今日隨想【十五】
-
<p>男人聚埋一齊，話題多數離不開：<br />1.) 波，尤其係足球；<br />2.) 錢，大家講下呢排邊度發達嘛；<br />3.) 當然係不可或缺既「女人」啦。 (至於內容可以包括自己女朋友點煩，人地女朋友點好，以至岩岩行過黎個女待應身材有幾好，個胸有幾大，仲有邊度去滾最好玩....)</p>
<p>而男人坐埋一齊，除左以上既一D話題外，我個人認為有一個特色存在，就係好鐘意認叻。<br />試過聽講過一個朋友既朋友話佢一個人可以係一個鐘內飲40支啤酒；有個朋友就話佢一晚同佢女朋友可以用12個Condom做12次；最離譜試過有人同我講佢個年賺左百幾萬係股票上，但埋單個陣問我借五百蚊仲要講明月尾先比得返我@_@</p>
<p>男人坐埋一齊，講風度，大家爭一餐；講長度，又要爭一餐 (咁大個人，唔好問我咩長度啦，唔通頭髮咩)。講工作，要係我最叻；講女人，冇人夠我多。</p>
<p>姑勿論係咪有人真係天生異品做到以上舉動，但男人天生愛面子，要贏既心總會表露於人前，當然，咁係好事。個人認為一個男人連自己既面子可以唔要，爭勝心都冇，呢個男人有冇都罷啦。<br />但我發現，原來當一個點平時認叻既男人要去追求或者結識一個佢偶然識到既女仔時，就會呆左，話佢係縮頭烏龜激佢都好，都唔掂。 (哼哼....就前幾日我朋友生日，一個呢度既某網友同我飲酒，諗左成晚都唔敢拎隔離�^既女仔電話，嘩卡卡卡....)</p>
<p>有時覺得，男人總係男人，要有一點點自尊心，要有一點點自大，咁先係男人，比人至少有一定程度既信心，莫要連女人都不如。有時見到街上面，巴士站上，一個男仔夠膽當住好多人面前拎一個女仔電話，姑勿論佢出於咩心，係玩定認真都好，呢一份勇氣，我自愧不如。</p>
<p>不過，好多時，說易行難；我從未試過係街上去拎女仔電話....即使好想識都好，最後都係死死地氣唔敢去掟....<br />對住自己心儀既對像，男人往往如洩了氣的氣球一樣，扁了....謝了....認輸了....低頭了....</p>
-
Calma
<br>
<br>早晨！
<br>
<br>呵呵！我敢喎！
-
你勁囉~!~!~!~!~
<br>我由細到大都唔敢~~
<br>連我隔離屋個鄰居日日見都唔敢~~
<br>反而係球場我敢問人地男仔拎電話一齊踼~~