嫁左去台灣/男友係台灣人既香港人
-
memesweety
我問過佢地機車應該係唔洗考筆試既....而我個時大肚考唔到牌...而家都未去考個牌呀...我開車比較多...不過有時都會無牌駕駛機車去近近地買下野個d囉...不過佢地考車係車場應該唔會難...
-
見妳地講開騎機車
等我又講下先 哈哈
前幾個月 阿囡仲係俾緊99湊既時候
老公有教我騎機車
佢個部係100cc
哇 真係唔講得笑 連我呢個甘大份既人 都覺得部車好重
只係扭個龍頭想轉彎都好難~"~
騎過幾次之後 都仲係唔識起步 同轉彎 只係識得開直路=.=
(我平衡感超差 同埋好鬼驚反車!!!!)
仲有我只敢行屋企附近條山路(因無咩車 哈哈)
之後落返山 行返d平地路時 哇.....見d公車~貨車係旁邊真係嚇鬼死
好鬼驚(i)到隔離d車呀!!
唉 唔知我幾時先可以克服到起步同轉彎既問題呢~~~~
-
撞鬼 打左一大段野又出唔到 !!
-
頭先想講
我係前幾個月 阿囡仲係俾99湊既時候
老公有教過我騎機車
佢架車都係100cc
但連我呢個甘大份既人都覺得部車重~"~
學左幾次後 只係識開直路(仲要係屋企附近條山路 因為無咩車)
當我一落山.....哇.......見到身邊好鬼多大車經過時 真係嚇鬼死
好驚會(i)落人地到 即刻嗌救命 叫老公控制返部車=.=
到呢家為止 起步同轉彎真係唔多掂~"~因我平衡感超差 同好鬼驚會反車=.=
唔知幾時先可以克服到呢2個問題呢~~?!?!
-
memesweety
我岩岩已經問左....如果你有HK小型汽車牌....即係私家車啦...咁你想要考機車牌....125CC個D只係考路試姐...係唔洗再考筆試既
如果你本身無車牌....你想考機車牌呢....50CC只係考筆試...而要開125呢就係筆+路試....咁有私家車牌係唔洗再考任何試可以直接開50CC
-
venus5377
等我都叫老公帶我去採草莓先^^
我噚日都叫老公去CONFIRM究竟考車牌係點,佢再問多次學車個到話,如果你有居留證可以即學考車牌,係唔需要等一年既
你地都好似唔贊成我咁快有BB,我都好ENJOY二人世界,不過我覺得有仔襯嫩生,成完之後身材走曬樣,真係好難過,後生既時候快D生一生,KEEP都易D 係咪 @@
不過DD野真係隨緣啦 PS : 我好怕痛 ~"~
至於學車個到,我起香港無牌,第一次開車反而起台灣,幾個月前我老公就坐起我旁邊,然後我開車,起公路到開既,無咁多車,我開之前佢叫我除鞋踩油門,仲不斷要我采排 "加油" "剎車"、"加油" "剎車" ,先比我開....哈哈哈 不過佢就旁著個太盆囉,你地話佢係唔係都幾太膽呢 ? 我唔鐘意騎機車,最大既原因係...坐完D頭髮打曬CAKE...毛孔又塞住曬 T.T
memesweety
咁我地第日可以見面食下飯喎 YEAH~
-
新人報到,請大家多多指教啦~
-
冰雪羽
其實唔係唔贊成你有bb既...只係你生左出黎唔係佢4,5歲就可以唔理佢...即係話生左出黎你未來起碼有1x年要比曬佢囉.....開頭個2年如果你係好似我咁自已1個人湊既話....根本唔會有時間囉...我都成年無入過戲院勒....所以你可以考慮下先囉...
celine_cheung
歡迎你哦..你男友住邊嫁....
-
venus,
既然係咁我唯有到時叫我老公同我惡補下啦~"~
不過北部同南部會唔會唔一樣呢??你知啦台灣好多野個個地區都唔一樣嘛,唔知考車牌d試題會唔會都唔一樣?嘩哈哈哈~~~(自我安慰ing)
-
sharon,
我老公o個架125cc,重到我直頭拎唔起,我都唔明點解佢可以拎得咁輕易!
如果第時要揸,最低限度都要100cc先得
我又重又咁鬼大份我驚揸50仔會上唔到斜路~"~
-
sherming
你諗太多勒..呢d考試野應該全部一樣...唔怕啦....你睇多d應該ok既....其實你叫老公惡補都無咩用嫁...佢地係車場你要跟線啦,同埋就係s型倒車....台灣既學車唔同香港....比左1個價錢你唔識狂去就得嫁勒...ok啦
-
好多謝你地呀...我都明白其實真係唔應該咁衝動既...其實我bckground比較奇怪..我細個移民台灣~係台灣讀過幾年書~我有國民身份證既
所以我同我男朋友係小學同學...個陣番香港都係因為屋企人覺得番香港好d先番去我諗緊我會試下考轉學考...考到台大或者政大先回番黎讀...如果唔係好似真係犧牲得太多~~但係台灣會承認香港既學歷嗎~??
-
Jezziii,
雖然我唔清楚台灣對香港既大學既認可程度有幾多~ 但香港既大學~ 至少響國際知名度都會比台灣既大學優勝~ 有得揀我都會留番響香港讀書~
其實你都識講你係細個果時住台灣啫~ 果時可能生活都冇咁差~ 學府質素都冇咁差~ 但今時唔同往日~ 而家環境唔同以前~ 呢方面都要衡量番~
我比少少suggestion你啦~ 你睇番你自己到底想讀d咩~ 老實講~ 我自己覺得只有機電、有關電腦硬件開發之類既科目係響台灣讀比較唔錯之外~ 讀醫都麻麻~ 除非你打算響台灣做醫生....如果你揀BA, Account..其他關於BUSINESS既科目~ 我會勸你留番響香港讀~ 香港考到既資格好多都係國際認可~ 你如果只為愛情唔顧前途既話~ 咁只好祝你好運喇~
-
姊妹們,我有個問題想問下你地~~
你地有冇知唔知台灣係咪可以"搞居留但唔居留"?
因為o岩o岩識到有個姊妹又係嫁台灣人,但佢同老公都唔o係台灣住,佢未有居留證
佢話問過台灣呢邊,話可以搞居留但可以唔o係度居留,我都有d R頭,未聽過有呢樣野
唔知你地知唔知呢???
-
venus,
我今日問我老公考車牌d試題係咪好難考,點知個衰佬答我"D試題低B既先會唔識",我真係當堂想兜巴星佢!!!!激屎我!\ /
-
sherming,
"搞居留但唔居留"... 咁到時候咪拎唔到台灣身份證囉?
正常你要係台灣 "連續居留" 超過 18X 日或以上, (好似係 183 日)
而且中間唔可以離境超過 30日, 先可以拎到身份證. (好似係咁)
除非生 BB, 就可以提早拎身份證...
我老公都都講過..."D試題低B既先會唔識"... 依句說話... XD
佢哋冇諗過我哋從小教育同佢哋唔同, SO試題對我哋唻講係有小小難度...
-
SakuraBi,sherming
其實呢你地問老公d試題難唔難呢..呢樣野對佢地黎講一定會答你好易...因為第一係佢地可能已經考左幾耐下...因為佢地以前要答岩既題數係比較小..而近來佢要答既題目多左啦...同埋有好多野佢地係由細見到大...有d標誌佢地細細個已經見過或者常見...而我地有好多路標可能係從未見過既,你叫佢地去考hk既筆試可能對佢地都會難啦...但對我地黎講咪又係睇2下就識....不過講真...你問佢地都係無咩用...你地要考既都係要考囉...咁到時要考時咪睇多d囉....
-
SakuraBi,
所以我先R頭,照計台灣邊會有D咁筍既野!有既話我就唔駛坐監咁等一年換到身分證先可以返香港!!!!!吼~~~\ /
嘩~~乜你老公都係咁講呀?d男人真係可惡!!!
venus,
其實我都係咁諗,事關我老公都已經考左牌十年,以台灣咁百佳黎講,呢D野點會十年不變丫!!
我屋企有本考機車既試題書,佢叫我睇o個本野,話大至上考既都係差唔多喎,都唔知係咪架~"~
-
SakuraBi,
所以我先R頭,照計台灣邊會有D咁筍既野!有既話我就唔駛坐監咁等一年換到身分證先可以返香港!!!!!吼~~~\ /
嘩~~乜你老公都係咁講呀?d男人真係可惡!!!
venus,
其實我都係咁諗,事關我老公都已經考左牌十年,以台灣咁百佳黎講,呢D野點會十年不變丫!!
我屋企有本考機車既試題書,佢叫我睇o個本野,話大至上考既都係差唔多喎,都唔知係咪架~"~
-
sherming
其實你到要去報先去睇都台藎�...因為而家d學車場係有d模擬考試比你每日做同有upday既試題比你..仲有基本上教你考車個師傅都會圈起d題目比你....我諗你老公比你個本野你得閒睇下都無壞既...始終路標同法例應該唔會無啦啦改嫁嘛,不過到去報左名先啦....報完又唔係即刻要考...最快都1個月啦...
-
講起考電單車牌...其實我半年前已經考左.
我考既係100cc. 要筆試+路考.
好簡單. 去書店買本書仔背熟佢.筆試一定pass.
路考係考直路平衡.轉彎.停車等待紅綠燈.
唔好咁緊張. 人要定. 唔好衝快囉.
我個人覺得唔難. 姊妹們要加油呀~!
-
今朝去領左消費券了
d工作人員對港澳配偶態度真係唔同d架
今日去領個陣, 知道我係港澳既
即刻表現得好親切, 好好笑容
不過去領我老公佢地d消費券就排左成個鐘隊
人真係好多囉
大家d消費券唸住點用呀
-
藍火
可能我老公成1點先去拎 所以無甘多人 出門到返黎都只係10分鐘到@@
-
@@
我都未打完 點解甘快出post架!!!
續上篇......
我就用左部份消費劵買左部手推車
剩低既應該都係用黎買奶粉尿布片啦 或者買玩具俾bb玩=.=
-
venus,
咁又係.....睇定o個本野都冇壞既,好過到時先黎臨急抱佛腳!
藍火,
d人態度唔同d?係咪對大陸人就差d?XD
今日都係我老公一個去拎曬,我冇出去,我都係同佢地唔同地方拎
佢話去幫我拎o個度唔駛5分鐘就走得,佢拎o個度就等好鬼耐
-
venus,
咁又係.....睇定o個本野都冇壞既,好過到時先黎臨急抱佛腳!
藍火,
d人態度唔同d?係咪對大陸人就差d?XD
今日都係我老公一個去拎曬,我冇出去,我都係同佢地唔同地方拎
佢話去幫我拎o個度唔駛5分鐘就走得,佢拎o個度就等好鬼耐
-
sherming
我同你相反,我地下午去,我拎要掛十分鐘
我老公個邊就完全冇人,即時可以拎啦^^
-
藍火
我今日都去拎左嚕...我個邊仲神奇...我去到比個証佢就即刻話做左成日你係第1個港澳人民...我今日係下午成2點幾先去....我都覺佢地對港澳d態度好好囉= =...佢地話今日都係大陸越南既多..仲同我傾左陣同笑曬口咁= =
我今日拎左阿仔個3600買左1架3輪車,1架學步車同埋1個combi個d啟發玩具囉...因為咁岩我買開野個間仲要3600送500....所以仲即時算係送左罐奶粉....淨抵我同老公個份就未知買咩嚕..
-
各位姊妹,
想問下如果準備搬去台灣想寄自己既野~ 有邊間最平最穩陣~
我記得好耐之前有姊妹講過寄1kg只要30蚊到~ 唔知有冇記錯~ 係邊間~ 比多d information我啦~ thank you....
-
Pekki
其實我個時係寄郵局普通平郵..大約2星期左右...我寄3箱大約7百幾....佢會寄到伙屋企有人收囉...所以我覺得ok嫁
-
Venus,
唔該曬~ 都係寄平郵好喇~ 其他實在太貴.....
-
sharon,
我本身都唸住過左12點先去拎架....點知我老爺9點幾叫醒我..叫我同老公快d去拎....話好多人排隊....咁我又唔好意思話唔好....維有早早出門囉....我同老公都係同一間小學拎呀, 只係唔同班房咁解....d工作人員真係對港澳人親切d...對大陸人差d囉
琴晚就同老爺奶奶去左大賣場買野了...不過都係買d日常用品...so都係佢地出錢囉....我同老公個份就留返度買bb野
-
各位姐妹
請問如果我老公想申請HKID要有什麼資格條件呢?
-
冰雪羽,
1. 你地要結左婚
2. 你要係hk上班, 有3個月以上的收入證明
其他既等識既姐妹回答你
-
冰雪羽,
3.要有你的住址證明, 證明你們會有房子住或如果房子是你父母名字的話, 業主寫信證明會讓你們一起住
4. 你們的書信或合照等...
-
venus,
係咪100cc同125cc一樣要考路試? 我連125cc停車腳踏掣都click唔到, 個次差點比架機車推倒我.
冰雪羽,
我地都有嫁黎姊妹約一起食飯, 你得閒就join我地.
-
memesweety
100CC同125都要考路試嫁..只有50CC唔洗..
-
遲來的報到........大家好
-
各位姊妹
請問出入境要唔要用到居留証?因為我返HK,咁啱我老爺幫我拎消費卷。
-
應該不用帶的, 因為出入境時不會check身分證或居留證的, 只要帶passport及你的簽證就ok
-
藍火、cherry1125
THANK YOU VERY MUCH ^^
而家陸陸續續都有朋友和同事約我吃飯,好開心,原來身邊既人都好TAKE CARE我。第日去到台灣都要識多D朋友,跟台北姐妹吃飯 呵
-
cherry
唔該曬你呀
-
大家好~ 無意中click到入黎
我男朋友係高雄住嫁
我想問大家呢... 你地大多數地幾歲結婚生bb架?
我想問你地爸爸媽媽對於嫁到咁遠conflict大唔大呀?
佢地放最前題叫你考慮既係咩呀?...
-
jaajaa ﹐
你好~
先代所有姊妹歡迎你先^^
我男朋友都係住高雄唷@@!
你地大多數地幾歲結婚生bb架?
----呢樣野我答你唔到...因為我都唔清楚結左婚既姊妹幾多歲而且我仲未嫁@_@!最多都係怕我第時如果有咩唔習慣又或者怕我同我老公相處唔黎囉~_~
我想問你地爸爸媽媽對於嫁到咁遠conflict大唔大呀?
----我屋企人都好似冇咩反應咁
佢地放最前題叫你考慮既係咩呀?
-----係唔係真係確定呢個人就係我想嫁既人...同埋自己可唔可以去到一個地方重新生活囉~"~
-
jaajaa,
welcome~
你個問題真係冇model answer架喎~ 幾歲結婚~ 你咪睇番你地自己到底幾時ready好囉~ 大家係咪真係可以相處到? 經濟啦~ 等等....畢竟要嫁到咁遠~ 唔係隨隨便便就可以決定~
不過最重要一點bobo都答左你~ 就係到底呢個人值唔值得你嫁~ 係咪可以廝守終身既人~ 呢樣野要好謹慎~ 因為一嫁左~ touch wood講你最後發現大家原來唔夾既~ 響台灣搞離婚好麻煩~ 對方唔放手~ 你唔使旨意可以走......
至於家長方面~ 我自己媽咪就唔會反對~ 因為佢都只係希望果個人係對我好~ 鍚我~ 嫁去邊都冇所謂~ 所以我成日去台灣佢都唔會唔高興~
-
聽日年30了...先祝大家新年快樂....萬事如意
同男友/老公更加相親相愛
-
大家恭喜發財~
祝大家身體健康~ 財源廣進~ 心想事成~ 萬事如意~
希望今年牛年~ 牛市再起~
-
各位姊妹們:
祝大家牛年身體健康~心想事成~事事順利^^
-
大年初一,祝各位姊妹﹕
牛年行好運,身體健康,事事稱心,笑口常開!!!
-
我都同大家拜個年, 祝大家萬事如事, 身體健康!