好多謝你比我知道你都鐘意我, 起碼我知自己無feel錯 ... 但係同時間你亦都比我知道原來你並唔想同我有d咩將來, 只係希望同我keep一d所謂朋友既關係 ... 我唔開心, 唔知點解, 其實我係預左既, 可能係我唔捨得你, 可能我知我終於衰左係你手上, 可能我真係好想同你一齊 ... 太多既可能 ... 不過有一樣野我好肯定既就係, 我真係好傻, 傻到太執著, 傻到以為人人都好似自己咁, 對愛係認真, 係執著, 係有奢望既 ... 你唔想傷害你既家庭既同時, 你知唔知, 你係度傷害緊我 ...

[男同學]

guilty me



嘻嘻！你又唔使強調自己唔係"離經叛道"喎

如果係網上世界都唔可以發表心底果句話，仲可以係邊度講丫

係現實社會，仍然係要戴住個面具先可以生存，仍然要遵守好多 rules

我係由心而發地唔相信道德同法律，雖然我都會遵守，但就會係唔影響自己 interest 下去遵守囉！

咁當然，我會同自己講知足常樂，珍惜現在擁有既野，唔好做一 d 會為自己帶來麻煩既決定，規矩，應該係自己定俾自己

[好少]

又關法律事？



點解你會認同法律可決定你既生死？ ＜－－

你要明白法律真係可以決定你既生死．　；）



信法律既人，只不過係一頭被鎖住被馴服既野獸 唔保證以後會唔會有一日獸性大發 ＜－－

咁唔信法律既人又如何？日日都可以獸性大發？？　

不過放心，法律係用黎制裁ｅｄ獸性大發既畜生．　；）



反而，我認同自己係一頭野獸，不過我都會做好本份，取得我認為我自己能力所及應有既資源＜－－

正因為咁，所以更加需要有法律去控制人既行為，因為人既慾望係無限既． ；）



要違反自己意願順從法律或道德或世俗眼光而去不自私, 才是痛苦. ＜－－

自作自受．　；）

[失心]

嗯 ... 好多唔同既道理 ...

[男同學]

好少



我只係想講，只要係人定既規矩，就唔可以完全做到公平

有幾多人踩住法律條線去做野？有幾多人借住法律去令自己得益？



每個人自己心裡面都有把尺，法律所列出既野我唔可以話錯，但係一定會有 bias

法律決定唔到人既生死，決定人既生死只會係自己所做既決定



再一次重申，做禽獸不比做人差，因為做禽獸既目標就係生存同繁衍，簡單直接

有得俾我揀，我都未必想做人，太煩，太多規矩



最慘就係有感情......

[kt]

感情上有時人明知係錯，但都好難去控制自己，又或者唔想去控制。

[好少]

有幾多人踩住法律條線去做野？有幾多人借住法律去令自己得益？＜－－

法律未必公平，不過冇法律更加唔公平．　；）



法律決定唔到人既生死，決定人既生死只會係自己所做既決定 ＜－－

覺唔覺ｅ種答案好有問題？

決定人既貧富只會係自己所做既決定

決定人既榮辱只會係自己所做既決定

決定人中唔中六合彩只會係自己所做既決定．　；）



再一次重申，做禽獸不比做人差＜－－

身為一個人，我對此深表同情，你真係慘．　；）

[阿龍]

男同學



你講既說話真係有趣

我覺得做一隻禽獸真係唔難

有 D 人做緊禽獸可以令自己受世人讚頌

差別在於佢有冇能力同智慧

可惜理性話比人知做禽獸係要承受 " 風險 "

所以有 D 人會屈服於制度下而選擇繼續做返人

最多都係反叛一下證明自己仲有控制權

咁同普通人有咩分別 ?

唯獨係愛情呢 D 做錯野唔會比人制裁既世界

先滿足到佢地

可以變成禽獸放縱一下

其實咁都幾慘

講得衰 D 咪係知道自己打唔贏人就走去恰個阿婆囉

同埋禽獸係唔夠同人鬥既

因為禽獸實在太易比人睇穿

做人先最恐佈

你要榮幸自己仲係一個可以保護自己既 " 人 " 啦

[阿龍]

gulity me



你話如果兩個人既關係係好堅固

旁人根本無從介入

其實我一直都唔認同呢樣野

因為世界上根本就冇堅固既關係

由於人本身就有性格上既缺憾

相對地人與人之間產生既愛情亦都一樣有缺憾

呢個世上係冇破壞唔到既愛情

差在有冇人發現佢地之間既弱點

想愛情唔好比人破壞

唯一既辦法就係遠離誘惑

例如兩個人搬去冇人既地方一齊住

咁亦都解釋到點解上一輩人既愛情會比較長久

因為果時社會冇咁進步

接觸既野冇咁多

邊到好似宜家咁又酒吧又 internet 又手提電話咁方便可以接觸到人

好人因為接觸誘惑唔夠先至做好人

又有咩問題 ?

唔通要本性善良先叫好人 ?

如果係咁女人對男人仲會有咩期望 ?

[男同學]

好少



雖然有 d 睇法我同你唔係好同，但係都多謝你既分享。



當我真係好可憐都好啦！我唔想做一個自以為係比其他生物高等既人，有呢種想法實在會令我感到自己好膚淺，我都係想係我仲係人既生存時間內開心 d 者



法律並唔會令世界更公平，因為呢個世界根本就係貧者愈貧，富者愈富，擁有資源既人就 control 住社會，法律既作用就係令呢班人既地位更穩固



司法制度既公平性有幾大？你試下同有錢佬打下官司就會領略得到喇！



阿龍



我真係想捨難取易架！你自己都講到要屈服啦！即係唔係自願啦！幾咁辛苦？為乜？



其實你都講得好岩架！女人唔需要對男人有任何期望，同樣地男人都唔需要對女人有任何期望，有期望就有失望。一係就夠狠由頭到尾徹底相信，唔好有半點懷疑，做唔到呢點，就最好唔好對人有 expectation，順其自然就算喇！

[阿龍]

男同學



我係講有 D 人會選擇屈服

我就覺得冇咩所謂

反正人根本就係犯賤

唔管就亂咁黎

遲早攪串個 party 攪到大家都冇得玩

咁又為左 D 咩 ?

大家守下規矩繼續玩咪算囉

係都要攪破壞

咪遲早變犯眾憎囉

[失心]

guilty me, 可以留msn比我嗎 ?

[失心]

努力中

[男同學]

失心



希望妳係重建過程中搵得返自己啦





阿龍



你講既野我都有部份認同，人，可以分為管治者同被管治者

老實講，我想做管治者，at least 都要做到自己既管治者

我唔想將自己條命交托係人地既 rule 之中

想做唔想做，係我自己決定，當然，我會跟住自己心裡面把尺去決定

我點解要 adjust 自己把尺就你把尺？除非我覺得跟你把尺去量度我會有更大既 satisfaction 啦！

[失心]

唔知 ... 好天使與魔鬼 ....

[阿龍]

男同學



你所講既野你已經做緊啦

咁仲有必要做一隻表露本性既禽獸咩 ?

再者世界咁大

總有容納任何人既地方

有人認為一夫一制係荒謬既

咪去一夫多妻或者一妻多夫既地方囉

有人想做禽獸既

世界仲有大把法律都管制唔到既地方可以收留你

有必要留響呢度咩 ?

真係想追求理想既請便

點解要咁辛苦困響呢度

就好似世界咁多男人

呢個唔得咪下一個囉

有邊個可以保證自己一生只會愛一個 ?

[男同學]

唔唔~~~四個字



"殊途同歸"



人追求既唔係理想，係滿足私慾，所謂既追求果 d 聽落好偉大既理想，最終都係為左令自己有 satisfaction

[好少]

男同學，

唔駛客氣，大家吹下水遮．　；）



我唔想做一個自以為係比其他生物高等既人，有呢種想法實在會令我感到自己好膚淺＜－－

咁冇自信？有乜生物高等過人先？ ；）



司法制度既公平性有幾大？你試下同有錢佬打下官司就會領略得到喇！ ＜－－

法律既法字拆開就係水去，唔駛同有錢佬打官司都知佢地贏面大，但係有錢未必一定贏，幾年前大地產商新鴻基同一個農婦打官司輸左，俾個農婦逆權侵占左１０幾萬呎農地．　；）



因為法律有唔公平而否決法律既人可笑，因為要逃避法律而想做禽獸既人可怕．　；）





失心

多ｄ搵下妳身邊既朋友食下飯吹下水喇，可以冇咁容易失心．　；）

[失心]

每次見完佢之後, 個心就會好忐忑 ...

[男同學]

好少



人會為生存而屈服，究竟係進化定退化？

從你既言論睇黎，你仍然覺得人類係好高等，但係點去界定高低呢？值得諗諗

因為自己能夠從法律的保護中得到好處而支持法律既人係可恥

因為自以為人類係好高等而覺得做其他生物係低等既人係可憐



再一次覺得"世界上沒有事實，只有對事實的詮釋"係一句至理明言



我唔會去刻意遵守道德或法律，但係我會做我認為應該做既事

我覺得做動物係比較幸福，因為生存既目標比較簡單

人，有太多考慮，有太多顧忌，有太多煩惱，有太多不滿

做人，真係咁好咩？



成日借左版主既位置去吹水，真係唔好意思

[阿龍]

再講真係唔知講幾多晚先會完

多 D 關心下版主啦

冇結果既野就唔好諗咁多啦版主

[男同學]

嘻嘻！係喎！睇怕失心都就快俾我地激死



Anyway，生命中每個時候都會有唔同既人係你身邊出現，有 d 人可以陪你行得遠 d，有 d 人同你行一陣就會行返佢自己要行既路，冇話邊個欠邊個，只不過係唔 match 者。道不同不相為謀，盡可能睇開 d 睇化 d，開唔開心在乎一念而已

[youngsexylovely]

基本一開始你應該明明自己身分,唔可以放太多感情

[gulity me]

失心: 唔好意思, 幾日無來. 我的MSN是: [email protected]

你隨時可以和我傾下既 (無聊男人請勿add我, 謝謝)

[好少]

男同學，

人會為生存而屈服，究竟係進化定退化？ ＜－－

為左生存野獸都會屈服，有冇睇過北海道熊牧場ｄ熊？點解會咁，好簡單，為生存而屈服，適者生存． ；）



從你既言論睇黎，你仍然覺得人類係好高等，但係點去界定高低呢？值得諗諗 ＜－－

點去界定高低呢？都係好簡單，以智慧定高低，人識得分可恥可憐都係因為人有智慧，可惜禽獸唔識分．



因為自己能夠從法律的保護中得到好處而支持法律既人係可恥 ＜－－

個ｄ被非禮，被強姦既受害人用法律保護自己將ｄ色狼，強姦犯繩之以法既行為原來在你眼中係可恥既，ｏｋ，ｕ　ｗｉｎ．　；）



因為自以為人類係好高等而覺得做其他生物係低等既人係可憐　＜－－

以智慧分高低，唔明點解有人唔識分但係有足夠智慧識上網同我吹水．　；）



再一次覺得"世界上沒有事實，只有對事實的詮釋"係一句至理明言 ＜－－

哈哈，我真係笑左出黎，事實就係事實，唔會突然冇左，你想認識事實先要靠事實的詮釋，事實係就算冇左事實的詮釋事實仍然存在，明白嗎？

唔明？ｏｋ，就好似冇人解釋到生物既起源但你ｅ件生物依然存在，唔會突然冇左，事實就係事實，明白嗎？　；）



我唔會去刻意遵守道德或法律，但係我會做我認為應該做既事 ＜－－

強姦犯：”我唔會去刻意遵守道德或法律，但係我會做我認為應該做既事，我有性需要所以去強姦女仔，我冇錯，妳用法律保護妳自己真係可恥！”

殺人犯：”我唔會去刻意遵守道德或法律，但係我會做我認為應該做既事，我每殺一個人都有千千萬萬既原因，我冇錯，你地用法律保護自己真係可恥！”

賊人：”我唔會去刻意遵守道德或法律，但係我會做我認為應該做既事，我需要錢所以先打劫，我冇錯，你地用法律保護自己真係可恥！”

哈哈，請對號入座．　；）



我覺得做動物係比較幸福，因為生存既目標比較簡單

人，有太多考慮，有太多顧忌，有太多煩惱，有太多不滿

做人，真係咁好咩？ ＜－－

做人真係有太多考慮？太多顧忌？太多煩惱？有太多不滿？你講緊自己喳？唔好拖其他人落水，起碼我生活得好開心，冇你所講咁唔掂．　；）



成日借左版主既位置去吹水，真係唔好意思＜－－

你成段最有道理就係ｅ句，我估失心唔介意我地係度吹水．　；）





阿龍，

唔緊要，可以慢慢講，等版主ｕｐｄａｔｅ消息前大家吹下水遮，順便增加人氣．　；）





失心，

作戰成功ｏｒ失敗？　；）

[男同學]

以偏蓋全，用個別例子去推翻整體既道理，就係現今思想教育下既產物

教育控制人既思想，話俾大家聽咩野係岩咩野係錯

如果由一出世開始周圍既人都同你講俾人強姦係一種光榮，你又估下呢個世界會點？

有智慧就係高等咩？都係人定既者？如果一出世個個都話俾你知二頭肌過20吋就係高等生物，個社會又會變成點？

有冇睇過 matrix？果個世界觀真係發人深省，你以為自己係真實存在咩？其實係俾電腦當你電芯咁用。你可能會同我講"電影情節你都可以用黎做 argue point"，其實我想 point out 既係，人類其實係俾教育、法律、道德等等由部份人定落黎既規矩控制住思想，你講既事實，只係你既認知；係唔係人人睇同一件事都睇到同樣既"事實"？



我 agree 適者生存，某程度上係要屈服，但亦都可以自己變強

你選擇屈服，係你既自由，right？

[小妖精]

失心: 依你個case睇黎.你真係唔好再放希望落佢到. 男人係咁樣,有�鰹a庭仍然希望自己可以有紅顏知已(最好上得床添).最好呢個知己唔痴身.

其實佢已經好明顯,佢唔想傷害佢既家庭但又比你知佢係鐘意你.即係代表佢話你知:我唔會離婚同你有將來,但我愛你.

其實佢已經算好好,起碼唔會呃你.有d男人明明唔會離婚但就呃出面個女人同老婆關係點差點差,唸住離婚.結果拖�轠女人好耐,浪費人既青春.

趁早忘記佢,學識放開. 唔好再搵佢喇! 唸起佢既時候搵朋友開懷��,你會快d忘記傷心事!

祝你早日康復!

[好少]

男同學 ，



舉幾個例子就係以偏蓋全？唔好亂扣帽子，係人都知辯論要舉例．　；）



一開始辯相唔相信法律，之後你再開話題話人唔會高級過禽獸，事實唔係事實，ｅ家又批評教育係控制人既思想，大佬你遊完花園未？



再睇下你舉既例子，唉．

如果由一出世開始周圍既人都同你講俾人強姦係一種光榮，你又估下呢個世界會點？　＜－－

如果一出世個個都話俾你知二頭肌過20吋就係高等生物，個社會又會變成點？　＜－－



ｏｋ，剩係同你講人點解高級過禽獸先，不過今次我唔舉例，有冇睇過孟子既性善論或者荀子既性惡論，ｅ兩套講人性既理論雖然係對立但都有ｄ地方相似，例如解釋左人同禽獸既分別同埋人點解高級過禽獸，睇完你會明白點解中國人稱呼ｄ無恥既賤人叫禽獸不如，不過我估ｅ家你連人性係咩都未知．　；）

[妖精]

好精彩呀! 鬧得好痛快呀! 失心你都係收皮啦!



想搶人家的老公,破壞別人家庭,為了自己快樂, 把痛苦放在男人的家人上,什麼 "一切都不受我控制”? 多多籍口為自己的惡行, 男人也只不過是受不了女人身體誘惑, 女多男少, 揾到個男人好少少, 就死唔放手, 人家老婆也不捱了多少日子才給了你一個男人, 終一日其他女人在你的歲月裹當了你的狐狸精, 可能你會明白這個世界D人變得越黎越醜惡! 無男人唔洗死怪!唔好發姣啦!



仲有呀你果句好同意 "結左婚既男人有太多野要考慮喇！單單愛情未必能夠動搖到佢已經掌握係手中既野。" 真係以為自己為愛情而做埋D衰野, 唔通人地老婆無同佢曾經愛得死去活來咩, 你仲講都自己好偉大, 個個狐狸精都係甘啦, 唔該你唔好再勾引人老公上床啦, 用呢樣揾你愛情, 一句講曬"CHEAP"貨!

[無名]

男人係衰受唔住誘惑, 狐狸精唔知醜, 因住有報應! So do I, I've no pity for husband stealer. 同情你果Ｄ可能想你勾引吓佢掛，　學吓咩叫愛先啦。。。。



不過希望你真心知錯，　及早回頭，令個世界美好Ｄ，唔好再害人，　我都會當你一位網友。。。

[阿龍]

版主應該冇事卦 ?

講真

有 D 野做得第一次就好大機會有第二次....第三次....

因為妳已經冇哂信心

亦都可能唔介意

到頭黎都係自己害左自己

[過來人2]

追返曬D POST, 無論點, 只係覺得, 要清醒D去諗...



女人好多時為左愛(或者係自以為係愛) 甘願作出咩咩(希)牲咁... 冷靜D去諗, 最緊要你面對到自己...



所有D咩道德標準都不過係一個交代, 對自己, 對社會, 對父母.... 你而家咁苦惱, 即係話你都未必而對到自己既抉擇, 同定位...



面對唔到自己個種痛苦...係想像唔到咁恐怖的..



講真, 你唔斬釘截鐵, 只會慢慢想要更多... 稍有良知既女仔, 做第3者既1場都只有痛苦, 分別只係在於有幾痛苦姐... 除非個男人肯放棄佢老婆同你一齊啦... 不過, 極渺茫, 係既話, 咁既男人你要唔要吖???

[無名]

過來人2, 真係好同意你既講法, 要面對到自己, 不過狐狸精既標準可能低好多, 佢地會有好多籍口為自己惡行辯護. 如果話做第三者下塲係痛苦, 佢都係攞黎賤,低死, 無得怨人, 但係男人的老婆同屋企又點, 身心都好似生CANCER 甘痛苦, 只可以安慰佢生命有時唔係人可以控制, 碡磂要撞埋黎都控制唔到, 要brave面對同揾出路...



狐狸精害己害人.....

[強人]

希望失心人唔好再用失身留住一個男人, 比 RESPECT 自己同人地老婆...唉..真係攞黎賤...

[強人]

應該係狐狸精害人...但最終都會害己....報應

[失心]

我 ... 無事架啦 ... 我會控制我自己 !

[rosy_shadow]

失心





請你揮慧劍，斬情絲。你見都唔好再見佢，完全同佢斷絕來往/聯絡，甘先可以盡快忘記。唔好再介入人地既家庭，你甘樣只會害人害己。

[失心]

我重申一次, 我一定唔會介入佢既家庭, 我唔會 !

[rosy_shadow]

失心 replied @ 2008-03-24 12:21 pm



我重申一次, 我一定唔會介入佢既家庭, 我唔會 !







甘就好...希望你可以快d搵到自己既幸福！

[失心]

我需要既係時間者 ...

[阿龍]

支持妳同祝福妳....

[Macy]

失心希望你真係可以醒悟,唔好再比籍口, 苦苦落去, 男人屋企一個出面又可以個, 佢一定無所謂, 女人多數都係诐害, 諗吓你有一日結左緍, 全心全意對住個老公, 點知出會有甘多女人撞埋黎仲要講到自己為愛情呢樣果樣, 好似好有道理, 呢個以經係咩世界, 比一個好D 世界比下一代, 勇於D唔好再見佢, 做個有骨氣, 有尊嚴既女人, 同女人爭返淡氣. 無男人都唔洗死!

[失心]

我依家只係唔想做一個可憎既女人

[男同學]

失心



無傾一排，妳自己 format 左自己未呀？要搣甩感情，講就易，真正做既時候既痛苦，只有自己知自己事





好少



我舉既例子，你完全冇正面回應過

似乎你比較似花園導遊喎~~~嘻嘻



我係弱勢社群，但唔代表我既思想係錯

我諗，我知唔知咩野係人性，究竟你有冇資格去評論

老實講，你所講既野，都係從單一角度去睇，同你拗咁耐，我對自己真係有 d 失望。反而阿龍果套我又覺得 ok 喎

[失心]

男同學, 我都唔知自己format好未 ... 不過比起之前係好左既, 但係又因為工作上我唔可以避免咁見到佢, 所以我相信我要settle我自己emotion既時間會需要更加多 ... 見唔到佢既日子我都重可以manage得到, 但係, 一見到佢, 個心就會好亂, 好矛盾

[男同學]

用一個衰格少少既方法，搵一個鍾意妳既男人去沖淡之前段感情啦！

可能呢 d 叫利用，但係因為佢鍾意妳，佢都有實際得益，妳又可以容易 d settle，win-win 呀！

[CheerfulSweetie]

好少 vs 男同學



唉... 救命呀! 好哲呀! 但又似是而非.

為拗而拗... 便成為自打咀巴.



男同學: 你係好想找有質对手拗來拗去交手. 但你的point 我本人覺得好夾硬來.不合適此擅. 我勸你另開擅作哲學觀點論.



好少已經好努力回應. 但如有人為拗交而拗交, 未必人人有此時間心血.他未必如你所指招駕不來呢.



***************

失心: 請你去書局找作家 "素黑"作品. 她是心靈冶療師, 亦是hk人, 寫的叫教人怎樣自愛及找尋自己. 看着, 吸收, 消化她的文章, 你應會有所領悟. 從而找出正確方向.



Hope this helps!

[男同學]

CheerfulSweetie



唏！咁上黎網上都唔可以講下自己意見，想屈死我咩！

妳可以話我舉既例子唔實際，但係教育的而且確係做緊"洗腦"既工作

我都講過世界上冇事實，只有對事實既詮釋

每個人睇同一件事都可能有唔同既觀點，我同大眾方向唔一致就係錯咩？

再深入少少，民主既可怕之處就係用一大班人去令少部份人屈服

公平咩？不過我早就知道世界並唔公平

妳 agree 好少既觀點，ok 架！我覺得世界係應該和而不同

我只係唔認同好少既睇法，但係我既觀點就會受到"被完全拒絕"既對待，甚至被冠上"離經叛道"既罪名，妳睇睇佢用既字眼就可以知道當中既差別

唉......和而不同，遙不可及

[好少]

男同學，



你個兩個例子荒謬兼唔成立，我點解要正面回應？唉一聲已經係回應左．　；）



弱勢思想未必錯，但謬論一定係錯．　；）



你要明白本來冇人有興趣去評論你知唔知咩野係人性，只不過你係度發表左對法律，道德，人獸，事實同教育既偉論之後就人人都有資格係度評論你，包括我，可以話機會係你自己俾既．　；）



冇人想屈死你，我亦冇諗過要你屈服，你就係你，只係咁啱你提出既５種論據都欠缺說服力，所以你先會覺得受到”被完全拒絕”既對待遮，我辯論唔叻但係我知刺激對方係一種辯論手段，你唔慣咁我乜唔再用囉．　；）





CheerfulSweetie，



你講得啱，我係公司好得閒先會上黎吹水．　；）



嗯，放心，我唔會係ｅ條ｔｈｒｅａｄ同人拗交．　；）





失心，



俾自己一個信念，放棄佢唔係妳既損失而係妳既得著，當然放棄感情需要一ｄ時間．　；）

[男同學]

啤~~~~~~~~~~



好台灣式既處理手法......有理冇理總之對方就係錯，唔識回應就話人地荒謬，我都只有被吹到啤一聲！

我做返我自己，好少大人就繼續去維護你喜愛既法律道德事實等等



道不同不相為謀，我都唔見得你說服到我 ^_^

[好少]

有理冇理總之對方就係錯，唔識回應就話人地荒謬，我都只有被吹到啤一聲！ ＜－－



事實上我一直都有回應，就等我整理下男同學既偉論先，括弧內係我既回應．



男同學：法律唔公平，唔可信，要否決法律，而且因為自己能夠從法律的保護中得到好處而支持法律既人係可恥．

（ 法律有唔公平，但冇法律會帶來更大既唔公平）



男同學：覺得”道德”呢兩個字真係好可怕，唔認同道德．

（道德有ｄ麻煩但唔可怕，人人都唔認同道德就會天下大亂）



男同學：人唔會高級過禽獸，自以為人類係好高等而覺得做其他生物係低等既人係可憐．

（人有智慧所以高級過禽獸，禽獸不如既人先可憐）



男同學：世界上沒有事實，只有對事實的詮釋．

（世界有好多事實冇詮釋但依然存在，例如生命由何而來係冇詮釋但有生命ｅ個事實依然存在，另一個例子就係成語掩耳盜鈴）



男同學：教育係控制人既思想，教育係做緊”洗腦”既工作．

（教育令人明辨是非，未受過教育既人更易俾人洗腦同俾人控制思想）





男同學，

我根本就唔關心有冇說服到你，我只係想俾大家睇下你既偉論，而事實上已經有人（CheerfulSweetie）覺得你既論點好夾硬來．　；）