究竟點先可以再對愛情有返信心?

有, 係度睇緊大家寫左咩野

hercules,咁你點睇?

我覺得... 一個人要得到任何野, 首先唔好怕付出

好似番工咁, 唔付出勞力點會有糧出?

好似讀書咁, 唔讀考試點會好成績?

人大左, 好多野都好怕失敗, 唔敢去試.

可能係因為自己覺得自己聰明左, 唔需要去嘗試就知結果

唔一定要一開始就全部付出, 但先付出一點,

對自己無壞, 亦俾左人地一個機會去回應

失敗無壞架, 人生只能活一次, 點都去試下啦

我唔太贊成兩個人一開始就拍拖

最初應該係朋友開始既

大家明白下大家既相法, 睇下係唔係智趣相投

性格如何, 經濟能力如何, 對愛情既期望係點

先至開始都唔遲丫

你講得好中肯.好啱.

如果我可以好似你講咁有guts就好.

依家連做朋友都好怕.好怕自己主動會好似女狼咁.

或者如果人地好主動.就多數係壞人.

做朋友唔洗點有 guts 既

女仔主動 - 其實睇下咩情況啦. 有共同興趣 (睇書 / 睇戲 / 聽歌 / 哲學 / 政治 / 經濟) 一齊傾下好正常

我係男仔, 我覺得女仔搵我食飯都無乜野架喎

最緊要唔好成日話自己無男朋友, 而家 D 男仔又有幾不堪等等

談天說地, 其實幾開心既

不過好睇對方有咩人. 信下自己既感覺, 你係知既

存心搵你搞野既通常都唔會有咁好耐性慢慢搵你傾計啦

都唔洗太擔心既, 唔好飲醉就得囉

我依家多數朋友都係識左4-5年.仲係女仔多D.

我唔敢講男仔有幾不堪.因為我都唔係乜野好女人.或者好受歡迎既人.又或者藉得人珍惜既人.我覺得人地肯同我做朋友係人地好人.

放心.從來都冇乜人有耐性同我傾計.我太煩啦.

我都覺得人大左, 識朋友越黎越難

有時會同朋友出去, 識下朋友既朋友

我係呢度都識過幾班人, 其實有 D 都唔錯既

你平時有咩興趣, 識朋友可以由呢方面開始

我以前好活躍.但發覺係邊道識朋友都係一樣.

原來問題係我自己度.冇人可以中意我超過3個星期.但佢地同其他人就可以長相廝守.

知錯能改, 善莫大焉

缺點可以改既

其實你覺得有咩問題?

問題係我根本唔係一個長相廝守既對像.充其量只係攝時間既"朋友".

鹹魚青菜各有所愛

點解得你唔係長相廝守既對像?

好多時命都係整定.因為我唔好,所以冇人會要我.做女朋友或者老婆都唔洗旨意.最多比人玩下.

可能呢D係二奶命.

好有宿命論既意味, 但你講唔到真正原因

有時你迎住係咁, 件事就會發生

有人成日諗住鬼, 就會覺得週圍都係鬼

唔好都分好多種既. 我有觀察過街上的情侶,

老實講, 算得上好好既其實唔多, 世界上都係普通人居多

普通人都得你唔得? 有咩咁不平凡?

我都唔知我有乜野唔好.中意我實冇好野.好男仔就會唔要我,好快揾過件好女友好老婆.

因為我本質唔好.所以點都唔會有幸福.

就好似李寧牌,就算換過哂所有LOGO,STYLIST,廣告都係李寧牌.永遠無可能係NIKE.

唔... 我覺得你只係不斷話自己唔好

對自己無信心好難幫你, 自信係要自己慢慢建立既

我唔知你係外表唔好, 無內在美定係點

但全部都有得改既, 尤其而家既化�菗Y程度上可以幫到唔少

內在美就靠自己

好難有一個人真係差得好緊要架喎, 最怕固步自封

話時話, 印像黎講我覺得李寧牌好過 Nike

後者我完全覺得物非所值

我既外在唔得.內在更加令人討厭.所以所有人都唔會中意同我相處.

我都唔知點可以得到人地既心.