無啦啦俾男友鬧點解全日都唔打個電話俾佢, 我覺得佢無道理, 點睇?





  • 佢鬧你乜,同埋點鬧你?



  • 我覺得你無交帶...男朋友會擔心你架


    男朋友全日唔見人,我會好擔心他有意外



  • I think he care you ....




  • 如果男朋友完全唔介意你無電話..


    即代表你在他心目中可有可無..


    我完全同意(細皆)apple所說...


    i think he really cares about you



  • 哦!終於明你講乜





    我又覺得無咩大不了喎


    乜有規定一定要每日通個電話報平安咩


    無咩特別事、無咩想講咪唔打囉


    為打而打咪仲無聊





    我覺得版主個男朋友無道理


    不過通常嘈呢d野既唔係女仔咩?



  • 乜有規定一定要每日通個電話報平安咩


    orange replied @ 2008-01-15 6:57 pm





    無話規定既,但既然拍得拖,每日一個電話都好合理姐


    做得情侶,連每日一個半個電話都唔多想講,其實有幾需要對方呢?








    版主


    你男友都係着緊你姐,幾多人恨都恨唔到呀


    唔通要佢唔緊你,你先開心咩




  • orange





    性格既野人人不同


    咩規定左一定有野先可以同電話? 我就覺得他男朋友唔係無道理


    只不過他們兩個性格不同





    我真係規定男朋友每日要有電話


    一定要報平安


    如果明知到可以令對方安心


    點解唔做?


    一個電話者...


    係好基本既尊重













  • 係好基本既尊重


    唔知版主男友點諗,但係一對情侶,到時到候打個電話俾對方,真係一個交代,一份尊重,一份重視


    如果唔係,要對方同自己一切為乜野喎



  • 好多謝大家既意見! 我不嬲日日放工都會打俾佢, 係咁啱個日無打, 因為我知佢好busy, 唔想disturb佢 (加上無咩特別事), 佢就起勢係咁鬧, 我同佢講佢有時都會唔俾電話, 咁唔通我又要同佢嘈, 佢就話我係度同佢根根計較, 我話其實係佢係度同我計緊...



  • 無話規定既,但既然拍得拖,每日一個電話都好合理姐


    做得情侶,連每日一個半個電話都唔多想講,其實有幾需要對方呢?








    --> ��? 每日一個半個電話都唔多想講 = 唔需要對方?


    可能真係忙, 可能真係無咩特別野講, 有咩咁大不了?


    是否重視/需要, 唔係取決於一個半個電話吧?!


    幾日都唔打就話姐.



  • 如果佢完全唔介意你全日都唔打比�


    我諗果陣仲大件事



  • r3





    個問題唔係打電話既問題


    兩個人一齊就要互相尊重


    如果是旦一方覺得有打電話既需要..


    甘打電話就係基本既尊重..





    打電話與否同有幾愛無直接關係..


    但是否理解和尊重對方既需要,就同有幾愛有關







  • 突然想起...既然男友咁緊張版主, 與其等佢打來, 點解唔一早打比版主呢?



  • 個問題唔係打電話既問題


    兩個人一齊就要互相尊重


    如果是旦一方覺得有打電話既需要..


    甘打電話就係基本既尊重..





    打電話與否同有幾愛無直接關係..


    但是否理解和尊重對方既需要,就同有幾愛有關








    咁版主都講左佢唔打的理由啦, 男友仲要起勢咁鬧, 係咪嚴重左d?



  • banana又講得幾有道理





    咁宜家apple男友都係想話佢知佢想每日一電話


    但係就唔應該用閙的方式去表達囉



  • r3





    每個人都有自己既表達方法..


    係咪嚴重無定義窩





    如果我找不到男朋友一日..


    我都會鬧他...因為我真係好擔心


    呢d係性格問題...


    對你來說無電話好普通..但對一些人來說..唔係







  • 鬧唔鬧呢0的野, 睇下對方接唔接受得到.





    好似版主咁, 比左個理由, 但對方依然都仲要起勢咁鬧佢, 難道又好尊重對方乎?



  • 好似版主咁, 比左個理由, 但對方依然都仲要起勢咁鬧佢, 難道又好尊重對方乎?








    good point!!



  • 基本既尊重.......


    呢個只係一個要求人地跟從自己意願既一個藉口


    乜原來打多個電話就代表愛一個人








    無話規定既,但每日一個電話都好合理姐........


    口無話規,但思想上規定左呢


    有時唔係一個半個電話都唔多想講,而係有時候會無咩特別野想講,咁樣為左打電話而打電話,你唔覺好無聊咩?唔通愛一個人就係睇佢有無打電話?








    個問題唔係打電話既問題,兩個人一齊就要互相尊重


    如果是旦一方覺得有打電話既需要,甘打電話就係基本既尊重.. ........


    講得衰d,如果是旦一方覺得有上床既需要,咁上床係咪就係基本既尊重?


    是旦一方覺得有需要就代表係基本既尊重?


    呢個只係自我中心既表現


    只係想人地做到自己想要既野,而無去理會人地既感受



  • 板主


    你話因為bf busy 唔想阻住�


    你咪 send 個 sms 比佢報平安囉


    「知你好忙,唔阻你做野,我返到屋企,唔洗擔心,得閒電我」


    就咁簡單之麻~



  • 我諗最大問題唔係打電話, 係語氣同態度問題, 兩個人相處貴乎坦誠, 點相處冇法則, 唔啱傾到啱, 不過真係要心平氣和, 一黎就鬧, 就算幾有道理都令人反感. 所以我明你點解會有 hard feelings.





    算啦, 佢緊張你係值得高興, 等佢心情好 d 之後同你傾下, 解釋返件事, 如果兩個心情都唔好, 一傾就只會係嘈交, 對段關係冇幫助.



  • 咁小事都攪到咁唔開心


    分手吧啦



  • 我覺得好有問題:





    1), 0的人成日都執住一點: 點解版主連打個電話咁小0既事都做唔到? 就算係對方太忙, send sms咪得0羅.


    2), 通常因為打電話而發老四0既, 通常係女人, 而男人肯咁樣做, 即係代表關心, 同着緊對方, 仲會用其他人0既眼光去批評: 版主~ 你有個咁好0既男人對你, 你執到啦~~~ 好多人恨都恨唔到呀.


    3) 因為第1) + 2)就已經好sure咁確定左係版主做得唔夠好,








    但係從來都無人站係一個角度去諗: 版主已解釋, 但都係得不到對方體諒, 對方依然起勢咁鬧 (除左會員fannysum提出之外).





    究竟 0的人係咩野心態呢?


    唔通就係因為"人地恨都恨唔到"咁就代表版主0既男友有呢個"起勢"咁媽叉0既權利呢?








    在我角度, 其實我覺得呢件只係一件小事, 而版主0既男朋友, 唔係0岩曬0羅.



  • 我覺得版主其實係想嗮幸福 --- 佢開條thread 想話比人知 "你地睇架, 我男友幾緊張我 !





    佢邊係唔高興丫 ! 同佢分析都嗮氣啦 !



  • haha ! 我一早都咁覺得 !!!!!



  • 佢希望別人既分析結果就係:你男友緊張你



  • 呢到果然係: 只準報憂, 不準報喜0既地方.



  • 我一d都唔覺得佢緊張我. 緊張一個人態度唔係咁既



  • 有時我都覺得態度係好重要既..而且會互相影響,我對佢好D,佢都會對我好D,當佢好忙,無時間掛住我既時候,我都唔想阻住佢,始終覺得其實佢都好想有時間搵自己,只不過真係忙左D姐.



  • 我一d都唔覺得佢緊張我. 緊張一個人態度唔係咁既





    by Apple - 01/17/08 15:24





    咁愛唔愛, 緊唔緊張, 係要你先至知.





    我一向唔認為單單打個電話, 就係緊張0既表現, 亦都唔會覺得咩野執到唔執到.





    我都只不過係從另一個角度去睇呢件事.



  • 如果兩個人一起,互相都要堅持自己那套,甘一定會有arguement.那不如分手吧!兩個不同的人決定一起,一定要有共識..有時候你就下我,我就下你...或者一個願打,一個願唉





    既然接受不了對方,自己又堅持的話,分手吧





    只是一個電話已經試出你們的關係了





    apple應該要體諒男朋友的心情


    男朋友應該要接受apple的解釋





    that's it!



  • 我就覺得一個電話可以令我安心..


    如果我男朋友做不到,


    我不需要這個男朋友..


    對我而言做人有交帶好重要(對其他人可能唔係..我知道一定有人argue呢d野)





    我試過找不到男朋友兩次


    一次他撞車了,又忘記帶電話,所以我找不到他,事後他找我..


    那天我擔心了一天,原來真的有事情


    第二次,原來NY大風雪...電話線出現問題..


    那晚我完全睡不到


    如果一直習慣每日有電話,而突然沒有,真的很擔心..


    將心比己...愛一個人自然會擔心他的安全..


    一個電話可以微不足道,亦可以意義重大


    睇你點睇者





    一個電話證明唔到有幾愛


    但無打一個電話,亦可以令人好擔心


    都係睇你點睇者




  • 無錯,做人有交帶好重要


    兩個人決定一起一定要有共識,有時候你就下我、我就下你都好應該





    但如果你決意要人地每日一電話,唔打俾你就係唔岩


    咁樣就唔係互相遷就,而係要人地就曬你


    而如果為左要做到每日一電話呢樣野,有野講打,無特別野想講都要打


    為打而打,做到咁公式化,呢種算係愛情咩?



  • 每日身邊發生甘多事,點會無野講..我外國讀書既時候,每日都同阿媽講電話..所以我地感情好好...我認為親情好,愛情都好,都需要quality of communication





    我會清楚告訴男朋友,收不到電話我會擔心..他知道呢點...所以每日都會打,讓我安心..有無需要好個人既...如果一個人愛你,會好樂意令你覺得安心..呢d就叫愛情...人生裡面有好多事需要遷就...他就我呢樣,我亦會遷就他另外一樣..就係甘簡單...





    我每日都同媽咪同一個電話..唔通因為公式化我地就無親情...? haha..










  • 唔係每個人每日都好多事發生,亦唔會有好多事要同人講


    無特別野想講就係無特別野想講


    如果你覺得每個人每日都會有野想講,只係你自我中心、見識少,以為人人都好似係想像中咁樣


    呢個世界有好多種人,唔係個個都好似你想像中咁樣





    如果你有野同人講,每日一個電話就唔係公式化


    無打電話亦唔代表無左親情


    但如果人地無特別野想講而唔打俾你,跟住你就話人唔岩,根本呢個思想就係錯







  • orange





    我無逼其他人要學我個套


    所以別說我自我中心..


    我男朋友做到已經ok


    我當然知道每個人都有不同的想法..


    我只是說自己的經驗..和分享我的想法..





    我同我bf講到明每日要有電話,(呢個係我既需要),他亦同意..


    所以他無打電話就係錯..


    我無話其他人唔打電話係錯窩





    everyone has his/her own needs!


    if 2 ppl have different believes, and not willing to compromise, then they shouldnt be together.





    不要把和自己意見不一的都說成"錯"! 這樣太自我中心了



  • 我老公同版主男友一樣.我老公唔會定時定候打電話俾我報到.反而如果我唔定時定候報到.佢會嬲.我老公好大男人.不過佢好錫我.會唔會大男人的男士是這樣的?



  • banana


    如果兩個人係agree左,係自願,咁無問題


    但係如果未agree,或者一方強迫另一方去接受自己既意願,就唔岩囉





    你上面只係話打電話就係基本既尊重,無講到係以你個case講


    如果你以上只係講你同你男朋友之間既野,that's fine,無問題





    我講既point,唔只係講打電話,而係一個general discussion


    總之強迫另一方去接受自己既意願,人地做唔到就發脾氣,就唔岩囉



  • 對我來講,唔打電話,真的係唔尊重架


    即係甘..你夜返屋企都好應該打個電話比家人,等家人不用擔心..


    你可以話無甘既需要,但我就覺得甘做係尊重..


    每個人都有不同的標準..


    男朋友都一樣..好多香港拍拖的男女,未必每日都見到對方..


    每日一個電話..真係好基本既尊重..(我的觀點)


    我從來都無講過對對方發脾氣係可以接受窩


    打電話還打電話...罵人還罵人..是兩件事


    我從頭到尾只是說,理解版主男朋友的感受..無話過罵人係適當的行為..





    總之強迫另一方去接受自己既意願,人地做唔到就發脾氣,就唔岩囉



  • 我都覺得冇咩道理,如果拍拖就要日日打電話,咁我一定頂唔順,勁婆媽...


    咁樣我覺得拒唔似你男友,而更似你媽媽,咩今日凍著多d阿,咩出街小心阿


    你唔係3歲細路拉,咁系知點做拉


    一個星期一通够拉,日傾夜傾到後尾都傾完,咁仲有咩好講.,..我覺得互相保持距離,保持神秘關係才能持久


    ..



  • umm, 打開就打lor, 唔打都sms 丫. 有有下突然無, 佢會點諗呢? 依個男仔都好在乎妳丫, 不過可能平日會管妳多d 野je, 睇妳點睇呢, 唔理妳又唔知閃左去邊, 到時妳就哭都哭唔出架喇.





    俾d 信心佢啦, 多d同佢傾下啦.



  • orange串得banana好好,banana "dull"得好難睇.



  • 不過兩個人相處..就一定要遷就..雙方不讓步,咪分手囉...


    只不過如果大家真係夾唔到,係咪話分手就分手呢?


    通常之前咪又係經過一連串"逼"、爭吵、受一大輪氣,到最後傾唔掂先至分手


    (我唔係話你,亦唔係只係指女仔,好多人都係咁)













  • 講返版主個單


    如果版主同佢bf有agreement,無打電話的確做得唔夠好,但佢bf鬧人就係唔岩


    講真,使唔使鬧人先?問清楚咪算囉


    仲有,認同上面有人講過,咁佢bf唔可以打去問下人咩情況咩?



  • 如果對方唔打电話來是唔尊重... base on 因為你會擔心佢, 咁点解你不主動打呢? 點解一定要一方打來報平安? 可否隨心, 掛住就打? 忙就稍後? 点解要男朋友打嚟? 唔打就唔尊重? 了以咁量化?