男朋友來我屋企拜年 ....





  • 男朋友想上來我屋企拜年, 前一日已經同屋企人講定, 到左拜年果日阿媽好似有強迫症咁, 平時無拾屋, 好似發左顛咁一路罵一路 X, 不斷係咁清潔, 不斷搵野來罵 (阿爸都話唔好咁神經質得唔得, 人地屋企都唔會咁), 我食緊飯未食完佢專登走過來罵我唔搵報紙墊台, 一手不斷未我台面 (阿爸都話人地未食完未咩野) , 將所有廳既野搬曬入房的床上 (打算等男友走左之後再搬返出廳), 不斷講說話俾人聽, 話唔拾靚 D 會俾人睇低 (我個個星期去男友屋企人地阿媽都好隨和), 又話我平日唔打扮得靚 D, 唔係都識到大把有錢人, 跟住話佢同事幾咁醒, 大我幾年岩岩來香港就識得搵到個香港男人大把錢結埋婚餋佢 ..... 我聽到呢度忍唔住佢既神經質和難聽既說話, 打電話叫男友下星期再來, 我忍唔住一路講一路喊, 收線之後阿媽係咁不斷罵我, 話 "做咁附野都係唔想俾人地睇唔起我地, 而家無啦, 係你自己一手破壞 .... " 之後仲迫我打電話編返個故仔叫男友來 ....



  • 你係內地黎架?





    可能佢見到搵到個好男朋友,過份緊張啫


    唔好怪佢



  • 嘩...咁唔似過份緊張喎, 似係見到財神咁, 當然盡全力招待啦





    版主唔洗咁傷心,你阿媽貪都係佢自己既事, 你bf同你唔比, 你阿媽都貪唔到架. 反而要諗下點樣講比bf知你阿媽係咁, 咁張來同bf就唔會有麻煩



  • 你亞媽怨氣好大



  • 家家有本難唸的經.....唉!!!



  • mama replied @ 2009-02-02 12:13 am





    你亞媽怨氣好大



  • 你啊媽都係唔想失禮人,做甘多野都係為你好,你不領情仲要話你啊媽。


    好女要兩頭門,你係男朋友面前話你啊媽好過份。





    有客人到訪,清理一下有咩問題。





    一點都不體諒你啊媽。離譜



  • 你亞媽只系緊張啫,你唔好怪佢啊.你男朋友屋企系咪有錢過你自己屋企?如果系,以後談婚論嫁嘅時候你亞媽可能會有更多你理解唔到嘅諗法同行為.佢压力大先會咁嘅.你得閑同佢傾吓計啦.