其實女人點解要有男人,d人先會覺得你係正常同埋幸福呢?我真係好喜歡自我生活,唔需要有男人呢.....





  • 因為你唔怕寂寞嘛~^^~



  • 人係咪要結婚先叫正常呢?

    無男人唔係個個都心理變態或者無人要掛

    我真係好鐘意自已生活

    自已話曬事,養動物都覺得好開心,都唔洗有男人咁煩......



  • 我性格係咪比較男性化?

    我鐘意自已話事

    唔鐘意比人管,或者依從別人

    我唔係有錢但我性格就係咁....



    d人覺得你老姑婆或者想搵個有錢人養

    但其實我鐘意自已話曬事多過所有...



    好多人廿尾就結婚,我都無唸過結婚呢個問題,成日唸住三十後後後.....

    結婚...都唔知咩黎既....haha





  • 因為你獨立...同埋心態上唔需要一個男人倚靠

    或者到將來某一刻...心態就會慢慢改變



  • 不過我都幾惡架, 可能因為性格似男仔

    我唔係好需要有個同我一樣性格咁強既人係我身邊囉,尤其大男人,一定鬧交同分開........





  • 如果你仲想傾就add我msn啦,今晚無咩人留言@.@

    [email protected]



  • I agree with you 廿中 , but I'm a mid 30 lady. No need to care what people think and act. Just be yourself. I'm enjoy so much to being alone. :)



  • 我以前都好似你一樣,而且我仲虔誠信佛,從十四歲開始就一心唸住儲夠錢比父母養老然後出家修行。不過比我遇到而家個男友,佢係超級專一好男人,搞到我而家都貪戀男色,心態改變曬,出家既事已經放埋一邊,如果你將來遇到一個好男人,你都會改變唸法,不過就唔知係好事定壞事啦



  • 我覺得一個人冇所謂。也不一定有男人。人地覺得你幸唔幸福唔緊要,最緊要自己覺得幸福。我也很享受自己一個人。^^



    alisha

    我都係信佛。其實結不結婚,有冇男朋友,跟信佛沒有關係。有家庭都可以修行。只是在家修行。你修得到一樣冇問題。香港有很多人都是帶髮在家修行的。你同你男友有緣份,你未還清前世既野點可修行成功呢^^你不要放棄修行既心。可能你地可以一齊修行呢^^



  • 不論男或女, 一個人生活 or 兩個人生活 or n 個人生活都好

    過到自己咪得羅

    大前提係唔好傷害無辜既人

    咁就唔需要諗其他人點睇啦

    至緊要你知自己做緊咩野同諗緊咩野

    只要內外一致

    it's ok 架



    就正如 alisha 咁

    當日既言行同想法無錯架

    但又唔係 (口岩) 曬喎

    之不過當佢遇到可以令佢改變

    又或者可以令佢從新 "考慮" 既人或事

    "考慮" 清楚後

    想變咪去變羅

    係好掟壞

    唔變過又點知呢





    都係果個

    至緊要知自已個心想點

    至緊要唔好背叛自己個心



  • 0車, 你心情如何, 要日日向人報告麼?

    你理得人地點想? 個腦個口生響人地到, 你控制唔到架.

    你自己活得自在咪得囉, 洗乜理人咁多?



  • 我覺得男或女都需要一個伴侶一齊生活,

    點解?? 其實睇樓主你的說話已可明白,

    一個人生活太耐,好多嘢就係因只諗到自己想點而失去理他其人的感受,

    因一個人話事太耐而變得自我中心啊.



    所以無論男/女一個人生活太耐,

    事實係會愈來愈難同其他人相處 ..



    我識既朋友當中有男,有女,有單身,有結婚,

    而要人就的人多數都係單身,

    因佢哋自己話事太耐,想點就點,覺得自己咁諗就係啱,

    好多時,如有其他意見的話,佢哋多數唔接受.

    所以,點解無伴侶的人比人感覺係難相處,

    呢個就係原因.



    p.s. 男人=/=惡,我識好多男人都唔會發惡,男人係多數唔出聲 ..



  • 你自己活得自在咪得囉, 洗乜理人咁多?

    ==> 得罪講句,生活係世界上點可以話自己活得自在就得而唔洗理人 ..

    試諗吓,我又鐘意咁做,佢又鐘意咁做,人人都唔洗理人,

    咁個社會會變成點.

    可能你會覺得我諗得好嚴重,不過呢個諗法就係由自我變成自私的來源 :(



  • 其實一個人冇所謂。你一個人又唔代表唔會接觸其他人。要唔要人就只係睇性格。唔關一個人定有男朋友既事。

    好似我咁一個人我都唔駛人就。朋友出來食咩野我都冇問題,因為自己一個人隨時可以食自己鍾意既野。所以朋友出來都是跟大圍冇所謂。

    有d女仔有男朋友俾男朋友寵壞左咪重要人就佢多d。



  • 男女朋友同朋友關係其實唔同,

    當真係要同另一個人一齊生活,

    咁就會明白到好多嘢要包容 / 接受 / 相量等問題,

    但朋友關係其實係無咁親密,所以有時唔明呢d嘢.



    呢d係事情,其實我係由我長輩處睇到的 ..



  • 你今日覺得enjoy,係因為你身體仍然健康有活力,可以做自己喜歡的事,去自己想去的地方.



    到你年紀大,機器開始唔聽使,要搵個人陪,到時你就唔會咁講.



    不過當你都左果個年紀,你已經無得揀.



  • agreed with 明某 d point



    我都覺得我身邊既單身人都唔係好識去 "遷就" 人

    佢地好多既仲唔記得自已講過咩

    e.g. 月前佢 proposed 話游水後去食海鮮, 因為佢好想食; arrange 曬後, 仲因為 agree 左, 仲推左唔少食海鮮既 appointment (因為財力有限; 你知啦, 海鮮既野, 真係海鮮價黎架, 耐唔耐一次仲 afford 到), 到果日佢居然話食咩都得, 但唔好食海鮮, 因為佢早幾日食左幾次, 無錢...............仲話自己無理由會 propose 食海鮮喎.................................

    我都會佢咁好氣

    老實, 食唔食海鮮都會所謂

    之不過, 神又係佢, 得又係佢既態度就難頂 d 羅



    見到我買多左個煲話 (口岩) 佢單身人事

    叫我留比�

    過一排吹佢拎

    佢又話無講過話要

    理由係佢居細無地方

    所以無會要多個煲



    不過我都叻左

    我經已學識唔多去理我 d 單身朋友既生活習慣

    佢地鍾意點就點

    朋友既野

    你唔開心, 你寂寞時

    我有時間未去陪你羅

    所謂一分耕耘一分收穫

    單身朋友選擇少去容入我地既圈子

    我地既圈子機本上都唔會被佢隨傳隨到



  • 依然都係果句



    對得住自己既心意

    又明白會發生既後果

    自己鍾意點咪點羅



  • 唔好怪我直接,我覺得你咁問真係side 9氣,,

    你自己都覺得咁樣仲開心,咁咪照自己方式繼續囉,洗乜理人點睇啫..



  • 明 replied @ 2008-01-25 11:20 am



    你自己活得自在咪得囉, 洗乜理人咁多?

    ==> 得罪講句,生活係世界上點可以話自己活得自在就得而唔洗理人 ..

    試諗��,我又鐘意咁做,佢又鐘意咁做,人人都唔洗理人,

    咁個社會會變成點.

    可能你會覺得我諗得好嚴重,不過呢個諗法就係由自我變成自私的來源 :(







    我的意思係: 響唔影響別人的情況下做乜都得, 活得自在就ok啦. 人地覺得佢係唔幸福係人地0既事, 唔需要特別介懷.



    唔係話我喜歡殺人, 佢喜歡放火都得!!



  • e

    你唔明我意思,

    而且我都唔係講做壞事的事 ..



    其實例子好簡單,用一般行街來講,

    如果有2個人差點互相撞倒,

    但2個人的想法係覺得"咁我係咁行架嘛,點解你唔讓開呢" ==> 咁咪好容易撞倒+吵架囉 (依家好多時都有呢d新聞,其實好小事,但因大家唔忍讓吓而搞到上哂報 .. )

    而唔係諗"你行右邊,咁我不如改行左邊la" ==> 如果咁做,係咪會和諧好多呢??



    重點係有無想過其他人的感受,

    我唔係話諗人哋話自己有無男女朋友的感受.

    而係話無男女朋友的話,好易自我中心,好易覺得自己諗的嘢先係啱,

    可以話係無咁為人設想.



  • 其實例子好簡單,用一般行街來講,

    如果有2個人差點互相撞倒,

    但2個人的想法係覺得"咁我係咁行架嘛,點解你唔讓開呢" ==> 咁咪好容易撞倒+吵架囉 (依家好多時都有呢d新聞,其實好小事,但因大家唔忍讓�鵀虓d到上哂報 .. )

    而唔係諗"你行右邊,咁我不如改行左邊la" ==> 如果咁做,係咪會和諧好多呢??



    --> 都係果句, 唔影響他人情況下, 基本上佢打橫行倒轉行都得.





    重點係有無想過其他人的感受,

    我唔係話諗人�]話自己有無男女朋友的感受.

    而係話無男女朋友的話,好易自我中心,好易覺得自己諗的�洏�係��,

    可以話係無咁為人設想



    --> 我認同樓上其他人講, 呢d係個人性格問題, 幾多有拖拍的女仔被男友縱壞到以為自己係女王! 呢個同有無伴侶係無關的.



  • 我諗 "e" 都仲係未 get 到 "明" 既意思



    我諗 "明" 係想話.........

    無伴侶既人

    由於佢地多數都慣左自己話事

    又, 人際關係多數窄 d (因為佢只有自已既朋友)

    咁, 就會少左機會去 modifiy 自已既 "缺點" and 從不同既朋友圈中學習做人處事既態度

    咁, 佢地既 "自我中心" 就會不自覺咁發大

    最壞既情況係佢 d 朋友會 (由) 得�

    因為佢地好多時比人既理由都係

    我自己既事我自己話事

    當人既 "自我中心" 太強時 (就算有伴侶既人都會有咁既情況)

    點 friend 既朋友都會 (saw) 遠�

    若果當下你又唔覺自己有問題

    佢又懶得理你

    久而久之就 (saw) 遠左啦



    (有時自己既朋友係唔會成日指正你既缺點架, 好多時都係自已唔覺意得罪左另一半既 friend, 令佢尷尬/嬲, 佢話你, 你先會知自己原來有問題, 先會為另一半去改; 老實, 人就係咁衰, 老豆老母要你改都唔得, 一定要衰係 "前世" 手中)



    老實, 有無伴侶唔係一個咩野重要既問題

    問題你在於你識唔識做人處事..............



  • 好多野都係根深柢固, 傳統思想.



    就正如我都唔明白一樣野: 點解女人最終0既幸福, 一定係結婚生仔?



  • 心果句,

    多謝你幫我解釋 :)

    我表逹得唔好呢~



    幾多有拖拍的女仔被男友縱壞到以為自己係女王 ==> 其實呢d一開始就係自我中心,伴侶無好好提出問題而由得佢咁落去,所以問題咪會愈來愈大.

    人人都會有自我中心,但有無人提點/講出問題/反省又係另一回事呢~



    就好似心果句話,朋友有時真係唔會講架.



    p.s.唔一定係女仔比人竉壞,一樣會有男仔當自己大哂架 ..



  • 一樣會有男仔當自己大哂架 ..





    男人要女人就佢既多,而且個個都係自大狂







  • 我都有 d 男性朋友比佢既女朋友寵壞左

    寵到佢以為自己係萬人迷

    萬人迷到要我地呢 d 普通女性朋友去 "奉承" �

    我啋佢都傻..............

    咪唔 so 佢羅

    若果我攪活動我一定唔會主動去叫�

    but, 有人叫佢我又唔會抗拒佢既出席

    呢 d 咪叫疏遠羅...........



    另, agreed with bowie

    根深柢固既型像

    男人既終身目標係事業

    女人既終身目標係結婚生仔

    但, 並不是 (口岩) 過喎

    只要自已開心

    對得自己對得人

    性格無大缺陷

    就得自己就得人

    想點都得啦....................



    始終都係果句

    有無伴侶 .. 睇緣份啦

    所有生活方式都無話一定既 (口岩) or 一既定錯

    玄 d 講 >>> 個天一早安排左架呀



  • c9,



    一切都是命.



    我有個親戚, 有老婆有仔有孫, 家庭關係都好好, 但係而家有長期病, 就比人送左入老人院. 你話有冇人陪佢?



  • 我get到明的意思, 我只係唔同意而已.



    無伴侶的人唔一定圈子細 或 只得自己的朋友. 佢都可以認識唔同層面的人 或 朋友的朋友. 咁都可以學習所謂的人與人之間的相處, 可以所謂modify自己的不足. 難道一定要識個伴侶識伴侶的朋友先可以改善? 如果伴侶的圈子比自己的更細又如何?



    如明之後都提到 "其實呢d一開始就係自我中心,伴侶無好好提出問題而由得佢咁落去" , 咁即係話有伴侶都未必可以改善, 因為係depends on個人性格同伴侶間如何相處.



    "老實, 有無伴侶唔係一個咩野重要既問題

    問題你在於你識唔識做人處事.............."

    這個說法正確, 奈何明的留言讓我覺得他的意思係 --- 無伴侶的人多數唔識同人相處 / 太自我中心...我係唔同意呢點!!





  • 有所謂:[孤陰不生獨陽不長]正是喻之陰陽失 調的不足結果



    這個會從身體健康表現出來.



  • 你以為自己知道呢個易經陰陽之說?



    和尚修女, 好多長命百歲. 你幾時見有和尚猝死?



  • 一個人衰唔衰同有冇伴侶關係唔大,我做既公司幾百人,我每日同唔同既人接觸,有冇結婚有冇男╱女朋友既人都有好同衰既人,問題係出於自己

    人地覺得你唔幸福係因為世界上有99%都係羊,雖然你依個睇法你唔係羊,因為你置身其中會好明白,但係你可能其他方面都會係一隻羊,所以儘量唔好怪人點解會唔明,如果你身邊有你重視既人唔明,比D耐性同佢地解釋

    你依家自己一個好滿足就開開心心過,每個人唔同階段係會有唔同既價值觀,

    將來可能十年後你會想有伴侶,冇問題,又或者十年後你都係中意一個人,都冇問題,生命係你自己,你冇害人就得



  • 因為佢地無慾無求, 六根清淨.

    首先你要自問有幾多俗世中的人可以做得到.



  • 點解女人要有男人才是幸福? 等如男人要有女人才是幸福一樣, 男女如不結婚生子, 人類將要滅亡。



    除非生存是宗教上所說的苦事, 否則延續生命就是最大的幸福



  • 呢個thread好似好理性咁去discuss..冇啞交,睇得好舒服



    我覺得,如果真係有岩既partner,組織家庭一定係一件幸福既事,但如果冇呢個人出現,無謂夾硬逼自己...到後來糾纏0係一段唔開心既關係裡面,我唔覺得咁係比單身者幸福...



    一直抱住呢個諗法,但身邊開始有同齡朋友結婚...一般人都會問下"幾時到你",都真係會覺得煩,就如版主既諗法一樣,唔明點解佢地覺得女仔一定要結婚,仲要before 30...咩叫適婚年齡? 當你遇到一個你想同佢組織家庭既partner時,個陣就係適婚年齡









  • 點解女仔一定要before 30 結婚? 因為生育大任始終在女人身上, 三十後女性受孕機會開始急降, 高齡產婦對大人bb都有危險



  • 咁都要係0係有一個人會令你想同佢生bb既前提下先會生bb..



    如果冇呢個人既出現,要before 30結婚呢個枷鎖,好無謂...





  • 可惜供樓年期可以延長, 工作年期可以延長, 讀書可以終身學習, 唯有生育寸步不讓, 冇得延期, 不是無謂, 是無奈, 人冇得揀, 時候到就要交卷, 交唔出就唔合格



  • 唔細你所講既可以話係好岩,不過你講緊既係"社會責任"

    而版主講緊既係"幸福"

    如果社會責任黎講,我相信無論係邊方面,都唔會有人可以完全做到,包括你同我,最重要係唔好害人



  • 問心果句, 點提倡單身主儀既人

    係人地結婚同生仔既時候

    又其果個係你好朋友

    你一定唔多唔多會 "燉" 人開心

    & 被當時既氣氛感染左

    咁, d 路人甲乙丙咪會以為你都好想好想羅

    呢 d 咪叫好心做壞事羅



    都係果句................



    隨緣, 隨心啦.............





    ps - 不過人地都係出於關心, 唔好嬲人地多事呀.........



  • 就像一個人有眼, 就有看東西的慾望, 若硬要蒙上眼, 什麼都不許看, 怎會有幸福可言?



    一個人的手綁起來不許運用, 怎會有幸福的感覺?



    一個人有說話的能力, 試試一年不說話, 看看有沒有幸福的感覺?



    一個人好好的生育機能不去運用, 等如未有全面發揮潛能, 怎會是幸福?



    個人幸福跟社會責任本應沒有衝突, 若有衝突, 即是不道德, 甚至不合法, 例如開快車。若果個人幸福等如人口減少社會滅亡, 肯定是不道德的幸福, 所以不能怪人家問為什麼不結婚、為什麼不生仔。



    當然, 越來越多人選擇不生育不結婚, 且視之為幸福, 一定是社會有問題, 因為這是違反本能的行為。





  • 唔細,



    男人本能可以做幾億個精子, 女人一年十二個卵子, 由12歲到50歲, 可以有幾百個卵子, 咁係唔係順應本能生幾億個? 定一個女人要生幾十個仔女?



    你而家既心態係為結婚而結婚, 經已唔理好醜但求就手, 邊度平就揀邊d女人. 點解唔增加自己競爭力, 之後可以多d選擇, 搵個高質女人呢?



  • 你會唔會生仔?你覺得生仔自己就幸福?你儘左生仔既責任,咁你有冇儘教好你既仔女既責任?

    你本能生左把口出黎係要講野,咁你有冇積陰德唔好講人壞話?

    你生左對眼出黎要睇野,咁可唔可以唔好睇咁多4仔,等d av女郎要改行?(舉個例,唔係話你,唔好介意)



    簡單如開冷氣,你開冷氣果陣會好幸福,因為唔洗熱,但係社會責任黎講,你唔應該用冷氣機,因為你會令地球受傷害直至滅亡

    咁你做唔做到唔用?你依方面可能得,但係另一方面又得唔得?

    老實講,我唔得,我只可以話我會儘量用少D

    所以個人幸福同社會責任絕對有衝突

    我認同你講既依d係不道德或不合法的幸福,以上我舉既case可以話係不環保既幸福,但係人係冇完美



    自己都唔完美,點解要求別人完美?





  • 男人本能可以做幾億個精子, 女人一年十二個卵子, 由12歲到50歲, 可以有幾百個卵子, 咁係唔係順應本能生幾億個? 定一個女人要生幾十個仔女?

    <===呢個問題非常無釐頭, 唔識答



    為結婚而結婚就一定係, 唔理好醜就一定唔係, 唔理好醜ge話我係香港都一定可以揾到人結婚!



    我有話我唔提升競力咩? 我一邊提升競爭力, 同時又去開拓更多機會, 兩者沒有衝突。等如問「點解返大陸按摩, 唔係揾多啲錢係香港dup貴骨」一樣無聊。



    DA

    我想生仔, 要結婚就一定會找個願意生的女人結, 責任一定盡力而為,<=== 基本上"有冇盡管教仔女的責任?"係一個未來問題, 我不可能回答



    我冇要求人完美, 只是你不會應同「講人壞話」「偷拍群底」等不道德行為, 「認為」這些行為有問題, 所以亦會有很多人「認為」單身人士不婚不育「有問題」, 因為這是消極反社會行為。我只是在嘗試回答版主所問, 「點解女人要有男人才是正常幸福」這個問題, 很簡單, 因為這是大多數人標準。



    我們都有父母所生, 除非完全沒有感受過家庭温暖, 沒有感受父母因我們存在而帶來的天倫之樂, 否則怎會抗拒結婚生育呢?



  • 我們都有父母所生, 除非完全沒有感受過家庭温暖, 沒有感受父母因我們存在而帶來的天倫之樂, 否則怎會抗拒結婚生育呢?



    =>正如之前講過,如果有好既partner,結婚組織家庭會係一件幸福既事,不然為結婚而結婚,為生bb而生bb,綁0係段唔開心既關係之中,咁唔會係幸福



    如果"唔細"覺得一定要結婚生bb,女人先可以叫做幸福,咁無可否認,單身女士係你眼中會係不幸既一群,完成唔到社會對女性既要求 (不過我質疑今時今日社會唔係咁judge一個女士),但在於我個人而言,我覺得生活開心就係幸福,而呢樣同結婚與否,冇必然關係



    不過都明白一般人既想法都會如唔細所諗



  • 我唔知你結左婚未更加唔知你有冇仔女

    我問"有冇盡管教仔女的責任?"只係想帶出

    ∼∼∼冇一個人可以完成所有世界上每一項社會責任∼∼∼

    不過你既然答 "係一個未來問題, 我不可能回答" 就即係你有可能依項社會責任做唔到



    你其實都仲係唔明我想講咩,不過我都開始唔明你想講咩

    你話 "我只是在嘗試回答版主所問, 「點解女人要有男人才是正常幸福」這個問題, 很簡單, 因為這是大多數人標準。"

    但係你一開始係同版主講 "點解女人要有男人才是幸福? 等如男人要有女人才是幸福一樣, 男女如不結婚生子, 人類將要滅亡。

    除非生存是宗教上所說的苦事, 否則延續生命就是最大的幸福" 個意思似乎差好遠

    跟住你又話 "我們都有父母所生, 除非完全沒有感受過家庭温暖, 沒有感受父母因我們存在而帶來的天倫之樂, 否則怎會抗拒結婚生育呢?"

    同之前 "我只是在嘗試回答版主所問, 「點解女人要有男人才是正常幸福」這個問題, 很簡單, 因為這是大多數人標準。" 個觀點又唔同左

    你會唔會自己都開始有d亂?.?



  • 再整理一下



    1)生存本身就令人感到幸福<----大部份人認同, 唔係全部自殺死



    2)生下一代是本能「社會責任」, 但也必須是幸福的, 若生下一代是不幸的事, 基於人的自利原則, 沒有人會做對自己明顯不利的事, 人將會滅亡<-----大部份人認同, 所以人至今未有滅亡



    3)感受過家庭温暖,天倫之樂<-----大部份人認同



    「點解女人要有男人才是正常幸福」<----因為單身男/女未達到上訴三點大眾認同的標準



    --------



    做唔到社會責任會被遣責架! 唔通我第日生完就走佬, 或者獨留子女在家出事, 大家當睇唔到呀!



    或者我真係唔明你講咩, 你又知唔知自己講咩呢?



  • 唔細講既野只是出於自已

    而唔係所有人

    大多人只是因為見人係咁,佢地就要咁

    為結婚而結婚,為生仔而生仔

    因為中年,所以就要做呢d野

    完全唔知道咩叫做愛,總之人做佢就做啦



    大把呢d傳統男女,因為年紀大喇,所以要結婚



    問佢點解?佢地會答:唔結婚做咩呀?





  • 你又知唔知自己講咩呢?<--我有邊句前言不對後語,你似乎冇具體指出?

    你話 "係一個未來問題, 我不可能回答" 然後又話 "做唔到社會責任會被遣責架! 唔通我第日生完就走佬, 或者獨留子女在家出事, 大家當睇唔到呀!"

    你似乎係想為拗嬴而討論



    睇到依度我終於明白你講咩,不如簡單少少

    你認為幸福係點,就係大部份人認為幸福係點

    我對你某d point在某d角度黎講係認同

    只可惜你個人太主觀,你想人地認同你所有既point,咁討論都冇意思


Log in to reply