有無人可以講我知，點解佢會咁樣？
-
最初識佢既時候，我係唔知佢有女朋友架，當時佢對我既態度係好曖昧，即使一個對望一句說話，都會知道佢對我唔似一般普通朋友既感覺。可惜陰錯陽差，俾我係街度撞到佢同個女仔一齊，雖然當時佢地無拖手，但o個次之後佢對我既態度就改變哂，好cool、忽冷忽熱，甚至有時會當睇我唔到。由於工作上我地會成日碰面，所以內心幾難受也好，我都好落落大方地面對佢，佢亦都好清楚以我既性格係唔會做人第3者，所以一直以黎都叫做相安無事。
唉.....其實我都已經好迴避，即使內心仲對佢好上心，我都唔會再有任何行動表示，只係每次見到我都正常地打招呼微笑，希望叫做令大家都好過d，氣氛唔會咁奇怪，大家當無野就算，但佢既態度就好反覆，我好sure佢會sense到我因為佢呢d行為而唔開心，咁事後又會好番好多，不過好快又打回原形，如是者....已經2年係咁。
我真係唔知點解佢要咁對我，難度佢唔覺得攰咩？我真係好攰啦....係咪要我徹底地避開佢先叫解決？
-
有冇同佢傾過?會唔會只係妳單方面諗多左?
-
無論佢態度如何，你都係諗多左
既然佢已經有女朋友，既然你一定唔會做人第三者，佢心態係點都已經唔重要
為一個無關係既男人唔開心兩年？
版主你太鑽牛角尖了，放開D啦
-
既然你唔係想做第三者, 又唔係鐘意佢的話, 咁點解你要咁介意佢對你冷冷淡淡忽冷忽熱呢??
純粹只係當佢係一個普通同事啦
-
you are so on 99....wast etime bitch
-
you are so on 99....wast etime bitch
---------------
she.com硬係咁多死傻hi..
-
咁都被人玩左兩年..
-
係既...可能係我太鑽牛角尖，係我太過放唔開！我只係想知，我係咪應該徹底避開佢
-
根本妳就係鍾意佢, 當佢唔理妳時, 妳就會覺得唔開心
-
我都唔明你有咩放唔開.
係鐘意人就認左佢
-
咁大個人了, 唔洗避, 都兩年了, 係男人早就表左態, 重要煩左兩年??
-
咁都無情情煩左兩年, 咁如果真係同佢一起, 之後被佢玩, 你咪可以去自殺???
-
版主, 學習一下點樣去面對人和事啦
下下都話要逃避, 呢一世, 你要避0既野, 可能比你0既壽命仲要更加多更加長
-
個男仔有問題，唔夠大方。
版主放開d!
-
我覺得你浪費左兩年時間多啲囉 !
無論你曾經對佢有冇動過心都好, 抑或你唔甘心, 忘記佢罷 !
佢叫你, 你咪say hi, 唔叫你既, 工事上有合作先傾囉! (只限工事)
-
老實講丫!
個男仔肯表態避你咪算好囉, 好過佢吊你癮兩年, 又唔係追你, 更加唔係鍾意你先死喎! 純粹過吓賤男癮, 你到時仲死多幾錢重!
你當大人有大量, 寬恕別人啦!
-
可能佢真係對你有興趣，想現下曖昧
只不過俾你發現左佢有女朋友，咁佢咪收手囉
只係你太上心
又或者你好勝，自己擺明受溝但人地縮沙你感到唔甘心
-
或者係我交代得唔清楚啦....無錯，我係好鍾意佢，一開始已經係，佢亦都feel到，當時只係爭佢kick off....只不過時也命也俾我撞到，整定。
其實我開得呢個post都預左俾你地鬧我傻、浪費時間....只係唔知點解今日個腦又諗起佢，想借個位舒發下，同埋好想俾人鬧醒d。老實說，對佢我已經鍛鍊到eq好高，即使佢對我態度好差，下次見到佢我都當無野，唔係純粹因為我鍾意佢既，只係唔想將私人感情影響其他人同事。有時頂唔順好想寫封信講哂d感受出黎，但最後都無...因為我知寫左又點？都扭轉唔到d咩野，只係覺得如果佢都可以鬆容d面對大家，唔好再忽冷忽熱，可能我會更加快放低件事。
-
你知就好啦, 佢都知你想點, 但佢又唔郁, 咁咪算啦, 做人既野, 自己巳表左態就得架啦, 佢無反應就算唔洗理佢, 你等都等左2年, 又被你撞到佢同個仔一起, 咁... 都好足夠啦
-
lavenda,
呢種男人o既心理我就最明白, 因為我都係男人
佢係想同你有進一步o既關係, 但係佢亦放唔底佢自己已經有, 或者身邊其他o既機會, 所以一直都拖住你, 又唔會同你講明, 因為佢覺得日後有機會可以再同你黎過。放開o的就冇野架喇, 唔好咁鑽牛角尖。
得閒搵我傾下計啦, [email protected]
-
版主
小心呢度啲搵食男, 呃你上床
-
或者, someday, 佢同你講佢同另一半no feel ga la..but won't dump her (pretend to be responsible) and ask u to be his another half law...
-
你等左兩年, 都仲放唔低, 但係唔代表對方仲對你有意, 至起碼佢既行為, 假設對方對你仲有少少心,佢所對你既表現, 亦已經有心無力, 不想更進一步, 連同你玩下曖昧都懶 , 連返兜曖昧都欠缺動力, 你應該感謝佢放生你!
-
When I first met auntie C.....she was somebody's wife.....I adore her but I was afraid from the bottom of my heart everytime I saw her.....
Somehow she divorced and we became lovers naturally......I am still shivering everytime I kiss her lips.....
I tell you this cause some guys were born to evade love.....afraid of losing it.....
So it is your effort to untie his knot and release his heart.....
Good luck!!!.....
-
你博佢會同女友分手, 真係搏唔過, 勸你等多半個月或半年, 都係一種折磨
-
係既....我都覺得"有心無力"呢句好中，所以我都好多次同自己講，佢對我差可能真係好多過壞既
-
用下腦
吾好自尋煩惱
-
星期五收到公司notice，我要掉去第2個centre做野....我未必再有機會同佢接觸，至少工作上冇咩野需要聯絡，我諗對我係一件好事。
-
世間本無事 慵人自擾之