出外旅行, 你地會帶邊種袋裝野呀? 背囊?斜'咩'? 側'咩'? 定係腰包? 你覺得邊樣影相會好睇d? 如果冬天旅行, 已經著大褸, 咁用乜野袋會方便d?





  • 背囊.....多野就最合用,不過在後面難照顧,驚打荷包,肥人背著唔好睇,好大份


    腰包.....都好方便,但載得野少,有肚腩都唔好睇


    斜'咩'...夏天咩都唔錯,冬天著褸就麻麻,成日跣番落來


    側'咩'...我就最鍾意呢樣,多野咩大袋,少野咩細袋,但一定係咩個輕便的,一定唔會咩皮袋



  • 想去d凍既地方旅行, 如北京, 會著大褸, 咁'咩'乜好呢? 又想影相靚?



  • 妳一定有帽、頸巾和手套,個袋細係好唔方便...唔好只係貪靚...



  • 咁都想影相靚架麻.



  • 其實有好多option﹕





    1. 視乎你會唔會著住件褸影。如果會,背包。如果唔會,即係似我咁一影相除曬d褸呀~袋呀咁,基本上咩袋都ok,會著重番邊樣方便。


    2. 視乎你去果度治安如何?治安不好,腰包。


    3. 講真,你講o既袋,太空泛,剩係講側咩,條帶長短、大細…都有排講。





    我多數響影相果時除褸影,所以咩咩袋影得靚,唔太care。但係我一般會帶布斜咩袋,因為﹕


    1. 拿o野方便(空出兩隻手)


    2. 危險地方可以移去前面保護。


    3. 裝o野較多。


    4. 斜咩感覺較young。


    5. 跌落o黎情況較少。


    6. 斜咩一般格數會較多。


    7. 假設你件大褸靚,你可以響著褸前,先咩起個袋,再著件褸,外面睇,唔覺你有袋。(同時亦有保安功能)



  • 仲有一樣好處…





    斜咩袋只要較條帶長短,可以變側咩。