[求救] 希望姊妹們賜教

[hawa]

幾個月前發現男友晌網上識左個女仔
經常夜晚傾電話 (我訓左覺之後)
我同男友表白左話我已經知道有呢個女仔存在
而男友知道我唔開心就同個女仔劃清介線

近一個月, 我每日都收到不下五個無來電顯示既電話
有講比男友知呢d騷擾電話，我既直覺話我知係個個女仔
到上個星期，個女仔唔覺意顯示左佢既電話號碼
而我亦都鼓起勇氣打番過去，好平心靜氣咁問佢日日打比我既目的

呢個電話裡面，個女仔話比我聽，佢同我男友已經發展到情侶關係
但電話完畢之後，佢sms 我話所有野都係作既，只係想屈我男友

前晚，佢又再打比我，聲稱佢之前話屈我男友既事係講大話
實情係佢地真係發生左關係，佢甚至講左邊幾日佢地去左邊間酒店

雖然男友絕大部份時間都唔會失左蹤
但有某d 因素令我對呢件事半信半疑
個女仔話係用我男友既身分證登記
但我唔想驚動我男友
想問問大家，有無方法可以check到有關酒店既check in record

[csls0518]

依家你係咪仲同緊你男朋友一齊? 如果係, 我覺得你唔好理會個女仔講乜, 就算真係有其事, 唔發生都發生左, 就由得佢算數, 因為你根本唔知個女仔講既係真話定假話, 因為佢曾經前言不對後語, 無謂傷神~~



至於男朋友方面, 你咪抽多 d 時間去陪佢, 唔好再浪費咁多精神去 check 佢有無同人去開房, check 到, 你係咪打算同佢分手? 如果係, 咁你就去 check 啦~~



不過, 如果你本身諗住同佢分手, 又何必要去 check 佢呢?



如果你唔諗住分手, 咪當算數囉~~ 至少個男仔都知你唔開心而有所改變, 起碼行為收儉左~~



有時你應該好清楚男朋友既去向, 唔一定要下下 check 住佢, 但你應該可以從言談間或溝通之間發現得到佢有無講大話~~



唔好比無謂既外來人去破瓌大家既感情同信心~~

[hawa]

csls0518 多謝你花咁多時間比個reply 我



其實我係諗, 如果我發現男友真係呃我既話

我會同佢分手.. 我都明白過去應該由佢過去

個女仔講左一樣野..話同我男友有左bb.. 而男友不顧而去

呢個係我想求證既原因之一..

[csls0518]

我覺得佢可能係想破壞你同你男朋友之間既關係多 d 囉~~



你同你男朋友拍左拖幾多年? 佢既為人你應該好清楚, 佢係咪一 d 咁不負責任既人呢? 你要回想返你倆拍拖既日子以黎佢既行為, 無論係對你定你既朋友定你既家人定佢自己既朋友同家人, 你都要回想一下佢到底係咪 d 咁不負責任既人~~

[Jade]

其實點睇你男友都唔係一個好男人

假設佢今次只係追下女仔,乜都無發生

你會唔會想同你男友結婚先?

我覺得佢根本就未定性/唔係一個合格既結婚對像



如果你只係想一陪

無論佢有無係出面同人攪過

我覺得你應該原諒佢

如果你係想搵個結婚對像

佢有無同人攪過

我覺得都要同佢分手囉~



我覺得關係既底線

唔係在於佢有無同人攪過

而係在於佢覺得你地既關係有幾重要



今次好彩你check到

到你同佢結左婚

有埋bb時

再俾你check到

咁你又接受到嗎?

到時你會將你既底線退到只要攪完

佢俾錢人落左個bb就ok嗎?

[rachelgreen]

版主
如果個女仔唔係同你男友發生左感情﹐唔會用甘多時間去騷擾你做甘多野
唔知岩唔岩呢~

[csls0518]

但個女仔好似係前言不對後語喎~~ 如果佢真係無講大話, 做乜之前講話係想屈你男朋友呢?

[rachelgreen]

應該係個男仔叫個女仔改口供的

[csls0518]

但如果我係個女仔, 我好愛個男仔, 我明知佢有女朋友, 又點會肯改口供呀?

[Jade]

有無改口供都好,我覺得佢地唔止行下街咁簡單囉~

[rachelgreen]

唔知啊﹐估下咋﹐諗下有咩可能性咋嘛 88

[daddy]

D 咁質素嘅男人





劈落回收箱





Delete 佢啦！

[死肥妹]

邊有貓唔食魚



姐妹, 俾你check到又點? 我話俾你知就算你有曬証明個男人都會死口唔認

[ee1234]

其實

你有冇見過貓吾食魚



系男人都會去滾

你鍾意米睇緊d, 甘佢憎你快d

[ee1234]

你睇上面d話人中坑

有老婆



米成日等free lunch



男人系甘架la

[水晶球]

hawa



如果我係你，我會同個男友講呢個女仔係咁搵我講埋呢d野，然後睇個男友點樣答。



呢個女仔講既野有可能係真，但亦有可能係假，無論真假，目的都係想你離開個男友。



我覺得最好係三個人坐埋一齊講清楚件事，唔好估估下，亦都唔洗去check 你男友有無做過。



至於你既電話，點解個女仔會知道，你真係好應該問清楚你個男友。

電話係你既私隱，你個男友應該保護你既資料唔好畀其他人知道。

[cool7002]

我唔係姊妹, 我八卦及多咀想搭訕 hehehe ~ 

1)想破壞你幸福, 最好既做法就係令你半信半疑! 你信就會分手(達到目的), 你唔信就會痴線(又係達到目的)!

2)個女仔知道個男仔有女朋友都肯同你男友上床, 咁個女仔肚入面個個, 唔驗DNA都一定唔知經手人係邊個喎? 得你男友識上床咩?

3)要CHECK酒店資料, 你唔係警察都幾難可以做到? 一陣你發曬矛咁去查, 你上埋報紙, 唔需要知真相, 你男友都一定飛你?

4呢個世界無岩定錯, 只有願意或不願意! 你願意與他/她一起, 他/她是殺人犯你都會願意! 

最後....情變最大既可能性, 就係產生不信任, 既然不信他/她, 何必浪費時間去查? 知道或不知道真相, 結果都係分手? 傷咁多神做乜? 有時間...不如想下怎麼辦可以修復雙方關係重好過啦!


肺話完畢, GOOD LUCK ^^

[oldman]

明知講肺話都講,食�鷖艦憫r！

[ANN]

Hawa



其實個女仔打比你咁多次

實有原因 你估係貪好玩咩

但我認為不似係想玩嘢/或想破壞你同男友感情

因為呢D招數是有機心的女仔不會做的

即係佢冇必要浪費咁多時間嚟煩你



建議你同男友灘牌

一切問清楚

睇下佢點答

相信女人的直覺好多都WORK

若然佢犯過錯

你就要考慮清楚是否自己可接受和原諒佢



其實他之前出去識女仔

已經係好不忠

呢次原諒佢 亦好大機會有下一次



我只能分享是

我好後悔之前在我証實前男友有第三者時

我還想能挽回佢既心 (實在超級後悔當初我咁冇骨氣)

著實.... 我應該狠狠地給佢兩巴



不要浪費心思和時間在不值得的人身上

希望你能灑脫D

[hawa]

多謝咁多位, 我會審慎諗清楚

多謝你地.