大家可唔可以幫下我?

[moon]

如果你男朋友同你一齊一年,但係佢同朋友去親玩都唔會叫你,什至你連佢d朋友都未見過,我放假佢去燒野食都唔叫我,你地覺得有無問題?
佢好多朋友,有時又去打邊爐,去bbq.有時我要返工,所以佢唔會叫我去,不過最近一次,我唔使返工,因為我做sales,佢做文職,所以大家好難可以一齊放假,今次咁難得一齊放星期日,點知佢一早約左班舊同事bbq,佢就同我講朝早同下午陪我,夜晚陪唔到我,但係佢無諗過叫我去.之後我問佢到底同邊個去,因為一直以黎佢只會同我講同同事,舊同學去,我從來都唔知到底係咩人,係男定係女.佢俾左d相我睇,大部份都係女仔.我唔係懷疑佢會變心,因為佢部份時間都陪我,但係我覺得咁樣好似好怪.
點知果日我舅父同舅母係大陸出左黎,所以我同佢返左屋企,夜晚我地出去食飯,我本來叫佢唔好去燒野食,但係佢最後都去左.
我因為咁樣嬲左佢,大家覺得如果你係我,應唔應該嬲佢?

[bb]

應該,你男友當你透明咁.

[妮]

佢好唔尊重你~

[kelvin]

佢唔帶你見佢d朋友冇問題,或者佢覺得一年未夠穩定

不過佢好唔尊重你,難得放假都唔陪你而去陪fd(唔係話唔陪得fd,不過應該陪女朋友多d先得),你屋企人返黎叫佢唔好去bbq佢又唔聽,我建議你坐低好好地同佢傾下呢個問題,如果佢唔改,咁一係你忍,一係就走啦