其實對d正正經經既男士黎講,係街上/巴士/成日出現既場合結識一個陌生女仔,係咪一件好難既事?
-
yyn,
我覺得望女仔係男人天性,問題係有女朋友仲會成日望一個陌生女仔,甚至乎內心會想上前搭訕結識就好似............嘿嘿!!!!!!
其實我都唔sure我想識o個個男仔有無女朋友,或者結果係我自己諗多左
-
咁你咪留意下有無講電話囉, 或咩講電話係咪好屎sweet 屎sweet 咁囉~
有無女友都睇得出的
-
yyn,
除左觀察對方有無傾電話,仲有咩野方法?
咁你個case又係點?
-
我無咩case 呀, 我無吉屎, 不過我無咩目標, 只係靚女望多兩眼o者~kaka
-
哦~~ 原來如此!哈哈...........
-
hi,yyn.
不如你試下同個個女仔笑多d 先la...
如果佢都同你笑返....
甘咪開始打開話題lo....
一開始,唔洗甘快問人攞contact ge....
咪問下d 無呢頭ge 問題....例如" hi , 返工/學ar? "或者"係邊個站落ar...
如果佢都答你lo...證明佢唔抗佢你la...
之後咪可以問下其他野傾下計lo....
祝你好運!!!
-
m&m,
耐性,有d人會有,仲有耐性過你
不過,如果佢覺得無位入,就算想識都唔易
而且你見到個有好感既人,都會有少少緊張,想以最好姿態示人,亦因而無咁自然去表現自己,例如唔知講咩好
如果你有意思,亦覺得佢唔會抗拒,下次同佢講下野,係講d有用既野,例如問佢有無玩facebook,可以唔可俾個email你
咁大家有左個溝通渠道,之後就算大家見唔到,都唔會無左contact嘛
其實只要個女仔唔太差,我覺得女仔問email/mobile會易d,因為無咁易被拒絕
但男仔去識女仔,女仔無必會俾,所以好多男仔都怕被拒絕而唔敢問
-
係香港機會其實好微,因為太多電視新聞同報紙刋登好多負面新聞...如果要呢d事發生,遠離香港既地方我相信都有機會可能成功...
-
唐突男,
我都好想平常心d去同佢傾下偈,只可惜一直以黎我都覺得佢係有d原因唔敢行多步,我相信如果換轉第2個男仔,睇見我react既態度,一定會好自然打開話題,所以我先覺得佢係有d原因唔可以跟我做朋友
不過其實件事都已經差唔多告一段落,或者灰d講,要識跟本唔洗得到今時今日,當自己諗多左咪算囉
-
對於我黎講...係好難
-
m&m
唔係咁講啦
如果有機會,識左做朋友先
如果佢真係有咩原因唔可以進一步,咪算囉
但如果佢好似你咁,只係因為唔知點╱唔敢行多步,咁咪白白錯失左個機會囉
你個case已經算好,起碼大家有打招呼又講過野,要識唔係難
要識跟本唔洗得到今時今日,呢句唔錯得曬
但如果佢只係唔敢而無識,到最後大家可以把握機會識到,咁遲到好過無到嘛!
-
佢內裡有咩野原因真係唔知,只不過我唔相信佢係咁細膽既人,因為佢有d行為態度唔足以令我相信佢怕醜到咁,唉~~
你好努力俾信心我,真係多謝你,不過情況唔太樂觀呢!!! 08年都就黎過去,識唔到就唔想再浪費時間去諗一個無結果既人
-
我今日都見到一個陌生女仔,
佢同我四目交投,大家既眼神唔知點解吸引一齊,
我都分唔到係邊個望邊個先,佢既眼神亦都唔似係覺得我變態,
望左應該有3-4秒,最後係我走開,個腦仲不停唸起�
我唸就算同人講,d人都係覺得我思覺失調多啦
-
hi....
-
HI...MELLOW...
我唔會覺得你甘樣係思覺失調....
只係太enjoy 四目交投果刻...
甘你之後唸左幾耐...先停到ar?
-
有時望可能係尌方好奇或發呆o者, 又唔等於係咩互相吸引的,
當然你係靚仔靚女除外。
不過樓上講的先講D 無關重要的話題都幾好~
-
hi bonnieandrea,
其實而家仲有d唸住佢,種感覺有d似初戀,
我唸聽日訓醒應該會唔記得啦
hi yyn,
我唸我識分好奇既表情,今日我都ok樣衰,成面都係鬚,似鹹濕佬多過男人,
佢既表情唔係驚訝,亦唔似係見到一個怪人,我覺得佢係欣賞緊我嫁haha
我覺得佢係靚女,仲有d熟口面咁...有無人信dejavu?我信嫁
-
其實我覺得對望唔一定有咩含意,如果望下就覺得有好感或者鍾意,係比較敏感,因為我每日幾乎都會同陌生人對望,有時都會對望幾秒,原因可能有好多,例如打扮幾型,或者無聊想睇下一般人做咩,又或者無野好望揾野黎望下.
-
我有d 男性朋友,我都會覺得佢地太敏感,佢地有時真係會話比我知有人望住佢,佢地會覺得嗰個人對佢有意思.所以我會覺得都幾誇張.
好似我自己為例,有時我發現有人望住我,我會望番住佢,但我唔會諗佢係鍾意我.所以有時我會覺得男仔係比較敏感.
-
因為每個男仔都以為自已係金城武, 實際係夏金城。
不過小弟最唔鐘意搭地鐵, 多人真係你眼望我眼~
-
甘就要睇下對方係邊類人la...
有d 做會覺得係緣有d 人會覺得係偶然....
但當事人就自然了解個種感覺lo...
enjoy 一下等自己開心下lo...
不過美麗ge 背後可能有好多個問號...
所以唔係人人都夠胆追吧...
-
呢幾秒係咩意思,結果唔重要,最緊要有得幻想haha
-
眼神交流…..究竟係欣賞、係傾慕、定係只屬好奇同禮貌,好多過中感受只有當事人最清楚
間中眼定定對望不出為其,但如果你發現對方每次係會用視線去search自己,見到你時會流露出甜思思既笑容,真係好難說服自己對方只係禮貌又或者好奇先望自己
-
有何難~?
一個點頭一個微笑
再加上一聲:早晨
攪掂
誰敢行第一步~^^?
因為大家懷著太多的目的
諗得太多諗得太遠
盤算..後果...永遠在阻止你踏出哩一步~^^
-
個人幻想有時美化一個眼神,所以表錯情先成日出現.
好似好多人玩暗戀,成日都會以為夢中情人比暗示自己,响佢既世界裡面,認為只係得佢兩個,佢地先係主角,所以夢中情人既一舉一動,都係做比佢睇,係暗中交流既一部份,我見好多呢d 例子,例如夢中情人問暗戀者借筆,暗戀者心裡會問九百幾個問題,點解咁多人唔問,係要問我 ?點解佢一諗借筆就諗起我 ??我應該點反應 ?佢係咪比機會我 ??
其實人地只係需要一枝筆,求其問人借啫.
人總係咁.
感情會令人迷失,睇唔清........
-
我都認同可能好多時都是自己美化左件事,對方心態或者只係覺得望下唔等於要識到自己
-
m&m
佢係純粹望下、見你望佢先望返你、有原因而唔識你、細膽怕羞唔敢識你
當然,我都唔知佢內裡有咩野原因
但係一個人平時既行為態度,唔代表佢面對有好感既人既時候都表現一樣
我唔會否定"佢對你無意思",但佢係咪想識你只有佢先知
既然佢無行動,如果你唔介意,咪主動識左佢先算囉
如果到最後發現只係你多心╱佢原來有女朋友,咪算囉,好過只係得個諗字
但如果你怕瘀唔敢識,就當佢無意思囉
亦如你所講,唔再浪費時間去諗一個無結果既人
身為過來人,只可以話,唔去識,唔代表無意思
就算我諗定下次見到佢應該要點做,但都可以見左百幾次都無做到
-
唐突男,
其實我唔係無主動過,只係好明顯佢去到某一個位就好自然會避開甚至扮作好cool咁,但過左一排佢既態度又會緩和返,甚至有一d好令人誤會既表情眼神出現過,如是者反反覆覆令人摸不著頭腦,所以我先覺得不如告一段落吧!佢做咁多小動作都係想令我明白有d野行唔到下一步就係行唔到,所以現在我自己都少左出現,唔會再刻意去見佢,見到就打個招呼,見唔到都已經唔會再law law luen
只是有時唔明白點解佢會咁矛盾,佢避來避去其實都唔知為乜。我明白你講既"唔去識唔代表無意思",但既然明知無可能連做個朋友也不可以,又何必當初呢.........
-
可能佢唔係有女朋友,係結左婚有老婆tim
好明顯,佢有耐性過妳好多,仲係一個好有耐性既人,唔急住食/有得食又得冇得食又得......
好多原因......
其實好似上面咁講,個人行出黎乾淨整齊,唔係三尖八角,騎呢呢d人,識朋友唔難,依家個年代d人,好似好鐘意講野咁,講多幾句無關痛癢,閒計就易入位ga啦...最興就係問人有冇facebook @Q@
-
講就個個都天下無敵,我覺得唆使人去做就好易,自己去做就好難,我叫你去做都係等睇戲啫.
大部份叫人去做嗰d ,有幾多個真係有試過 ?
-
m&m
我唔知點解佢會反反覆覆,亦唔知佢真正心意
但如果你真係好想又唔怕衰,不如試下一次直落主動迫到佢表態,起碼得個知字
不過要有心理準備會係一個唔好既結局,同埋要輸得起
但如果怕衰、輸得起,佢其實係可有可無
又或者覺得佢真係有原因(呢樣你應該清楚過我),就放棄吧!
我都知講就容易要做好難,而我自己都做唔到
但係做定唔做、應唔應該做、值唔值得做,就要你自己決定
-
我諗去到現在,都唔到我逼到d咩野出黎,或者逼到出黎都唔會係一個好既答案,即使只係想知對方想唔想同我做個朋友,我都已經無信心去問,都係個句..."佢想既唔洗等到今時今日"
唔知呢,面對住佢呢個人我已經無咩自信可言,唔想再俾機會人覺得我死心不息,我現在連望都唔係好敢再望佢,如果好似樓上位朋友講原來佢已經有女朋友甚至老婆,我覺得一直以黎所想所表示既都似乎好錯好唔岩咁,如果佢心水清都應該睇得出我已經對佢咩野期待都唔敢再有
-
m&m,
睇到你最後果個post 好似好灰咁喎~
-
yyn,
少少灰梗有啦,始終被人反反覆覆地對待都唔會好受,話佢無野又唔係,但就算佢有意思想交個朋友又點?似乎又咩野都無做到/又做唔到,都係唔諗好過
-
我無睇得好清楚你之前的對話呀, 不過你覺得要做的野都做了,
咁無計啦, 人地都可以選擇嘛~
呢D咪叫有緣無份囉
-
我自己都試過,搭巴士見到個女仔兩年,都無去識�
我只可以講,等到今時今日都唔去識佢,唔代表我唔想識,我好想不過唔敢
或者你個case又唔同
因為你地有打招呼,亦曾閒聊幾句
如果有心做朋友,應該已經行動左