去歐洲一個月backpack要幾錢?



  • 去歐洲一個月backpack要幾錢?

    有冇去過的人可以提供資料?

    一個女仔去會唔會危險ga?

    thx~~



  • 我之前就兩個女仔去,危唔危險就要睇下你去邊到同埋你對個d 地方熟唔熟悉


    因為歐洲地方唔係個個都懂英文,而我係6月去左兩個幾禮拜,算係平使之下,所有野 (機場+ hostel + 車同飲飲食食) 就用左二萬幾....


    呢排歐羅跌左咁多都抵玩既


    係呢,你本身想去邊到﹖



  • 一個月, 要預budget, 要知道你想去 (大約) 咩地方!


    if, 去北歐要預多d, 食,住都貴過其他parts.


    東歐就相對平d.





    generally, 一晚hostel (床位, not room) 預 hkd250. 一日3餐 hkd200. 交通大約hkd100 (計埋你搭火車個d除開每日大約咁多, 如果你係香港已買railpass, 咁去到搭下巴士/地鐵就hkd20/日, 的士我就唔知啦). 5-7日洗衫 hkd70. 手信... 你自己預啦, 大約都hkd100-300/city.





    我05年去東歐 (vienna, hungary, poland, czech, slovakia) 3星期, 連機票, railpass, hostel, 所有加埋用左around hkd17000.


    06年, 我住係英國, 不過去左scotland玩1星期, 用左千零蚊 (主要係食,同埋hostel, 車係megabus, 所以好平)


    今年住係paris幾個月, 之後係西/南歐 (germany, italy, spain, portugal, paris, london) 玩左5星期, 用左hkd15000-20000, 未計個總額, 所以只得約數, sorry. 不過我冇買railpass, 係去到先逐個地方買railway ticket or flight ticket (budget airlines: ryanair), 有可能因為咁而貴左.





    另外一點, 如果你係under 26 years old, 即25或以下! railway, museums等都maybe有discounts, 要check下!



  • 唔記得左講, 我都係一個女的 (我over25, 唔好意思再叫自己做女仔 :p)


    其實去邊度旅行, 一個人定同朋友一齊都好. 最緊要自己小心, 錢銀有咁貼身得咁貼. 財不可露眼!





    另外就盡量同d人傾偈, 你知多d佢的野, 佢都唔敢害你.





    so far我都未試過有危險 (touch wood) :)



  • 唔好嫌我長氣, 有d關於plan行程的小tips.





    唔好plan得咁仔細, 即係唔使plan每日幾點去邊個d... 大致邊日去咩城市 (睇下使唔使book定車票 or hostel), 個城市有咩重點想睇就ok. 到時去到隨心就ok, relax d!



  • Leen,你資料咁詳盡,我地又點會嫌你長氣呢!?





    版主呀,歐洲好大,你會去邊呀??? 你想我地俾乜資料你呀???





    不過,我覺得一個女仔出外都要小心d。雖然我每次旅行都有伴,但都遇過好多驚險野,好彩次次都有驚無險。我試過喺布拉格地鐵車廂俾四個捷克佬圍住我,佢地個個都高我成個頭,所以完完全全將我同我朋友分開左,可能當時太早,我又岩岩瞓醒,所以當時都唔太識驚,事後見番我朋友同車廂其他乘客個慌張樣我先知驚。但唔之點解佢地又冇向我落手搶我個袋,就走左出車廂,可能見我細細粒又傻傻地唔忍心落手。





    其他地方都試過類似嘅野,又或者俾醉酒佬攬攬錫錫都試過...





    所以Leen你未遇過就係你走運, 而版主如果你真係一個女仔去就真係小心d。



  • 我同朋友去捷克旅行, 俾人偷左錢, 又係係地鐵車廂, 真係要小心d.


    反而我一個人去旅行就冇唔見錢, 一個人警覺醒會高d.



  • 如果你去zurich就小心d,


    因為我上次差d比個黑人搶左個手袋