你的宇宙



  • 當你被問到你身在何處, 你既答案會係?



    我地既生活, 無時無刻都俾呢個多姿多采既都市包圍住, 每日我地問既問題都離唔開衣食住行, 我曾經問過一d朋友, 問佢地有無諗過人類, 以至呢個世界, 究竟o係由邊度黎? 點樣黎? "我連自己既生活都未搞得清楚明白, 邊得閒理呢d野!?" "諗咁多無謂野做乜野!? 諗下點搵多d錢好過啦!" ... 哈, 問完都覺有d自討沒趣...



    作為一個平凡既都市人, 我點會唔明白佢地既心情, 我自己何嘗唔係每日都俾呢d問題所困擾, 我地既視野, 睇見既都只係眼前既人和事, 考慮到既亦只會係未來短短幾十年, 離我地再遠既時空入面, 真係同我地一d關連都無嗎? 好多人提唔起呢方面既興趣既原因, 都係因為佢地認為呢d事情根本"事不關己"... 呢類事情, 唔通只有科學家, 哲學家等等先可以去關心, 去探討嗎? 



    有無諗過認識呢d事物, 探究呢d事情, 其實可以幫到你? 唔單止因為呢d事情有無比趣味, 可以作為你生活中既一d寄託, 而且當你愈了解佢地, 你就會覺得自己愈渺小, 愈微不足道, 愈謙卑, 當你遇上重大困難, 感受到莫大痛苦既時候,  去諗一諗天下之大, 時間既久遠, 自己於恆久既宇宙間果種既微不足道, 或多或少都開可以幫你放開一d, "原來我既問題, 只係好細, 好短暫...."



    哈, 我覺得剛才既說話好似有d傳教既意味, 或者對從來唔認識呢方面事物既聽者黎講, 的確有d空泛, 難以身同感受, 不過唔緊要, 我希望透過呢條thread, 慢慢將呢類事物介紹俾各位, 希望你會先感受到果份趣味, 至於有關於對我地既思想, 價值觀, 人生觀等等既影響, 則有待各位自行思考, 又或者可以一齊討論, 分享





    PS: 我玩she已經有兩年多既時間, 但係似乎漸漸失去趣味, 一方面感覺到呢度既負面能量同資訊愈來愈多, 人際關係愈來愈複雜,  二來感覺到好多人都生活o係一個被生活同情感所困擾既世界入面... 其實我都係一樣, 但我希望呢類題材會俾到大家o係茶餘飯後多一d趣味, 同埋對日常生活以外既事有多一d既體會... 我對關於宇宙學, 物理學等等方面既知識其實非常皮毛, 不過我對思考呢類問題感到非常有趣, 亦希望在此可以同一d對呢方面同樣有興趣既朋友交流一下, 當然我更希望會有熟悉呢類知識同資料方面既朋友可以指教一下我... 我會不定期將一d有趣既資訊同討論帶上黎呢度同大家一齊分享! ^^



  • 我的宇宙



  • http://astrocast.tv/tau/astronomeru.html








    個網入面有段6分鐘既video, 介紹呢個宇宙最宏觀既結構究竟係點既樣... 原來宇宙既結構係好並並有條, 好有趣!!!



  • 無錯, 呢個宇宙係屬於你既!





    當日頭辛苦完, 夜晚寧靜既時候, 我經常都希望o係滿天星空之下感受自己身處o係宇宙, 係宇宙既其中一份子既感覺, 但係好可惜, 我家窗日對住個維港...



  • 先講講太陽系有幾大: 以冥王星黎講, 佢同太陽既平均距離大約係60億公裡, 假設你渣大膽車時速150km/h黎計, 你由太陽渣去冥王星, 大約要渣4500年先可以到... 而最近我地既另一個太陽系, 距離我地約4.3光年, 即係光要用4.3年時間先可以到, 而光速比起你渣大膽車快約720萬倍, 即係你要不眠不休唔停燈既情況下渣3千萬左右就可以到...





    而我地身處既銀河系入面, 有千億個太陽系, 銀河系直徑係10萬光年, 你渣車慢過光720萬倍, 你自己計計你幾耐先可以由銀河一邊渣車去到另一邊...





    暫時我地可以觀察到既宇宙入面, 有百億個銀河系或以上, 我地暫時可以望到最遠既星系大約130億光年既距離, 而究竟宇宙有幾大?! 好可能宇宙有更遠既地方, 只係我地暫時仍然未見得到...







  • 究竟宇宙點解會咁大? 究竟實際又有幾大? 宇宙入面包含既除左係星體, 空間, 能量, 生物等等之外, 仲有d乜野? 點解要有生命既存在? 但係點解生命又唔係偏佈於每個星體之上? 好多科學家都相信生命可能會偏布宇宙, 但係有智慧, 有自意識去理解去探究呢個宇宙既生命體, 係咪就只有人類? 抑或佢地o係過去, 現在都曾經或仍然存在, 而只係由於我地距離太遠而無辦法接觸得到? 人類既科技未進步到可以同佢地接觸? 又可能某處既外星人已經知道我地既存在, 只係因為某d原因令佢地未有打算或興趣同我地接觸?


Log in to reply