男友之前應承左你陪你做檢查﹐到臨去前一晚才爽約你會...
-
如果你男友個幾禮拜前應承左你會陪你去醫院做檢查﹐但臨到去之前一晚﹐先同你講話要車阿媽去拜神唔同你去。
你可唔可以做到完全無野?
十一點幾晚上打黎﹐一句就話﹐我聽日唔同得你去﹐你自己去喇。
甘就算。
你可唔可以當無野?
-
Why?
-
打黎一句話唔陪我﹐咁算喇﹐我仲可以講咩﹐
甘我只可以回番佢。 ‘咁我自己去喇﹐bye bye'
到第二日﹐我自己去做檢查﹐中途﹐佢打過黎﹐我無接。
到我回到家﹐佢第二次打黎﹐今次我接﹐ 佢簡單問我幾句﹐有無野﹐我答未知。
就係咁。
我唔知佢知唔知我唔開心。
但我只知﹐ok 其實我知係好少事﹐但你黎唔到就始終黎唔到﹐你講多幾句野 tum下我﹐求其安撫下我都好﹐點解都唔會做。
我真係唔想同佢講野。
-
Ah ma is bigger than the sky!!!!
U know?
-
咪會好嬲囉, 但又可以點呢?!
-
依家我真係唔想同佢講野。
我稔﹐佢根本唔知我唔開心。
-
Add me to share if u want.
msn: [email protected]
-
joe
你可唔可以行開d
-
咁同我講啦
-
浪頭打死你 replied @ 2009-10-17 10:42 am
咪會好嬲囉, 但又可以點呢?!
係﹐exactly,就係你講咁。我真係好嬲﹐但我可以點。。。
我又唔可以同佢嘈﹐ 佢話佢要車呀媽﹐我可以講咩??!!
但我真係無辦法大方到無野囉
-
其實佢如果打黎tum下我都好
點解﹐點解連tum都唔會tum下
咁想我點樣???!!!
我真係下唔到啖氣
-
睇一個人對你點, 應該係整體而言, 如果只係將一件事放大, 對佢唔公平之餘, 亦對大家既關係沒有一點好處
-
Hi
-
佢打黎我只係 一句起﹐兩句止咁答佢
佢都聽唔出我唔開心架咩???!!!!
都唔肯講一兩句黎tum我
咁使唔使我同佢道個歉...
-
咁又典丫?
-
妳應該向佢道歉架!
-
似乎題主完全冇考慮整體, 只係將自己既感覺放大, 睇黎佢男友都唔會有好日子過
-
BiH
我完全唔係想同佢啊媽計﹐
無錯﹐啊媽係大曬的。
我唔會蠢到同佢啊媽比
我只係嬲點解佢連tum下我都唔會。
佢確實係做唔到佢應承我既野﹐就算有無理由都好。 無做到就係無做到。
點解連一句唔好意思都唔會講??!
-
無限放大又怎樣?
老人家拜神是重要
妳不明白?
-
BiH replied @ 2009-10-17 10:53 am
似乎題主完全冇考慮整體,
咩野係叫整體??!!
我自己同佢相處﹐就係覺得﹐去玩﹐去飲飲食食就得。
一講到真係靠佢做一些正經事﹐就無影縱。
-
妳識佢個陣唔知道佢乜水咩?
唔知道佢性格?
分手啦!
-
板主
而家d 男人好多都係飲食造愛就ok,
正經事就失蹤。
-
hi
-
Hui
-
=================================
BiH replied @ 2009-10-17 10:54 am
無限放大又怎樣?
老人家拜神是重要
妳不明白?
=================================
呢住朋友, 你係咪唔覺意用錯左我個 alias 啊?
-
toetoe replied @ 2009-10-17 10:46 am
係﹐exactly,就係你講咁。我真係好嬲﹐但我可以點。。。
我又唔可以同佢嘈﹐ 佢話佢要車呀媽﹐我可以講咩??!!
但我真係無辦法大方到無野囉
................................
既然唔開心咪嬲佢囉.
佢係獨子嗎?
-
咁就更加要平心靜氣同佢傾一傾呢個問題, 等佢了解你真正嬲乜, 等佢去改, 如果佢都仲係咁, 你覺得佢適唔適合做你未來老公? 唔得就快斷, 對雙方都好.
-
浪頭打死你
其實你明唔明白我
我只係想佢tum番我者
點解都唔會。
明明電話到都應該聽得出係嬲
咁依家者係點。
-
BiH
點講﹐佢只係打過黎。大家一問一答就收左線。
佢連我係咪嬲都無問過。
根本都無講野。
點玲出黎傾??!!
唔通﹐我依家打比佢﹐問你知唔知我嬲啊咁阿。
-
TOEOOE
我係唔明喇.
不過如果你只想佢TUN番你, 咁你下次見面或者講電話時同佢講你好唔開心囉.
咁佢應該識做啦!
-
點解唔可以? 你唔想佢了解你? 你唔想下次佢唔會咁咩? 就係因為佢唔知, 你更加需要講佢知, 但 "重點" 係... 唔可以發脾氣, 只可以平心靜氣講呢件事俾佢知, 當中你係邊一點覺得唔開心及氣憤, 但因為佢唔知, 所以冇嬲佢, 不過就唔想再發生咁既事, 或大家既未來著想, 不得不坦誠, 希望佢明白, 咁咁咁...
-
浪頭打死你
連 我唔開心呢句都要自己講佢先知呀???!!
。。。
-
BiH replied @ 2009-10-17 11:06 am
咁就更加要平心靜氣同佢傾一傾呢個問題, 等佢了解你真正嬲乜, 等佢去改, 如果佢都仲係咁, 你覺得佢適唔適合做你未來老公? 唔得就快斷, 對雙方都好
我同意BIH既講法, 但真係要心平氣和咁傾, 兩個人相處溝通係好緊要, 如果佢到時既答案同你既諗法有唔同, 你就自己諗下係咪應該繼續同佢一齊啦
-
BiH replied @ 2009-10-17 11:15 am
咁如果佢係知我嬲呢
我唔認為佢會唔知。
但佢繼續唔理。
呢一點我好唔開心。
點解佢明知我嬲都仲要系電話到收線。
唔tum唔問一句。
-
TOETOE
咁一係你睇下佢陪阿媽拜完神之後有無主動TUN番你先囉.
-
同意 replied @ 2009-10-17 11:16 am
我同意BIH既講法, 但真係要心平氣和咁傾, 兩個人相處溝通係好緊要, 如果佢到時既答案同你既諗法有唔同, 你就自己諗下係咪應該繼續同佢一齊啦
我到依加都無嗌過交。
不過﹐我真係好唔鐘意佢咁樣。
係佢真係唔識tum定唔想tum??
-
浪頭打死你 replied @ 2009-10-17 11:19 am
TOETOE
咁一係你睇下佢陪阿媽拜完神之後有無主動TUN番你先囉.
拜完好耐喇。
過左一日喇。
-
下~
咁佢有無打過電話比你呀?
-
我同EX從來都無嗌過交,有問大家都會攞出黎傾,但係有D野係唔夾就唔夾,最後都只有分開
-
浪頭打死你,
果日做完檢查後﹐有通過一次電話。
我米就係一句起兩句止囉。
咁佢亦無理我。
-
唉, 妹妹, 你咁樣點同男友相處, 有乜事就扯火
拉開個題目同你講下, 睇你有冇點啟發...
其實, 男人都係由男仔變成, 你唔可以叫一個小朋友頂天立地, 但到底幾時我地先認為呢個小朋友可以呢? 外型? 心智成熟? 如果冇經歷, 人, 又點會長大? 你都會有做錯既機會, 係咪? 如果你係向大前題既方向行, 咁就要多一點既包容.
不過講真句, 我覺得你都係比較年輕, 凡事都係以自己既感覺先行既人生階段, 我依家講既野, 你唔會聽得入耳, 隨緣~
-
每個人心裡面既定位都唔同, 有人會以屋企人行先, 有人會以另一半行先.
有時會係比自己認為重要既野遮住左睇唔清楚架(可能佢會諗,陪呀媽啫,又唔係去左玩,你無理由會嬲既)
-
哈~
你平時有無發脾氣既習慣嫁?
佢好似想避/失憶咁喎.
同意
我同EX都唔無咩嗌過交, 咁唔代表D咩~
-
BiH
你講既野我明。
但我最唔開心既係佢個種若無其事既態度。
-
首先, 你未確定佢知, 定係唔知, 但你己經認定佢知, 如果, 佢唔知呢? 如果, 佢知你嬲其實會好認真咁向你道歉呢????
假如, 你估既係真既, 佢係咁既人, 你仲嬲黎做乜? 你仲要委屈自己同佢一齊咩?
-
By
-
妳好似我老闆戰國四公子之一嘅趙國
平原君,由日出講到日落都未講完一件事!
-
toetoe replied @ 2009-10-17 10:41 am
打黎一句話唔陪我﹐咁算喇﹐我仲可以講咩﹐
甘我只可以回番佢。 ‘咁我自己去喇﹐bye bye'
到第二日﹐我自己去做檢查﹐中途﹐佢打過黎﹐我無接。
----> 佢有搵你你唔聽電話咋喎, 可能佢果時想黎搵你呢~
到我回到家﹐佢第二次打黎﹐今次我接﹐ 佢簡單問我幾句﹐有無野﹐我答未知。
就係咁。
-------> 可能你d語氣好cool, 佢唔知點應付你, 所以連野都唔識講就收線,諗住等你心情好d先再搵你
男人有時諗野好簡單直接
佢地真係會唔知你嬲緊, 同埋嬲咩架
如果你因為咁而唔開心
你大可直接同佢講番你既感受
其實你想佢點做來comfort番你
咁佢明白左下次識做, 或者唔會再係咁樣囉
唔出聲等佢tum有時唔work架
佢都唔係你,佢都唔知你既要求
-
正人渣, 同佢分手啦.