水怪 -0-"
-
唔係好明點解,咁多男人鍾意做水怪~吹水唔抺嘴....今日有個客都幾攪笑,唔知係咪等老婆悶得濟,走過嚟係咁聊我地,佢好多野講,無耐仲開左個話題,就係某女星懷疑出家為尼,對話如下~g=男人,me=我g:挨,其實女人咁叻做乜吖,咪又係孤苦伶仃,好似阿三毛呀,張愛玲呀咁,都係含恨而終....me:不過佢地見識唔少,都好呀,路自己揀既咪得lawg:好似呢兩日至話有個女星咁,看破紅塵出家為尼喎....me+同事:邊個呀邊個呀,我地呢排好忙唔得閒睇呀?g:呢!去左台灣一排,三十幾歲,唱歌既呢,好似叫王祖兒架me:唔係容祖兒嘛...?佢好後生ja喎,未夠三十喎....g:係law,咪就係佢law,同過果個音樂人呢....咩李宗盛架me:你會唔會係講王祖賢呀?三十幾歲仲同李宗盛?李宗盛同林憶蓮結過婚果個嘛g:唔係唔係,英皇果個呢,唱歌攞好多奬果個呀me:容祖兒喎....佢帶髮修行ja???g:唔係,話佢都失左踨一排架啦,又唔肯出嚟回應喎.....同事:如果真係出左家就更加唔會回應啦.....g:係佢架啦,女人叻又點吖,都係飲恨架啦........之後佢老婆叫佢,跟住佢就走左啦,我同個同事即刻上網搵嚟睇,點知.........結果如下~女星王祖賢~容祖兒拍戲~唱歌齊秦~李宗盛仲要係唔知點解响台灣又要關英皇事......
-
有d男人就係咁架啦,明明唔識就要扮曬嘢,吹得就吹...hahaha
-
haha咁你呢???
-
早晨呀^^