4. 嫁左去台灣既香港人-聊天室

嫁左去台灣既香港人-聊天室

  • S

    littleyuyu,



    你係同6299住?

    你o岩o岩生完情緒起伏好大,日日咁樣俾人煩日哦夜哦真係幾慘!

    冇抑鬱都俾佢地搞到抑鬱!

    講真,我地係香港人,唔接受/唔習慣佢地台灣人坐月呢套方式係好正常~

    不過我諗你6299都係o個d講極都唔明既人,所以同佢地解釋都係曬氣!



    baobao講得o岩架~你要同你老公傾下,唔係要佢開口同你6299講d咩

    只係你而家既情況改變唔到,又屈住屈住,咁樣對你同bb都唔好~

    起碼同佢傾完你會舒服d,再唔係好似我咁,去d討論區度呻,唔駛屈住o係心度嘛

    我都試過有一次忍唔住,返到屋企即刻鬧爆我老公黎發洩!

    0
  • L

    "不過我諗你6299都係o個d講極都唔明既人,所以同佢地解釋都係曬氣!"

    無錯 = =+ 因為佢地覺得咁樣先係正常, 有時真係同佢地講到想發脾氣. 就算唔係為坐月0既事, 好多野佢地都係咁, 一開始就話由得我地話事, 結果我地決定完佢地又唔滿意, 唔跟佢地0個套做又唔高興, 咁點解唔一開始就講清楚啫, 真係俾佢地吹漲

    0
  • V

    littleyuyu



    其實呢我都好明白你比佢地煩咩,不過我岩岩睇返,其實呢佢地唔比你落樓,除左可能佢地開風扇會吹親,仲有係你岩岩生完條腰會好傷,唔好上落烺咁多對你自已身體好d,我個時雖然自已坐月,不過我都好少上落樓梯,因為你唔好好保養,返風落雨慘既係你咋,同埋呢d人話生完毛孔會擴張曬,所以唔好吹風扇係有根據嫁,當然吹冷氣係ok啦~唔好比風吹到,同埋呢....要食多d野同飲多d湯水係真係對人奶有幫助,希望你唔好介意我好似同你唱反調呀,我想話你知等你好好養好身體,唔係第時苦o個個係你,同埋如果你明白左,我諗你對你6299講既野入耳d,你都無咁辛苦呀!!當然我都好明白你比人日鵝夜鵝會好慘....加油啦,時間好快過

    0
  • L

    venus,

    其實我唔係mind吹唔吹風扇或者落唔落得樓, 而係生之前佢地都有問過我坐月0個陣有咩係需要有咩唔需要, 叫我要講出來, 等佢地好早d準備, 大家要溝通好先. 結果到頭來, 明明已經同佢地講左唔要0既, 佢地當初都答應0既, 一樣會出現, 如果我唔接受, 佢地就會哦, 咁當初我講咁多野做乜啫, 仲上網搵哂資料俾佢地睇(ex.一d食譜呀之類)



    話時話, 講到吹風扇呢個問題, 因為我坐月間房係無冷氣, 冷氣係0係隔離房吹過黎(房&房中間有窗), 而佢地每朝起身都會熄冷氣, 但係又唔會幫我地開門, 搞到我好似0係個焗爐一樣, 仲熱到bb出哂汗疹...我話開一下房個風扇等空氣流通d(向牆吹,無吹到人), 佢地都咿咿哦哦, 到我二嫂話咁樣真係唔得, 太熱喇, 佢地先俾我開, 所以我有d覺得, 風扇都係佢地迫我開, 無冷氣無窗無風扇, 我真係唔知點坐呢個月~"~

    ps佢地熄冷氣係因為要俾部冷氣抖抖.

    0
  • P

    我體會到真係好熱, 至於你6299都係想你身體好(雖然有的地方真係好難頂)。我未生過, 無物野幫到你, 留言係純粹幫你打氣。

    0
  • L

    PHC1022,

    多謝哂^^ 我都知佢地想我趁坐月調理好身體, 但係我覺得如果我坐月坐得咁唔開心, 真係食乜野補品都無用, 當然唔開心0既原因唔係我以上講0個d啦^^

    好似baobao咁講, 生完真係情緒會好唔穩定, 少少野都好容易會亂諗, 自己都控制唔倒, 所以我真係寧願唔坐月, 起碼自己會開心d, 心理都唔健康, 生理又點會健康呢...

    0
  • V

    littleyuyu



    風扇開唔吹到人其實ok囉.....其實呢d台灣人係咁嫁啦,講同做真係2樣野,好似我前幾個月單野咁,有睇我blog既人就知囉,後尾我發曬脾氣咁封蝦佢地唔比黎我屋企,我而家直情唔同個d咩親戚見先好多,唔係我都想殺人,你不如試下搵個借口,日叫你老公帶你出去走走,2個鐘都好,咁你會好d嫁......

    0
  • B

    各位身處台灣既姊妹



    颱風"鳳凰"於今日橫過台灣,聽講風力好強,

    各位姊妹都要小心,無咩事都係避免外出比較好囉!

    0
  • P

    你都講得啱, 生完情緒係好唔穩定, 心理健康好緊要, 你有物唔開心不妨黎呢度申訴下, 我地可能幫唔你的物野, 不過可以幫你打氣。仲有, 真係要同你老公傾下, 如果你怕佢難做, 你就加一句......我怕你難做, 不過我唔想收埋係心入面唔講, 我驚自己心理唔健康......搵人傾下、訴下苦, 真係希幫助架。



    0
  • P

    我都要訴下苦，我以前係香港可以一覺訓到天光，中間唔會醒，瞓醒好精神。而家黎左台灣，唔知係唔慣，定係老公打呼音量太大，定係無返工個人唔夠累，我都瞓得唔係幾好，有時一晚醒幾次，有時什至失眠，好次今日又失眠啦，５點幾醒左，依家瞓唔返。你地會唔會咁呢？

    0
  • B

    phc1022,



    雖然我未嫁, 但我自從同我男朋友一齊左半年左右...之後我既情況同你一樣...都係訓得好差.....原因係咩我都唔知.....我甚至試過去睇醫生...食過醫生開既安眠藥(比普通安眠藥份量比較輕)都唔得.....食完依然會中間醒......結果第2日要返工...D藥力都未散.....搞到返工個人暈暈地又冇精神.....所以食左2,3次就唔敢再食~"~

    呢種睡眠質數情況....我已經持續左年半....

    0
  • L

    phc1022,

    尋日我終於都忍唔住同我老公講左, 雖然唔係想佢做d乜野, 不過起碼俾我知道佢好support我先, 我地亦都講好左, 第時bb如果真係俾6299湊, 佢一定會強烈要求佢地某d方面要照我地0既意思去湊, 雖然唔知係咪真係做得到, 但起碼我聽到會安心d, 亦唔會咁排斥俾佢地湊先.

    不過真係唔係講笑, 老人家真係固執到唔知點同佢地溝通, 我老公都淨係叫我能講就講, 佢地唔聽就表面答應, 私底下我地做返自己想做0既就好.



    我過左黎台灣之後, 都係訓得比0係香港少左, 以前0係香港, 一放假無訓12個鐘都唔會醒, 0係呢邊返而好少訓10個鐘以上, 連之前懷孕期間都訓唔倒咁耐, 可能真係唔係咁習慣啦, 始終自己屋企最舒服, 哈哈

    0
  • V

    littleyuyu



    講左出黎點都好d....有時好多野真係好難照曬自已意思做...不過屈係個心就唔好囉,我而家都懶左同老人家就講okok...返到自已屋企就咩都做返自已...



    phc1022



    我係台灣反而都一覺訓天光...有時下午都要訓,會唔會係張床玉唔慣...或者枕頭唔岩呀?因為我個時係自已專登係香港買枕頭過去台灣嫁....台灣d健康枕又貴又唔好用..都係香港買好d...

    0
  • P

    bobo,



    持續左年半真係幾耐, 難為你了。你男朋友打呼音量太大吵到你嗎? 我遇到呢個情況後, 戴3M耳塞, 真係隔左大部份嘈音, 當然好大聲會聽到。你可以試下, 係3M品牌, 橙色圓柱體, 按下去軟棉棉, 約20-30台幣一對, 一對可以用好耐。建議你買多幾對, 因為瞓覺轉身會跌出來, 床頭要多放一對BACKUP



    littleyuyu,



    我對老人家都係表面答應, 私底下做返自己想做0既。老人家真係固執架, 講的野唔make sense, 但係又覺得自己經驗搭夠, 一定啱。



    venus5377,



    我已經換左2個枕頭了, 有比較適合, 所以我唸係打呼關係最大, 同埋人唔夠累, 好似前晚無物瞓, 昨晚就好好瞓。真係要快的返工先得。



    0
  • B

    phc1022,



    我而家仲住o係香港呀...所以並唔係我男朋友打呼大聲吵醒我...但咩原因令我睡眠質數變差我就真係唔知道....因為我一直都係訓同一張床同一張床玉...而我只係知道我係由同我男朋友一齊半年之後睡眠質數變差左...又或者同你一樣...一定會半夜醒....我記得最嚴重既一次係....2點先睡得著...3點醒左...4點先訓得返...5點半醒左...6點半先訓得返...7點半起身返工。



    我男朋友訓覺唔會打呼的~所以我去到台灣都訓得好好~~奇怪既係...我去到台灣反而失眠問題冇咁嚴重....有時仲一訓訓成12個鐘~"~

    0
  • P

    phc1022,



    我男友打呼都好似喊雷咁架~ 勁嘈勁大聲~ 不過我只係初初同佢一齊訓覺時先唔慣~ 比佢嘈到成晚眼光光~ 之後或者慣左同埋自己都攰~ 所以都訓得好好.....不過你係唔係平日都會訓晏覺? 我響台灣住果陣一定堅持唔訓晏覺架~ 費時夜晚訓唔著~



    bobo,



    係唔係有壓力呀~ 我試過因為工作既壓力就係訓得唔好~ 夜晚一直發住同一個夢~ 都係工作既野~ 半夜成日醒~ 亦都因為同男友既感情問題咁樣.....你試諗下會唔會係自己心裡藏住d壓力你自己唔知道呢?

    0
  • M

    hello, 呢度有冇在只是在台北讀書或工作的香港朋友?

    0
  • 阿

    請問有姊妹是在香港註冊處註冊的嗎,我同男朋友會11月17日係香港註冊

    明天就可以上網登記啦,但還有一些問題不明白,希望係香港註冊處結婚既姊妹

    可以找一找我,我msn係[email protected]

    thank^^

    0
  • V

    各位姊妹.....我星期6要飛返台灣嚕...返左hk成個幾月,小朋友d證件都攪好曬,返hk一直去敗家....我諗今次返完去台灣之後可能要過1年多先再返hk嚕....

    0
  • S

    venus,



    返親香港一定敗家,特別而家多左bb,敗得仲勁!!=.="

    0
  • V

    sherming



    我敗家敗得太利害所以快d返台灣好勒>"<

    0
  • W

    各位姊妹:



    知唔知以家既機票邊間會便d...打算9月中度過去探男友..但上網睇真係好貴..

    0
  • B

    wind0601



    我已經買好左9月19日晚飛高雄既機票,HKD2269(包稅),喺港龍網頁買既,算係特價機票呱!因為我格過價,比同agent買仲平$11,雖然係好少,不過D稅咁鬼死貴,真係要"慳得一蚊得一蚊".

    我另外有問過agent中華既價,19/9晚機最平係HKD2070(包稅),俾你參考下.我係因為想回程夜D先走(8:15),所以港龍貴D都搭.

    你諗住幾時飛去呀?唔知我地有無機會同一班機呢?嘻嘻~~

    0
  • V

    baobao_chan



    點解你地買機票去高雄買得咁貴既?你地一定要坐港龍?定係因為一定要夜晚飛呀?因為我知道華信航空...華航姊妹公司不過比華航好好多....佢長期有班特價機HK出發10:25AM...回程5點幾.....機+稅..2千內..你地無見到呢班咩,我岩岩睇過如果19號飛呢班HK$1090+稅..平好多喎..@@

    0
  • V

    各位我因為返左香港個幾月....懶打blog....而家小饅頭blog從新開張....得閒上去逛下嚕~



    http://blog.xuite.net/venus5377/2008226

    0
  • B

    venus



    我係因為一定要搭夜機(放工之後即刻去機場),咁就可以同男友一齊多一晚呀!

    香港搭夜機反而係會貴D,所以無辦法.

    我梗係知道華信航空喇,之前我搭親夜機都係搭佢.

    不過今次決定搭港龍,係因為返香港既機可以最夜8:25,比華信遲多成兩個鍾,我想同男友一齊耐D,所以先會寧願俾多D錢搭港龍囉!

    0
  • V

    baobao_chan



    呵呵...原核係咁哦.....個時我都好鐘意坐華信個班機.....d時間其實好好...不過你要坐夜機就只有港龍.....不過我唔係咁鐘意坐港龍飛高雄....因良為飛機都用細機....好迫>"<.....不過我而家帶bb都好d..一定要比闊d既坐位比我!!!

    0
  • W

    baobao,



    我比你早一日出發,不過都係夜機囉~價錢跟你都是一樣..唔知返果時會唔會撞到呢??

    0
  • B

    wind0601



    我係9/23晚8:25班機返香港.

    你呢?

    0
  • W

    baobao



    我係星期日果班機返香港,咁冇機會見到添=.=

    0
  • B

    各位,大家安靜左一段時間嚕! 大家可好嗎?

    我岩岩去完台灣返黎,想提議香港再搞聚會,唔知大家有無興趣呢?



    香港聚會@港台戀



    暫定時間(晚餐): 10月18日(六) 或 25日(六)

    提議活動: K buffet (有得食又唔洗怕悶場)



    歡迎大家提出意見,更希望大家踴躍參與.

    我MSN/e-mail: [email protected]

    0
  • B

    資料更新~~香港聚會@港台戀



    日期: 10月25日(六) (晚飯時間)

    地點: 旺角或尖沙咀

    活動: cafe包場 (暫定)



    希望大家踴躍參與,更歡迎大家提出意見.

    我MSN/e-mail: [email protected]

    0
  • V

    好耐無上黎嚕.....大家近來好嗎@@?

    0
  • B

    哇~venus，你潛水潛左好耐喎，最近幾好嘛?

    0
  • M

    HI! 好奇一問, 版友都是嫁左去台灣的香港人?

    0
  • B

    MC@SHE



    而家唔一定啦！有D係有台灣男朋友既，我就係其中一個啦！^^

    0
  • V

    我又潛返出黎勒.......呢排都係湊仔湊仔同湊仔囉= =+

    0
  • B

    舊版消失左,我開左個新既,希望各位去報到,THX^^

    http://community.she.com/messageboard/

    marriage/?action=view.topic&id

    =2087380&page=1

    0
Log in to reply