無尊嚴的女人....
-
我有個朋友, 佢今年32 歲. 佢生得普通過普通, 仲有D 大牙肉同"稍" 牙.
佢有個男朋友, 拍左拖10年, 個男仔唔嗲唔吊, 從來無同佢提過要結婚.
當個女仔話要結婚, 個男仔又話而家無乜錢, 遲D 先諗.
佢地拍拖呢10 年, 個女仔都好似送外賣咁. 個男仔一CALL 佢, 佢即刻上埋佢屋企買埋野食比佢.
我問個女仔, 佢唔會諗下同你出街去玩架咩 ? 個女仔話, 無架, 通常都係去佢屋企睇佢打機同陪佢睇電視.
我問, 咁你仲個個星期六日都去?個女仔話, 我都無街去, 所以咪上去.
我問, 你唔悶架? 佢話, 悶架, 但無辦法.
個女仔話, 個男仔好懶出街, 每逄放假都訓到好晏, 所以個男仔一訓醒就打比個女仔叫個女仔買埋午餐上去比佢.
個女仔仲話, 每次個男仔D 屋企人都係度, 間屋又唔係大, 個男仔想 "咩" , 就會叫個女仔入房.
我聽到呢度, 真係無野講. 我同個女仔本來好FRIEND....
-
我問個女仔, 你唔覺得自己好似送上門架咩? 佢話而家好多女仔拍拖都係咁. 我話我唔係喎. 佢笑笑口話, 無所謂啦.
到昨晚, 個女仔話比我聽個男仔話要分手. 個女仔喊到抽根, 因為無左10 年時間, 仲要成日咁樣送上門, 佢D 屋企人又好睇唔起佢. 點知最後都要分開.
-
我叫個女仔問清楚佢點解要分手, 佢話個男仔唔聽佢電話. 仲SEND MESSAGE 比佢話會轉電話.
點知, 今日下午我收到個男仔打比我, 約我明晚去飲野.
我應該點做?
-
expected
-
你應該開解佢先係, 因為你係佢朋友
-
個男人咁樣,你都仲要問
-
個女仔年紀大過個男仔的. 個女仔呢10 年黎可以話係忍辱負重咁過.... 你諗下, 個個星期咁買埋野食上人地屋企坐, 坐到咁上下入房. 跟住自己走, 唔係送外賣 X 2 係乜?
個男仔真係無乜風度, 又或者唔係咁鐘意個女仔, 否則都唔會咁樣做, 佢應該顧下個女仔的尊嚴.
仲要最後飛埋, 真係慘.
-
你引佢上床,然後剪佢條J
-
唔係飛,放生你個friend者
-
妳陪多 D 妳既朋友啦
-
乜妳咁形容妳朋友架? 又話佢大牙肉同"稍"牙, 又話佢無尊嚴, 送外賣. 佢遇人不淑姐, 錯愛個男人.
-
我有0的唔係好明:
你一咪講到你個好朋友係咁無尊嚴...
個男人飛左你個朋友....
而, 個男人又約你出黎....
其實你係想表達0的咩? 想表達你對你個朋友0既不值? 定係還是想問你應唔應該約會個男人?
咁我又想問喇, 個男人點解無啦啦又會約你去飲野?
-
容我作個大膽性0既推敲: 其實版主係咪對個男人有0的意思?
-
仲好.. 同個男人講清楚佢點解飛你個 fd
-
男人就係咁,個男人可能一直到有去玩開!!!
佢都當佢水泡?但十年真係可以??
-
個男仔真係無乜風度
sure, immature & poor conduct
-
我覺得板主係証明自己唔需付出就有個男痴上嚟
係fd就唔會講明個女仔又露牙肉,又哨牙,又送上門啦!
這一點都係講自己好過過女主角唔及佢靚
換轉我係板主個fd,我都要搭飛機啦
-
個男人明知你同佢女朋友係朋友, 分咗手重要約你出黎, 如果你對個男人無意思, 比我就會出黎, 睇佢點做乜講乜, 跟住一杯水倒過去, 叫佢去死,
不過佢同你朋友分手都未必唔係好事
-
mikka,咁你介紹你朋友比我識,佢悶時我陪佢囉
-
個男人係咪想叫你出嚟講清楚佢地之間既嘢
可能不方便同你女仔fd講
想你做傳鴿
如果你同個女仔係真正好友
你應該替佢開心
佢終於唔使同呢種男人一齊
應該好好陪下佢開解�
愛情好多時是盲目的...
你條thread大字標明
<冇尊嚴的女人>
如果係真正朋友
絶唔應該咁形容
-
快d畀包tempo 你朋友啦...
-
睇返D 留言, 好多人覺得我唔當個FD 係FD, 話佢無尊嚴.... 我認我真係由心淡到失望到有D 嬲. 有時做朋友, 勸極個FD 都唔聽, 好似佢自己一頭中入去, 仲要沾沾自喜. 到最後又有d 咁的結果, 我係替佢唔抵, 同埋嬲佢唔聽人講野. 即係好似一句 : 都話左你架啦, 又唔聽咁.
我同個女仔本來係好FD, 但因為覺得佢自已甘心搞到自己咁CHEAP, 勸佢又勸唔聽, 所以先開始無咁FD.
講返O個晚, 我最後都有見個男仔, 個男仔同我講佢本來覺得個女仔幾易追同聽話, 岩佢呢d 懶人, 我聽到呢到梗係好嬲, 話佢太過份. 佢話佢想我幫佢同個女仔講, 唔好再煩住同打去佢屋企喊啦, 無用架.
我都唔知點答, 點解個女仔咁傻架, 死LUR 都無用啦. 但我都想維護佢, 我同個男仔講, 做男仔比 D 風度, 分手咪分手, 都要顧下人感受. 跟住佢笑笑話, 近呢幾年佢講過好多次唔鐘意女仔無主見, 但個女仔都無改過, 個女仔無理佢感受在先.
-
唔知點解睇到呢個故事有d 想喊, 我覺得個女仔好慘, mikka 又好好人, 好為得個朋友著想.
-
So sad
-
其實唔可以話佢無尊嚴..
當你真正愛上一個男人..
你就會為佢付出..
呢 d 野..我成日試..
唉..
版主..我覺得你好衰..
你都無當她是朋友..
串到佢一蚊都唔值..
你何嘗有試過做醜女既感受?
-
點解女人主動d就叫送上門？係咪要吊起黎賣先為之經貴？自己買野上男友屋企比距食有乜問題？版主思想睇黎一係好封建，一係就係個正宗港女，見人主動d又唱人發姣，覺得要玩下手段，身邊要有班觀音兵先為之經貴。人地中意主動對人好有何不可？你有乜野權評論你個friend既戀愛態度？難道要終日坐係度比男人服侍先係好女仔？
-
我係女
我都唔會可憐版主個frd
真係 "lor 黎賤"
佢10年來都冇勇氣放手, 就預左自己有勇氣承擔呢個結局啦.
付出愈多, 失去愈多.
拍拖從來都唔保證要同妳結埋婚生埋仔架o下ma
-
醜女又如何?
醜女就一定要配個唔珍惜自己既賤男人?
定係唸住搵到個肯要自己既, 就死都唔放手?
保持單身, 都係需要勇氣的.
-
mikka,
我勸你都係唔好出去見個男人
佢咩動機都好啦
都唔應該俾自己捲入呢段 "垃圾關係" 入面
la s 上身.....
-
個男係衰。不過個男d衰某程度上係個女「寵」壞佢既。可話自己囉黎。怪得邊個。
-
無話岩定唔岩
感情無了就係無了
個女仔係慘在愛上一個根本唔係好愛自己既男人..
為佢令出了青春..
但唔係浪費架..
起碼>..佢自己係段感情入面都有開心過丫..
最緊要既係而家佢識得放手1.....
放開...
搵過第個真心對佢既人...
-
定係唸住搵到個肯要自己既, 就死都唔放手?
保持單身, 都係需要勇氣的.
by ta - 02/01/08 13:2
我覺得你講得好好。。。
唔係醜就要屈就﹐求其塭個人。
咁既心態﹐睇到自己咁卑微好唔岩。
仲有﹐樓上有人話唔通要吊高黎買﹐做‘港女‘ 點解講得咁偏激。依家唔係話教人斤斤計較﹐但問題係拍拖都要相向 架麻。。。一味得一邊付出﹐甘點得呀。
-
版主﹐你真係勸下你個朋友
唔好再死lur﹐因為真係好難睇喇。。。
-
Mikka,
Hi
Read all the posts.
1. You better not get involved in such things.
2. Begging for love will never works.