我好冷血.....



  • 對唔住...

    但我真係接受唔到...

    每次你問我想唔想嫁比你...

    我真係想答你唔想....

    係...

    因為你既病...

    我好怕你會係某一日離開我...

    失去情人已經好痛苦....何況失去立誓要相伴下半生ge人...!?

    我都好恨你...點解你要咁殘忍話要娶我呀....?

    我好嬲我自己, 我竟然要諗, 會猶豫....最後係唔想嫁比你...

    點解你明明知道自己隨時會死, 都話要娶我呀.....

    難道我答應嫁你你就會好返咩

    係...我可以哄你...笑住話你知我願意....

    點解我要咁做呀??? 點解我要厄你呀???

    點解我咁冷血呀....



    22歲, 離死亡還好遙遠...

    點解要我咁早面對呀?!

    點解要係你呀....



    我鍾意我個bf待我好似細路女咁...

    我鍾意佢哄我...陪我行街....鍾意聽住佢把聲訓....

    我好怕凍....但冬天我都係會著得唔太多, 我想你隻手暖過我....

    依家我會死都要帶衫出街...我唔可以比我自己凍...我怕凍親你...

    我唔可以病...病左又要成個禮拜...可能成半個月都唔可以去見你....

    d藥ge副作用搞到你周身骨痛...我幫你按.......

    你頭暈...但要去沖涼...陪埋你去啦.....

    你知唔知我覺得好羞家呀..........

    周圍d姑娘...病人...你d屋企人....睇住我幫你按摩都好了....睇住我陪你入廁所去沖涼.....

    不過無計...咁係要嘛.....唔通由得你1個自己沖咩.....

    搞掂d野啦...哄埋你食飯...傾多陣計....走果時都成9點幾....

    飯都未食....你仲叫我留多陣.....

    知唔知我餓架?

    依家我仲好愛你....心入面無時無刻都好擔心你....

    d燒退左未....訓得好唔好....

    我又失眠喇.....

    好吧...都知道你本身唔係貼心ge人來....

    你受委屈都夠多吧....化療很痛苦.....打呢樣打果樣.....日日又食幾廿粒藥.....又訓唔到個人又乜都做唔到....

    但你可唔可以都諗一諗我感受丫....



    我知道當我決定留係你身邊時....

    我已經唔係我自己來喇.....

    根本就唔係女朋友....係你第2個呀媽.....

    答應同你結婚又點丫...

    除左滿足你餘生所求之外, 仲有其他嗎?

    我可以做你呀媽...10年好未? 但20年, 30年, 50年呢, 我覺得我真係做唔到咁耐....

    要我50年都要怕你隨時死.....

    無可否認, 我係嫌你有呢個病....好對唔住.....

    好憎我自己....愛你愛得唔夠盲目...唔夠徹底......

    憎我自己咁港女...咁無用.....



  • good evening



  • 開心D!


    向好方面想



  • 化療, 成與敗也只是數個月甚至數週之事. 說不上等他一身一世吧.



    嫁不嫁, 只是名份而已. 難度你不嫁過他別人就相信你是處女嗎?



    將來結婚時, 你會覺得自己在發假誓嗎? 因為你自知不能氶受伴侶所帶來的風雨.



    人大了, 就必需成熟. 世事不由你作主的. 你只可以學習面對.



  • 其實都唔關港唔港女事..


    又邊個希望自己既另一半 咁早離開自己?



  • wait & see



  • 板主,


    依你說,你對他已是有情有義了.


    不要對自己太harsh.





    支持你.



  • 一就一,二就二!!

    你呢d拖泥帶水吾係叫有情有義囉!!!!

    你d 虛情假義, 對病人黎講更加係折磨!!!!!

    自己諗清楚,向佢表態吧!!!!

    無謂有一日你頂吾順, 係最吾適當既時間走左去......



    你開口埋口話好愛人,  你知吾知咩係愛呀?

    你輸打贏要, 呢d吾係愛囉!!!

    你吾只係港女, 仲係一條廢人.......

    你諗下有病果個係你, 你男友會吾會照顧返你......



  • 版主, 睇你有幾愛佢啦

    愛佢既, 你會願意為佢不計回報咁付出

    你停落來, 先問清楚你自己先啦

    愛一個人, 唔係只愛佢同你共歡樂個一刻架

    有困難時, 互相扶持, 互相幫忙亦包括在內

    你想像下, 有病既唔係你男友

    而係你的家人

    你會唔會仲計較咁多?

    如果, 你會計較的, 咁你就只係愛你自己多過愛佢

    點做 ... 你應該好清楚



  • 版主你吾係冷血既

    人當然係為自己打算啦

    自已顧吾好點顧人



    不過我覺得你好蠢囉

    決定左做就要盡力做好

    做緊果陣又去後悔

    講真呢d人做鬼都吾靈

    其實有病果個應該係你

    咁對你可能會體會多d



  • 其實唔知你同你男朋友在患病前的經歷是怎樣...





    如果只是普普通通的相識...感情還沒有深厚...


    還未說到一生一世時...


    我會覺得你還不算冷血吧...







  • 我覺得...你可以把身份對調來想...


    如果患病的是你...你會最希望留在身邊的人是他嗎?





    如果你是這樣想的話...你應該能明白他的心意...





    如果你根本不想他留在身邊...那你們的感情還沒有到達親人的關係吧...





    對他來說...你很難希望他可以理解你的感受...


    死對他來說是這麼近的事...但又不知何時發生...


    痛苦就每日都在他身上發生...


    如果他真的時日無多...你還是對他有點愛的話...


    就當是親人的照顧...對自己的將來也會開心一點...





    但我建議你私下和他家人說清楚你的心境...


    說清楚你對他只是出於朋友的關心...







  • 人之常情....


    如果用返結婚呢樣野~激返起佢既求生意志~


    唔好理將來會點....你都功德無量啦



  • 版主你唔好咁話自己, 你並不是港女~


    你已經好有情有義, 比着好多人就算係自己最親既人都可能會逃避...


    正所謂:久病床前無孝子.....


    唔想比任何意見你...只係想祝福你~~




  • 俾我係條仔知自己就死就唔會搞咁多野啦...


    橫掂都要死, 搵老婆來把鬼咩....辛苦別人又辛苦自己...



  • 我都覺得板主已經有情有義....上面話板主既人...有冇諗過長期照顧一個病人果種壓力係點?我真係想像唔到....


    如果咁都叫冷血 / 港女....世上仲剩下幾多個好人/ 好女仔?



  • 照顧長期病患當然有壓力, 而且仲好累, 不論身心

    唔減肥都自然瘦添, 點會唔知 ar

    但 ... 你願唔願去照顧佢

    好睇你自己有幾愛佢

    咁所以版主咪要自己諗下依個問題 lor

    (以上既野同冷血, 港女無關, 係 ... 版主有幾愛佢)



  • 版主





    不要太算責.


    你要記住無人係唔自私0既, 為自己打算並唔係咩野錯事, 都唔係0的咩大問題.





    你一樣有權去追求你想要的東西.



  • 補充: 人愈大, 同令一半相處, 已經唔再係單純愛唔愛0既問題, 仲有一0的現實因素去配合.





    "我愛你, 愛到為你放棄曬一切"呢0的只會係童話故事先至出現.



  • 多謝各位睇曬篇苦水呀....


    支持我同鬧我ge都好多謝你地呀...





    我無打算掉低佢, 唔去照顧佢


    只係唔想答應同佢結婚...至少起碼係呢一刻


    我唔會直接話唔制......因為我在乎佢心情.....


    而唔想厄佢...


    只係係咁講...你好返先再算啦~





    佢過多幾個月就要換骨髓....


    對血癌療程有認知ge人都會知道係幾咁辛苦.....


    將心比己...


    有邊個會想自己一個孤軍作戰丫....


    我都預左, 有曬心理準備果段日子更加難"崖"





    同佢由相識到依家都一年幾, 一齊左大半年....


    就係岩岩決定同佢一齊.....


    一切都岩岩開始時就發現呢個病...


    識左1年幾ge人, 感情可以有幾深...?





    病左半年, 我就覺得呢半年真係好辛苦, 簡直係惡夢....


    日日睇住佢一直瘦...一直瘦....得返90幾磅ja佢.....


    頭髮...眉毛....眼捷毛.....甩曬.....


    我好記得...佢d頭髮好軟, 好整齊企理....


    對眼好大....d捷毛好長....好靚ga....羨慕死我丫~


    個人好有自信...成日都串串嘴嘴咁....


    依家背脊打得針多....成日痛, 腰都伸唔直.....


    論痛苦, 辛苦真係點都無得同佢比....


    但...唔代表我唔痛丫....


    睇到佢咁辛苦, 我都唔好過ga....





    愛? 呢半年來....


    自問都盡力做好自己


    可以探佢時一定會去探佢


    佢有時扭計....d要求唔太過份都盡量滿足下佢....


    大庭廣眾......幫下佢按摩....陪埋佢入廁所....


    真係硬住頭皮咁....


    係佢d屋企人面前....跟佢地個仔一齊入去廁所陪佢沖涼........


    我真係覺得, 我似佢呀媽多過似女朋友.....


    女朋友....真係唔鍾意時, 可以講出來....


    可以要求對方就自己一下


    可以從男朋友身上得到愛....


    我無丫....


    佢每日都咁辛苦努力咁活下去, 已經好辛苦啦....


    我乜都無講.....


    只係笑住咁答佢 : 等你好返先啦~





    身邊d親戚...朋友....都一直對我講要諗下將來....


    好直接....


    "佢好彩死唔去ge, 但一直都要係醫院度徘徊, 邊有工作可以比到一個咁ge人做?"


    "過時過節唔好去醫院啦, 去少日唔會怪你ge"


    "你又未係佢老婆, 佢都照顧唔到你啦, 又要拖住你d青春"


    好多好多話我bf衰....話佢自私....


    自己就快死梗係會自私d架啦.....梗係想做多d自己想做ge野啦.......


    估我唔知咩....我明白wo....


    係我唔想同佢計....仲要同個病人計....有無cheap d....


    聽到呢d說話....真係好難受....





    覺得自己已經唔係自己...


    心入面好唔平衡...





    我留低, 因為我愛佢嗎?


    依家係....即使我係男仔, 我都會陪係佢身邊....而且咁仲好添...


    又無曬d閒言閒語....又可能更加了解佢....


    對佢假嗎?


    幾多對人因為另一半有絕症而散, 或者出去偷食丫, 起碼我身邊就有一對


    我可以, 我有機會, 但我無咁做!!


    比空頭承諾佢, 第時實現唔到米仲殘忍...





    我怕...10年...20年30年50年....我怕第時愛情沖淡左, 對耐左


    而且唔係一般人咁互相遷就....係要不斷咁百般遷就


    對左30幾年ge老夫妻都可以因為咁而離婚....


    叫我點有信心去保證照顧你一生一世呀...!?





    我唔愛佢嗎?


    唔係, 到依一刻為止我個心入面係裝住佢....


    況且對佢無愛當初就唔會一齊啦....


    直到依家都無後悔過, 只係有d苦水想呻下...


    好多好多唔識表達....


    無愛情就唔可以做到咁咩?


    初初因為愛情而一齊


    依家變左質....唔只係愛情喇~~


    已經唔止"愛情"呢一回事喇......





    佢無病我會答應嫁比佢嗎?


    未必....相識到依家先得1年幾.....


    識左個人年幾就嫁....會唔會隨便左d.....


    最擔心ge係, 佢本住一個 "我要娶老婆" ge心態想我嫁比佢


    買玩具咩家陣.....