幸福,美滿...





    人生.......本來就係無限痛苦.所以無必要都唔好生下一代.無人需要受苦.



  • 唔好理佢啦,都3年啦,發生咩都唔好再諗,人地已經結左婚啦.....



  • 當我知道個ex已經同人地結左婚之後, 我都無打一個電話比佢, 都已成定局, 大家各行各路囉, 生命有限, 唔好哂黎諗佢/搵佢



  • 唔好理佢地啦


    依個世界痛男人啦咩



  • 精彩



  • 依D 男人........算罷, 分手都唔講清楚的, 真的不置得留戀

    版主你要好好照顧自己, 無謂浪費自己時間 ,加油



  • 我都係過來人



  • 我想睇下個賤男個group喎,介意同大家share下ma?



  • JessMo  ,



    妳好,我28+,175cm,唔肥樣子ok~

    不知妳鍾唔鍾意睇電影呢?我成日睇戲的

    我都想識個女仔~可以一齊玩一齊傾計分享開心~



    我的MSN是indigo_blue@live.hk



  • 如果佢share 條 link, 人地會知係佢ex做架





    不過我都好想同佢出衣口氣 !






  • 原來係leon ?







  • 係aaron先真^^



  • 咁既男人都有



  • 意思即係你唔會啦^o^



  • 好恐怖.....



  • 用3年去接受失去一段6年既感情 ... 都唔係好長時間嗟 ~~~





    唔需要比人鬧丫 ~ 順其自然喇 ~~ ^^




  • 缘盡了也無法,睇聞 D ,你重有好長的路行,好好愛自己



  • 點解佢可以話變就變...??不過, 你等佢三年真係唔值, 佢仲要咁突然, 要接受/忘記真係唔易...希望你快啲搵到自己既新目標, 但唔好夾硬迫自己拍拖, 我覺得人生仲有很多事情可以追求, 唔好再浪費自己時間係改變唔到既事實度..



  • 成晚都訓唔著, 一路睇住個group有無多左人, 我都好想加入, 有關於佢嘅所有野, 我都好想可以扯上關係, 但係我真係唔敢





    有朋友問可唔可以share 條link, 就係呢個喇


    http://www.facebook.com/malutlo





    我希望快d夠二千個, 咁佢老婆就可以刪左個group, 咁我就唔使再日日上去望, 唔使再折磨自己...



  • 返來啦..我唔明點解你可以諗佢對你未忘情?





    如果keep住禮物代表未忘情既話..咁我都有keep...



  • JessMo .....唔好再折磨自己啦,將佢所有野整爛,掉咗佢,唔再留意佢既facebook.


    你需要向自己講一句對唔住,因為你嘥咗太多時間去掛住佢,令到你自己滿身傷痕,遲遲都走唔出谷底.你需要明白,佢唔要你,唔等於你唔好.係品味問題,





    諗下你自己以前,相信以前都曾經有人暗戀過你,追過你,就証明你呢隻type係有人欣賞,你而家要做既係,揾呢種人出黎.



  • 請妳放下對愛情的執著..去找尋下一站的幸福吧.



  • 我同佢一齊6年..........7 years' itches....我已經差不多3年唔敢拍拖....time for a change



    有無人可以鬧醒我.....any use?



    It's Fate & Destiny...Can I help?









  • 題外話, 如果我老婆女友咁上網唱我麻甩, 我飛硬佢 (但我係女人, 女人都睇唔過眼...)有d嘢, 唔係樣樣都可以公開宣揚兼俾外人評價, 仲要係真外人, 唔叉識既都可以知哂自己既最真最無解備狀態...





    版主, 人哋套戲都落場轉埋畫, 你仲喺度睇完又睇套殘片. 你咁諗諗一世都諗唔通, 因為你打結. 外面世界風光明媚呀. 收拾心情啦.





    ps諗多d佢d衰野, 對你唔好既野, 好得快d架, 因為佢不值不配同你一齊...







  • 尚有甘心,永遠都放唔低...我"登"樓主擔心


    當你放得開之時, 就會覺得當時傻/浪費了時間系不應該的人或事之上.





    if u still focusing on the past & those unhappy, the life onward will not be happy at all. Why dun enjoy life & to be live happier?





    加油!!










  • (更正剛才留言)尚有唔甘心



  • 我好認真咁睇曬咁長篇既經歷,只可以講一句,凡事既來之則安之,希望你能夠堅強起來,人生有好多更加有價值既野等住我地去做



  • http://www.fotop.net/Shogo/CWB/DSC_0011_copy





    ?ccedil;?Oacute;係?Oacute;?Yacute;男人?Oacute;?Ntilde;婆 !!!!!!!!!!!!!!!!!!!!!!!!!!!!!



  • 係個殘男個老婆 !!!!!!!!!!!!!!!!!!!!!!!!!









    http://www.fotop.net/Shogo/CWB/DSC_0011_copy



  • 忘記個衰人,重新閈始



  • delete 佢facebook,唔好再諗佢



  • 你又知係佢



  • 版主


    我覺得你應該努力、加油、忘記過去。


    用三年時間去放低...咩都夠啦...


    呢個賤男唔值得你去傷心~


    放開d...你會搵倒一個真正愛你既人


    祝福你~





    新既戀情就係治療傷口的最佳良藥


    我祝你好運~!!



  • 做女人做到你咁愛佢有鬼用咩?男人都範賤,唔好咁快俾飽飯佢吃,你喂得佢太飽啦。



  • 係咪個女人有左炸~?



  • 人同人相處總會有哩的野


    負心漢/娘固然被怨恨


    專一漢/娘同樣會在生活上, 有千百樣野令另一半有怨懟





    版主因被 EX 拋棄而怨恨


    拒 EX 既太太又因為得到版主既 EX 而怨懟, 將其赤裸示眾





    人既根本問題未解決.............未解決..........









  • 好好聽, 仲好傷感



  • 2個人既野.只有2個人至會明白...


    旁人根本唔知你地2個人相處係點...俾意見既都係多舊魚...


    你自己都話你聽佢講句話想有自己空間就即刻發脾氣...


    嘩...上面咁多位話個男人唔0岩既.邊個知道你平時點對佢?


    點樣管住佢?


    男人大多數都好少咁絕情.大部份都唔多願面對呢d問題...


    只有拖字訣多...


    可以令到一個男人咁決絕.仲要即刻搵到第個.短時間結婚既...


    會唔會係佢覺得.嘩.真係天堂同地獄既分別...


    即係指佢同你一齊.同佢依家個老婆相比之下...


    所以佢先會咁快同人結婚...(呢d估架咋)


    我就無咩意見.對你同佢既事...


    只係.時間係唔會因為發生左咩事而停止既...


    你每日仲0係度過緊日子.你需要面對你既生活...


    生...活...


    除左生存...你係要過活...


    活...即係要生動.要有經歷...


    而唔係好似你依家咁.死咕咕淨係識諗返轉頭...


    如果諗返轉頭可以改變到已發生既事實...


    我第一時間當然係不停諗住我張新春金多寶既六合彩啦...


    放輕鬆丫...你試下搵個空檔.去尖沙咀碼頭...


    望下個海.望下d人...


    俾自己既腦海靜一靜.唔好再打大浪...


    感受一下周圍身邊既人同事...或者睇下d船.望下d雲...


    你個心就會廣闊好多架喇...


    送首歌你聽啦...




  • 好明顯佢話要冷靜係假既, 因為另一個女人迫得佢好緊, 佢必需要fing甩你先可以安心同對方一齊, 呢個男人賤格既程度唔低, 臨結婚仲要呃你上床, chuk多你一劑先踢你走, 真係冇人性.





    小姐, 同情你既絕對係大多數, 但面對既只有你一個, 希望你搵啲朋友陪下你傾下, 過一段時間可以企返起身啦.