註左冊結婚 1 個月, 我只係開心左 4 日, 想離婚.
-
板主, 叫你男朋友黎呢板睇下啦
佢成日要你還card數
又唔改下
老實說,佢無資格娶你
-
ripleythanksgod
You are correct.
-
ripleythanksgod ,
你都講得幾有道理，我同牌主都幾相似前半生，事情已解決了。現在是我的後半生剛剛開始，但比以前更不開心，我想你同我分析一下係咪我個人的問題，可否留你Ｅ－ＭＡＩＬ給我。
-
隻 +ggg 真係好搞鬼喎~
叔仔年薪佰伍萬,欠人三十萬, 嘩~ 三十萬算係乜呀~ 吾通我睇錯??
仲要打一大段,仲要上年都打過?? 太搞鬼了~
-
心
你去完旅行,冷靜下,想清楚這男人值唔值咁為佢,出錢去旅行事少,養佢一世事大
-
Let me tell you my experience.
YOu cannot stop him using credit card for life!! If he is a good guy, he wouldn't have in deep shxt.
My hubby owed credit card 30K years ago, but, he is liar, I found out the debt should be 40K. During that time, I stopped all his credit cards, kept his money for repaying his debts, also gave him 2500 to spend a month.
Now, he almost cleared all his debts but blames me that I was cruel to him at that time, he reapplied all the credit cards, go out with his friends and leave me alone.
Now, we are separated.
All I want say is, I don't need to listen to his lies and I am happier than before.
-
d男人咁衰格架,, 自己衰就好啦仲要累人, 雖然話寧教人打仔莫教人分妻, 但係佢成日咁樣欠人錢 唔通你成世係咁幫佢還咩, 你唔係欠左佢架 最緊要係自己活得開心, 如果我係你我可能會一走了之
-
咁其實佢d卡數係點得來﹖係唔係碌左黎俾錢你儲﹖
-
心, 我同你的遭遇好似, 我5 年前未結婚, 同老公拍拖的時候無乜唔妥, 好快我地結左婚. 一齊住之後成日見到佢好多銀行信, 佢次都唔睇, 就咁就撕碎掉左. 當時我覺得好奇, 終於問佢攞黎睇 (我當時以為佢去夜總會有STATEMENT) , 點知一睇, 原來佢欠好多卡數, 總共6 萬幾, 每個月MINPAY 都要5千幾蚊. 佢即刻認話係以前搵錢少唔夠用又要攞錢返屋企所以成日OD 或者LOOK CARD. 我當時好嬲又無奈, 唔比佢再還MIN PAY, 跟住我用我名義借左一筆錢幫佢還曬D 卡數, 然後佢每月還返比我. 起碼叫做定額.
-
跟住佢還左大約半年到, 然後佢失業, 無做野1 年. 那 1 年我好想離婚, 又要繼續還佢D 債, 成份糧又要養埋佢. 最慘係佢屋企人唔知, 仲以為我對佢唔好. 後來佢屋企有人有病, 話要醫藥費, 我又借左 5 萬比佢 (當時我人工OK, 5 萬是儲蓄). 我老公無話比佢屋企聽D 錢係我的, 跟住佢屋企又以為佢有好多錢咁, 乜都同佢拿.
後來佢搵到野做, 但佢總數欠我 11 萬左右, 佢問可否每月還 2 千. 我話都好啦. 但點知佢屋企越來越過份, 佢都結左婚, 仲係乜鬼要用錢都同佢攞, 唔會問佢D 阿哥家姐細佬妹 (佢地 6 個兄弟姐妹, 大部份無野做). 我當時好心淡, 決心要走同佢離婚.
-
到而家, 佢以前欠低的錢都係未還曬, 但佢所有搵的錢都已經比曬我. 咁我亦都無再提, 起碼而家佢對我唔差. 不過一諗起當時佢乜都倚賴我, 真係好煩. 又大壓力, 如果佢屋企唔明, 做老婆仲大獲. 不過好多99 都唔明, 成日以為自己個仔搵好多, 個女人好似欠左佢咁.
-
如果比我再選一次, 我唔會嫁比呢個人同呢D 家庭. 真係好似幫人做奴婢咁, 又要養老公, 又要養佢成家 (個個月99 追家用追到好似欠佢咁, 但佢其他兄弟唔駛比), 佢屋企借我的 5 萬都未還, 當無件事.
PS. 我係各樣OK又幾靚同每月搵 4 萬幾蚊的專業人士, 唔明點解要有D咁的下場. 如果而家有人話帶我走, 我會不顧一切咁走. 真係諗都唔駛諗.
-
wah ! 成12年都唔知佢成日拖卡數牙 ?!
-
如果而家有人話帶我走, 我會不顧一切咁走. 真係諗都唔駛諗
-----------------------
同樣遭遇
咁…你依家係離左婚定未離架？
此外，我覺得你好似係果d一定要結婚既女仔。 譬如話，你離開你呢一個老公與否，應該係取決於你是否仍想與他相處下去，而不是有否第二個人選。
不少女仔，就是因為"唔嫁唔得"既觀念，以至自己嫁了一個不適合的人，之後又係度呻話對方點點點唔好。
人既性格是很難改變的，未結婚前也應有徵兆給你看到他是何等樣人。
可惜好多女仔恨結婚，對方既缺點當時就唔去理會，到結左婚後先至睜大對眼逐點同對方計數。
-
唔知阿心依家點呢,希望佢上黎講講...
-
鼓起勇氣快 d 走啦,
唔係拖拖o下又幾年,
好快又12年喇.
-
真係天下烏鴉一樣黑.... 我跟男友己13年，佢咁多年嘅表現都好老實，吾識講大話咁。很多年前佢試過欠bank幾萬，在我安排下，佢已還曬。但都冇隱瞞我欠債之事。之後每月出糧又會儲一筆錢，credit card又比我keep, 我有問佢夠吾夠錢用，比返張card佢keep，但佢話吾駛...(我以為佢會識買教訓，吾會再亂駛錢）。我和我身邊所有嘅人，包括我屋企人以為我執到寶。我對佢亦100%信任。但在07年中，比我發現原來佢靜靜申請了一張用咭，順便欠埋六萬....但我慶幸我嘅直覺話我知仲未可以嫁比佢住，吾係我都會好慘....但我已經冇曬安全感和對侷嘅信任...我都吾敢諗我同佢究竟有冇將來....我都好大獲ga,三十幾la....
-
loong 咁佢果6萬點o黎先
-
我都想知,一句“吾知駛咗去邊“....頂.....
-
loong
咁你既經歷都好"晴天霹靂"啵！ 真係好~可怕。
不過，你話佢儲左筆錢係你度。我係你，我就會拎佢果筆積蓄黎幫佢還債。
之後，就算喇，可以繼續係朋友，但就唔會諗同佢結婚，費事將來要揹埋佢d數。
-
可能係同你生活時洗o既呢...
-
但我覺得奇，因佢份工超忙，應冇咩時間駛錢ga..... 都係嗰句，真係最佳男主角,勁過Tony Leung.
-
男人，好多時你以為會控制到佢，表面上佢費事你煩佢會扮到好似俾你控制到。
但實際上，暗地裡佢會反抗你背叛你，以表示他仍是自己的主人。
-
做咩要認定佢衰...有點唔公平呢
佢要俾錢你save...又想keep住自己living standard....咪唯有碌card
-
但我覺得奇，因佢份工超忙，應冇咩時間駛錢ga.....
--------------
賭波賭馬、期指窩輪、六合彩…… 打個電話就得喇，洗乜幾多時間
-
都怪女人總係鐘意控制人o者
-
//我都想知,一句“吾知駛咗去邊“....頂....
唔通話:"我睹輸曬D錢?"
-
@^@'''''
我知後幾乎休克，呆曬。梗叫分手。話比返曬D錢佢，叫佢自己以後處理自己的生活。真怕怕.....但佢求我比機會佢改過，仲話儲在我度D錢吾郁，欠下嘅錢佢會自己解決。
-
咁…佢儲左幾多錢係你度？方便講嗎？
-
loong....你分手...再遇第個....用o既時間又耐...又要估過....仲衰....so...你唸清楚...係唔係因為平時洗費而有的card 數
-
我吾係好貼身果種女性，我會將心比己，男仔梗鍾意去玩吾報到，吾鍾意比人管ga ar, 自由自在，就算係我，都吾鍾意。因此所有男男女女都提過我，好danger wor,,,,
-
我同佢揾嘅錢almost same,吾算少,我亦吾係駛慣男人錢嘅女人。我對佢OK ga,生日會請佢去旅行，包曬所有嘢。但我吾mind，開心就得。出街買嘢多數我自己比.食飯我又吾高要求。大家比下law.
-
根本…結婚就係一d高危既冒險活動。
兩個人既財政、生活、後代…好多野結合在一起，失敗機會大過成功機會。
-
loong
你講到你自己咁好，咁點解你要同佢結婚？愛佢？
-
@^@"" 駛唔駛咁灰ar...我plan 左結婚架..2011
loong... 你都係查唔明果6萬係邊!??!? 竟然你肯咩都俾哂...你真係愛佢o既...竟然都就結婚....查明先啦....我始終覺得係洗費...因要逼住save 錢出o黎的後果
-
佢要供樓供保險供養父母。大家都係成年人，我點會吾諒解。我係扣除曬所有開支，剩返先儲起佢。佢每月的零用一定有鬆。almost到月尾，我會問佢夠吾夠錢用，吾夠就立刻過錢比佢，男人冇多個錢响身，吾多掂wor。我叫佢自己儲，佢吾肯,叫我help佢keep。因我覺得我哋有將來，所以冇所謂la.
-
我仲教嫁比佢ga.
-
我仲未嫁比佢ga.
-
loong....既然30幾...就算啦...再搵實在太難....好似好老豆咁. 同你bf 都係一樣...媽媽照頂住...而家生活都算開心....仔女大哂...成就都唔錯..起碼我做銀行經理都3萬幾, 家姐做教書,又3萬....
加油ar
-
help佢儲幾多就吾方便講，大概25% ar.
點解咁多年仲未嫁比佢.我咁多年嘅直覺話我知未係時候law。or可能吾係佢啩....吾知好彩定吾好彩....
-
Bbank，我現在去投注站賭場果陣，仲比人揸身份証ga (so horrible...., baby face，出嚟做嘢好吾抵。)。我吾會生仔，又冇諗結婚住，我好愛自由，只不過一路身邊對住嘅人吾對你坦白，真係好心寒，好傷心啫。
-
我以為/亦想佢會同我終老.....
-
loong
我覺得係性格既問題，你男友個性格唔得老實，就係咁…佢要扮到好掂，但其實佢又做唔到，暗地裡唔掂。
我寧願佢一早就坦坦白白，唔夠錢使就唔好儲咁多……。依家佢咁，我會擔心真係嫁左俾佢，生埋細路，佢睇死我走都走唔甩既時候先至露真面目，明正言順我要揹起佢d數。
一句講曬，我會拎番佢儲d錢出黎俾佢還債，d 錢俾番曬佢，結唔結婚另計，但我唔想同佢係錢度有瓜葛。
-
//loong....你分手...再遇第個....用o既時間又耐...又要估過....仲衰....so...你唸清楚...係唔係因為平時洗費而有的card 數
平時洗費, 係唔會入不敷支的
-
@^@"" 你的性格係剛....你男朋友一定好柔....
loong ........你自己有冇講過大話ar
-
@^@''''' thanks ar.
."我寧願佢一早就坦坦白白，唔夠錢使就唔好儲咁多……。"
i'm so agree with you
我吾會生BB ga, 我愛自由。
錢,我從來冇果種“大家一齊儲“呢樣嘢，財政獨立，是現代兩性關係重要一環 （我覺得咋）
我識佢時(13年前),佢話佢無婚主意的人，當時,我只想跟他一起，冇所謂。但咁多了年來，佢已求過2次婚ar.
但今天，結婚前對我來講巳不重要，一紙婚約,只會帶來一必要的麻煩 （看板主便知ar)。
-
loong
我都贊成做女人唔係一定要結婚。 其實，一定要結婚果d女人會較大機會嫁錯郎。
今時今日既女性，最緊要係能夠經濟獨立，有自己既生活……。
當然，嫁到一個岩key既老公梗係好啦，但…如果嫁到個手尾長有排煩既，就慘lu！
-
Bbank,
我份人記性吾好，講大話會容易穿崩。所以冇得講ar. 亦吾會講，因我會良心不安。
you are right.我好剛。佢比較soft.
我知女人太剛吾好，我daddy都叫我soft D, 話男人吾中意，我試過改soft Ｄ，但我佢問我是否吾舒服。﹣＿﹣ 仲叫我做返自己，因佢話就係我嘅性格跟一般女仔吾同先鍾意我,。
-
其實我D性格似男他就真.....
-
其實我D性格似男人就真..... 唉