4. 嫁左去台灣既香港人-聊天室

嫁左去台灣既香港人-聊天室

  • ＊

    VENUS,



    ^^~thx~ 而家就慢慢黎囉時間都ok夠

    0
  • B

    睇到你地o係度講機票,

    搞到我都好想見下男友添= =!

    可惜佢而家係失自由既人,

    我去都無用啦...唉!



    Pekki

    你既機票$1500都唔洗?@@

    你買左幾號出發呀?咁平既?

    復活節唔係都有加價咩?



    藍火

    點解你一定要揀星期日返去既?

    好似星期一至四既機票又會平D架喎(只係聽講,唔肯定)



    夜月

    恭喜你呀!

    你既婚期訂o係11月,唔洗咁快就黎擔心,

    放開心情,開開心心先可以做個靚靚新娘架嘛^^

    你講話家人要你地返去大陸擺酒,咁你o係HK仲擺唔擺呀?

    其實我家人都有講過如果我結婚都係要返大陸補擺酒.

    雖然我未定婚期,但都希望可以同你交換下意見呀^^

    0
  • V

    sherming,angie



    我加左你2個msn呀~得閒msn傾啦=0=

    0
  • M

    shersherlee:

    係咪仁武鄉?? 邊度都唔係, 一係鳳山果邊, 不過橘線話今年 8 月先通喎. 再唔係你搭到凹子底再轉車吧.



    今日先搭捷運返工, 我起屋企搭公車去火車站, 再由高雄火車站搭捷運去凹子底, 再搭捷運接駁公車返工.



    快係快呀, 不過指示真係唔好, 仲有, 捷運有廁所 (起閘外), 比香港地鐵好好多!





    舞秋月,

    你公司仲請唔請人?

    0
  • S

    angie,



    nonono!!!!唔係我奶奶,係我媽咪~我奶奶先唔會理我,就算佢肯幫我,我都唔希罕+一千萬個唔願意!!!!!!!!

    =.="......咁等我返台灣之後先再問你,到時bb都兩個月lu~

    0
  • B

    大家好

    我好奇, 想問下你地點解會識到台灣人, 點樣維持你地0既感情呢? 咁嫁在過去, 還需要工作嗎? 難找工作嗎?

    0
  • S

    BB,



    我個case比較特別,同其他姊妹唔同~



    o個時我o係旅行社做領隊做得唔開心,轉工又唔知可以做d咩,o係心灰之下咁o岩有個女仔朋友(香港人)叫我不如試下過台灣發展,佢都係o係台灣做野,佢話介紹份工俾我~

    我就係去到台灣之後先識我老公,o個時我已經自己租緊屋住,不過住左一個月就搬左去同佢同居,份工亦都冇做~

    我本身已經叫做o係台灣落左腳,所以我唔駛同老公分隔兩地

    0
  • 藍

    baobao,



    我點解唔book閒日既原因, 係假日我老爺可以去機場接我, 咁我book早機午機都方便. 如果book 1-5 既話, 變左一定要book夜機, 要等佢地放左工先可以黎機場接我.



    我頭先打去旅行社問, 呢個星期日既機票都ok, 仲有吉位, 我聽日應該會book架啦. 最平加埋稅都係1500左右.



    BB,



    我同我老公係玩online game識架, 平時都係靠電話, msn溝通, 咁得閒既話咪飛過去囉. 我係台灣就仲未搵野做, 不過每個人都睇情況既, 有人一去到就搵野做, 有人都係係屋企呆...我就係其中一個啦

    0
  • 藍

    夜月,



    其實結婚既野唔使咁擔心架. 而家唸到好似好多野搞咁, 等到時間咁上下,你又會覺得無乜搞架啦. 台灣個邊擺酒應該你老公屋企人會幫手打理, 因為台灣擺酒同香港唔同, 你問清楚d會好d囉.



    大陸擺酒, 有無問你屋企人要擺幾多圍呀? 同埋係去酒樓擺定屋企吃下就算呢?

    0
  • V

    BB



    我都係同大家差不多囉....玩ONLINE識嫁,咁因為我有左先結婚,過到黎無搵野做,我諗我要等個仔讀書先會去搵嚕~咁同埋個時咪得閒飛下去或者老公飛過黎囉~我想大多數都係咁掛~

    0
  • P

    夜月,



    佢地d機票價真係有d似去街市買海鮮咁~ 日日新鮮架~ 有時去網上面睇同你打去問都兩個價錢啦~ 好彩你唔急啫~ 如果唔係就蝕幾百蚊喇~ 肉都赤~



    藍火,



    你cfm左機票喇~ 有冇撞正復活節呀~ 仲想話如果你cfm唔到就避左個假期先返去啦~ 復活節果幾日19-21都應該full到爆~ 又貴~ 真係無謂嘥錢~



    baobao,



    我係買左聽日飛台中清泉崗呀~ 呢d咁既日子當然會平啦~ 又冇乜人會揀呢d時間去台中/台北/高雄既~ 復活節我買唔到啦~ 而且大agent票價都要過兩千~ 好鬼貴呢~ 其實遇正長假檔期如果有計劃就真係早d買~ 咁啱遇正大選添呀~ 想攝下位都冇喇~ d econ 機票一早比人出曬囉~ 我前早仲打去三大航空公司問機位狀況~ 佢地都話full曬~ 佢地都咁講咁我唔洗再問agent啦~



    你乖囉~ 男朋友係軍人都無辦法~ 叫佢多D打電話比你囉~



    BB,



    其實我地大部份都係網上面識~ 我當初同香港男友玩ONLINE GAME都冇諗過會識到台灣人~ 更加冇諗過會同台灣人談戀愛~ 所以呢D係講緣份~ 至於嫁左過去洗唔洗返工~ 我自己就一定會去做野囉~ 出去認下路走下適應下嘛~ 人生路不熟要被迫留響屋企~ 會好容易變痴呆架~ 哈哈~ 我講笑咋~

    0
  • S

    bb, 我同男朋友都係online game識...都無諗過會同台灣人拍拖. 我都係過去台灣搵佢之前先比相佢睇XD 百分百係精神戀愛囉. 平日都係靠一齊玩GAME同SKYPE, 不過都會為左討論一D野, 無啦啦大吵XD 吵完, 佢通常都會笑我 = = 話我死唔認輸, 我比佢笑一笑, 我都嬲唔出..



    至於工作, 我未嫁過去, 但我都希望有工作.. 唔係做唔做野O既問題, 我覺得出去做野, 比較容易投入台灣生活嘛, 會快D適應..



    好多BABY啊^O^ 比姊姊抱抱先 XD

    0
  • V

    近來真係多左好多媽媽..我知道遲下又多2個嚕~



    其實我都想做野,有野做可以識多D朋友,又唔洗日1係屋企無聊~不過而家生左困曬身,未生既姊妹有得玩好去玩多D勒>"<唔係有排無得玩呀.......

    0
  • @

    各位好呀~~

    小妹2006年年尾嫁去台灣而家做緊阿四 ~"~



    我住大寮架    有無姊妹住我附近？？

    0
  • V

    Mako



    你好呀~大寮係唔係高雄縣呀?我係台南市...要過黎搵我都唔遠呀XD

    0
  • M

    BB,

    基本上好多都係上網識架啦, 我都係上網玩 game 識 (唔係 online game), 我黎到台灣冇耐就找到工作, 仲做到依家.



    mako,

    我住高雄市, 大寮有捷運啊, 話就話今年 8 月橘線通車, 不過到時係咪通車就唔知了.

    0
  • 藍

    pekki,



    我未cfm機票架, 不過有問過旅行社, 話呢個星期日仲有機票. 我點解唔過埋復活節先返台灣, 係因為我老公, 老爺奶奶太掛住我, 我之前話呢個星期日返去, 佢地都日日問我機票book左未, 搞到我想遲多2個星期返都唔得.



    Samanthasea,



    係做姨姨了, 唔係姐姐啦.

    0
  • @

    Venus:

    我過左黎成年都未去過台南...台南D小吃係咪好好食架?電視成日播睇到我流曬口水 :p



    Mavis:

    唉~話就話有捷運,but個站離我屋企好鬼遠,我又唔識騎摩托車...我連單車都唔識踩..無辦法平衡,真失敗...我都好想住高雄市,最起碼方便D



    P.S.總統大選~你地支持邊個??

    0
  • M

    mako,

    我黎左幾年台灣都冇騎機車, 依家多左捷運好好多 (不過好貴下).



    其實我舊年可以投立委票, 我投果個贏左, 咁你都諗到我投邊個囉~~



    投票之前果日, 我老細先問我我投邊個, 呢 d 咁敏感的問題通常唔會講架, so... 我話唔記得, 台灣人唔會講呢 d 話題, 所以我都唔知我同事係支持邊個, 為免唔想打架吵架, 所以呢 d 最好好講為妙 (意思係同台灣人傾計唔好講呢 d).



    p.s. 起台灣拿了台灣身分證之後仲要住半年先可以有投票權.

    0
  • A

    BB

    大家好呀！

    我喺一個人到台北旅行時識咗個男仔,然後我男友係個男仔啲frd!

    我都有諗過ＨＫ女仔係台灣可以做乜嘢工作？我Ｄ普通話又唔掂喎！

    0
  • 藍

    akbaby,



    其實普通話既野, 講多d聽多d, 好快就可以上手啦. 我係台灣都係日日同我老公屋企人傾計.傾多d, 慢慢d音又咬得準d, 就好快好掂架.

    0
  • ＊

    mavis.

    你返工到轉咁多次車, 好複雜喔 @_@ ... 我行路去前鎮高中站坐捷運, 跟住係三多商圈落車.行幾步又到公司了^^ "

    而家公司唔請人了, 因為接替我0既人1已經黎左..點解咁問0既?

    0
  • ＊

    baobao, 藍火,



    多謝~^^~因為我d大部份親戚都係大陸，我家人都建議返去大陸擺酒囉(其實算是 order = =)，咁係hk 既都係得返自己朋友，同事，同學..本來都好想請佢地，但係我係大陸又唔係酒樓度擺，好似食盆咁...係路邊食，都唔係咁好意思叫佢地返黎大陸啦~....想係hk再擺多次酒，又唔夠錢 = =...雖然有點失望，不過都冇辦法啦~就諗住係hk 註冊，到時請佢地黎觀禮囉點知上網睇到原來要hk+tw 都註冊，係唔得 (算係重婚罪!!??) = =所以只好係大陸請親戚就算了，比較fd 既幾個朋友就出黎食個飯囉~至於台灣既我老公話佢自己會攪掂...(真係有點擔心他笨手笨腳 ，哈哈~ )



    pekki,

    係呀~每次確定了日子去台灣，早1個月左右每日都打電話去問價錢 = =有幾個職員都好似認得我把聲...



    bobo,

    我同我男朋友都係玩online game 識架~一直都係普通朋友，我一直都係叫佢做呀哥~玩online game 時都係好間中至會走埋一齊~識左幾年之後至真正成為男女朋友，可能呢d就叫做緣份吧...從來冇諗過竟然會發生    之後我地都係msn~打idd~維持關係囉~



    venus,

    你住台南市阿~我同老公都會間中去架~~我覺得台南個夜市好多野食~不過食過一次棺材板就....有點失望 = = 可能我搵錯店了...



    0
  • ＊

    請問大家係玩咩online game而識另一半架??

    0
  • S

    夜月，

    我係打ｏｎｌｉｎｅ麻雀遇到我老公既

    0
  • P

    藍火,



    咁又係既~ 你返左香港都有一段時間囉~ 佢地掛住你都好正常既~ 咁你快d cfm啦~



    夜月,



    我有時打返上次幫我訂果個customer service~ 我都有d唔好意思怕佢認得出我把聲架~ 哈哈~





    我係玩魔獸識佢地架~



    akbaby,



    我一開始同第一個台灣男友(果時仲未係)傾skype果陣~ d普通話咪又係一樣咁屎~ 後來講多聽多~ 自己記得要點發音就會慢慢越講越好啦~ 唔使擔心~

    我而家有時都會講錯~ 不過有人好自大咁話:[唔緊要呀~ 我聽得明咪得囉.....]=.= 哼~ 我唔會再衰同一個字架喇~ 哈哈





    0
  • M

    舞秋月,

    係好複雜, 如果第時橘線通車 (我屋企附近就有一個捷運站), 睇怕都係搭捷運到火車站再轉公車, 因為我公司起鼓山, 果頭最近已經係凹子底, 我今朝先搭完, 我起凹子底仲要搭多次接駁車返公司, 實在太累啦, 倒下如我用多 d 時間黎訓覺好過 (況且搭接駁車都唔會快得去邊).



    如果你有睇新聞都知中央公園搭車的話, 好易走光, 由站外到月台都係透明的, 第一日搭已經知有問題, 點知到尋日新聞先講, 個捷運 d 人仲話會叫多 d 保全留意 d 豬哥喎 (豬哥係我加的), 唉! 橫惦都用左咁多錢啦 (佢個玻璃蓋都用成 2 億啦), 都唔爭在比多少少錢去整密 d 出口呀, 樓梯底啦, 叫多 d 保全留意有屁用咩.



    問下你公司仲請唔請人唔係我去做, 我都係幫人問下囉.





    夜月,

    我唔係玩 online game 識我老公 (早 7~8年前仲未好興), 而係起玩 game 網識 (我玩鋤大 D) 佢.



    0
  • B

    BB

    我同男友都係玩online game識既.

    但無耐之後就一齊無再玩個game囉.

    期後我地都是MSN同打電話維持感情.

    講真呀~我地真正見面既次數真係好少(一年2-3次,日數又少)

    所以可以維持到呢段感情我都覺得好神奇,

    我地仲相處得好融合添^^



    夜月

    我既情況同你好相似,都係大部份親戚o係大陸,

    HK剩得D朋友,同學,同事,所以第日結婚都唔打算o係HK擺酒.

    等你順利完成你既婚禮,記得話返D心得我聽,

    等我可以吸收下D經驗^^

    我同男友係玩"石器時代"認識既,認識過程好搞笑.

    差不多兩個月之後就開始拍拖嚕^^

    0
  • ＊

    mavis:

    下..俾你講講下..諗番第一日試搭個日, 我都有去中央公園站, 真係好鬼死靚呀! 又話頭頂個隻叫咩咩鳥 ~ 英國設計師 design ~ 好多玻璃牆, 落樓梯都係玻璃, 又真係好易走光架 @__@" 樓下d人舉高頭就嘜都望到曬 =_=" 唉 ~

    0
  • ＊

    夜月:



    我玩 RO 仙境傳說 識我老公 ~

    0
  • V

    夜月



    我玩曙光CB識我老公嫁,不過識左之後唔係即刻係一齊嫁~我諗好多都係咁嫁!!!同埋呢你話人陸擺酒係路邊,台灣都好興嫁= =..仲會請人唱歌同跳舞,我屋企隔離就岩岩上星期係路邊擺囉,唔止係咁,佢地做白事都係係屋企嫁,所以你會周不時見到封起左條路囉= ="....係哦..你去開台南搵我囉,帶你去食野^^



    MAVIS



    你地係高雄就好,話曬而家有捷運嚕,我諗我地呢邊過30年都唔會有呀= =+..聽講台中都唔會有...

    0
  • W

    夜月,

    我同男朋係 game 網識嫁,果時仲台� online game,同埋大家都有自己的另一半,係呢幾年先話係埋一齊嘅

    0
  • @

    我都係玩online game識我老公架~~我玩"劍俠情緣"



    我都好想搵野做呀~有無姊妹公司有缺？but我凈係得英文得.....

    0
  • 小

    噗噗~~ 好底死 不過我都覺得香港的豆花比台灣好吃 不過我吃的台灣豆花d水重多過豆花 真係低死 好似d豆花好貴



    我雖然嫁了之後會住新竹 不過我也會去台北架 記住要約埋我喎

    0
  • S


    係仁武鄉阿!! 住附近(其實我ng清楚附近有Ｄ咩地方-.-)的姐妹add 我啦!!

    ng 係附近都無限歡迎~嘿嘿~

    0
  • 藍

    男人結婚, 是家裡多了一個人, 女人結婚, 是換了一個家

    http://www.babyhome.com.tw/mboard.php?op=d&bid=12&sID=1474550&r=58&page=1

    俾你地既老公/男友好好反醒下女人既付出

    0
  • 藍

    hello,



    今日終於都cfm左機票了.

    話說我本身想去是但一間旅行社買機票, 但打去好多間問, 都話下午2點既班機得返國泰(我爸叫我唔好坐華航 & 長榮, 我屋企人想送我機, 叫我book pm機), 咁打去好多間, 都無單程飛賣, 跟住問國泰既, 話淨機票都係22xx, 仲要加稅, 好貴呀.....



    後尾我係台灣book機票那個職員知道我要返台灣(msn傾), 跟住佢話幫我睇下用我上次買個次機票幫我book返, 只要補返個差價就得, 最尾以1500搞掟左個機位...yeah, 又可以坐返國泰了 ^^ 個間旅行社真係唔錯, 夠nice.

    0
  • ＊

    原來咁多人都係因為online而識到佢地既而我就係玩RO 識到我老公架~(同舞秋月一樣~)



    baobao,

    等我正式過左去台灣~就同你分享一下~應該係等你吸收下經驗~唔好同我犯同一樣既錯=.= 今日我老公同我講決定左係香港註冊了    咁我就可以叫埋d 朋友黎觀禮囉~^^~



    venus,

    係呀我上次咁o岩經過有人做緊白事...起初都唔知咩黎...多望左幾眼= = 嚇一嚇...(真係唔好意思.....)



    小芭芭拉,

    我食過都覺得豆花d水好多...但係豆味比hk重d





    0
  • S

    上來呻下先, 話說我係我朋友(不太熟) 介紹的經紀個度book左張月尾的機票, 前兩日過左數給她, 之前未過數時一打電話即通, 過左數時我打過給她, 話她收到要即刻覆返我同e-mail張電子機票比我, 跟住就無左下文, 我打她電話通但ng聽, 咁我用另一個電話打啦, 頂她個肺即刻聽, 我問她幾時出到張電子機票比我, 跟住就話航行公司個邊有Ｄ問題所以遲左,我話我錢就過左, 我ng理你咩問題,一係你回水,一係你就比張機票我, 跟住呢,我禽日追左她n次, ３點幾話e-mail 左比我,我無收過,跟住扮曬野話點解收ng到阿,話再send多次, 講大話話send左都講左３次,超玩野,如是者到今朝, 她禽晚話今朝９點半比我,而家１０點半了, 打過她她話她遲到, 我話你今日出ng到比我後果自負, 真係激到我阿, 咩經紀來架, 希望今次ng好賴野, 以後都係找大公司出票, 希望各位要多多小心~.~

    0
  • 粉

    夜月

    我同我男朋友都係玩RO識架!

    宜家一齊都快有4年啦!

    0
  • 粉

    shersherlee



    咁你宜家攪掂未??我都好驚呢d事發生,所以有時我情願比貴d錢..都唔想成日擔心比人騙!!



    小芭芭拉,

    我第時嫁咗都會係新竹住呀!!

    0
  • 女

    唔好意思呀各位

    我唔係嫁佐去台灣,但我一直都想識台灣人.

    請問有咩途徑係比較容易識到台灣人呢?

    唔該曬...

    0
  • A

    shersherlee,

    嘩!乜D人咁衰都有O架,錢就俾咗佢,佢就只係拖延!而家OK未呀? 祝妳好運啦!



    女仔,

    點解你想識台灣人嘅?其實我覺得大部份台灣男仔都比較大男人,當然都有例外啦!



    Pekki,

    因為普通話太差,我依家只係用sms/msn同佢連絡,不過我d同事都會同我練d好核突嘅普通話!多謝妳鼓勵, 我會加油! @_@

    0
  • A

    我都係玩ｒｏ識我老公架：ｐ

    仲記得個時日日等佢online好辛苦下..每半年飛一次,一去就成個月~

    不過同依家比較~個時係好開心~

    依家一個字"苦"= =



    shersherlee~

    你機票ok未丫..個個人都好衰下喎@@下次要搵個信用好d~

    我見其他姐妹搵到的人都唔錯:p有冇姐妹可以介紹個比我:p

    我之前前同雄獅訂..但都好似冇咁平~"~



    我多口問句~有冇姐妹有台灣投票權?

    我下星期六一定會去投~

    仲有一個叫入聯公投..都唔知點投好:p"同意"又屎,"唔同意"又屎~

    0
  • ＊

    shersherlee,



    咁你而家張機票點呀~??? 之前有個fd話~佢個fd 係 agent 黎架~訂機票都有折，雖然佢地2個係好熟....但係我都唔係咁信得過...唔想日日擔心，都係要搵返大間d既旅行社~



    粉果,



    咁你準備幾次嫁過去呀~??? 你而家重有冇玩ro喇???







    0
  • 粉

    夜月

    無玩好耐了!宜家無哂玩online games的興趣...唔知係米老左!

    好想嫁架..不過未有準備..都無基礎..好多野都唔得!

    0
  • P

    Hello,



    我啱啱返到香港到左屋企嚕~ 同大家分享下丫~ 原來飛台中真係好鬼方便架~ 哈哈~ 我男朋友楂車由屋企出發到機場都係30分鐘咋~ 超勁快~ 而且喎~ 佢地登機係等聽廣播叫登機=.= 可能機場太細航班太少啦~ 我地仲成兩個鐘前到=.= 結果坐左好鬼耐~ 但係要預返時間check-in囉~ 佢地係飛機起飛前半個鐘前先叫人入去出境~ 出完境就直接出去停機坪上飛機囉~ 我諗一個鐘前到就冇問題囉~ 咁我地唔係趕住去機場行下街都得嘛~



    不過佢話叫我一定要再飛一次台北~ 點解@@a

    佢話想坐高鐵喎~ 哈哈哈哈哈XDDDDDDDDD~ 高鐵由桃園去台中都只係40分鐘~ 好過自己楂車~ 唔怕塞車嘛~



    SherSherlee,



    你真係遇人不淑啦~ 我未訂過既旅行社都會先問下人信譽好唔好呀~ 你真係唔好彩喇~ 我今次第一次用萬福旅行社~ 佢地都係過數或cash~ 機票價錢都幾抵架~ 以前我就有睇過~ 不過未訂過唔敢買~ 聽baobao話ok我就立即去買囉~ 我打去問果陣d sales有冇位果陣佢地仲話你出機票出得咁趕(我12號先決定訂14號機票)~ 你最好上唻我地office出喎~ 怕你收唔到~ 都幾有交代丫~

    我訂過另一間係priceline~ 不過我諗我以後都唔同佢地訂囉~ 有時候d電話響左好耐冇人接~ 咁太忙都唔怪得人地~ 但係有d customer service 連查都唔幫我查就話冇曬位冇曬位~ 我有d唔係咁滿意佢地既態度~ 後來我唔甘心再打去我聯絡開果個cs既direct line~ 佢都有話幫我睇下~ 話有位但係冇位返唻~ 不過佢地d位好似唔係咁多~ 我諗萬福多d~ 你參考下丫~ www.ticket.com.hk



    女仔,



    咦~ 想了解一下你點解想識台灣人先~ 其實呢d野真係好講緣份~ 有d人係立壞心場利用網路方便來呃人~ 台灣人有好有唔好~ 我諗你先認清楚到底係咩一回事先囉~



    小芭芭拉, 夜月,



    哇~ 你地講荳花~ 我去過咁多次我都冇食過~ 所以唔知道原來係你地講咁既清況=.= 下次叫個臭BB買碗比我試下先~

    0
  • V

    Pekki



    飛台中@@..香港直飛嗎?新開的哦?因為我唔知係唔係新開耶~係就好似好方便,唔知幾時有直飛台南呢XD..不過應該難嚕~高雄都咁小飛機飛~



    女仔



    你點解想識台灣人呢?好奇?其實嫁去台灣都唔係係想像中咁好,要面對同克服既野好多嫁~好似你岩岩拍拖,但係長時期要分開2個地方,同埋比你要嫁又要同屋企人同朋友分開呢D都要想清楚,不過講真,識唔識到都係緣份囉~



    豆花哦~我覺得HK的比較好食哦XD..我呢邊有間好出名,成日好多人,我食過不過都係HK好食D哦

    0
  • ＊

    粉果,



    你應該唔會好老掛...不過我都冇玩好耐了，好似冇左個種熱情..加上又俾左偷左幾次a/c...



    Pekki,



    原來香港係有飛機去台中....我重諗住下次去都係由高雄轉車去....因為我而家個呀sir都係住台中，聽得佢講野多左...都好想去下玩~



    我每次去台灣~飯後甜品一定都會食荳花最鐘意食係~珍珠荳花再加草莓~芒果讚~



    女仔,

    台灣男人真係都幾大男人架    如果你係女強人...咁就真係要諗清楚不過當識多d朋友~就ok~ 囉好多台灣人都好nice 既又會主動幫人

    0
  • ┘

    想問已經在台灣定居的姊妹...



    過了台灣後...香港的朋友還有在聯絡嗎...



    會不會過了一段時間...都幾乎沒在找了...

    0
Log in to reply