如果你有個錫到你�I既男友, 仲會唔會覺悶呢?
-
呢度好多人既諗法係：驚妳日後搵唔番比呢個更好既男人。
我對 akido 既決定有信心。
-
karie,
我唔係成日去蒲吧既人, 無錯去酒吧去得多都會悶, 同埋識親都係唔正經既男人. 不過我而家既心態唔係搵老公, 只係我愛既男朋友, 無論佢條件比而家個差, 我唔介意, 我知咁既諗法太幼稚, 愛情唔可以當飯吃.
但我內心就係有咁幼稚的想法
-
akido
我以前有個拍左六年既gf,同你個情況差不多,拍左咁多年覺得好悶。覺得分開左都無所謂,唔會覺得傷心,但到真係失去個刻, 先明白佢對我係幾咁重要。所以我覺得你要親身感受過失去,先會明白對方既重要。
若果你肯定佢根本唔係你愛既人, 咁你放生佢都未嘗唔好。我地呢d 局外人唔會完全明白你點諗,我地都係俾d 唔同既睇法你諗下者
-
Akido..
既然你決定咗啦..我都會 respect你既..咁不如都係個句..你都係介紹你男朋友做我個friend啦..當然之前梗係要同你熟d先..
haha...would you mind to be my girlfriend? 因為講真啊..我女仔friend真係冇咩....我性格比較男仔頭d..比較爽直..
-
”我以前有個拍左六年既gf,同你個情況差不多,拍左咁多年覺得好悶。覺得分開左都無所謂,唔會覺得傷心,但到真係失去個刻, 先明白佢對我係幾咁重要。所以我覺得你要親身感受過失去,先會明白對方既重要。 ”
===
我都有過類似經歷，但最後我發覺我既做法無錯。不過唔同之處係我無立心要分手，只係神推鬼蕹下分左手，初初好唔開心 (唔開心係因為知佢好傷心而令自己都覺得好唔開心)，但慢慢真係鬆左口氣
-
lennon,
可能真係分手先知佢對我重唔重要啦, 以前都試過分開過, 過左一排佢又搵我, 我又心軟, 今次要下定決心分開先得
Poma,
人人經歷唔用, 咁你而家搵到你既special one 未呢?
karie,
沒問題, 睇下你同佢有冇緣.
-
akido, 鬆左唔係好耐，未遇到，不過我會小心選擇，唔會再輕易墮入另一個情網，除非我真係好愛佢。
-
akido ,
我都信緣份架..我同佢真的有緣無份
......既然你有勇氣你可以去找你所需要的！
不過....你要好好記住..今天的....呢個版既每句說話！
祝你好運
-
akido
咁多謝你先..係呢..你有冇msn啊
-
我有 msn
[email protected]
-
akido
用心追尋自己所愛, 祝你搵到個你自己真心愛的人啦
-
akido
咁多謝你先..係呢..你有冇msn啊 ??
-
karie,
你留msn, 今晚add 你啦.
poma,
唔介意的話我add埋你
遲d再傾, 我出一出去先.
lennon,
thx..你都加油
-
oh no......
呢個世界真係咩人都有......
-
AKIDO
my msn is [email protected]
-
我歡迎妳 add 我 msn。今晚見。
-
以前有個男仔對我好好,但我都冇接受,因為我覺得愛情真係要有感覺先得, 就算另一個人點鍾意自己,但係自己都未必會鍾意果個人架嘛~
我明白你既感受,尤其係明明唔鍾意人, D 人仲係咁迫你埋去, 真係覺得好痛苦。呢件事最錯係, 唔應該俾佢開始囉。
-
最慘係 D 人成日講被愛永遠係最幸福,
就係咁,好容易俾人動搖到
-
當妳愛人而得唔到預期中既對待
就自然覺得被愛係最幸福
要愛人就要有心理準備
妳會得到和版主男朋友一樣既下場
-
感覺可以當飯吃嗎?
-
你會後悔的-______-
拍心口保證!!!!!!!!!
我之前都有1個對我好好既男朋友
好到個個都羨慕
但果時我就好似你咁諗
覺得1齊咁耐開始悶
又覺得未玩夠
於是5聽所有朋疫既勸告
1 2孤行
到而家同左好多5同既男人拍拖
始終覺得佢最好
覺得自己好係好鬼蠢
到而家都仲會成日諗住�
到果陣你就會覺得
平淡是福
可能你而家會覺得悶
但到分開既時候或者你會即係發現
自己只係太過習慣佢既存在
-
身在褔中不知褔, 你要失去過, 才會識珍惜, 到時你唔好後悔你現在所用的事, 時間不等人的
-
你而家緊係話你淨係想玩下
就算條件幾差都冇所謂啦
但而家呢個俾你食好慣住好慣
你覺得你同得慣1個俾5到幸福你既男人1齊咩?
到時你就會後悔自己點解當初5好好珍惜嫁啦
我5知你係1個點樣既女人
但我覺得你好似我
我5想你將來好似我咁自己責怪自己
我都係因為想勸你先申請個AC
可能你係個同我同一類既人
會因為呢度留言而更加想分手,,去證明自己既諗法岩
證明自己真係冇所謂
但幸福係自己
5需要鬥氣
當然,,如果你冇咁諗就最好啦
不過你試下同佢分開1,,2個星期
去第到衰下或者離開佢1陣
大家5聯絡
睇下自己係咪真係離得開佢先再講啦!!
好男人而家好難搵嫁啦
而家個個男人都覺得自己已經做得好呎
事實上呢?
你遇過你就知
-
打錯好多字
修改下先
會因為呢度留言而更加想分手
{會因為呢度D留言而更加想分手}
不過你試下同佢分開1,,2個星期
去第到衰下或者離開佢1陣
{不如你試下同佢分開1,,2個星期
去第到旅行或者離開佢1陣}
而家個個男人都覺得自己已經做得好呎
{而家個個男人都覺得自己已經做得好足}
-
hi all, i'm back,
Fat,
你既說話令到我離開佢的決定動搖添.
我今晚同佢吃飯, 本來係離別前夕見多幾面,今晚的心情有d傷感, 可能我知好快同佢分開
所以覺得佢今晚好細心好體貼. 同埋試下佢介紹女仔比佢識.
返來睇左你既留言再加埋佢今晚對我咁好, 於是又十五十六. 我又問佢如果面包同愛情
佢會揀咩, 佢話面包啦..因為沒面包, 會生活唔到.連愛情都無
咁我當然係愛情啦.....
-
Pat, sorry mistype your name
咁我試下情人節同佢分開下先. 多謝你咁同心打咁多字以過來人身份來比意見我
我今晚sip高枕頭諗清楚啦...
TX
點解咁遲先諗分手問題, 因為近來識左另一個男仔, (未開始), 不過他都係玩, 唔係認真既人, 可能我諗法係分手可以去玩, 值唔值為左
一段無結果既愛情而放棄真正感情, 我心中有數, 但我都想佢幸福嘛(想佢搵個好過我的女人) 佢其實比我去玩, 叫我"玩完識得返屋企" 即搵返佢, 不過我覺佢愈對我好, 我就愈來愈內疚, 更加唔想拖住佢, 我可能最終好似Pat後悔, 但...睇完Pat既留言, 我再諗清楚.
而家同男友既係一段似家人的感情 (即好多人都認為係好既)
對著另一個, 我覺係玩成分居多既愛情, 我唔排除分左手有另一段愛情.
不過而家都係冷靜一排先, 分開下.咁令我頭腦清醒些再決定..
anyway, thanks all!!
-
人地講兩句妳就心大心細
我覺得妳真係厭倦既就不如放手算數
妳唔要一定有人要
妳既然覺得唔岩用霸住黎做咩
唔通拖多幾年仲係咁妳就唔會後悔啦喎 ?
-
RE::阿龍
既然人地已經沖定要再考慮下
你又何必再去逼人放棄一段可能會屬於佢既幸福呢?
5明你咩心態!!!
同埋你果句[[5岩同唔岩用霸住黎做咩]]真係好有問題!!
咩叫5岩用?
而家5係講緊1件貨
係1段感情
會關乎1個女人既幸福
雖然5知佢拖多陣會5會改變個決定
但我敢肯定既係
就算佢到最後選擇既係離開
都1定5會比諗都未諗過就離開更加後悔
你講野之前5該諗清楚
真係會影響人地一世嫁
-
睇黎後悔係必然的
-
RE::AKIDO
好多謝你肯聽我勸!!
你肯聽我講已經好難得
希望你真係會好好咁考慮清楚
係咪真係值得為左[未玩夠]呢3個字
而放棄可能呢1世再都搵5返既幸福
幫到你既只有你自己
選擇有好多
但同你過世既得1個
可能你望出去
會覺得好浪費
咁大個花花世界
咁多男人
自己淨係試得果2,,3個
5甘心
但有D野
遠觀算啦
好多野5係你所諗既咁美好嫁
當年都有人同我講呢D野
但我都仲係5聽
到而家我D FD仲成日響度同我歎息
果個男人而家就結婚啦
可惜新娘不是我
你有冇想像過
而家成日陪響你身邊既男人
將來抱住既5係你
而係第2個女人
可以同佢過幸福生活既
本身係你
但又變左第2個女人
你會係咩心情?
你同佢分開之後
你地就真係冇任何關係
係!!冇錯!!
冇任何關係!!
你接受到MA?!
6年話長5長話短5短
點可以因為自己既任性而放棄呢?
到頭來你諗返
5係佢對你5住
係因為自己既任性
你同邊個去抱怨呢?
我果時打算同佢分手
同佢做完既時候竟然可以喊
同邊個講,,,都冇人可以話我仲中2�
但分手之後冇耐
我自發覺果幾行眼淚係流俾自己睇
令自己可以大條道理咁同佢分手
同自己講5係因為任性
係因為自己真係5愛�
連自己都呃埋
到最後又點JIE
咪又係後悔..."
唉
愈講愈無謂
希望你5會好似我咁啦
要把握屬於自己既幸福牙!!
-
akido
其實你真係好幸福, 我而家同我男朋友一齊差唔多一年
佢一樣野都無送過比我
開頭一齊個陣佢都仲會同我去唱下k, 去下澳門咁
而家連離開我地住個區都唔會去
我對佢已經算一d要求都無架啦
都唔知佢仲想點, 其實佢會唔會係唔鍾意我既呢? 其實我都有諗過分手呢個問題成個幾月架啦
-
pat 既分享好好ar~
-
Pat`*
鬧得好
不過人係犯賤既
未失去過又點知對方有幾重要
就好似妳如果冇失去過
今日又點會響度講呢番說話呢 ?
就算留低
未曾切膚之痛咁去感受果種失去既感覺
又點樣保證將來唔會再諗分手 ?
妳冇可能時時刻刻響版主身邊提醒佢架喎
再者版主已經表明佢想要既係愛
唔係可以照顧到佢既好男人
即係呢個男人比唔到版主需要既野
粗俗 D 講....咪即係話唔岩用囉
我見好多人都話驚版主冇左個好男人而後悔
諗深一層
女人會因為擁有一個好男人而幸福
還是擁有一個佢需要既男人而幸福 ?
唔係每個女人都想要一個錫到佢濃既好男人
更加唔係每個女人只要得到好男人就一定有幸福
響嘆息緊版主冇左個呢個好男人一定會後悔既時候
有冇諗過版主需要 D 咩 ?
所以我唔 care 版主會唔會後悔
反正分手後佢可以光明正大去搵佢需要既人
就算搵唔到亦都冇得怨
而且佢地以後有冇機會復合亦係未知之數
有緣既就算分開左好耐都可以再一齊
講幸福談何容易
世上偏偏就有好多咁既錯配
而且要選擇既係版主
我呢個路過既冇能力去影響版主既決定
-
akido
襯住過埋個情人節
妳就諗清楚幸福對妳黎講究竟係乜野啦
如果可以諗埋將來仲更加好
呢個係妳既決定
決定左就唔好動搖喇
-
我4年前都抉擇過面包同愛情......果次我跌得好傷~!
我放棄左面包......e+久唔久我都想起面包既好處~
-
你地好,
睇哂你地dreply,我都有少少意見想講,我男友都係32,而我就27,佢都係對我好好,又有能力照顧我, 我地拍左年半拖。我地之前發生左d小問題, 當時我都好任性,一直埋怨男友唔理我感受, 冇諗過自己行前去解決問題, 所以當時係短短幾個月內提出分手幾次,每當我話要分手,男友都極力挽留我, 最終大家都喊住咁係返一齊,但最近果次,我又再次衝動地講分手,今次佢好冷靜咁話不如短暫分開,睇吓其實係咪真係分手會令大家開心d,短暫分開期間, 佢完全冇聯絡我,即使我sms / email佢, 佢都係冷靜同冷淡咁對我,我開始好驚,我好驚我真係會冇左佢,於是係呢十幾日既分開,我諗左好多野,我同自己講我好難得先搵到一個雙方都咁鐘意大家既人,點解要為d小事而隨便講分手,點解唔俾多次機會佢,佢既問題又未至於要去到同佢分手, 於是我同自己講,我鐘意呢個人,我要珍惜佢,大家係諗住一直到老,就要學識包容同體諒,因為未來一定會有更多考驗,唔通每次遇到考驗就要分手,咁一世人都唔會搵到終身伴侣囉。我地而家係噃一齊,因為大家都好想維繫呢段感情,我同自己講我唔會再咁易放棄,我廿到尾先搵到個同自己咁夾既人,如果唔識珍惜,我唔知我仲有冇機會搵到另一個咁樣既人。
Akido, 我想同你講, 你話同佢冇愛既感覺,只係覺得好似同佢係家人既感覺,但係每段感情到尾都係未必會維持到心跳既感覺,而且多數會變得平淡,亦未必會keep到好強既愛情感覺, 因為其實感情已係不知不覺間昇華到令一階段, 大家當然都仲有愛,但果種愛係親情既愛囉。
但我都明你認為對佢冇愛既感覺係一個issue,但你真係要諗清楚,唔係樣樣野錯過左可以再擁有噃架!
-
阿龍
或者你講得岩
人係犯賤
未失去過5識珍惜
好似我咁
但係咪有需要好似你咁
不斷去勸人下決心分手呢?
失去可以好多種既jie
akido都話暫時同佢分開
冷靜下
我諗咁都可以叫失去既
只要俾akido自己知道
冇左呢個男人響自己身邊
有咩感覺咪就囉
呢個方法係咪更加好呢?
至於個男人俾5俾到愛佢或者其他
等akido決定左先再講啦
-
hi Pat,
"選擇有好多 但同你過世既得1個"
你講得好��, 要同一個人過一世要想清楚, 我諗我係習慣左佢�鄑琩倥銩蚥U我, 朋友都同我講我同佢的感情已經升華, 將愛情感情都融合左而唔知道. 即呢段關係都有愛情既成份, 不過熱情就沒了..佢當然係可以一生一世
既人, 條件好好..一直都係我既心態問題, 都係同你當年一樣任性囉..鍾意做乜就去做(唔好介意). 唔理後果..係我想法比較幼稚同成日發夢
"你有冇想像過 而家成日陪響你身邊既男人
.........你會係咩心情"
我諗我會好傷感..佢對我咁好我都唔要佢,
可能我以前無諗過佢會離開我啦, 咁樣係咪証明左我仲愛佢呢?!
我諗我嘗試情人節後同佢分開下, 睇下自己仲愛唔愛�
rainbow,
你男友唔肯為你付出太多, 係米証明佢不是很愛你呢..我新識個男仔, 每次都要我就佢吃粉面米線牛什, 並不是日本菜, 意大利菜, 我好唔慣囉..原來愛情同時也需要面包, 我在想
如果分左手會有段時間好唔慣, 好似好實際既想法
Kiki
咁你選擇左愛情開唔開心呢? (問心個句)
我好想知, 雖然人人唔同, 不過我本身都係做專業, 自己都養到自己, 面包對我來說係多左張附屬卡, 同生活細節上的照顧..所以放棄左係可惜, 但又唔係生活唔到
missugly,
睇到你既令我眼濕濕, 好感動, 呢度有咁多人會語重心長同我講要珍惜, 我真係有福氣啦.
係米每段愛情都會變淡?愛情變為感情呢?
因為開始我唔係對佢一見鍾情, 係慢慢感動到我, 佢對我好就一齊, 我諗都係愛情既, 唔係好浪漫個種, 咁多年都有好深的感情..但對住另一個(吃魚旦粉)係愛情, 不過係玩個種. 我諗我要同時同男友, 和另一個男性朋友疏遠一陣, 睇下自己想點, 連我自己都好混亂
我想男友比我既愛係關心同細心既照顧
另一個男性朋友就係新鮮感同激情
我會考慮考慮..
-
阿龍
我唔介意你話我, 因為我係個蠢女人, 感情事成日要人提點..聽日就係情人節, 我會同男友一齊過
睇返以前我同男友既合照. 發覺大家一齊經歷過好多野..由我工作開始, 佢就鼓勵我讀書進修,到今日我有自己夢想的工作全靠佢支持我.我諗我要報答佢, 佢為我付出左好多,
咁多年感情一下子被另一個男人動搖到我, 我諗都係一個悶字~~
我都知身在福中不知福..不過都係要諗諗
甘唔甘願成世係咁過平淡的感情生活. 定係甘唔甘願承受以後未必搵到個好男人既結果...
讓我想想...
-
Pat`*
come on.... =.=""
唔好講到我好似攪到人地分手我就好開心咁變態先得架
我都係講左一段如果厭倦既就不如放手算數之類既說話
就算佢留低我唔會不停咁勸佢分手架喎
我只係唔想版主做決定既時候心大心細唧
妳個方法我唔反對
就等版主一個人既時候諗清楚啦
我諗我下次同人講野既時間要客氣 D....
-
akido
原來有個男仔出現左
妳早 D 講嘛 =.="
如果響風平浪靜既情況下妳有想走既諗法
咁就大件事好多喇
宜家妳只係受到誘惑
就好似我之前所講
諗一諗自己需要咩
如果只係覺得悶唔需要諗到分手咁誇張既
有 D 野妳男朋友唔識做
妳自己都可以做嘛
妳做得多妳男朋友自然就會比妳影響到
換著妳做男朋友既角色妳又會點做呢 ?
聽日係情人節
不如試下交換角色黎做慶祝一下
睇下會唔會有驚喜 ? ( 或者有驚嚇 ? =.=" )
好好諗清楚啦
-
你真係好似當年既我!!
希望你5好介意我咁講
決定左既時候
記得上黎同我地講
響度祝你聽日同男朋友過得開心先啦^^
同埋過緊情人節既時候
諗下冇左�
以後仲會5會有個咁開心既情人節呢?
或者可能節目5會咁豐富,,禮物都冇咁大份...?
-
各位情人節快樂ar~
akido
4、5年前, 我bf網上識左妹妹仔, 果年我地不斷離離合合, 但最終我都在面包同愛情中選擇左愛情, 我塊面包其實好鍚我, 係第2個部門既上司，月入幾萬, 同事之間知我有bf, 亦知隔離部門有人追我, 經常放禮物在我�^面, 佢仲用我既名義請我個組既人食下午茶, 當時細路女, 覺得好有面, 都曾經迷失方向, 放工佢會車我, 同我食千幾蚊餐飯, 不過....我都係覺佢同我去酒店飲6、70蚊杯橙汁唔及我bf�鷁騥R杯6、7蚊既橙汁好飲..........我鍾意食buffert, 但我會選同bf去拮魚蛋/返屋企煮面, 唔同佢食buffert......
我掉左塊面包, 選擇左愛情, 我開心過, 我直情覺得我係世界上最幸福既人。
我照顧佢一日三餐, 衣食住行, 同mami 好似twins咁, 成日行街~
佢既親友都喜歡我, 堂妹第一次見我已經叫我"公主姐姐"
哈哈~ 過時過節, 大家仲會收到有我地個樣做既賀咭。
不過已經係多年前既事........
直至我長大 (唔再天真) 我發現照顧佢好吃力...放棄愛情活得更精彩、自在。我覺得佢人工比我低、學歷比我低是一個問題(打開報紙也會諗錯字的 ..) 我覺得佢幾個月轉一次工是問題 (不要再扮懷才不遇了)我覺得佢做左10年野, 冇積蓄是一個問題 (有事就銀行借) 我覺得佢欠咭數亦是一個問題 (我自己沒有信用咭), 成日上網識妹妹仔又係一個問題, 不過我冇怨, 亦唔後悔, 因為呢d問題我一早知, 但我當時我愛佢, 我包容一切問題。
如果呢一刻, 愛情同面包都在跟前, 我會毫不猶豫地咬住面包, 那怕只是塊白面包, 已經足夠了~
你地尋日點ar？
佢有冇花, 有冇禮物唔重要, �鬺A身邊已經好好 ^^
唔好唔記得, 你同我差唔多大........而且你同你塊面包本身有感情, 仲要係家人既感覺, 呢d先係一生一世既關係。
-
akido,
以佢的年紀,當然是追求穩定的生活,亦希望身邊的人能夠享受穩定及與自己所愛的生活.
可以講,你未到呢個年紀未識咁諗,你諗清楚先,唔好後悔.
-
版主，我之前就係嘥左一個類似你男友咁好既男仔，宜家不知幾後悔
唔介意既話，同我傾傾，等我分享下我既經驗la
msn：[email protected]
-
Akido,
雖然我同男友而家喺噃一齊,但之前我地發生左既小問題而令我好衝動咁提出幾次分手,我諗已經有一定程度傷左我地既感情,所以我而家好擔心, 好驚會冇左佢, 尤期是佢喺大陸做野, weekend先返香港, 我真係覺得好冇安全感同好難維繫,但我地大家經過左十幾日既分開都決定喺噃一齊,因為大家真係愛對方, 所以我同自己講我要俾信心大家。
你之前問到愛情係咪會變淡,我會覺得係架,尤其是一齊生活, 所以雖然好似好老土,但都要講, 就係耐唔耐俾d新鮮感對方, 買吓小禮物俾佢, 同埋俾噃多d空間大家, 咁樣會維繫得好d囉, 呢d耳熟能詳既道理係我同我男友短暫分開時先領悟到架。所以你而家出面個男仔你可能覺得新鮮, 但相處耐左其實d感情都會好似你同你現任男友咁架咋,同埋過多幾年, 當你年紀大左, 經歷多左, 你就會想追求安穩既愛情,千祈唔好俾一時既新鮮感令你作出錯誤決定呀。不過如果你而家諗住喺想尋求一時既新鮮感,冇諗住要long term relationship,咁我唯有祝福你將來會搵噃一個好似你現任男友咁好條件既人同你渡過下半生囉。
-
Hi Pat, kiki, TY, jennie, missugly, 各位
自從情人節之後, 我同佢就唔見住, 我講左大家要分開一下, 如果分開左, 仲好掛住對方, 咁愛情依然係度, 如果分開大家都可有可無的話, 咁不如分手便算.
我而家既感覺係好失落, 無左佢好似無左關心我的人, 而佢就話好似唔見左野咁..我諗當係考驗啦..
不過我心裡依然都掛住另一個我得唔到的人..呢兩日好down, 結果去左飲酒..放縱一下自己, 我仍然好混亂..我都知係庸人自擾, 攪咁多野黍做乜...我好想同大家講.係我個心而家好矛盾, 我知道要珍惜佢, 唔好為左新鮮感就咁放棄..但係我間唔中又諗起另一個..我知同另一個一齊都會悶, 都會有日無新鮮感, 佢又俾唔到乜野我..但我依然係想見佢..好似有魔鬼同天使在我內心爭扎..好辛苦
而家唯有等我放棄自己, 暫時呢兩個人�鄑琱葚怑戛囓�....
多謝咁多位比我既意見同分享, 睇到你地既文, 講真我好感動..希望你地都早日找到幸福啦!
-
我都有個好鍚我既女朋友,but 冇時間陪我,好多時一個人, 咪一樣會悶
-
akido,
我在7-8年前,都有同你一樣既經歷.
當時,同男友拍左4年拖,感情好穩定.佢條件好好,無論外表,經濟環境,人品都好好,係別人眼中所謂既"筍盤".
我地係大學識既,大家都係初戀,.起初好開心,相處時好舒服,令我覺得好幸福.後來漸漸覺得總係有所缺失,但唔知實際問題係邊度.
後來,我識到另一個男仔,俾到我"就係佢喇"既感覺.我地好夾,好岩傾.我都有諗:新識既一個人,總係會有好似比舊人更適合自己既錯覺.但時間耐左,我愈來愈覺得,我想要係既呢一個人.經過一年好痛苦好漫長既掙扎過程,我最終決定離開男友,同呢個人一齊.
我雖然對ex懷有歉意,覺得自己辜負左佢.但我同新男友真係相處得好好,我地深愛對方,認定對方就係自己要搵既人.新男友經濟條件無咁好,我地既生活質素麻麻地,要好努力咁去儲蓄,為將來既生活準備.但我唔介意辛苦,因為我已經搵到幸福.
可惜,3年過後,我地因為某些原因分開左.
已經係差不多四年前既事喇,我今年已經30.我同佢仲有聯絡,但我知道我地好難再一齊返. 呢四年來,我有遇到其他男人,但感情生活好唔順利,再冇一個適合自己既人出現.
我同初戀既好條件男友一直都仲有聯絡,大家關係好好.好多朋友都為我歎息,話我當年好蠢,點解要冒險,放棄左一個咁好條件既男人.我自己生活唔順意時,都會感慨,但我感慨既係"點解我唔可以一直愛呢一個人",而唔係"點解我咁蠢,放棄咁好條件既人".你明白個分別嘛?
我為自己既過去經歷歎息,但我好清楚,我冇後悔.
akido,我唔係鼓勵你離開,只係想同你講,只有你自己知道你要既係咩,生命裡面有咩缺失,先會令你最遺憾.
anyway,諗清楚,再做決定.決定後,勇往直前,唔好俾自己後悔.祝福你!
-
既然已經決定暫時分開下
就要諗下自己想點啦
同埋一定一定要攪清楚自己既感覺
掛住佢係需要佢定係唔習慣一個人 ?
冇左佢妳會覺得傷心定係可惜等等
因為感覺呢樣野有時會好易令人混淆
所以真係要諗清楚自己想點
take care ~