我應唔應該轉工呢?



  • 剛剛出黎做野,

    搵$8500一個月,近屋企,

    返朝九晚5:30,一星期五日,

    每日準時收工,

    每日total 要做野時,唔夠2 hours

    公司得八個人,好靜,無人講野,

    老闆一個先有幾日不在公司...



    但係真係好悶囉



    大家覺得 這是否一份好工呢?



  • 睇你個人係點, 如果係上進型, 盡量係呢間公司學多d野, 跟住搵份有挑戰的工;


    如果你係求求其其為錢嘅, 呢份不失為份好工, 我都好想搵份5日工啊.





    神啊, 請指點下我吧 !



  • 做耐d拎d"工作經驗"先轉工喇, 啱啱出黎做嘢有8xxx都幾好丫. 襯呢份工咁穩定, 夜晚學嘢進修, 以備日後搵更好既工. 同埋都要學多d呢間公司既嘢, 多d問吓同事, 睇吓唔同範疇. 備用!





    有時, 唔係淨係悶唔悶決定份工, 出黎做嘢, 好多計算, 你份resume唔靚, 真係蝕低d.



  • 進修啦,咁穩定,係公司溫書都得啦



  • 我打算讀korean呀,short course,無咁悶嘛~


    其實都都諗住讀普通話,不過時間唔夾囉



  • 相信你學歷唔係話咁高, 襯得閒, 讀返d有文憑既書, 將來有用



  • 剛剛讀完degree喇喎,又讀過cert?


    雖然,可能再讀其他科有用,但係我讀既,對我現在都夠用,




  • 剛剛讀完degree喇喎,又讀過cert?


    雖然,可能再讀其他科有用,但係我讀既,對我現在都夠用,


    ----------





    睇你咁回覆, 相信你都應該係果d追求平凡, 唔係好有野心或者好強上進心的女仔, 留係度啦, 出到去你適應唔到嘅, 因為你都沒咩競爭力 !




  • 其實樓上都講得七七八八


    首先, 你要清楚自己既人生目標, 你要清楚講比自已知, 到退休果刻, 你想你係呢個社會既定位係咩


    不過老實, 無論你既 target 係點, 你而家都唔應該轉工


    1) 初出道, 係 8500 人工, 仲要番五日, 如果呢份工係你想要果後, 點解要轉呀 ?! 悶唔係一個理由


    2) 你既然可以準時放工, 你好應該去進修, 唔係話你個 degree 唔得, 但, 你好似都未有兩文三語呢個基本喎


    3) 魚唔過塘唔大, 老實, 8500, 遲 d 你就知唔夠用, 你唔襯而家有呢份好工照住, 充實下自己, 你都過唔到下一個塘啦




  • 你轉工時介紹我入去做



  • 喂, 去普通話研習社睇睇啦


    一定有 course 就到你..........



  • 工作悶 = 殺時間.


    睇你目標係咩, 剛出黎做野本來係唔應該搵一份"安定"既工作, 反而應該吸收更多工作經驗, 工作幾年過後, 如果無新學歷支援, 舊學歷已經退下火線, 工作經驗會升上第一位, 而工作經驗唔係只你打左工幾多年, 係你係過去工作上學到幾多野. 不論人事,工作,處事,應變....等等





    如果唔甘心大可以轉工, 如果想讀書就要把握呢個機遇. 如果只求"安隱", 就唔可以太過期待將來.





    當做野一段時間後, 轉工係加薪既一種手段, 但你要俾人睇到你既能力, 而唔係學歷. 如果剛出黎做事, 我覺得能夠學到野既工作係比較好.