男友好痴身....點樣講先要佢明白到唔係下下都要咁痴身...
-
-
曾經我有佢講過.......不過佢既反應係..
" 如果掉返轉, 我成日都唔緊你痴住你....你都會覺得唔好啦! "
聽到呢句我都唔知點答佢好!
好似我話有日要同屋企人等人晚上去食飯....佢話咁好啦我黎接你
我話唔洗啦! 食完會返屋企, 佢話咁幾點食完...我話唔點知喎!我問佢仲乜咁問, 佢答無呀...諗住我食完之後黎我到找我咋..
我話唔洗啦..((心諗見少一日半日都OK卦..))
但佢開始有少少黑面...佢話我咁快就答NO...我阻住你咩?
唉.....
好煩好痴身...
-
or bf very love u
or u are very sexy make him worry u find other guys la
my bubby same to your bf
I married a few yr la
-
女人
你男友幾歲？
-
你地拍左幾耐拖呀? 係唔係仲係熱戀期當中?
-
or bf very love u <----係..我感覺到
or u are very sexy make him worry u find other guys la <----佢都話係...
不過我同屋企人食飯姐..
走都係同佢地一齊走...担心D 咩..
仲有呀..返到去都9點幾10 點啦..
想找我就為左見我一面?
(SEX 除外)
OL, 你結左婚後都係咁
你頂得順?
-
信心不足掛
-
可能你太醜樣怕你自已出街 嚇死人
-
你同你男友係咪岩岩開始呀? 同埋會唔會係因為你靚/成日會去夜場度玩呀? 男人都要安全感... 可能佢係對自己冇咩信心同對你冇咩安全感先咁做喎....
-
如果係熱戀期的話, 痴身係正常.
隨住拍拖時間0既長久, 會變得無咁痴身.
-
男友 30+ 啦
拍左< 1 年
我唔覺仲有熱戀期..
我感覺到無咩私人空間
重新人, 信心不足...我已經好少同朋友出街啦同佢拍拖後....又唔會同朋友傾電話
咁都信心不足...真係唔知做咩好!
教教我點樣令佢放手唔好咁痴身...
佢成日話我..." 我好阻住你咩?!"
唉..
我有時想一個人係屋企咋...但佢都要找我...
我心諗...佢有無諗過我感受..
-
拍拖少於一年.... 咁正常黎睇當然係熱戀期啦~
你試下拍多三五七年, 佢就會無咁痴架喇~ 到時可能仲係你痴返佢轉頭.
-
的確係需要有私人空間既...
-
我頭兩年半拍拖0既時候, 我男朋友仲顛過你0個個.
-
兩年半咁緊要???? 我實在唔會頂得順....
-
OH..
原來係咁..
我問題吧........
-
唔該你照鏡先 你係太天真同太傻 懶係話自已啱曬 白痴問題
-
你唔鍾意可以分手就好自由架啦 .......^^
-
兩年半咁緊要???? 我實在唔會頂得順....
by 比妖上身 - 05/22/08 16:51
係呀~
頭兩年半, 我男友仲顛過版主男人.. 係呢一年先正常返少少.
頭兩年半, 簡直係痴到無人有. 有陣時, 我會去佢屋企, 咁我想走啦, 佢試過好惡咁鬧我: 走? 走咩呀? 唔準走! 依家我屋企唔好咩? 你住得唔開心咩?
我話: 唔係, 我想拎0的3返屋企洗0者.
佢又話喇喎: 我屋企都有洗衣機呀.
我話: 唔係幾好0既.
佢話: 咁你拎0的3落我樓下洗喇.... =.=" (當時佢細佬都聽到曬所有對話, 佢細佬都開口同我講: 不如你留係到啦...)
而且, 佢0個陣時, 三唔埋兩日就會問我以下呢幾個問題:
- 你愛唔愛我呀?
- 我好愛你架, 你千期唔可以離開我, 你做唔估得到?
- 你有幾愛我呀?
- 你會唔會離開我呀? ..... 不斷咁係我耳邊REPEAT又REPEAT....
仲有好多.....
-
你同佢一齊發掘多d興趣之後佢鍾意左咪無噤多時間理你囉
-
我隻狗好痴身....點樣講先要佢明白到唔係下下都要咁痴身...
-
男人
我無話自己岩哂喎!
CECE
分左手, 講過啦! 又係咁
-
版主, 信我, 過多三五七年就唔會咁架喇.
因為我係過來人~ 哈.
-
BOWIE..
而加...點呀?
JESSICA
我無當我男人係隻狗喎
-
女人
其實都係好事，証明佢鍾意你多過你鍾意佢。
-
30+歲都係咁
真係有d問題喎
-
版主
我同佢依家0既相處, 當然係舒服好多啦~
一來, 大家都已經建立左基礎0既信任 (其實我覺得你男朋友都可能係因為唔夠安全感0者~ 但問題唔係佢信唔信得過你, 可能係佢自信心唔夠).
二來, 我地相處耐左, 都唔多唔少了解到對方0既生活習慣係點, 為人各方面又係點.
三來, 我地依家住埋一齊, 但都有返適當0既私人空間0羅.
所以我話, 你地再行耐0的, 情況應該會好0的.
-
bowie
我好平心靜氣同佢講呢個問題...不過都係咁..
我知佢唔鐘意我同其他男性朋友單獨出去
我會唔出...因為掉返轉佢同其他女仔出去, 我都唔會鐘意..
就算我係好信佢...都未必信得過個女仔
除非個女仔我都係好信啦..
其實我好易信人...所以男友先會咁樣痴身法
bowie
我想知道呢2 年黎你都頂得順?
-
我知既只有女人痴身，好少見男人咁痴身喎!
-
bowie
我想知道呢2 年黎你都頂得順?
by 女人 - 05/22/08 17:04
初時都會覺得: 下? 乜咁0既? 乜0的男人會咁0既咩?
但後來我又反而覺得無乜野喎~
或者應該咁講, 好好享受一下佢對我0既緊張, 我會好過0的.
-
嘩...Bowie 你咁忍得o既... 比我我諗我分硬手.... 我真係頂唔順人煩我煩到咁o既地步...
-
我初時都會同0的朋友傾下, 佢地都一致覺得我同我男朋友0既性別調轉左 ~ 哈
不過有樣野佢地講得好0岩: 好緊你好過唔緊你, 不過可能真係過左火少少, 又煩左少少, 但係試下接受0羅 -----> 我0的朋友真係咁同我講.
-
嘩...Bowie 你咁忍得o既... 比我我諗我分硬手.... 我真係頂唔順人煩我煩到咁o既地步...
by 比妖上身 - 05/22/08 17:07
咁.... 咪當係ENJOY0羅~
-
女人
唔痴身你咪仲驚
-
又會咁既？! 佢係咪好鹹濕，成日都想"要"所以先會咁黐身呀？
我從來都未試過咁樣黐住個女朋友，掉番轉就試得多!!
-
bowie..
我明白了..
呼.....或者大家仲未了解對方吧..
但有無話可以教我點同佢講...........
真係好煩呀�
-
我想佢知道
咩情況下做咩事咋.......
好似以上個case 咁...唔洗痴到咁呀?
食完飯仲要出黎...比返一日自己都唔得..
-
佢係咪好鹹濕，成日都想"要"所以先會咁黐身呀？
<---------係卦
-
過有樣野佢地講得好0岩: 好緊你好過唔緊你, 不過可能真係過左火少少, 又煩左少少, 但係試下接受0羅 -----> 我0的朋友真係咁同我講.
by bowie728728
<---最幣係佢太緊我...當佢100%緊我,
如果我只用70% 緊佢..
佢又黑口面
好有壓迫感
-
噢.....無得救!! 搵過個無咁鹹濕既吧喇，我可以站在男人既立場而statement妳男朋友喇.....鹹濕佬係咁架!!
-
大男人
以前男友佢無咁痴身架!
佢咪唔係鹹濕佬?
咁你又話你唔痴你女友..難道...
女人咁痴, 唔會因為佢都係鹹濕卦[email protected]@
-
男友痴身<---好事黎喎
-
哩個係心理同生理既問題! 從心理角度看，因為佢鹹濕，滿腦子都係果d野，所以成日都驚其他男人會搞自己既女人，完全失去信心! 從生理角度看，因為佢成日都想"要"，所以會爭取每一刻見面既時間，目的不用多講了.....
-
chivo
請問點好法?
等我好似bowie 咁..好好enjoy一下痴身係咪真係好事........
-
good question!!
我都想知女人黐住男人有咩目的，佢地唔係成日都想"要"先會黐住我.....但係因為我唔係女人，所以唔知佢地點諗~
-
大男人
我都幫唔到你答呢個問題
因為我唔識痴住男友既女友
-
女人，我有一個方案建議俾妳：
妳試o下同佢講"如果你再咁樣成日黐住我，我唔"俾"你架喇"，講既時候語氣一定要點到即止，不能太重亦不能太輕，哩個辦法對付鹹濕佬我擔保萬試萬靈!!
-
女人
其實你自己除左男友痴身之外, 係米仲有其他問題影響到你煩先? 若果個男友唔痴你, 對你可有可無, 莫不關心, 不大為緊張...等等? 你又係米覺得舒服先? 我又覺得男人唔多想痴女友係唔多認真 + 可有可無羅 ~
-
女人
咁你有無同佢講過呢個問題呢?
佢點答呢?
-
cool...
我有其他問題吧......可能公司上做野不如意吧...
kenny
佢就答: 如果我對你可有可無, 莫不關心, 不大為緊張...等等? 你又係米覺得舒服先? 我覺得男人唔多想痴女友係唔多認真 + 可有可無羅 ~<---類似cool 呢個說法..