已婚既我, 既想逃避妳〈愛情〉,又想擁抱妳, 點算好?
-
EF,
咁反問你一句, 倘若你另一半都係咁呢??
問心咁答喎.
-
我無所謂
-
因為我唔認為, 一個人0既人生, 要將自己0既情人 / 另一半放係第一位.
第一位, 可以有好多選擇, 可以係你0既家人, 可以係錢, 可以係事業, 可以係你0既朋友.
-
EF,
咁咪正如我所講, 如果係求物質生活的, 係幸福的人.
因為, 好量化. 你有二百萬, 你應該會快樂過你有一百萬.
你唔開心你現有的東西, 你努力你會得到.
真的, 當你有一天, 錢對你已經沒有感覺. 事業再不會替你帶來成功感...
你會再想一個問題.
得到世界又如何?? 如何可令我自己快樂??
-
呢0的就係個人0既價值觀問題
-
EF.
THAT'S RIGHT.
所以, 我不會要求每個人都有同樣的價值觀, 畢竟, 每個人的際遇都不同.
只是在這個話題上, 有點感觸, 所以留點心底話而矣.
-
唔緊要0既, 最緊要係活得開心 :)
-
麻甩一件 replied @ 2009-11-12 4:45 pm
easonfan.
我諗你講的, 係佛洛依德所講的, right?
但, 關係應該係雙向的.
====
ef 只是想講出一父母對子女的愛, 並不代表她否認或者一定要講埋子女對父母的愛架, 搞清楚的邏輯先. 此外, 雙向的關係, 並不等於兩個方向是 identical 架.
我話行車要行左線, 並不代表我否認或者一定要講埋, 對頭車行右線架嘛. 嗨...
-
愛妃~~ =)
-
所以我寧願成條街都係豬扒, 阿嬸, 或者老婆婆, 咁樣我就唔駛煩喇...
-
先多謝大家深入及嚴肅的討論。視乎結論是, 要找真心相愛的SL, 幾乎全沒可能, 就算有, 亦只會以不歡或傷痛告終。
我不禁會問, 難道每段婚姻中, 雙方都能同時獲得滿足嗎? 若有一方不獲滿足, 難道只有這兩種選擇嗎? 結束婚姻或刻苦忍耐;不是成全自己就是成全另一半的决擇。
本以為一對SL若能互補大家的不足, 這樣兩段婚姻四個人, 不就都能滿意嗎? 最緊要做SL的, 永遠都不能忘記"S"的意義, 否則四個人都會受傷。
我覺得SL的出現, 未賞不是補救現代脆弱婚姻或家庭的有效妙藥, 大家認同嗎?
adam
-
"我覺得SL的出現, 未賞不是補救現代脆弱婚姻或家庭的有效妙藥, 大家認同嗎? "
當然, 道德上會有好多人唔認同. 但現實上, 就係好多無奈.
人在選擇對像, 好似用個check list咁, 個男人有乜好, 有乜唔好, 你能欣賞他的長處, 能夠忍受他的短處, 於是結合.
例如, 那個男人很有事業心, 很顧家, 很努力, 很孝順... 等等, 大家會認為, 這是一個好男人.
但, 當生活下來, 你會發覺, 財富不能帶給你快樂. 你會想有人關心, 有人寵有人鍚. 偶爾會有一兩個無釐頭的笑話讓你歡歡喜喜. 但你能因為如此而將你身邊的伴侶打入冷宮?? 因為你的要求同之前的改變了嗎??
我相信不會.
然後, 你再想想adam的問題, 是否如同我之前定義的emotional supporter的作用??
-
點解唔可以夫婦間既關係可以係同時並存情侶、性伴、朋友、知己呢? 如果大家都可以做到, 咁即係代表唔需要再去搵一幅砌圖所遺失的一塊~~
-
0518,
yes,理論上可以, 就正如烏托邦內, 民主, 共產都無分別.
咪講係伴侶.... 就算幾好的朋友, 可以做到一世嗎?? yes, 細水長流, 可以, 但如果係日日見住的呢??
-
經過一連串的經歷, 被很多女she友罵我太多籍口俾自己, 覺得是時候反省一下。自己太過強求愛情的滋味, 可能與自己成長有關。絕不能為逃避而去傷害任何人。
我真的要學做一個能承擔一切包抱自己的過去的男人, 否則愧對亞當。
再次多謝大家分享看法, 尤其在msn裡那個漂亮的女孩, 令我明白何為一個真正男人,實無言感激!
adam
-
唉...講甘多都系企圖有理化婚外性行為.
唔係為性, 點解唔做個 CF(Close Friend) 而要做 SL 呀? 曬氣!!
唉...要搞婚外情, 就大大方方甘做, 承認自己受唔住引誘, 明知錯都做, 而唔係將婚外情有理化之後, 堂而皇之黎做, 企圖逃避良心的責備, 道德和家庭的責任, 甘做太鬼"shu" 啦.
我唔係想表態反對或贊成婚外情或婚外性行為, 我想講的是要還原每一樣野既本質而已, 開脫或有理化都是懦夫所為.
-
lucki,
我唔敢講sl =/= 婚外性行為, 起碼, 我自己無.
唔係無機會, 而係唔會. 我很清楚自己要d乜.
如果只為性, 何需付出感情?? 你我都係大人, 用錢買, 有幾難?
-
所以, 我唔會為呢個行為開脫或將之有理化.
只係, 當事人的觀點而矣.
我強調, 有目的而為的, 不管多有理, 只是藉口.
但起碼我清楚, 我沒有目的而為.
-
似乎意猶未盡...
其實我找籍口企圖去合理化, 的確是因我自己軟弱。我害怕自己的良心受責備, 害怕千夫所指。這種行為雖可恨, 但我不覺得妄顧一切隨心所欲去找, 是較討人歡喜的。當然最值的尊敬的是, 堅守從一而終承諾。
我亦是平凡男人一個, 對我而言, 愛至高表達的形式是性愛, 那種完全忘我的結合, 那種看着她陶醉享受的感覺, 非筆墨所能言。
沒有愛的性不是不好, 只是夾雜着一種互相比較的心態, 事後亦往住失落空虛, 得與失, 見人見智啦!
adam
-
麻甩一件 replied @ 2009-11-13 10:37 am
===============
要睇做法, 先知認唔認同!
如果係心態上作為一個平衡 或 取材之用, 我會認同!
如果藉口為平衡 或 取材之用作實際交往 或 發展, 我就不認同!
-
哇...你個答案真系好 cool 下
-
Adam,
你日日係咁down都唔係辦法喎, 睇下點會令你開心一點!
-
FS,
多謝關心,我已知道自己該如何做了。無論是做了甚麼,我都會有勇氣去承擔一切結果。我以往就是缺少這種承擔的勇氣,故凡事優柔寡斷,而性格亦變得枯燥乏味。我不喜歡如此,是時候去改變了。
多謝各位,包括罵我的所有人,我突然覺得妳們很可愛。哈哈!
祝假期愉快!
Adam
-
FS replied @ 2009-11-13 6:03 pm
Adam,
你日日係咁down都唔係辦法喎, 睇下點會令你開心一點!
===
遲早 "down to earth" 被活埋!! :)))
-
睇來大家較為認同的, 是發乎情, 止乎禮.
-
麻甩一件, 但又有幾多個真的可以做得到? 我諗尤其係男的更加難, 因為人有七情六慾, 尤其係自己所愛既人, 當然想全個去佔有~~
-
0518,
我自己會係咁.
我好清楚我要的是甚麼.
人快樂的原因, 是因為心靈而非慾念. (這是我一向的想法.)
能兩情相悅但又發乎情,止乎禮...
潛台詞便是, 你找到你便去吧... 記住, 感覺是雙方的.
那起碼, 在尋找的過程, 對方, 即你所愛的, 沒有受到傷害. 這是最起碼的要求.
-
麻甩一件, 其實我都試過與人心靈相通, 直至最近與那人傾返電話, 佢都有問點解我會知佢既近況同點諗, 我答唔到, 可能就係可以暫响佢既方面去諗同感受, 但真係感受得到對方既野~~
愛過就唔應該受傷害~~ 如果覺得被傷害, 可能係因為當中有期望回報~~
-
唔... 我自己算唔算??
可能好多人會認為, sex係一種感锖昇華...
我唔否定兩情相悅好自然進行的呢種行為...
但, 起碼, 性唔係目的, 而係過程. 愛先係目的.
係沒有愛的前題下, 或者, 係未確定係咪一定要去到呢個位... 咁又何必要性呢??
-
麻甩一件, 咁你都唔係麻甩喎~~ 你係咪天蠍座~~
-
csls0518 replied @ 2009-11-17 12:25 pm
麻甩一件, 咁你都唔係麻甩喎~~ 你係咪天蠍座~~
=====
天蠍??? 應該係天使
-
luckli, 咁你都唔差啫~~
-
我亦是平凡男人一個, 對我而言, 愛至高表達的形式是性愛, 那種完全忘我的結合, 那種看着她陶醉享受的感覺, 非筆墨所能言。
====
愛至高表達的形式是性愛...........哈哈哈哈, 另類邏輯王
-
luckli, 你好鬼死衰~~ 版主想表達佢既邏輯啫~~ 哈哈~~
-
luckli.
yup. 我係天蠍座的. (點解你咁估??)
-
因為我以前認識而可以心靈相通既, 正正就係天蠍座既男人~~
-
0518,
咁o岩o者.... 起碼, 今次我諗的, 你未必認同, right??
俱往矣, 數風流人物, 還看今朝.
-
至於版主嘛... 哈哈.
朝聞道, 夕死可矣.
雖千萬人, 吾往矣.
^^
-
對方正正就係尊重我, 所以都係發乎情, 止乎禮~~
-
咁我明你講乜.
^^, 或者你可以咁講, 唔能夠係埋一齊係緣份. 但呢個人, 不枉你愛過.
所以, 不值得呢首歌, 唔屬於你.
-
大鑊,我都係天蠍座!!
-
麻甩一件, 其實你都似佢架, 當然我知一定唔會係佢啦~~ 哈哈~~ 因為佢得閒死唔得閒病, 佢唔會上呢類既討論區~~
佢都係識寫詩, 亦係跆拳道黑帶 (當年, 哈哈)~~
當然佢係一個好叻既一個人, 至今佢係令我傾心既人~~
-
哥, 放心, 唔係每一個天蠍座既男人都吸引到我對佢既傾慕愛戀既~~
麻甩一件, 係, 呢首歌當然唔屬於佢同我, 如果係要, 都會係「當我想起你」, 如果時間逆轉, 要我重新再揀, 我仍會選擇與這人相戀~~
-
哈哈, 所以, 好多人認為, 男人會去叫雞.
但對住我, sorry.
沒有愛的感覺, 我會寧可不要.
所以, 我會去滾.... 成班人一齊叫小姐去卡拉ok, 我會去. 但, 永遠無下文.
我唔係一隻唔食魚的貓, 只係, 我會有要求lor.. 哈哈. (雖然都係一件麻甩.)
-
咁當然啦, 人點會無要求? 所以有得揀當然會揀啦~~
-
"如果時間逆轉, 要我重新再揀, 我仍會選擇與這人相戀~~"
作為男人, 呢一夠已經夠佢為你付出了.
寫詩? 我都寫過, 分手時寫的.
"暗暗的燈影暗暗的路,
沉重的腳步沉重的心,
別過的回憶別過的你.
回家的路上回家的我."
-
btw, 係咪好低b... ?? 哈哈.
-
... 不過, 首詩係寫俾自己.
-
wing62...
"大鑊,我都係天蠍座!!"
有幾大鑊.... 有十二份之一人都係天蠍座.
不過, 天蠍座好慘, 連粒守護星都無埋.... 好似沒有家國的孤魂野鬼而矣.
-
但我覺得佢係好吸引我既一個男人~~