你地覺得有無需要打子宮頸癌疫苗?



  • 呢幾日有d傷風咳走去睇醫生,醫生問我打左子宮頸癌疫苗未,我話未

    佢叫我考慮下打啦,你地覺得有無需要打呢??



  • 女人係需要保障自己既,我呢個年紀都係時候打啦,你自己認為有冇需要打.不過我都會帶我個女去打



  • 我都想打,不過成日都無咩時間。_。


    點都好,我下年結婚,我都考慮緊出年年頭打,係診所問過DR,有2隻比我選擇,暫時唔知打邊隻好?





    我都想問下你地會打邊隻,同埋有咩要注意? 


    share 你地既EXP



  • 我果時打加衛苗,無咩特別,不過預防多d病,所以揀呢隻



  • 我年頭果排打左啦,講真,用少少錢買個保障真係要架,唔通到領左野先黎後悔咩


    呢d唔係叫哂錢,係投資黎架(不過唔係即刻有回報)



  • 我打左啦,共三支,total $3000幾左右


    打左唔一定無事,唔打又唔一定有事


    不過做多少少保護自己


    男人都有得打∼叫埋伴侶打啦



  • 其實係咪無端白事若無性生活係唔會有病呢? 聽你地咁講.



  • 如果成世人都無試過性行為,係唔會有子宮頸癌...但就算成世人只得一個性伴侶,都有機會有子宮頸癌架



  • 梗係要打啦...你諗下生癌喎...幾辛苦呀?


    我果時打阿sa 果隻,可以預防埋外陰癌、陰道癌果d病添,早d打就早d免疫喎,我都打左差唔多一年啦...真係要打架



  • 不過3千幾真係幾貴....



  • 分開三次俾,第一次之後隔兩個月再打,之後就半年,都ok啦




  • 我問過醫生朋友,阿sa那種可以預防4種virus


    yu on on那個只可以預防兩種



  • 阿sa 個隻,醫生講最好26歲前打(唔知點解係26) 同係未有性行為前打會有效d,of coz 如果已經有性行為而又可能已經同個d virus有接觸過,咁就打左隻疫苗都唔會預防得到個隻virus架喇





    同埋呢隻疫苗打左唔係一世有效,醫生話依家由研發出黎到依家幾年,都仲睇緊第一批打既人仲有冇預防效力,so far ok,但可能第日要再打加強劑,不過 at least你依家打,at least有效幾年先啦





    再講另一隻,好似叫卉康苗,我個醫生話呢隻係新d既,佢都係recommend加衛苗多d,因為經過多d時間去驗証,如果唔係有d咩defects,佢都唔會轉.





    健康係唔可以用$$去衡量,$3,000幾,我諗係hk既社會,好多人都負擔得起,問題只係你覺得值唔值.



  • IC....咁唔知點樣搵亞SA果隻(加衞苖?)黎打呢? THX!



  • 你地就好啦, 夠young可以打, 我3+ 無得打呀.



  • 中女,三十都照打啦~預防都好呀~



  • yes, 好似話過左26age, 有左性經驗, 就算打左都無乜功效架wor.



  • 有無效唔係完剩係睇幾歲架


    仲要睇埋你本身有無染病毒...諸如此類,如果你想打,可以問下醫生先啦



  • 大過26都打得架,我打加衛苗果時都問過醫生,佢話4x 都打得



  • 我就覺得無所謂lor... 都咁多年(有性行為5年, 無固定partner), 上2個月第一次做抹片, 我連感染都未感染過.





    反而聽過有人打完唔舒服... 即係打完針果d發燒.



  • 我打阿sa 果隻!!未有心行為前打最有效,所以細路女一定要打。





    kiki, 無病點驗到,但遲D好難講。所以最好年年要做抹片。



  • 其實, 者係我尼d中女, 最好打針前, 做左抹片檢查先, 如果, 未帶有病毒,


    就即刻可以打. 但如果已經驗有病毒, 打都無乜用, 因為, 已經起唔到預防作用law.