做野做到好唔開心
-
上個月尾, 個客落左張急單話黎,
要1個月之內做好3萬幾件貨,
最大問題係之前既forecast都無話要咁多
所以人手同埋d貨既材料當然無準備到啦!
你話有齊哂所有材料, 都可以幫個客迫到d貨出黎
但係而家好多材料都唔齊,
又要得咁短時間去造, 真係想死...
咁接得張單, 當然都會盡量幫個客架啦
但係真係太短時間啦嘛,
我上司好無理咁push我一定要同工廠果邊講, 一定要造到3萬幾件貨
d材料唔夠既話, 我再幫佢地去push, push到可以生產線開始前有齊哂貨
到最後, 個廠果邊好勉強覆到個交期係造到2萬幾件, 而且d材料就真係岩岩好夠出咁多貨架咋,
我地個客都只好無奈接受
-
原本都仲頂得住,
但係今日個廠果邊打黎話, 有幾個貨造唔到咁多出黎
因為原來佢地廠keep既材料, 實際數量比系統數量少,
另一隻貨就因為件貨既材料轉左工廠, 又搞到出唔到咁多
咁大件事, 我同個廠講, 我同我上司講左先, 遲d覆�
之後報告返俾上司知, 我上司了解返件事時候, 話我應該即刻鬧返個廠
因為係佢地既問題, 佢地既負任,
但係鬧左又點0者, 都應該解決左個問題先架,
之後我上司叫我push佢地一定要做到之類既說話
咁我又同返個廠講, 要push, 一定要做,依個係佢地既問題,
其中一件貨可以push返佢先前覆既出貨數,
但另一隻貨既問題仍未解決到wor,
因為個問題唔係push就可以解決到, 係要d sales (即我上司)先可以
我覺得我上司只不過唔想同返個客交待之嘛
但有d野真係唔係push就push到,
要解決囉, 出唔到咁多個廠都唔想架
人地都想做生意架嘛
做得到都做啦
而家上司講到我無能咁, 做唔到野, 幫唔到佢手
但講真, 個客本身既訂單都有問題啦
點解唔可以同返個客講返個狀況係點wor
-
同埋, d咁重要既事, 我係要同上司講返先架bor
因為之前公司開過會, 要我地suggest返d提升工作能力既建議
我話有咩事, 盡量都自己解決, 解決唔到先報告返俾上司知,
當時狂俾人插,
話我可能會做錯決定, 諗既野未必會咁全面, 上司會更加清楚應該要點做,
所以有咩事應該要問左上司點處理先
但係我而家照捉當時d人既說話去做, 上司卻覺得我無能, 做唔到野
好唔開心
-
我覺得真係好q煩
雖然答左個客個交期係咁, 同埋真係要去迫先迫到出黎
但係而家真係有d意外出左黎影響出貨數量
客人要係幫, 但唔係無理咁迫人地工廠果邊一定要咁做囉
同埋我唔覺得我有咩問題, 去到唔係我平時處理開既層次, 我覺得我真係handle唔到!我覺得真係有必要報告返俾上司知道先囉!
-
上司係咁架啦
唔跟佢意思做,奶野,係你錯
跟足佢意思做,奶野,都係你錯
我覺得,根本就係接單果個人既問題
又唔肯定有無貨俾人,又應承個客
即係要間廠去完成一個mission impossible
仲要有咩事又唔負責任,只係話人地錯
-
係咁架啦, 我朋友咪仲慘
佢老闆竟然用間唔識既廠
到 QC 時才知原來無廠架
係要去大陸監牢度做 QC ...
真係嚇都嚇死啦 ...