就來三十, 但對前路有點迷失,有無同道中人呀?





  • 做左就來十年野,PT讀完Master, 最後兩份工都係上巿公司做部門經理, 但今年CNY後因為老細要Cost cut, 自己唔想再捱落去, 唯有辭工返左美國半年讀書同埋探親友, 7月中先返來香港,早幾年係低位買左樓同股, 係08年頭股巿3萬點時賣左股票同樓,叫做賺唔少,有成二百萬現金, 又係09年頭分段買返股票, 無做野呢幾個月股票賺左我成兩年唧人工,但而家返來搵工,有兩份工,佢地都話我合適,但人工比之前要低成一萬二到萬五,我都唔知做唔做好,其實又唔係好想打工,想羅幾十萬自己試下搞D生意.但又心大心細. 我而家手上長線股票有成二百萬,我打算放二十五年,每年睇下有無需要換馬,PE 20以上就放,10以下買,我估唔係做得太差,二十五年後都應該大約等於而家唧1000到1500萬,咁到時就轉去保守唧投資, 計落都夠退休, 所以而家可以有一百萬到唧錢可以羅來短炒或者做下小生意. 但其實計落都好灰, 自己好似好努力, 但其實你成條路已經睇到啦,成世人就係咁架啦.無曬細個時個衝勁同理想,開始對自己無咩信心,唔知做人為左咩,有無朋友都有差唔多唧睇法呢.



  • 曬命咩僕 街仔
    咁能想搵人生義意
    死去台彎救災啦!!
    死 僕 街!!!



  • nice to meet you, i'm 33 years old, single, male, live in T.S.T, back from canada, this is my msn : [email protected]



  • 我已經過左30啦.



    無咩既, 一日未死,生活都係要過啦.



  • 有$真係好大哂..講二句野都大聲D



  • 係呀~



    但唔係個個都有錢囉, 只少我無.





  • 有$又點..

    睇下佢就知道.

    做人,做到咁唔開心..

    都係無$好d



  • 無錢都唔代表會開心嫁喎。



  • 點解咁講??

    不過,無$真係有好多唔開心的事.

    成日都比人睇唔起,開飯都成問題..等等.

    人就係為了上進而努力..

    好似佢咁,,咩都唔努力的話..有$又點..好快就用完啦!!

    30歲,得個幾百萬,,,呢多一次金融問題,,咩都無哂.

    咁..自己重有份牛工.都好過要去求人比人工.



  • 一樓果兄台,絕無曬命, 得二三百萬值得曬咩? 係講而家唔知應該點行落去, 無曬以前D衝勁, 工唔係搵唔到,但比之前差好多,人就無咩信心,可能中年危機瓜,由細到大講唧努力讀書工作,將來一定好,但其實唔一定羅, 想搵D朋友分亨下姐,可能有朋友以前都試過咁灰,而家過左有經驗可以講講,但唔好叫我信教呀!!.. PS救災就唔識,去到要人救返就無謂,錢都捐左D羅



  • 異地工作人員大哥, 做人如果唔太貪,識見好就收,金融問題其實影響唔大,我都經過左科網股爆破,沙士同埋今次百年一遇唧問題,都係有賺到錢,簡單D, PE 20同10基本上都可以幫到你決定,其實最緊要唔好想賺到盡,無咩大問題架.工唔係穩唔到,係無咁好,同埋唔知自己想點,對自己無信心,所以想搵有經驗唧朋友分亨下,我唔係唔開心,係有D迷失姐...



  • 扮野, 肯定你心地同人品都唔好



  • 睇完都唔知你想呻咩

    奇怪的人



  • 其實,佢想呻.

    我無朋友...女朋友..

    不過,我有$



  • 呻咩? 當你覺得你應該係可以越來越好時,但到頭來發現原來唔係架,係會比你之前差左,以前一路都係行緊順景,起碼未試過人工職位會低左,會有無野做唧日子,比為你一路努力就會有光明前景,但係而家面對到D以前未遇過唧野,有D接受唔到走下坡羅,我知人生實有起跌,但我無經驗,所以唔知點面對,想搵人傾下姐..唉!



  • 異地工作人員,女朋友我有,朋友都有,但有D野唔係好方便同朋友講



  • 勇於面對, 唔係點?



    學你咁講, 你以前咁好景, 但依家竟然走下坡, 你經唔起錯挫係意料中事啦



  • 愈睇愈覺得扮野, 咩最後兩份工都係上市公司部門經理, 你係歉虛既又點會咁講野, 好虛偽既人



  • hermit, 我係講我個情況,部門經理係我當時唧位置,點解講真話係曬命呢?謙虛我就要話我當時係某公司打份牛工?



  • easonfan,多謝回覆,我而家就係唔知係應該低D唧人工都照做,定係再等到我滿意唧工先做,又或者自己試下創業,唔知邊樣先會幫到我最大



  • 想要新挑戰咪創業囉, 唔係點姐. 又顧呢樣又顧個樣



  • 又話自己先得就黎三十, 又話自己係上市公司部門經理, 又話自己有幾百萬cash, 又話自己去美國讀書, 但又話自己唔係扮野?



  • hermit, 我估你可能覺得自己無呢D野, 所以認為其它人話自己有就係扮野,但呢個世界未三十靠自己比我而家好十倍百倍唧有太多人啦,我呢D只叫比上不足比下有餘.唔值得曬,你咁睇我只好講句你只懂得坐井觀天,你俾唔到意見我無所謂,唔使一路來落井下石架



  • 版主咁多人死吾見你死既??



  • 如果有資本、有鬥心、有計劃就創業罷~

    不過你要預左輸先, 講真, 你有得揀工在依個時勢已經唔錯,

    唔可以永遠同自己好景時比較的~

    如果你連咁都唔可以接受, 咁不如唔好去做工, 留返個位俾其他人,

    因為你做得唔開心, 都係哂氣~



    創業做老闆可能岩你~



  • 咁又點呢???



    我覺得, 做人最緊要活得開心



  • 人生有趣既地方就在於你永遠唔知聽日發生咩事....

    你以為睇到條路穩穩陣陣果陣, 都唔擔保你唔會遇到D雷曼表弟呀果d..一鋪就清你袋....



    你要曬命既..唔好用把口....多d請下朋友食飯做多d善事..

    or你純粹不自覺無病呻吟既, 不如花多少少去叫雞等人地吟俾你聽好過啦......







  • siubo1212 replied @ 2009-08-17 2:09 pm



    easonfan,多謝回覆,我而家就係唔知係應該低D唧人工都照做,定係再等到我滿意唧工先做,又或者自己試下創業,唔知邊樣先會幫到我最大



    呢0的要你自己去衡量



  • 我過多2年都30了...真係唔知係咪咁就一世....



  • 其實爛你過左30, 你會諗40,50,60...







  • 不如你俾幾百粒我炒下啦,包你有人生意義呀

    我買乜跌乜,你日日昅住我個組合,包你夠曬驚嚇


Log in to reply