同一個步伐唔一致既男人一齊,覺得行得好辛苦!!!



  • 我好愛佢,但係我同佢既方向唔一樣,都已經三年幾,我都唔細想結婚,但佢而家各方面都唔容許,就算係我覺得佢都唔係咁想,唔知可以點!!!



  • 勉強去結無幸福wor



  • how old r u



  • 我都差唔多30歲啦,好想有一個家庭,但其實我男朋友係結過婚,已經分咗居,辦緊離婚手續,佢覺得佢有d嘢未攪掂,我明佢既處境,所以我知短期內同可見既將來,我都同佢結唔到婚,但係我已經等佢等咗成3年,所以已經無曬耐性,再者,我同佢既關係開始既時候都唔健康,所以有好多問題一路一路咁積落去,無解決到,其實一直都行得好辛苦,成日都諗係咪時候要放手,but i still love him!!



  • little_sheep :


    離婚手續個D,隨住時間應該SOLVE到


    不過你兩個間既事,就要睇下係乜事lor



  • 1



  • 而家一路都有好多argue,由於我已經無咩耐性既關係,所以我好多嘢都會push佢,而佢會覺得有好大壓力,至於兩個人既嘢來來去去都係嗰d,我估好多人都明,講嚟都無用,我覺得自己付出咗好多,為佢受都好多委屈,雖然佢都係,由於佢之前咁既status既關係,唔可以好似正常情侶咁相處,咪一路一路積埋好多委屈同問題囉,喺我角度我覺得佢應該對我更加好,但係而家佢覺得佢要做好自己既嘢先(即離婚),所以take care唔到我咁多,令到我唔知再用d咩方向同佢一路行落去!!



  • 我同你差唔多,不過我男友已經離咗婚,小朋友都唔係跟佢. 我同佢其實由相識到一齊都糾纏咗好多年...由初初佢未離婚我地有野,曖昧,分開,陌路人,再一齊,離婚,一齊,到同居...到依家我地明正言順咁一齊都有兩年喇.


    有時我覺得, 唔好去唸太多將來既事. 對於一個離過婚既男人,可能佢未必想再結婚,特別係前一段婚姻帶比佢好多既痛苦. 但事實未必又係咁,好多人都會再婚,再再婚..我地唔知.


    三十歲唔係一個指定既結婚數字,問題係你同佢一齊開心,你enjoy個過程咪得囉. 就算結咗婚都唔代表王子公主從此快樂生活.


    我勸你唔好迫佢,唔好提結婚兩個字. 男人唔同你結婚唔代表佢唔愛你.



  • 加上佢依家都未攪清楚佢自己既事. 你迫佢只會令佢更辛苦.





    我當初都做好多野,但都得唔到我想要既結果. 但今日我好開心,佢好愛我錫我,令我覺得自己好幸福,朋友問我究竟做咗d乜. 我答佢:原來响呢種關係,呢d情況下, 女人唯一要做既係"乜野都唔好做". 呢個係真嫁.



  • 苦苦,多謝你既意見,因為我自己懶係有自己既標準,所以某程度上我都迫得自己好緊要,同你一樣,曖昧,分開,陌路人,唔捨得又再一齊,都真係糾纏得好耐同好累,我唯有同自己講,如果我同佢真係有緣既始終都會一齊,就算之前或當中受過幾多苦都好,不過我相信而家係我緊佢多過佢緊我,所以覺得自己好委屈,但係我都知道做人有時唔應該覺得自己係受害者,不過我相信好多人都明白,女人既情緒同心情都係好敏感,我唯有希望自己堅強d同正面d去睇呢樣嘢!!


    各位,而家有睇女排嗎 ^^



  • 我完全明白你, 因為我都試過咁. 過程好痛苦,我當初又係覺得我緊佢多過佢緊我. 甚至我出十分努力,佢只出一分. 佢唔要我時我甚至用性麻醉自己. 但原來係更空虛. 最後我都好累. 放棄咗.


    不過工作同朋友真係可以令人淡忘痛苦.我都係全靠咁先慢慢好番. 所以以你既情況(佢未離婚),你仲未係勝訴,應該有你自己既生活. 當然我希望你都可以好似我咁"守得雲開"!



  • 苦苦:


    你所講既"乜野都唔好做"(當然指某D適當時期),真係好有智慧



  • 辦緊離婚手續





    咁妳咪第三者



  • batmanhongkong: 我其實好冇智慧就真, 因為當初我以為做野就會得到想要既野.結果唔係.


    我依家唸番今日得到既其實係我當時最後選擇咗放棄同忘記.



  • 苦苦,我都好想好似你咁,batmanhongkong講得啱,你好有智慧,但係呢d時期真係好考自己既耐性同情緒,我希望我可以真係做到咩都唔做,所以喺呢d既情況下情緒同EQ都好緊要,我知我某程度上佢都會覺得我好煩同討厭,呢d關係真係長期作戰!!


    kkmon,我係第三者!!



  • 佢話依家攪緊,咁你知唔知道情況去到邊? 搵咗律師未?



  • 我都唔敢問太多,佢應該搵咗律師,唔知又話要咩結婚證書,層樓又要攪埋轉名(之前係聯名),所有文件都喺佢嗰個到,所以我覺得攪極都攪唔到,我估都要一段時間,苦苦,其實個過程係點,係咪真係會有咁多麻煩嘢??真係諗到人都癲!!



  • 其實係ga...一開始你通常搵一個好愛佢....跟住慢慢發覺你好愛佢...但係佢唔係太愛你..跟住你又想搵一個愛你多d....之後你又覺得佢又唔識合...最後你要搵一個岩你既...就好似你而家咁啦...又想結婚但人地唔準啦...但係可能佢係有原因呢



  • 每一次問佢,佢又會同我講因為呢樣因為嗰樣,所以攪唔到住,令我對佢無曬信心,雖然我都知佢係有心做,佢都講話不如分開吓,等佢整好曬就再搵我,睇吓我到時點,但係我又唔捨得,我d朋友都話,我同返佢一齊就唔可以再係咁!!



  • 係真係有咁多野要攪. 不過其實所有野可以一個月內攪掂哂. 呢d情況男方通常會愛理不理,老實講,分佢身家喎家陣,個男人邊會咁積極去做呀.


    我個時都係,好彩個女人好積極好決絕咁攪呢d野.所以你唯有等嫁喇.



  • 佢話文件要呢樣又要嗰樣,所有嘢都喺佢嗰個到,但係嗰個又好似唔係咁急咁,而我bf就覺得無需要迫得咁緊要,話曬都係我bf唔要佢,話唔好咁絶,所以我都唔知信好定唔信好,我已經無耐性無曬信心,所以有時會好嬲,都唔知佢哋想點....



  • 我係男仔,我都係第三者





    我鍾意既女人同人同居中,但係佢同我一齊既時候又表現到好愛我,我都一直容忍同付出,甚至做左好多我之前都冇諗過會做既事。





    岩岩睇到苦苦所講,可能我都唔應該刻意去做咩野,因為我自己都諗過,依家已經 cher 到咁盡,到時一齊左我仲點延續落去呢?我愛一個人,想同佢愈耐,關係愈穩固,我亦會愈愛佢愈對佢好。我係果種唔信愛情會漸漸變得平淡既人,我覺得只要唔懶,兩個人之間係會愈來愈 sweet,一定要 keep 住花心思去 tum 對方開心去了解對方既需要





    愛一個人,而又自知對方需要自己,自己又有能力俾到對方幸福,點都會好想同佢一齊過埋下半世既



  • 打电話比佢老婆, 叫佢快d攪好手續



  • earthworm...將你地d野和相比佢同居男人知, 個女人手到拿來



  • 問題係個男人知,我鍾意個女人都話左唔愛佢,但個男人唔放手,仲要煩個女仔既屋企人......吹漲



  • 板主:唔好再迫佢,再問佢喇. 佢要做既自然會去做. 再迫佢,佢只會當你發癲,冇男人鐘意癲婆嫁! 邊個忍唔到嗰方咪做癲婆啦. 好簡單既道理!



  • 苦苦,或者你講得啱,可能放生佢等如放生自己,我哋大家都辛苦,希望我自己可以放輕d啦,不過學你咁講,我覺得我而家十分努力(喺情感上),而佢而家好似用緊一分努力去keep住我哋既關係,try my best la!!



  • 呢種關係不嬲都係你急佢唔急嫁啦.



  • 辛苦咪走...好簡單一句



  • 唔走得!等咗咁耐依家走好似好唔抵. 搵到第二個先走. 不過個心有咗佢又好難接受到第二個嫁喎.




  • 苦苦





    人生就係咁矛盾,進不得,退亦難



  • 我明oY. 有時自己明知唔啱都會做,因為往往都會比好多借口自己.特別係"自己都控制唔到"



  • 苦苦





    唔係自己控制唔到,係因為妳重視對方,先會有唔甘心唔捨得既感覺


    自己盡左力,如果都唔能夠一齊,只有一個可能,就係妳並唔係命中可以令佢定落黎果個人囉



  • 啱,個心有咗佢就好難再搵到第二個,又或者同第二個一齊,好似今日咁,打風都可以搵都唔搵我,究竟想我點??愛我究竟有幾多??可能好似你哋咁講,我唔係一個可以令佢定落嚟嗰個人,步伐同感覺都唔一致,令到我一個人真係行得好辛苦,我真係應該放手嗎??



  • 你覺得同呢個人一齊仲有冇前景





    你唔細la....要打算下...



  • 我都知,但係真係好唔捨得,好想自己好好咁行落去,因為我覺得佢唔係咁想同我行,起碼無咗之前所講嗰d咩目標一致等等!!



  • little_sheep





    唔需要特別去逼自己放手or 唔放手,到左某 d 位,自然會諗得通





    記住,人同人之間係互動架!妳做左一 d 野,相對佢又會做返一 d 野,所以心態同信念係好緊要,盡可能,唔好俾自己搖擺不定,咁會易處理 d



  • earthworm





    我d朋友都係咁講,人最慘既就係企喺十字路口,唔知點去行,喺到搖擺不定,好想等佢同佢一齊行,另一方面佢而家咁講又令我好想放手!!



  • little_sheep





    真係行到盡頭就會知道應該放手定唔放手架喇!





    不如咁問妳丫,係呢一個 moment,妳 prefer 等佢多 d 定係走多 d 丫?總之決定左就要對自己既決定負責任,唔好反悔



  • earthworm





    應該咁講,我同佢分開過好多次,唔係佢搵返我,就係我搵佢,而當中問題始終仲喺到,時間同感覺情緒等等既問題一路一路咁積落去,當中相處既時候大家又好辛苦,跟住又分開,到最近佢其實聲稱情願佢攪掂曬所有嘢,然後再搵我睇吓我想唔想再同返佢一齊,但係呢段時間我又唔捨得唔見佢,故事發展到而家就係咁..........





    如果你問我,我prefer等佢,但希望佢喺呢段時間裡面,做曬一d我想佢做既嘢,例如緊我多d等等,但係我覺得佢唔係囉,所以我先唔知自己點做好..... 哈,我都有朋友講過,當自己真係等唔到忍唔到既時候,就知道係時候放手,但好似苦苦咁講,好唔甘心同唔捨得!!



  • little sheep,


    你搵啲其他嘢做吓打發吓時間, 唔好再咁專注呢段感情! 工作同朋友真係可以幫到你架!







  • 我係果種唔信愛情會漸漸變得平淡既人,我覺得只要唔懶,兩個人之間係會愈來愈 sweet,一定要 keep 住花心思去 tum 對方開心去了解對方既需要





    愛一個人,而又自知對方需要自己,自己又有能力俾到對方幸福,點都會好想同佢一齊過埋下半世既


    by nickname earthworm - 08/21/08 21:38





    我見到earthworm呢段文字,我啲眼淚真係流咗出嚟! 真係有男人會咁架咩?




  • 我已經儘咗最大努力,都係行唔通既,所以只好放棄!




  • little sheep: 我男友當初都係叫我等佢,又搵番我. 結果最後一次,我扇佢大大鑊,我用報仇既心態扇佢大大鑊. 之後佢冇再搵番我. 我都決定既然咁就算數. 寄情工作同朋友, 當時我好好,工作好順利, 勁博, 朋友又多, 鐘意出去蒲,鐘意就去下旅行.


    其實我覺得你應該放手喇. 真係試吓唔好再去理去唸,個心唔好唸住係等佢,有你既生活,有男仔照識.慢慢你會舒服好多. 至於佢會唔會真係攪掂所有野,唔好去唸了. 係你就係你.



  • little sheep and 苦苦, 破壞人家庭



  • 苦苦,


    你真係好好彩!




  • 可以話我好彩,亦可以話整定係我



  • 我宜家習慣緊無佢既生活!







  • 水水:習慣咗幾耐?



  • 苦苦,水水





    我明白,如果叫我全部放手,我諗我真係未必得,所以我而家慢慢試緊唔好咁著緊佢同埋呢段感情,我估起碼對自己會好d,我都明白,有d嘢係無得強求,係你就係你,或者唔好太專注,分散吓注意力,希望會好d啦,都係嗰句,我始終都係愛佢!!