4. 免費紫微鬥數算命!!!!免費為你預測２００９年運情！！！

免費紫微鬥數算命!!!!免費為你預測２００９年運情！！！

  • K

    多謝各位嘅正面回應！遇到唔開心嘅事，只要記住：呢個世界好大，機會一定有，問題只係自己比唔比機會自己。



    重覆多次：



    暫時唔再接受新免費問命請求,因為實在有太多朋友未覆.如果唔介意等的話可以照send比我.

    0
  • J

    kiki

    你和mm好聊的来哦!

    在我周围,很多人喜欢算命,我也是其中一个,但是我想知道你对算出来的命盘的看法,一个人的命盘应该是好壞都有.如果算出来好的那些,是不是一定就会发生?还是其实还有变数,我应该报什麼样的态度来看待它呢?

    0
  • K

    RE: jiqi200220,



    首先你就一定要搵到一個有能力令到你信任嘅算命師傅先得啦.理論上,只要你所提供嘅出生資料係正確嘅,而你所搵到嘅命理師傅又能夠為你作出準確嘅堆算嘅話(例如能夠準確咁講出你嘅性格/過去), 無論果位師傅係用八字定係紫微鬥數(或其他方法), 佢都應該能夠將你未來嘅大方向講到比你知.記住,玄學係好講求意像,意像出現咗,就會晌應該"應事"嘅時間,出現一D事情去"應"個意像; 意像係生動嘅,係有變化嘅,係有好有壞嘅,要明白意像中所代表嘅真正意義,當大家去算命時,就唔好排除一切嘅可能性,要用多些联想力. 另外而家每一件事物嘅變化都變得太快同變得太勁,所以當我地用八字同紫微鬥數(或其他中國古代術數)去推算現代人嘅命運時,要用一個更開放嘅頭腦去理解, 唔可以用一刀切嘅態度去看待我地睇到嘅意像.



    另外,問命者最好要夠思想成熟，能夠明白“君子問禍不問福“嘅道理。現今社會風氣急攻近利，10個黎算命嘅，至少有8個都想知自己有無得發達，大部份人都係不停咁追問究竟自己幾時會有好運行，愛情又會唔會幸福順利呢？大部份人都唔會問唔好嘅野，表面睇黎好似係一種幾正面樂觀嘅人生態度，當然無人會希望自己衰架啦，呢個係人之常情，但係有無諗過，即使幾成功幾幸福嘅人，都一定會有困難要面對嘅呢？知道有好運行就當然要更加之積極努力,好好把握;相反如果知道黎緊嘅路係會有困難，從而及早調整自己嘅心態，甚至預先為最差嘅情況計劃一下，買個保險，為嘅唔只係希望能夠減低晌壞運之中嘅損失，更重要嘅係能夠為壞運過去之後作出更好嘅計劃，晌壞運時保持實力，到有佳運時再努力以赴, 我覺得咁樣先更為積極。如果個性唔積極,一味依賴他人,懶散,明明係好嘅運勢都唔能夠善用,晌呢個情況之下,所謂嘅好運, 當中能夠得到嘅得益一定會比肯努力嘅人少得多; 行衰運時又唔能夠好好控制自己嘅情緒,衝動亂作決定, 所受到嘅痛苦亦好易想像得到.



    好多人算完命之後,最想知道嘅就係有無“趨吉避凶"嘅方法.“趨吉避凶"我理解為：知道有好嘅運勢就要積極努力,向一個正確方向去爭取到最大嘅得益，此為“趨吉“；相反,當知道會有差嘅運勢時，亦要保持住積極努力嘅心態去面對挑戰，小心控制自己嘅情緒, 冷靜處理各種麻煩事，此為“避凶“, 更重要係，無論“趨吉“定係“避凶“ 都好，我地都要待人以誠，時常保持住勝不驕，敗不餒嘅心態。呢個先至係真正善用術數，從而令到人生道路行得更為暢順嘅要訣。

    0
  • J

    谢谢kiki,

    之前去算命呢,多数师傅跟我说的多是好的方面,很少跟我说我不好的那面.虽然聽的时候很开心,但是比对一下现实,並不觉得自己有他们批的那麼的好.现在暂时还未收到你给我的免费简批,我会非常的期待.!!!

    我想我明白你的意思,就是知道自己走好运时,要积極的抓住时機,让它变的更好更顺,知道自己不是很好时,也要积極的做些事情,让它对自己的伤害减到最低.我会以乐观的态度,去迎接各種生活的挫败和挑战的.

    0
  • K

    RE: jiqi200220,



    而家社會怨氣咁重，Ｄ師父打開門口做生意，唔敢得失Ｄ客都唔出奇，我雖然係較為直話直說，但係晌我照直同問命嘅朋友講佢地黎緊Ｄ運會多問題之前，我通常都要講Ｄ說話，好等佢地有心理準備先，如果佢地聽完我講野之後走去燒炭我未死？我都好驚架。所以問命嘅一定要思想成熟，年紀太細嘅我唔建議去算命。

    0
  • B

    kiki

    i still didnt receive your reply yet.. my msn is [email protected]



    thanks

    0
  • S

    Kiki , 我都等緊妳啊~~~~ 心急中.....



    Mij

    0
  • M

    kiki你好,又係我呀~

    d人話遷移宮代表出外,其實咩叫"出外"?指國外嗎?遷移宮仲有代表咩其他意思ga?



    thx~

    0
  • K

    RE: man man,



    紫微鬥數有１３個宮，當中以遷移宮嘅功能比較含糊，“遷移宮“個名本身就更加令好多人感到迷罔，相信古人都花咗好多時間去思考應該用一個乜野名稱去稱呼呢一個咁特別嘅宮位。大多數人都係照字面去理解，以為遷移宮係只用黎睇下遷移╱或到外地時候嘅運勢（外地係指出生地以外嘅地方），咁好多人就會即刻問：如果一個人佢一生都唔到外地，咁係唔係唔需要睇遷移宮呢？根據經驗所得，我認為遷移宮所代表嘅意義係包括幾方面：１）到外地時候嘅運勢；２）面對外界時候嘅運勢（要知道即使並無去到外地,每一個正常人都有社交生活，都係需要面對外界嘅；３）自己晌面對外界時候所表現嘅一面。



    記住人生並唔係平面嘅，人嘅性格亦唔淨只得一面，紫微鬥數最善長就係將複雜嘅人性同運勢相配合去推算一生嘅禍福。以上只係我個人嘅見解，歡迎大家晌呢到同我傾下命理講下人生，但係為免麻煩，太過深入嘅鬥數資料我就唔想公開咁晌呢度討論勒，請見諒。

    0
  • L

    kiki你怎樣看破軍入夫妻宮的姻緣運﹖好多人都說破軍入夫妻宮，要經歷三段感情/婚姻，但夫妻宮破軍，命宮會是天府，性格這樣沉穩的人，怎樣去承受三段離合的姻緣呢﹖謝謝!

    0
  • K

    RE: little gal,



    我唔建議大家以單星論盤,用紫微鬥數去推算命運時,又點可以只係單用14正曜呢?你呢個問題仲要只係睇先天命盤,咁後天嘅運限呢?淨係由適婚年齡開始睇到中年(此為大家對感情最為着緊嘅時期),起碼要睇3個大限,每個大限嘅夫妻宮嘅運勢變化都唔同,就連你嘅個性都會轉變... 咁你覺唔覺得如果只係單睇先天命盤某幾粒星就話呢一生都會有三段感情/婚姻,係睇得人生太過平面同鑽牛角尖呢?



    破軍主變動,古訣之中好多時候係用虛數,3呢個數字都只係虛數,以現今社會嘅形勢去睇,試問而家有邊個唔係有多次戀愛經驗呢?(當然我都見唔少人只係拍咗一次拖就結婚,但係真係極少數),記住紫微鬥數係古代所流傳落黎嘅術數,黎到現代,我地唔可以將古時嘅一切徵驗原原本本咁晌現代適用.根據經驗所得,破軍守夫妻宮主要係會較多變化,並且有先同居後結婚嘅機會.



    想了解自己嘅命運多D嘅話,最好就搵一個有能力比到信心你嘅命理師傅去同你算命, 並要客觀咁去聽佢所比你嘅分析同意見; 如果真係對紫微鬥數(或其他術數)有興趣嘅話,最好都係去搵一位師傅去學習,自學真係好易自己嚇自己.

    0
  • L

    kiki多謝你詳細既解答，其實我都唔係好相信破軍入夫妻宮就一定會有離婚的情況，只是好多人見到我夫妻宮破軍，就會批我會有多段婚姻。其實我已經廿七歲但一次戀愛經驗都沒有，亦都好難有，咁樣係咪已經徵驗左夫妻宮多變化﹖如果未徵驗的話，將來既姻緣路係咪會更加難行﹖應該點樣去趨吉避凶呢﹖謝謝!

    0
  • K

    RE: little gal,



    你好似仲係唔太明白我想表達嘅一個重點,睇紫微鬥數絶對唔可以單星論命!如果你個focus只係晌破軍一粒星,你學幾耐同睇幾多本書都係唔會明.



    我唔清楚你有無發過email比我叫我幫你睇,如果未嘅,可以send email 比我,我唔可以只係以一兩粒星去回答你嘅問題.咁樣好易誤導你,同埋好唔專業.

    0
  • L

    kiki，我明白的，應該要睇大運同命盤既配合，唔能夠一概而論，只是太多人一見到我破軍，傷官就會批我姻緣不好，其實我姻緣不順可能同大運都有d關係掛...



    我之前已經send左email俾你的了，會耐心等係你的回覆的

    0
  • K

    之前講過話年紀太細嘅我唔建議去算命,但係呢幾日忽然多咗好多想問會考成績嘅小朋友黎問命,有D中二都想問學業同姻緣,當中最正嘅一個問:究竟我幾時先可以比心機讀書呢?我幾時先開始拍拖呢?..... 從呢D問題,唔洗開盤都知答案啦.



    讀書成績好係靠自己努力，算命師傅同你講乜都無用架，最重要係你真係有盡力付出過，第一，如果師傅話你讀到，咁唔通你放鬆曬？第二，如果話你讀唔到，唔通你唔讀？我明白你地只係想攞多Ｄ信心，但係信心係自己比自己架lor, 你係真係咁想有好成績.就專心D完成學業.



    所有90年代出生嘅小朋友，我暫時唔會同你地睇，你地努力專心讀書啦!

    0
  • A

    kiki:多謝你幫我批盤....你講得好詳盡同好準確,你比我o既意見我會去做,多謝你o甘細心去幫我分析個命盤同09年o既運勢,令我可以更清楚知道09年需要注意既事項...真係好多謝你呀^0^

    0
  • S

    kiki, thanks for the reply, it really help.

    0
  • J

    kiki

    好多大人在bb出生的时候呢,会到风水师傅,那裡去取个好的名字了,我周围也有些同学长大之後,觉得自己的名字不好拉,改的也有很多,其实姓名这个东西在我们的一生中,重要不重要呢?

    0
  • K

    RE: jiqi200220,



    我對姓名學無乜研究，但係其實好多玄學理論都係源自五行命理，Ｄ人專登去改名好多時係想自己個名嘅五行，可以幫補返自己八字本身五行嘅不足，因為名字係會跟自己一生嘅，而每日都會比人叫自己個名，因此好多人認為改個好名係好重要咁話。



    名字點分五行呢？據我所理解，主要係晌字嘅讀音同字型上分五行。但係個問題又黎勒：普通話讀音同廣東話嘅讀音好唔同，而且好多人都用英文名啦，自己真正嘅中文名巳經無人知，好似好多人去咗外地生活，日常根本唔會用到中文名，咁係唔係話個名對自己無用呢？好多呢Ｄ問題我都諗唔通,所以我就唔係好信。 我反而覺得名字嘅意思好重要，因為呢個係父母比自己嘅祝願同教誨。



    當然一個音調良好而又有意義深遠嘅好名字,唔多唔少一定會晌生活上有正面幫助，人地稱呼你時都醒神Ｄ啦！

    0
  • S

    kiki,

    之前收到妳既簡批, 其中一樣我覺得係應驗左, 現在等緊下半年的事情又會否發生, 期待中!

    0
  • K

    RE: sherry,



    多謝你嘅回應，好歡迎你email 話返比我知確實發生過乜野事，我好樂意做 Follow-up 架。

    0
  • C

    岩岩睇到呢個post,請幫忙解答,THANKYOU!!

    1 1985 年9月20日下午約1時30

    2 女

    3 香港出生 (住屯門)

    4 [email protected]

    0
  • K

    RE: crystalbb007,



    有意者請發email 比我，我唔會覆呢到嘅request.



    同埋，真係要等。

    0
  • K

    KIKI,



    多謝你覆我呀, 仲講得好詳細忝.........因應我既理念仲好好人咁叫我三思, 多謝你呀, 不過你都睇得出我性格喇, 段估我都會跟自己理念去行, 不過我行之前, 都會跟番自己意念, 會問下身邊d人既意見先行, 所以應該唔會有事既, 因為會有人睇住我架喇, 放心啦, 再次謝謝忠告..thanks

    0
  • J

    kiki

    已经回復了你给我的,先天命盘和07,08年的简批.批的都比较准.

    期待你的09年的简批中!!!

    谢谢

    0
  • K

    再次多謝各位嘅正面回應！



    RE: jiqi200220，



    收到你嘅回覆，我會盡快完成埋你今年嘅簡批。

    0
  • L

    KIKI



    我都等緊你幫我簡批啊~~

    而家到幾時啦?

    0
  • G

    Kiki,衷心感激你為我爸爸做的流年簡批,準確度真的令我很驚奇,你的說話我會記住架那,多謝你!

    0
  • K

    RE: Gari,



    唔好客氣，　我好欣賞你專登為你爸爸問命，以我記憶，你係唯一一個真係單純咁為父母問命嘅人，其他人都係我話佢地知道有事先開始留意下。最難得嘅係你真係對自己嘅事絶口不提不問，相比起其他一次過比幾個男仔╱女仔嘅八字我，問個邊個先啱佢（仲要旺佢）嘅人，我真係覺得以今時今日嘅standard,你好難得。生活係辛苦，你要努力呀！

    0
  • H

    KIKI, 我想明白自己的命盤,THK LA!

    0
  • G

    Kiki, 好多謝你既讚賞同鼓勵, 我只不過是盡力做好作為女兒的本份, 至於自己的未來, 如果覺得有需要時我一定不會忘記找你給我指點一下,anyways,再次說多謝你!

    0
  • K

    重覆多一次!!!



    我晌3月5日時巳經話咗暫時唔收新問命要求.



    因為實在有太多朋友未覆.如果唔介意等的話可以照send比我,



    0
  • A

    I've sent a mail to you, hope you can reply me. Really thanks..I will wait for your reply...

    0
  • N

    Hihi Kiki,

    知道你已暫時唔收新問命要求, 但仍衷心衷心衷心衷心...可以得到你既幫助/回覆...

    我會耐心等待, 辛苦曬 >.^



    支持您!!!^^



    All the best, Natalie ~*

    *[email protected]

    0
  • M

    hi kiki



    你好!自你幫我簡批完之後心態好似正面左好同開心左,我會聽你的意見去做.有機會真係好想再同你傾下計,你的支持者真係很多.祝你事事順利.



    mm

    0
  • K

    RE:mm,



    好開心幫到你,其實而家呢個世界,個個都好醒目,個個都好清楚知道自己想追求嘅係乜野,但係當大家為自己嘅目標而努力嘅時候,不知不覺就變得對好多野都好執著,越得唔到就越執著,所以未唔開心lor.再次多謝你嘅支持!



    好歡迎大家晌呢到留言傾下計,又或者可以email比我.



    0
  • T

    西曆1971年3月19日4:00am 女命

    香港



    財運，事業，婚姻



    [email protected]

    0
  • K

    RE: tianyi168hk,



    有興趣問命嘅，麻煩你 send email 比我，我唔係唔會覆晌呢個留言板上面嘅問命要求架，敬請合作。

    0
  • K

    哈！打錯字！



    重覆多次：



    RE: tianyi168hk,



    有興趣問命嘅，麻煩你 send email 比我，我係唔會回覆晌呢個留言板上面嘅問命要求架，敬請合作。

    0
  • M

    kiki



    多謝你回覆就真啦!希望你唔好覺得我煩就好了.^^我真係想學會不去執著,keep住開心去o念開心.其實我真係非常執著.



    mm

    0
  • K

    RE: mm,



    你講開呢個問題，我有好深刻嘅體會... 每一個人都有喜愛鐘情嘅事物,可以係錢,物質,事業,名聲,地位,異性,情慾,外表...當鐘愛嘅程度去到極唔想失去嘅時候,人嘅內心會出現"貪求"嘅心態,唔捨得放手,想得到更多,或想留住果樣野...特別面對感情嘅時候：貪愛.



    當遇上一個自己鐘愛嘅人,我地會好珍惜,好想細心培養一段良好嘅関係,但無奈並唔係個個都會咁順利.我見唔少問命嘅朋友就係晌"得到"與"得唔到"之間痛苦,不知不覺自己嘅情緒同思想都被牵引住：為對方而喜而怒而愁而怨... 整件事最吊詭嘅地方就係對方可能根本對佢地亳不在乎。



    曾經有過一位廿多歲嘅女仔問命，佢從未戀愛過，最近佢暗戀咗一個男仔，從佢口中得知，佢由認識對方到後期只係晌ＭＳＮ傾計，個男仔由始至終都只係當個女仔係普通朋友。我用旁觀者嘅角度去睇，被暗戀嘅男仔根本乜都無做過，一切都只係個女仔嘅痴想。聽佢所形容，當個男仔晌ＭＳＮ added 咗佢,但從來唔主動同佢chat, 就令到佢感到好痛苦，仲話唔知個男仔想點，講到個男仔好唔啱咁。我果一刻真係投降呀！雖然佢嘅命盤一早就有所顯示：貪狼化忌。但係佢竟然執著到呢個地步！天性... 由佢晌呢件事上嘅反應去推斷，佢生活上晌好多方面都一定過得唔如意。如果佢能夠學懂放開，放下，放手，佢嘅人生一定會過得開心好多，並會更易得到佢想得到嘅野。

    0
  • Y

    其實古人造字/辭，早有其睿智，“捨得”， 要先捨棄，才能有所得著！

    0
  • K

    yy 果然有睿智 :)

    0
  • M

    Kiki



    你都唔好怪個女仔,我好明白o架.



    這個階段我都迷茫過,執迷過,我有好多朋友都叫我放開,我係有的.最差的是當你對著一個自己鍾意的人,佢又同你糾纏.可能他也貪多一個人鍚自己.人性係自私的明明不愛都要霸,我這時都好辛苦的.



    如果個個都好似你所講看得開會開心o的,做得到當然好啦!但不是每一個人都做得到由是感情事.如工事鬧得不如意,一陣子就會冇事,但男女之愛真係好難抽離.



    無論什麼年紀都會因感情事而變得愚蠢,所以要慢慢學習,因當局者迷,旁觀者清.



    mm

    0
  • K

    RE: mm,



    我當然唔係怪個女仔啦，我只係想比一個"執著"嘅例子同大家分享一下，希望有緣睇到我段說話嘅朋友，可以思考下呢個問題。



    好多時透過算命，真真正正幫大家嘅唔係話比你地知幾時有運行，真正幫到大家嘅係透過術數去令你地以客觀嘅角度，更深入咁了解自己，只要能夠做到真正了解自己，積極面對自己嘅優點同缺點，再努力咁完善自己嘅性格，嘗試用另一種態度去面對身邊一切.... 以上種種都可以令到我地發現自己所面對嘅環境唔同咗，會開心D，地獄同天堂都係在心中。



    係要對某一Ｄ野執着，放唔低，越得唔到就越痛苦，同時間仲影晌到生命中其他部份。人生係一種歷煉，每個人都有自己要面對嘅難題以及痛苦，但其實好多時候都係因為自己嘅性格而引致問題發生，所以了解自己性格嘅弱點之後,就要積極面對。要活得自在，就要學識放下。

    0
  • K

    kiki你好，我前幾天send 左個e mail 比你，唔知你收唔收到呢?

    我email address 係[email protected]



    kitty

    收唔收到都通知我la，我會耐心地等ga

    thanks

    0
  • K

    RE: Kitty,



    我收到你個email,但係唔能夠咁快覆你. 請見諒.

    0
  • N

    十萬個Support!!

    一個字, 準!

    二個字, 佩服!



    內容快狠準! 同埋Kiki真係好好人, 好友善, 雖然是簡批, 但其實都已經好詳細! 收費合理!



    在此, 要多謝Kiki既鼓勵同批算! 我會好努力如你文中所提^^

    希望你生活愉快!!

    0
  • K

    多謝 Natalie120 嘅支持同鼓勵



    我會繼續努力！

    0
  • K

    煩請大家晌回覆我嘅時候,唔好另外開一個新嘅 subject, 變咗同一個 case 往往因為咁而有好多個 emails 出現,變咗當我想追查返我地之前嘅對話時會好困難.

    0
Log in to reply