老果d跟唔上我哋d後生



  • @.@ 你知喇... 後生時其...好多o靚仔o靚妹都上依個facebook, xanga, twitter, etc. .

    咁個個人玩facebook都會放下自己d相啊, 屋企人d相啊..同朋友影果d.



    點知比我啊婆見到我幅display picture係facebook .. 就鬧...從朝鬧到夜晚 =-=

    好煩 .. 佢又話危險..唔自愛..咩都show曬比全世界睇



    啊媽..見到我有900幾個朋友又鬧 .. 話我咩人都唔識都照add



    真係唔知點可以幫佢哋睇化下依家年輕人中意d咩....

    咁樣又唔岩 依樣又唔岩 !!!!!!





    你哋係米咁諗法 唔應該放太多private (相﹐blog) 嘅嘢上網..

    還是你屋企人都唔同意你咁做?



  • 你阿婆有自己睇法, 你都係有自己睇法. 大家都只係有自己不同的睇法, 無話邊個啱同唔啱, 不過佢輩份高過你, 佢就可以開口話下你, 目的都係想你好.


    我覺得3唔識7, 我都未必會放好多相上網囉.



  • 點解係要佢地去睇化?唔係你嘗試去了解佢地點解咁諗?阿婆阿媽去關心你都嫌三嫌四,佢地識facebk都唔係好老土那類。


    奧巴馬都叫人唔好咩都放上facebk。


    自己私人生活,其實的確無咩必要太公開,不過呢d各人喜好啦。


    仲有你嗰題目,老嗰d跟唔上我地d後生,跟唔上,覺得佢地及唔上你,放相上網有幾了不起,阿婆阿媽唔放就係跟唔上,要跟咩?跟風定跟潮流?




  • You must be a teenager. I just feel that the problem is on you not the one who love you.



  • 呢0的叫代溝, 無需要大驚小怪



  • 我D朋友都係唔識唔DD嫁喎.


    又一定唔會SHOW相囉.




  • 我唔覺得佢地有問題喎





    反而係時下d人太open


    三唔識七都show曬俾人睇


    仲要隨意add人做朋友,仲出黎見面





    有好多都以為自己醒,唔會俾人呃


    偏偏就係呢d人最易呃



    1. 著實你又太隨便, 900幾個所謂朋友, 相信你大部份都只是網上識. 咁我覺得應該選擇性比私人相片朋友睇, 唔應該係人都睇到你D相片, 所有個人資料.



      2) 我唔覺得你婆婆媽媽有問題, 如果你是女仔, 佢地只係想保護你, 怕你小妹妹入世未深, 亂咁識人比人騙財騙色. 我都做過小妹妹, 會覺得媽媽管得太嚴, 乜都緊張, 乜都要理. 現在長大左, 先明白佢地用心良苦, 想返起以前, 又真係傻下傻下好多野唔識. 但細時就以為自己好醒.



      3) 始終年紀差距, 思想總會有分別, 同時可能你本身平日都唔定性, 思想又唔成熟, 佢地才會緊張你.



  • 我個仔都add 左百幾個 fds, 大部份都係佢d 同學, 我叫佢add 我, 佢死都唔肯.





    我有問佢d 人你識哂架, 佢又唔睬我... 好彩佢無upload佢d相上去, 都識keep 返d 私隱.



  • 如果唔係公開profile , upload自己的相無咩問題


    如果係公開 , 就小心d 啦, 你d長輩食鹽多過你食米, 人地話得你岩.



  • 題外話...

    老實講,真係跟吾上你地d後生,返工七成時間上網同msn(吾知做咩同菲庸一樣咁多野要傾) ,三成時間工作,其實老板現dull dull俾足糧你地,你地就呃飯食,攞著數就最叻。



  • 唔好做錯事好似趙小姐咁俾人起底,應該都冇問題既. ;)