擇日出生的八字.. 不久將來會沒有人類





  • http://www.fungshui-design.com/date1.html



    擇日出生的八字

    不久將來會沒有人類

     

     

    每一個父母都想自己的子女可以出人頭地, 更想他們可以健健康康長

    大, 長大之後又想他們可以長命百歲。為了子女的成長, 很多家長都

    會篤信風水命理, 認為只要出生的時辰八字是吉時, 他們將來一定可

    以出人頭地, 飛黃騰達, 健健康康。隨著這個邏輯被眾人認同, 擇日

    產子的人越來越多, 有些人更走火入魔, 想從子女的八字中選一些能

    令父母發財的時辰產子, 之後更有人開始找尋命理師父擇一些可以令

    自己下一胎生男孩子的八字, 這種人工生產到底是否有效呢? 筆者有

    以下見解:

     

    命運並非出生的那一刻所定, 出生時刻只是人生第一件大事而又可以

    給世人知道的事情。何解? 當精子與卵子結合那一刻, 生命已經出現,

    同時亦出現命數。試想想一些有心漏病, 地中海貧血症都已經在八字

    未誕生之前出現, 或也有母親刻意流產, 不小心跌倒而意外流產, 不

    幸遇上車禍令孩子胎死腹中, 這不是命運嗎? 為什麼要把命運決定在

    醫院出生的那一刻呢? 或許我們沒有辦法知道母體內的事情, 從而沒

    有數據去演算命運, 雖然如此. 但絕不能因為沒有辦法得知數據而把

    命運單單計算在出身時間之上, 這樣根本是掩耳盜鈴, 自己欺騙自己!

     

    也許有人會出言反駁, 命理師雖然擇了吉日, 但不代表能在指定時間

    出生的, 若果真的沒有因果福報, 應當有外來因素來干擾生產, 如醫

    生遇上交通意外或醫院停電已有所延誤, 這樣都會令八字有所改變。

     

    最後, 筆者得出以下結論:

    1. 若要發生意外令嬰兒八字改變, 我相信十個人只有兩, 三個人可

     

    2. 若每一個八字都是命理師點擇的, 相信這個世界將會沒有窮人,

    只有中產和富貴的人

     

    3. 若命理師真的令改變天機, 扭轉因果的話, 相信他自己應該已經

    做了皇帝, 因為他只要隨便找一個人替他生出一個八字超好的孩子,

    他的命運便會即時改變, 若他第一個孩子出生時遇上意外令八字改變,

    他又可以再找另一個人替他生一個八字超好的孩子去改變自己的命運,

    相信終有一次他能夠成為皇帝。讀者們, 你們認為擇日出生真的可以

    扭轉命運嗎?

     

    4. 不久將來世界將會沒有人類, , 因為擇日生產可以令人富貴, 長

    壽, 當然也可以選擇一些神仙命造的時辰出來, 當下一代有神仙誕生,

    相信其他人亦會紛紛跟隨, 最後所有人類都成了仙, 還有什麼人呢!

     

    所以筆者希望各位朋友不要擇日產子, 這是不能改變命運, 反而改了

    八字, 令孩子一生背著一個假八字, 一生都不能再算命, 因為真的時

    辰八字已被假的取代了, 到時想再催吉避凶也不可以了。

     

     

    如有垂詢請直接聯絡本人

     

     

     

     

    *一切客戶之個人資料和內容,將絕對保密。

     

    Powered by 星辰風水裝飾設計公司 Fung Shui Design Company

     

     

     

     

     

    風水玄學/ 室內設計/ 裝修工程/ 玄學命理/ 八字/ 紫微鬥數/ 占蔔問事/ 良辰擇日/ Fungshui/ 命盤分析/ 免費風水設計教室/ 算命服務/ 地產網頁/ 樓盤搜尋/ 買樓放樓時機


  • 希望這些只是你自以為是的理解,不是你師父所教的 !


    -------------------------------------------------------------


    "改了八字, 令孩子一生背著一個假八字, 一生都不能再算命,


    因為真的時辰八字已被假的取代了, 到時想再催吉避凶也不可以了"







  • 甘如果過了預產期幾日/一星期都未出生,所以醫生決定吹生呢?不是父母決定,係咪假8字?





    有D人因爲健康理由生唔到,要開到/無自己選日子,算唔算假8字呢?



  • 呀“JACKOHUI大師“嘅意思,我理解為“千其唔可以違反自然“.





    咁即係話:天氣報告係唔應該發明嘅,落雨用雨傘係唔啱嘅,因為個天自然咁落雨就係要整濕你;太陽太勁又係唔應該用太陽油嘅,用咗之後曬唔黑,又或者生唔到cancer,係違反咗自然。整容美白又係唔啱嘅... 人有病又係唔應該醫嘅,因為個天要個人死,所以先要佢病。因此所有預防針藥都唔應該用嘅,因為又係違反咗自然。簡單如電燈都係錯嘅,太陽落山就應該瞓覺,有電燈就延長咗大家嘅工作時間,又係違反咗自然....





    更要重嘅例子係避孕,如果現代係無避孕科技,呢個世界會變成點呢?有咗又係唔應該做產檢嘅,明知個BB有病都照生??





    人類史每一頁都係違反緊自然定律,古時嘅人每一日都係同個大自然搏鬥,由住晌草原,洞穴,之後為咗改善生活水平同為咗自己嘅安全,所以建屋.... 及後有太多發明,上天下海,所有違反自然嘅野每一代人都晌到做緊,唯一嘅推動力就係好簡單:追求更好嘅生活。呢個世界亦因為咁先有進步。當然能否成功咁做到一D能夠改變人類生活嘅事物科技,亦都好講緣份╱時機。





    命理都一樣,所為擇時辰生BB其實有極大嘅局限性,試問有幾多人可以未有受孕之前就可以準確咁揀定生BB嘅日子時辰呢(仲要知埋性別),而又成功咁生到出黎呢?無可能卦?





    真正嘅大師做緊嘅,係晌預產期嘅前後兩星期內,搵一個“相對上比較好“嘅日子同時辰,好等個細路仔嘅人生可以順利D,變相呢個世界亦會美滿一D,何罪之有?況且只要成功咁生出個BB,即係個BB本身同果一刻真係有緣份,出生果一刻嘅八字就係“跟佢一生嘅八字“。如果個BB同某個時辰無緣份,根本唔會可以晌果個時辰出到世。





    如果“JACKOHUI大師“嘅講法成立,咁佢間“星辰風水裝飾設計公司“ 賣乜野服務架?風水助運改運咪又係違反自然?擇日未又係唔啱?SHE.COM 呢到個個都好醒架,你寫野唔好自打嘴巴。





    建議呀“JACKOHUI大師“走去搵蔣文正師父D書睇下,佢老人家眼光有遠見同埋獨到過你好多。做生意之前進修下啦,你自己個MIND都有好多野諗唔通,你點比意見你D客呀?





    知你想快D晌朵做起自己個名,但係揀埋D一定會比人插,兼令到自己“露餡“嘅題目黎寫野,只會有反效果。





    明知OUT 都忍唔住講句:你個題目真係好傻好天真。



  • 回覆阿Baby 個問題。



    通常擇日生BB嘅父母,為咗等個BB可以準確咁晌特定時間出世,都會預先選擇開刀生BB。(開刀生BB好明顯又係現代科技嘅發明啦!)由於要擇時辰開刀,通常都係去私家醫院做架勒,所以由頭到尾都會有醫生跟住,醫生為咗孕婦同埋個BB安全,係唔會無事無幹比你太早開肚。又由於係開刀生BB,所以理論上亦唔存在過咗預產期都生唔出嘅問題。



  • 呀... 忽然間諗通當中一個因果関係:如果個個BB都好命,富富貴貴,順風順水,咁到時就無人需要搵人睇風水啦!



    即刻明曬!果然高見!



  • 呢條友根本唔識未試過同人擇日開刀,無經驗只係識得亂噏。





    擇日只係人力可以控制的一部份,預產期前後可以係無好嘅日期同時辰,想擇都冇用。就算有好日子又要睇係醫院就唔就到。就算就到,亦要睇你家山受唔受得起,受唔起就算計好時辰,唔知點解個醫生有事唔嚟得又或者手術室唔用得之類。





    我見好多擇日出世嘅人經過廿十年時間引証,命運確係依番所擇嘅八字。








    唔該佢,要宣傳賣廣告無所謂,但係學藝未精,自己又冇去驗証過就亂咁噏,真係害人不淺!!!





    佢八字只係幼稚院程度,好心佢唔好攞嚟搵食害人。







  • AGREE!!!!!


    "佢八字只係幼稚院程度,好心佢唔好攞嚟搵食害人。"



  • 事先聲明,我唔係賣廣告,任何人有需要都唔好搵我.我最近無收錢幫個朋友搵咗幾個日子比佢,搵日子嘅局限性係極大,因為當中有好多現實限制,好似要就醫生時間,只可以星期一至五...又唔想半夜做手術因為費用要double...整整下得某個星期嘅星期一至五,仲要每日得幾佪時辰可以用(又係要就個醫生),都算勒,應承咗就要做.





    整個過程好離奇,晌無得好選擇嘅情況下,我每一個時辰都有睇,每個命格嘅特質同行運情況我都話比我朋友知道.之後再搵咗好幾個相對上比較好嘅比佢選擇,每一個嘅情況同特質都話得好清楚比我個朋友知,但係發現晌咁多個之中,相對上比較好嘅時辰當中,差唔多所有用得嘅時辰個命格係有某個唔太理想嘅命運特點(唔関身體事). 我個朋友自己都識睇下八字,都認同係有D野,但係全盤大局咁睇之後,咁佢就搵咗個唔錯嘅.





    認同provoked_by_bullshxt嘅睇法,以八字計,好多時成個月都唔用得,因為只睇年月兩柱,如果沖克得太緊要,對祖上父母都唔好,個細路亦難照顧.搵到個對個細路好,但係又勁克個阿媽又唔用得,因為怕個阿媽生佢都有危險... 真係好煩架.





    再講返呀“JACKOHUI大師“,佢即刻唔敢覆啦,呢D服務態度點得架,真係有料,有guts就出黎回應下,唔好以為側側膞唔多覺呀.做邊行都要成日進修架啦,返屋企讀多幾本書先啦.害人呃錢無知唔專業之餘,仲講到大條道理咁.我真係第一次聽擇日產子會令人類絶種呢D bullshxt...笑Q死...



  • " 所以筆者希望各位朋友不要擇日產子, 這是不能改變命運, 反而改了八字, 令孩子一生背著一個假八字, 一生都不能再算命, 因為真的時辰八字已被假的取代了, 到時想再催吉避凶也不可以了。"



    一直只有聽見D人去“相睇配婚“查八字時,怕比人知自己原來克夫克妻命,所以先搵人老作一個所謂嘅“假八字“去對親家架啫,明明真係晌果個時辰出世都仲話係假,咁點先係真,點先係假?唔識野就唔好亂寫野去凶人!又可能係因為你試過好多次同人算極都唔準,賴到無得好賴就自作聰明搵呢個借口話人地比你算嘅八字係假架啦!好唔掂呀!







  • 呢條友喺個BLOG度話師承「梁善行」





    http://www.yuenkeikwok.com/





    唔係普通學生而係正式拜入佢門下。咁佢師傅功底好成疑問噃,教出啲咁嘅門人妖言惑眾。BTW,可能佢師傅都係得咁多。





    乜乜「河洛理數北派」喎.....「龜縮派」就真。





    呢派理論係無需經驗、無需實証,以嘩眾取寵、誤導世人為宗旨。算唔準就話個八字假,一味亂噏就係佢地至高嘅心法。




  • 原本都唔想晌到話佢話得咁盡,但係見有其他she友覆佢呢篇“絕世好文“,又加上近排“掘窿陳“ 單野搞到呢行形像極差,再係咁落去個個有心做好呢行嘅都會變成過街老鼠,所以先寫得清析D話比各位知道“擇日產子“係乜野一回事。



    好多人都有師父,仲唔只一個,都未計從唔同書所學到嘅... 晌自己師父個朵又有咩野用呢?好似佢而家咁... 你估佢係唔係實情專做裝修架呢?風水呢D只係掛羊頭賣狗肉...



  • 原來係 All in One 四合一 : 傢俬佬,裝修佬,算命佬,風水佬,究竟係乜路..唉,不如專心做好一行好過啦...



  • 我估佢係做裝修.



  • 2 site ?







  • 莫名其妙...





  • 一個學說需要時間證明, 十年二十年未定, 你用了幾多時間證明?



  • 基本上,每個人都有師父 :


    尤記我自己師父臨別教誨:





    中華五術,不論文武,


    俱必以德行先,以德服人,


    術而其次,行有餘力,必以助人,


    則其身自必�堨~豐足 !




  • Learn more things....



  • Learn more things....