有冇識過d朋友借完錢好耐先還或者直頭唔還?











  • 因為無乜見,所以都好難追



  • 等我分享下先.......





    上年年尾同一個朋友去旅行,機票同酒店錢係我俾先,話過今年年頭出完bonus佢會過番俾我。但直到宜家,提過佢幾次後一蚊都未收番,有次佢話 “我冇錢呀, 可以分期嗎…”, 我心諗, 頂!另一次就口响話 “呢個星期六過番數俾你”, 結果聲都冇。我都冇再追佢, 直到前日佢打黎,叫我去行街,我問係咪去買錶?(其實佢一直想買隻agnes b錶) 佢即答 “買左好耐啦!” 我心諗, 再頂多次!有錢唔還俾我先!一隻錶等於佢爭我既錢……. 仲未止喎,琴日又打俾我叫我陪佢去agnes b 睇銀包, 因為佢買完隻錶有200元coupon , 我心諗, 頂 x n times !!!!





    我都唔想成日追佢,咁我可以點!?(註: 呢個朋友有爭卡數歷史, 最後叫阿爸清!)




  • 我咁大個人做過一次傻仔借錢比人, 條人渣唔倫還, 之後天打雷霹 我都唔倫會再借錢比人.



  • 而家d人只會諗計唔還錢~好小話諗計俾番錢你既...係咪



  • 有, 借個陣就話個個月還, 跟住冇左影, 奪命追魂call追過佢佢話冇錢, 咁我都算喇, 2年幾黎中間還過d(我冇開口, 係佢自己主動還既) 直到差唔多畢業我見佢都好似冇乜意思還埋剩落黎個d, 佢成日口口聲聲話冇錢但又成日有錢同個男朋友出去食乜食物咁, 咁我咪開口問佢囉, 點知佢當正我仇人咁, 喂, 我2年幾冇問你還錢都算係咁啦, 因為當時我地係外國, 佢係我同學, 我借比佢d錢係loan and bursary黎架, 要還架, 佢都知, 當初見大家都係香港人先幫, 你借完我錢冇守諾言個個月比我都算啦, 之後電話都冇個我都算啦, 我2年幾之後先問你還錢算係咁啦, 佢仲要話我迫佢還錢, 真係聽見火都黎x埋, 呢d咁既人識少個都唔使恨, 以後我都唔會再借錢比人



  • 我兩個都試過,我意思係自己借人錢又冇還錢俾人.借錢俾人,人地冇還.唔知係咪報應.諗起揾朋友親人笨都覺得自己衰格.自此我有借必還,費事人地以為我當人係水魚.



  • 最慶係有錢唔還, 仲要同你講佢去邊度食邊度威!



  • 我試過借錢比男朋友, 佢話失業但基金 hold 住錢但又要交保險同比錢阿媽, 咁我諗1年感情同埋以前出街又係佢比, 咁我信佢啦. 諗住要講大話都唔會等一年咁耐啦, 點知就真係借錢唔還, 借咗幾萬嫁, 我仲係"look" credit card 呀~~~最cheap就係用感情卮錢囉.




  • 中1試過~ 之後依家d朋友都係有借有還~ 中1果時零用錢已經唔係多~個同學話好慘想借錢,聽日一定還~ 點知一去冇回頭~......



  • 無喎...我都唔借錢比人嘅



  • 借過一萬俾個真係好老友既朋友


    借既時候話月尾還


    月尾又話下個月頭還


    但月頭又話兩個月後還


    到兩個月後…佢就話間祖屋按竭左俾銀行


    所以要還清曬果100萬既按竭數先輪到還錢俾我





    果陣時我心諗…咁咪即係唔還~


    其實我一直都無問佢還錢


    而且大家咁老友,佢有困難話還唔到我無問題


    但係一直話還,但又唔還我就唔多高興





    再過多一段時日


    諗住大家都係老朋友無所謂啦搵佢飲茶


    點知佢呀媽話佢去左上海


    佢臨走都唔知會我一聲令我好失望


    到依家再無見過佢都唔知佢點lu~





    所以,借得錢俾人,就真係要預左佢係無能力或無心還錢


    還得到既就真係 bonus


    還唔到既隨時連朋友都無得做







  • to =^.^=


    你失望, 係唔係因為你當佢係朋友, 而佢唔當你係朋友, 走左都唔話你知?





  • 試過$3000唔還走佬, 我以後都唔會借錢比人!!!借鏘比人真係要預左可能無得還。



  • 而家學識死都扮窮, 永遠唔帶card出街, 比你打劫都係錢包d錢, 熟既朋友, 借幾百都ok, 1千都唔得, 因我真係覺得正常人係唔會問人借錢,佢地會少少錢問屋企人些住都有啦?走頭無路咩!!





    真係千祈唔好比人知自己有d錢, 我話無cash, 又叫我聽日用食錢機入比佢, 又話等我還數...





    借我$3000無回頭, 幾年後又借$500, 問佢咩事500都無我叫佢問其他人借, 佢話而家都係人人借少少比佢咋, 佢打多幾次黎, 我心軟, 本身想借, 最後我都係無借, 因為我唔想再咁蠢, 我個人就係衰心軟。我話唔出黎, 唔舒服, 佢話0係我屋企樓下等我我落黎就得, 我就唔識答, 話唔好過黎啦, 之後佢仲惡過我話其實你係唔係唔想借, 我話唔係呀, 之後佢cut我線仲send sms 鬧我





    500蚊真係唔係問題, 但明知搵我笨, 明知無得還, 我都去我咪好傻仔?



  • 今日d人借錢係唔會還的, 我都試過, 呢d咁無出色既人一定無發達



  • 男朋友都唔好借! 可能佢借時真係有諗過還, 但洗左d錢就反口。





    我之前都係比男友呃3000幾,又係諗住以前出街好多都佢比哂, 又買野比我





    唔還果下真係幾hurt ga, 唔係為3000幾, 而係覺得佢可以為錢咁ga囉...





    幾年後聯絡返無幾耐又問借錢, 我唔肯, 佢反面, 過左大半年竟然有返野講到而家





    到而家可能我都仲係佢一隻棋, 留一線呱





    我講比d frd 知都話我真係太太太好人, 可能我念在我對佢係有感情, 又憎佢唔落





    但而家如果問我借錢, 無可能既事.. 100都唔借





    比人搵笨果種感覺太差勁了



  • 唔知醜既人係唔會有出色





    ---------------------------------------





    conferring replied @ 2009-02-21 11:27 pm





    今日d人借錢係唔會還的, 我都試過, 呢d咁無出色既人一定無發達



  • 有, 借時話救命救命, 借完又唔見人, 千幾蚊就睇到個人格 (其實實際我都唔記得借了千幾了)~唉



  • 我媽話借錢唔係幫朋友, 而係分分鐘無左個朋友。



  • 你阿媽呢句真係金句, 一生受用~



  • 借果時喊哂救命咁, 見佢咁慘就借





    好多人都係有錢都唔還





    呢個世界好似錢最親, 朋友都係假



  • 問你借個陣就當你神咁拜, 話個個月還比你, 叫佢還錢個陣就當你契弟咁, 仲同人講你迫佢還錢, 但又有錢成個同條仔出去飲飲食食, 呢d人真係好xx



  • 有呀~







  • 我做過一次苦主啦,公司個新同事入來冇耐,我見佢個樣忠忠直直咁,所以冇戒心。 有次佢send sms畀我,話佢阿媽入院就死,佢又唔見銀包,想問我借錢,出糧會即時還,我一時好心,話多就冇,一千蚊可以過住畀佢用,點知過多個星期佢就冇做份工,我心知一千蚊冷過水,佢再sms畀我,話佢阿媽剛去世,我都搞唔清真定假,但由於同佢唔熟,所以推左佢。 後來先知佢係騙人,公司好多人都借左錢畀佢,有個仲借左成萬銀添…… 唉。



  • 其實都唔可以話借左錢就冇朋友。 係有D真正急要錢的人,佢地係有借有還真君子,只係因為有好多敗類存心斯騙同情心搞到我地唔想借o者。


Log in to reply