信任 VS 尊重



  • 「你覺得我同佢分手好唔好呀?」相信呢條問題大家都聽唔少,亦無乜人想答,因為問嘅人十之八九都係得個「問」字,佢地心裡已有答案,問人只不過係想得到朋友嘅認同、肯定、支持,從而得到鼓勵令自己係提出分手嘅時候無咁大罪惡感,就好似啲人飲酒壯膽一樣。

     

    以前覺得「合則 來,不合則去。」係一件非常平常而又合情合理嘅事,無話邊個啱,邊個唔啱。再者,亦唔覺得分手時需要唔開心,因為可能好快就有下一個。到人大咗,發現分手 難咗,唔係因為難開口或執行上嘅難度,而係因為真係愛過而捨不得,特別係雖然大家都相愛,但唔足以彌補互相性格上嘅缺憾,而去到一個無辦法再向前嘅情況。

     

    我有個朋友早排 同女友分咗手,原因係個女仔偷佢啲私人資料,而個女仔咁樣做係因為佢懷疑我朋友外面有另一個。我朋友話:「本身相處得好好,佢亦都覺得大家好開心,但佢就 係唔信我,摷我啲嘢。一段關係既然無信任,一齊都無意思。再者,佢自己都唔覺得尊重人地私隱係應該嘅事,咁我地日後仲點相處?」其實,佢外面有無第二個已 經唔係重點,因為個關係已經破裂咗,就算我朋友真係清白,個女仔又因為自己嘅魯莽而道歉,而我朋友又願意原諒佢,但呢條刺已經永遠藏於心底,呢種就係無辦 法再向前嘅情況。

     

    要狠狠咁了結大家都有付出過嘅感情唔係咁容易,所以下次如果有朋友搵你壯膽,幫下佢啦!



    http://www.men1000.com/attitude/blog_detail.php?cateid=117



  • 做今時今日既女人, 就醒D啦, 一係扮唔知, 一係就睇完飛左佢唔好同佢講原因..



  • 換著係我, 我情願對方呃我一世, 但千祈唔好比我自己踢爆個真相~~ 咁會令我覺得好無安全感~~



  • 要安全感戴頭盔囉....



  • 其實我唔係好同意。



  • 有時帶頭盔都死啦~~ 如果係毒氣既話, 帶左頭盔有乜用丫~~



  • 做咩吾同意戴頭盔??



  • 518 replied @ 2010-01-12 3:05 pm



    有時帶頭盔都死啦~~ 如果係毒氣既話, 帶左頭盔有乜用丫~~

    ---------
    起碼keep到你個髮型先丫~~



  • 唔同意要人家壯膽。



    有D野始終係要自己去面對的。

    結果都係要自己去接受的。



  • 咁你就錯勒~~ 帶左可能反而整亂我個髮型架~~ 我梳高髻時, 一定搞到塌曬~~



  • Layer_Mask replied @ 2010-01-12 3:05 pm



    做咩吾同意戴頭盔??



    。。。。。。。。。。。。。。



    我好同意戴頭盔喎。



    況且係而家咁多X水既時候,戴頭盔好安全。。



  • csls0518 replied @ 2010-01-12 3:07 pm



    咁你就錯勒~~ 帶左可能反而整亂我個髮型架~~ 我梳高髻時, 一定搞到塌曬~~

    -----------
    梳咁高做乜鬼呀?
    登台呀?



  • 小麻糕 replied @ 2010-01-12 3:11 pm



    Layer_Mask replied @ 2010-01-12 3:05 pm

    做咩吾同意戴頭盔??

    。。。。。。。。。。。。。。

    我好同意戴頭盔喎。

    況且係而家咁多X水既時候,戴頭盔好安全。。

    ---------
    屎水?



  • 係梳起唔嫁麻~~



  • omg...


Log in to reply