介紹套好戲俾大家睇!





  • 天水圍的日與夜



    故事簡介

    這是一個淡淡然而又感動、振奮人心的好人好事的故事。

    張家安,一個與母親住在天水圍的應屆會考生,他於一個單親家庭長大,與母親相依為命。他的生活與一般中學生無異,成績不太優秀但卻沒有學壞,而且更會聽從母親的說話。

    張母雖然是單親媽媽、獨力把兒子養大,卻從不自怨自艾,反而積極工作,她在超級市場的生果檔工作,敬業樂業。而她和她母親、弟弟一家雖然不是常常見面,看似不太熟絡,但原來是張母年少時把努力工作賺來的錢來供兩個弟弟到外國升學。因此,張母姊弟間感情深厚,安亦得舅父們疼錫。



    導演 : 許鞍華

    演員 : 陳玉蓮, 鮑起靜, 高志森

    片長 : 91 分鐘

    級數 : I

    語言 : 粵語 (中英文字幕)



  • seed?



  • 天水圍係香港人心目中係一個悲情城市,對於一個城區黎講真係一個唔好o既標籤,今年年初有二套電影係同天水圍有關,一套係《圍.城》一套就係今日介紹個套,由許鞍華執導o既《天水圍的日與夜》就無將天水圍拍成一個好似《圍.城》咁充滿問題o既社區,反而將佢o既塑造成一個好和諧,就算比起其他社區更平靜o既社區。



    片中重心人物有三個,貴媽,家安同一位新搬黎o既婆婆,貴媽係一個刻苦耐勞,永不怕蝕底o既人物,同家安o既關係其實係置於母子同朋友之間,對家安少左一份大部份對子女o既苦口婆心,往往會令到母子o既關於處於互相仇視o既位置,二者對對方態度極之差,以折磨對方為人生目標咁。而新搬o既婆婆就好似同貴姐好有緣份地屢次遇上,亦都比貴姐o既熱情同唔蝕底o既心態,婆婆亦逐漸地步向光明。令到由於女兒早死,女婿又再娶,為免新任老婆吃醋,婆婆被迫自己一個人住,婆婆從此變得孤單,更搬入被譽為悲情城市o既天水圍,更見其孤立無助,而貴姐o既出現就等於係佢o既guardian angel,將起初婆婆黑暗,被圍困在屋中o既狀態(許導演係電影開初用左廣角鏡去營造個種空間o既distort,令人不安o既感覺,更故意地令到婆婆廚房燒左燈泡而黑暗一片,期後安仔同佢換燈泡擁有著貴姐用自己x亮他人o既意思)解脫出來,同貴姐一家二口有如一家人樣去慶祝代表著團圓o既中秋節。



  • 片中o既三位主角,當中以貴姐最為吃重,就係佢o既性格同心態去正面影響別人,即使係佢年紀老邁o既母親,對佢冇黎探佢都毫無怨言,因為佢深知自己女兒係一個好人,並唔係太鐘意出風頭,做好多門面野o既人,知道佢心中有媽咪就得。佢對二位細佬更加有恩,獨自用一己之力去供養二位成材,而自己就一味的做做做, 為別人著想仲多過自己,真係好到冇人有,許導演用上一位接近完人去話比觀眾知道呢個世界係充滿著希望,充滿著未來,即使天水圍亦然。貴姐o既安於現狀,對住生命中o既一切事程都處之泰然,工作時永遠帶著笑容,積極地面對人生,有如一位除左自己快樂亦都帶比其他人快樂o既天使,其安仔亦都受到其影響,人生觀都係好正面,係小朋友黎講係絕對地乖,除左係懶左少少之外,無甚不良嗜好,對自己o既生活環境亦無甚怨言,雖然對比起佢d表姐表弟,佢o既生活環境真係差十丈百千裡,其實安仔可以話係馴如綿羊。



    大家可能覺得整套電影唔係一般電影咁有高低起伏,整套電影就好似一套港台節目,去探討一些係社會上某一些人o既生活,而呢d人往往係有著點點o既問題存在,觀眾睇完係會有少少鬱結一樣,但係呢一套就完完全全地無問題,反而仲係對人生有著正面啟發o既電影,只不過係以天水圍呢個咁特殊o既地點做背景,係裡面生活o既貴姐絕對係好enjoy自己係天水圍o既生活,亦都好enjoy自己o既生活,得閒有下冬菇食,有榴槤食,係中秋節有月餅同西柚食,就已經好心滿意足。係對於好多人不繼地對著自己o既名利過昔像戰鬥般o既生活,顧住搵錢,但係完全唔懂得享受生命中一切o既人一下當頭棒喝,即使佢地揸靚車,住半山其實都不如住係天水圍,睇落格調爭好多o既天水圍,就以佢細佬為例,為左工作而頻頻撲撲,連自己屋企都好少時間番去享受,就算比佢住係匡湖居又點?



    導演係片中第一個shot個景真係非常之靚,由第一個shot已經帶左我地去認識另一面,唔係傳媒用力地抹黑個個天水圍o既形像。而片中一路落去對天水圍都係用一種比較中性o既描述方法,無故意去令天水圍係佢鏡頭之下變得美輪美奐,反對我就係鐘意呢一種自然美,就有如片中o既鮑起靜咁,不施脂粉,就憑著片中出色同中庸o既演繹令我覺得好舒服,內心o既美亦都伸展到佢身上每一吋,有如美人一般,其實有時諗諗下,咩最佳男主角,最佳女主角丫,只要係一個角色之上演繹得恰如其份,已經係對觀眾甚至係自己一個好好o既交代,"最"只係大眾庸人所追求o既虛榮,就算那些提名名單,都會以蝙蝠俠中小醜個一類型,觀眾認為係有挑戰性o既角色為先,而鮑姐呢d角色會因為過於平庸而遭摒棄。



    其實我都不厭去講HDDV拍攝o既壞處,就係光線一唔足夠,整個螢光幕就會灰色一片,因為DV o既感光元件始終不及菲林,究竟係佢係黑暗環境之下o既感光度唔夠定係DV 係黑暗時對灰階度分析力不足呢?如果呢個問題解決唔到,我對DV真係都係有少少保留。



    唔知許導演有心定無意,係片中貴姐成日拎住之前鬧得熱烘烘o既"I'm not a plastic bag",其實當時咁hit,宜家仲有人用緊去將袋上o既文字身體力行實現出來?貴姐就正正係環保先鋒份子,比起個d淨係識得嗌口號o既人更為有前瞻性,哈哈。





  • seed llm



  • thanks


Log in to reply