完整嘅家庭 vs 開心嘅家庭



  • 對一個小朋友黎講﹐究竟一個完整嘅家庭緊要﹐還是一個開心嘅家庭緊要﹖



  • 開心最重要

    完唔完整唔重要

    我出生係一個唔完整既家庭

    但被愛包圍, 其他已經唔重要

    我從來都覺得無爸爸個d喊慘個d人係扮可憐

    不過或者佢地唔係似我咁, 未出生已經無爸爸

    個d已知有意識到爸爸存在既人就可能慘d



    但單身家庭既人唔係想像中咁慘



    或者有1日我見到我爸爸, 都唔知有咩感想

    我暫無憎恨既感覺



    最重要係母親/父親(單一)角色要比起完整家庭付出雙倍代價



  • 其實我都覺得開心係重要D

    但係呢D都只可以用我自己角度去稔

    小朋友會5會都係一樣想法﹖

    可能會比佢怨一世?....



  • 當然開心緊要啦. 完整但唔開心都冇用.



    我獨身女出世有爸媽嫁, 但8歲就唔完整喇. 呀媽佢再嫁人,有自己新家庭,咁多年都冇再見過. 雖然唔完整但我開心喎.



  • ee

    我想知,點解你會咁問?



    我都同意開心家族講法,就算一家人齊,但係如果日日鬧交,屋企氣氛唔好,可能單親但開心個 d 對小朋友仲好



  • 小朋友會5會都係一樣想法﹖

    可能會比佢怨一世?....



    我細個都唔會怨喎. 冇怨過呀媽再嫁,反而覺得佢係啱既, 唔好勉強自己留响一個唔中意既屋企, 咪盞成日嘈. 當年佢地離婚我不知幾開心, 雖然嗰時得小學, 但佢地一離婚我就叫呀爸快d去識女仔添.

    我自己就覺得由於响一個唔完整既家庭長大, 本身個人本較成熟, 唸野會知足d同比較冇咁溫室小花.



  • 小妖精﹐即係你媽媽再嫁﹐你都覺得ok﹐都溶入到﹖



    Karl_Hendrix﹐可能因為有機會要面對類似嘅情況﹐所以問下...

    according to your reply, how about﹐屋企無日日嘈交﹐只係父母無左愛﹐咁會5會都係有問題呢﹖



  • ee

    如果無左愛,即使繼續係一齊,都好可能有一日出問題,係咁倒不如早 d 分開

    除非你地有信心一路做到相敬如賓



  • Karl, 如果可以相敬如賓﹐就5雖要分開...但我係明你嘅意思嘅~



  • 所謂開心, 只係你以為可以給予既開心, 完整家庭既開心你可以提供嗎?

    勉強定義, 應該係將父母感情問題對整體家庭既影響如何降至最低, 如果離婚真係可以令單親父母專心施愛給下一代, 那當然好, 但那不是等號, 都要當事人既情緒控制能力有一定級數先得.



  • ee: 我呀媽再嫁後已經冇再搵我. 但你問我溶唔溶入到, 我可以答你一定得. 我覺得自己細個時已經好成熟, 我好月白大人之間既事. 我跟我老豆既, 老爸之後都有女朋友, 我都好歡迎, 而同佢女朋友d細女都相處得好好添.



    其實你唔使怕細路仔唔明, 佢地呢一刻唔明,大過都會明. 我好慶公幸父母當年離到婚. 我記得老豆唔想離嫁,周圍問人應該點做, 我記得我同老豆講, 離婚啦!媽咪有叔叔嫁喇, 你搵個女朋友啦. (當我我得八歲渣)



  • "所謂開心, 只係你以為可以給予既開心, 完整家庭既開心你可以提供嗎? "



    this is what I concern!!!! 唉~~



  • 我朋友同我相反, 佢父母咁多年都唔離婚, 佢呀爸有錢時成日包二奶,三奶,已經同佢呀媽冇感情, 但佢呀媽係d好傳統既女人, 細個覺得離婚會令我朋友冇咗個家. 到依家我朋友都大喇,佢呀媽又覺得嫁雞隨雞. ..我朋友咁多年都係咁叫呀媽離婚,佢成日話好羨慕我,唔使細個成日家嘈成閉.



    所以開唔開心真係唔係屋企有父母就會開心 . 好似我朋友咁,由細到大都有父母,但就唔開心.



  • 有好多離婚婦, 因一直不能釋懷而將伴侶帶給她的不快樂轉贈給子女, 那樣, 又如何能帶給他們幸福快樂呢?



  • 完整家庭既開心包括 d 乜? 如果父母交惡,完整家庭仲開唔開心?



    我答唔到...



  • 小妖精﹐你個case真係幾特別﹐同埋真係估5到你得8歲時﹐已經思想咁成熟﹗﹗

    而家同父母關係都仲係好好﹐好close嗎﹖



  • "點"



    如果父母不和,將不快發洩係子女身上,結果都唔會快樂



    呢樣野無絕對既答案,個個人 case 都唔同



  • ., karl: 咁係未即係話﹐大人分開﹐係一件好自私嘅事﹖



  • 我同呀爸當然好啦,成日都番去同佢and佢女友食飯. 呀媽冇搵近廿年了.佢離婚後有佢新家庭,生咗個仔. 所以都冇所謂啦..



    其實你唔好估到d小朋友真係咁低能, 佢地好多野都知道. 有時真係要比個真相佢知.你勉強落去,唔係保護佢地,只係害咗佢地.



  • , karl: 咁係未即係話﹐大人分開﹐係一件好自私嘅事﹖



    我覺得勉強一齊仲係自私喎



  • 成長, 由單身變為夫婦, 由只為個人而變成為整體家庭, "必定" 要將以往放在首位既 "個人" 要素, 放到 "整體家庭" 之下, 如果, 你既出發點, 已考慮到家庭各成員, 那絕對不自私, 但決定將會非常難下.



  • ee

    如果你為左小朋友開心而分開,咁叫唔叫自私?



  • ., you are right...我究竟有無考慮到家庭成員覺得我個decision係對或錯﹖



    唉﹐越稔越迷失...



  • ee: 我話你知,其實我媽咪離婚前幾年已經搬走埋,佢搬走後都會每星期臭我出去玩.當時我見到叔叔(即媽咪男友). 我其實冇反感,都幾開心添. 因為媽咪同叔叔同我出去玩, 媽咪會笑, 唔會發脾氣. 但媽咪每次同老豆同我一齊時,媽咪就好煩,唔會笑,仲會鬧我添.

    所以點解我咁細個就明白, 係因為我睇到媽咪同老豆一齊真係好唔開心, 連帶對我都會發脾氣, 我都會唔開心.



  • karl, 但我5可以predict到小朋友嘅感受



  • 同意開心既家庭緊要D



    我好細個時, 媽同生父都係分開左, 佢地一齊果陣所謂阿爸成日打阿媽, 再唔係就貎合神離咁, 我見到都唔開心, 佢地分開左至少我阿媽識笑, 我都開心好多





  • ee



    其實你有咩表情, 相對地個細路就會有咩感受, 細路既思維好直接



  • 小妖精﹐咁都要你爸爸當年肯放手﹐先可以而家呢個結局。

    其實我聽到你嘅case﹐我都好戥你高興

    高興5係因為你父母離婚﹐而係你細細個就識得handle咁複雜嘅事情﹐好識稔﹐同時亦有個好爸爸一直照顧你



  • ee

    如果你小朋友好似妖精咁成熟,你可以同佢傾

    如果唔係,我覺得你只有做你覺得對佢最好既事,同埋盡力做到最好



  • 補充: 當年老豆唔放手嫁. 我記得好似係單方面離,因為我爸媽已經分咗居好耐.



  • 稔到頭都實曬...



  • 咁, 係呢段時間, 你俾到你既小朋友開心嗎?



  • 其實小朋友仲係好細﹐爸爸係乜水﹖所以﹐現階段﹐佢係十分開心嘅



  • 個人體驗:



    我同我先生無左愛情, 分房訓已經幾年, 不過我地相敬如賓, 好少嗌交, 雙方都好錫細路, 我地可見既將來都唔會分開, 分開除左可以方便大家識男女朋友之外, 我見唔倒有咩好處. 現在個細路好開心, 我地都樂意為左佢繼續一齊. 我認為父母既一切決定都要以仔女為依歸. 如果家嘈屋閉就另當別論啦!



  • ff, 咁小朋友會5會問點解你地分房訓﹖



  • ee,

    佢都見慣, 有問過下, 我話我地分開訓會訓得舒服d.



  • ff, 其實我都有稔過你現在嘅situation可5可行...

    because it seems like it is the "best?" way to "solve" the problem.. temporary..



  • ff,

    then do you or your husband has bf or gf?



  • ff

    但係你地諗住一路係咁? 定佢大個之後總會明白,到時先諗分開?




  • 完整但不開心,倒不如不完整但開心。



  • 好耐無見喎



  • karl

    少碰頭o者,我依然差不多日日都有上she,不時會留下言咁。

    只不過通常是在自己開的線上留言,很少去別的線上留言了。



  • 我覺得開心既家庭重要d ^^



  • 多謝大家嘅留言



    大人嘅每一個決定﹐都會好影響到小朋友嘅將來

    但我地只係一個普通人﹐無辦法去預知未來嘅事情

    我﹐只係想小朋友可以快樂成長...



  • 早晨丫ee>>



    如果你既小孩都知道你做媽媽既用心,

    一定好想保護您, 雖然佢細, 但佢會感受到媽媽對她的愛,

    對家庭既愛護, 你要努力!!



  • 呢兩樣野對我黎講都好重要.



  • christy, 多謝你嘅鼓勵﹗



    其實而家所有野都係我單方面稔緊﹐對方跟本5知我想行到呢一步

    但我都好肯定佢5會肯...即係﹐有完整嘅家﹐但傷心的我



  • ee



    唔洗客氣^^

    我只係覺得人生仲有高低潮,

    在任何時候要以正能量思想去面對生活,



    不如你搵個時間同佢傾�鴾j家日後生活想點安排,

    唔好激動, 只需平靜地道出自己既心底話,

    唔敢講係唔係可以修補到你地既感情,

    只係你講�鰿J心�\你對佢,

    對阿女, 對個家都會無憾,

    盡�鬫菑v能力, 對得住自己, 對得住個家, 做好自己本份就問心無愧了!



    咁ee你而家生活得何如呀? 希望你開心d啦~



  • christy, 其實事情並5係可以大家和氣坐低傾就搞得掂

    要搞得掂﹐除非我肯當乜事都無發生過



    我而家嘅生活﹖如果見5到佢﹐我會開心好多﹗



  • ee



    咁你而家打算點? 既然不能面對面對話,

    你有冇打算申請單方面離婚?


Log in to reply