地鐵百態....



  • 今日搭地鐵,係中環尾站落車. 乘客都未落車, D人就係咁擁入彌. 我前面個師奶, 因為行唔到出去, 有個女仔同D freind阻住佢落車, 又唔借咩, 咁佢就用咩住既奶粉袋, 稍稍大力咁撞出去.  點知個女仔都唔知係咪有心, 好大聲咁係個師奶耳仔則邊哎"唉也!",個師奶冷不防佢唉得咁大聲, 有少少赫左一跳, 即刻皺曬眉. D人又係既, 都唔讓人落車先既.

    唔知大家又有冇D搭地鐵既有趣經驗呢?





  • 如果我企門神位, 我會行出去先, 等啲要落ge人落哂, 先再入返車.



  • passenger replied @ 2008-07-25 8:50 pm



    如果我企門神位, 我會行出去先, 等啲要落ge人落哂, 先再入返







    乜野係神位? 兩邊個 d?



  • 唔係神位, 係門神位, 就係門兩邊個 d lor.



  • sorry sorry! 一時睇錯!



  • passenger replied @ 2008-07-25 9:34 pm



    唔係神位, 係門神位....







    hahaha! :D





  • 試過搭MTR,原本聽緊歌,突然傳黎幾聲好似狗吠既聲,跟住有人向隔離車廂望,原來有位 milano 係到好大聲打乞 chi... :P







  • 有時見到繁忙時間, 地鐵內已經big爆, 有d不知廉恥的人依然會好悠閒地成個人唉住d柱, 周圍d人只可以用手指黐住少少邊. 有一次我頂唔順, 開口同佢講:



    先生, 呢條柱係比d人扶住, 唔該唔好成個人唉住!



    跟住佢好臉蒙咁彈開.



  • 我見過一對狗男女, 若無其事飲汽水同食薯片, 成車人望住佢, 佢哋仲要回個 [咩呀, 咩呀, 我係要食呀, 吹呀!] 咁 ge 眼神, 真係想打柒佢哋.



  • 好多人見到大肚婆/手抱嬰孩婦女/阿伯阿婆都唔會讓座, 真係唔知呢個咩世界.



  • Wow you are pretty lucky, you never know if he is a crazy guy or not.







    Probably been posted before. One spark in the powder keg. Boom Boom BOOOOM.



  • "先生, 呢條柱係比d人扶住, 唔該唔好成個人唉住!



    跟住佢好臉蒙咁彈開."







    Wow you are pretty lucky, you never know if he is a crazy guy or not.







    Probably been posted before. One spark in the powder keg. Boom Boom BOOOOM.



  • 面懵........ 以至老羞成怒 .......... 狂性大發 !!!



  • 我試過上班塔MTR,我本身隻手扶住條柱,有個男人仲唉落來,點知我手指帶一只介子上面有一下個銀做的珠,痛得個男人叫了出來,全車也暗暗的笑



  • M.margaret :

    個男人好抵死, haha



  • http://youtube.com/watch?v=1-m3f2Axio&feature=related





    嘩嘩嘩!! 太激烈了。 I quit at 2'43, more than enough. poor kid... 為個位咁俾人侮辱。所以潑婦也雖選岩對像黎罵。。。





    見過一次又係C9 對戰MLN。大家企近車門。C9 被MLN的背LONG 頂著,爭D上唔到車,但最終都上到,不過條氣好唔順,由灣仔站開始,一路同佢個FRIEND用音波功黎鵝佢("乜D人咁咖!?係咪男人黎架!?......")..... 鵝到北角站,個男人臨落車時,終於頂唔順,拋低一句 R%#$W*!!! 就走了。車門柵左後, 個女人仲覺得自己贏左咁。。。





    一到男女對戰ge moment,D人就用性別黎攻激對方,好原始下,根本同件事已經冇關了... =
    ='

















  • C9 超長氣, MLN 死唔斷氣... 好煩. 好彩無乜機會撘火車啫.



  • 所以我寧願行遠d,去車頭或車尾,多數有位坐,就算企都唔會太迫



  • 老實講, 有時候太趕我都會偷偷地係地鐵食早餐, 但都係緬包姐.



  • 我次次都比啲 "未受過教育嘅人" 阻住我落車架。

    即使個車廂有大把空位,由外面入嚟嗰啲人梗要做 "第一個"走入嚟。



    有次仲衰,眼見有個亞婆企喺門口等開門,點知一開門就有兩個年齡大約 3X 嘅大陸女人 (因為佢哋操流利國語及唔鹹唔淡廣東話) 撞到亞婆埋我個邊,好彩我都係落車,所以一手扶住亞婆。

    之後有個女人當眾話佢哋使唔使咁趕,點知佢哋兩個話係亞婆自己攞嚟嘅,之後佢就當無時發生繼續傾計。



  • 我見過好多次, 成日見到大6人, 當坐到一個位之後, 就炸家衣坐則啲, 則則下迫走隔離啲人後叫d friend一齊坐



  • 我見過mtr車廂內有個阿嬋食緊個淋好多水既林柿,佢四周既人彈開曬,不過係好多年前既事lu~~

    上個月坐火車(放工時),我坐車卡頭尾既對坐位,一個位對住兩個位果d,對面坐左對情侶,傾得興起打起車輪黎,好似做show俾人睇咁,真想死,仲以為佢地會好似d架仔片咁即場開拖添:p

    又試過有次放工坐火車,去到九龍塘站,落車人比較多,都無咩人上車,果時有個傻婆彈出黎,向月台大叫"請先讓車上乘客落車,上唔到車既乘客請坐下一班列車",嘩....我幾乎笑左出黎:p



  • 上年大約8月左右我係趕稿開ot

    夜晚大約12:00左右搭地鐵

    我個車卡一個人

    去到彩虹站果陣

    咁有一個啊伯入黎我個卡

    我好奇怪點解佢唔坐

    (因為成車除左我之外一個人都冇)

    我企起身問個伯伯點解唔坐

    佢話............

    "咁多人坐都冇人讓位比我坐,後生仔你真係好心"



    我立即係下一個站落車搭的士回家

    ....

    咁算唔算地鐵百態....



  • 可能係個伯伯有心想玩下野, 又可能伯伯精神有問題, 亦都有可能個車卡真係有野......



  • 我反而見過有大6家庭(我估係遊客),可能去左成日街,個小朋友好倦咁,一入車廂見到有個位就想坐,點知有個呀嬋突然飛出黎,梗硬秤起條細路,仲用英文同佢港,"You have to learn!!!", 跟住就自己dud左落去。個細路成家人只係頭dup dup。 好過分,真係想打爆佢個頭!!





  • 我去HK, 覺得普遍來说,d人都有规舉, 有文化. 係有部份"奇尼"d, 不過真係人生百態lor....



    仲有, HK MTR 好clean. I have a very good impression of HK MTR!



  • 有次上扶手電梯, 有幾位自由行太太係前面, 電梯到了平台幾位c9就停左冇向前行, 係道研究點行. 真係要push 佢地行開.



    好危險ga ma, 塞着個通道, 後面d 冇得出就會跌落去架ma....





  • 好危險ga ma, 塞着個通道, 後面d 冇得出就會跌落去架ma....









    我上落盡量同人保持兩秒距離 :P







  • 不過我覺得自從 97 回歸以後,就唔同咗好多。

    例如 :我朋友(由歐洲嚟),佢同我講過97前佢嚟香港嘅時候不論搭地鐵或行街都覺得香港人個個都好有禮。不過現在個感覺似返咗大陸咁~~~ "野蠻人週圍都有"。



  • "我企起身問個伯伯點解唔坐

    佢話............

    "咁多人坐都冇人讓位比我坐,後生仔你真係好心"





    哈哈哈哈哈哈哈哈哈 !!



  • 如果讓位比老弱,大肚婆,手抱婦人... gut 左起身, 讓位者半個身位仲要"霸"住空位, 立即示意被讓位人士; 否则的面皮厚一個唔該都冇就"duck"入空位內.



  • CheerfulSweetie replied @ 2008-07-27 12:47 pm



    如果讓位比老弱,大肚婆,手抱婦人... gut 左起身, 讓位者半個身位仲要"霸"住空位, 立即示意被讓位人士; 否则的面皮厚一個唔該都冇就"duck"入空位內.









    @_@" ..............咁咪即係要 gut.................LOH?? -_-"











  • 好,等我都分享下其中一次係地鐵搵位坐既經驗:





    下班時分,車站月台上如常擠滿了人。由於掛住咪手上既報紙,原本排係最佳位置的我(^.^V),冷不防被一位外表飛常戰鬥格及強捍的中女,打我尖! B(





    跟據月台上的黃線以及我們兩個人四隻腳的位置,看來我已被擠至外圍。以我最痛恨別人不守秩序的個性,以及返了一日工覺得gwui lai lai一定要搵位坐的需要,我同自己講,絕對不能輸!





    我立刻快速而仔細地對形勢作出了客觀評估。由於我的位置處於下風,當車門打開時,群眾便會一窩蜂擁入車廂。如此一來,跟據聶氏理論推算,輸掉這場競賽幾乎是必然的事; 加上突然想起了一位 C hing 曾經教授過"手中無劍,心中有劍"的秘笈,我認為我必須進行逆向思維。





    (to be continued)







  • 首先,我向隔鄰中女擺出一副唔志在的嘴臉,但當車門打開時,我便從時鐘5點中(或"東南以南")的位置突圍出發,並沿軌道逆時針方向跑,以避過與下車的乘客進行正面衝突。我認為這個方法很不賴,絕對有幾會"lamb"返個位坐。不料,跑到9點時,卻發現車廂兩徬的坐位已被悉數佔據!! 不過正如阿GUMP所說:「人生就像一盒巧克力,你不會知道下一口會嘗到什麼滋味!」 --- 就在極度沮喪之際,於原本7 點鐘位置的一位阿叔,突然訓醒,並慌失失地匆匆下車。 不用說,我當然立即把握機會,以9秒9速度,佔據了位置,並且係最佳位置!!



    YEAH!! V ^.^ V







  • 565: 你都幾鬼攪野,哈哈!



  • 試過搭火車,我坐先,其後有4個女仔(佢地係一班朋友),明明只可以坐3個,加埋我4個,都要4個坐曬落黎好迫,搞到我好似外人,我頂5順起番身,隔離同對面d人都用好無奈gei眼神望住我地。

    亦有試過梗硬做第5個gei係男人啦,我同bf坐得埋d,有少少位剩姐...激死



  • 好多年前搭火車返工, 有個男人自己帶咗張好細ge摺凳, 係空位打開嚟坐, 仲休閒地睇報紙.... 我都想帶, 不過我頂唔順被投以奇異眼光lor.



  • 各位弟兄, 我有個分享, 講出黎比大家聽下~



    話說小弟當年由羅湖坐火車番香港, 咁有個大叔企係我前面, 等左一陣, 有車到啦, 道門一開~~~ 個大叔二話不說, 將佢身上個袋一野fing落對面坐位, 跟住施施然咁走番埋去, 拎番個袋, 好enjoy咁坐落個位度, 原黎佢用呢招黎霸位~~ 成卡d人O哂咀...



  • 講下好野先



    我有次無啦啦流鼻血不止, 感激遞紙巾俾我個靚女



    又試過做完腿部手術,棟拐杖, d人讓座比我, 真係唔錯(少男時唔係咁都唔會有人讓), 去銀行又唔洗排隊.. (都係要考慮下拎支拐杖扮野先 ha)



  • 565:

    寫本地鐵輕功秘芨啦!



  • 試過夏天同班friends打完街場, 6點左右搭地鐵, 一上車差唔多全卡D人即刻走開曬(因為成班人超嗅, 有1個重有嗅狐), 其他D車卡迫到死, 我地果卡就冇乜人.



  • Z.Z replied @ 2008-07-28 1:30 pm



    試過夏天同班friends打完街場, 6點左右搭地鐵, 一上車差唔多全卡D人即刻走開曬(因為成班人超嗅, 有1個重有嗅狐), 其他D車卡迫到死, 我地果卡就冇乜人.

    =====================================================================

    原來係你地....... ><

    其實仲有....煙產哥本身都係極強既"驅人器", 一坐落黎, 已經好似一大煙係個車卡放煙咁...我果次忍左一個站...已經頂唔順....差D生肺癌@.@



    如果講臭狐, 殺傷力最強而又令人防不勝防既應該係的士c機, 有次上左車先知中蕉...地鐵就有得走姐...的士...真係好似係密室放毒氣咁 +
    + 好想跳車...



  • 我0念大家好少由羅湖返香港,吾好講大陸人,香港人都好有水準. 馬鉄站,沙田囲落車果班,又係超水準.我可以話比你聴,由大囲出發去沙田囲,不超過2分.都可以為個位打崩頭



  • 呢個係真人真事~



    【主角】:50多歲做裝修師傅、3個年約30多歲既lady(下稱女士A、B、C)、同埋旁觀者×???



    【地點】:地鐵車廂內&月台



    【故事】:車到中環站、裝修師傅企立係車門前、等開門.....開左門、月台外有3位女子以人牆形式站係車門前...因為人牆結構太過緊密、師傅無路可逃、而果3位女子亦都無意解開人牆......此時....大家4目交投........



    女士A:望咩ar望!! 死鹹濕佬!! 未見過靚女ar??

    女士B:行開啦!! 阿伯!! 唔係想非禮ar??

    女士C:阿伯妳諗都唔好諗ar......作裝雙手交疊胸前..

    女士B:我地靚都唔想俾你望蝕曬.....

    師傅:嬲到震......▲%◎*#≠@&$~+臭X(唔出得街架)

    師傳:我駛望妳地? 妳地幾個臭X!! 去照下鏡la!! 幾2歲人發姣發dun、掂過妳地都手爛ar!!

    師傅:我深圳個老婆岩岩先20歲、又嫩口又正、妳地邊度有得比ar? 阿叔駛吼妳?

    師傅:3個八婆好似裝香咁、3技香棟係度阻住曬...^%$#^))&%#$

    師傅:行能開la!!!!!!!!!!!



    人牆終於解開、師傅怒氣沖沖咁落車、車門漸漸關上、3位女士呆站係月台無上到車.......而車廂內旁觀者都掩住嘴係度笑....................包括我 XD



    【劇終】




Log in to reply