已有穩定女朋友既男仕，若果依家俾你真係遇到一個會令你心動既女人，你地會點處理？
-
-
- 避開個女仔， 因為驚自己定力唔夠
2. 追左先算，見步行步
3. 會繼續同個女仔做朋友，亦都會坦白講佢知自己已經有stable gf
4. 同個女仔做朋友，但會隱瞞自己有gf
- 避開個女仔， 因為驚自己定力唔夠
-
會繼續同個女仔做朋友，亦都會坦白講佢知自己已經有stable gf
-
大舊，
你有信心自己真係夠定力，唔會因為呢個女仔而分心嗎？
-
向呢個女仔表明自己心有所屬
-
心動就死硬la... 可以點... 234都有可能
-
向呢個女仔表明自己心有所屬
==> 表白左就即係代表唔會同個女仔有咩野進一步發展，right?
-
心動..成世流流長．可能有好多女仔都會令你心動啦．．最更要係夾．．就算拍得多年拖．．唔代表夾．．唔代表開心
-
play love with her for a short period and better to get sex and then dump her without any contact
-
表白左就即係代表唔會同個女仔有咩野進一步發展，right?＜＝＝＝＝＝對，只會係朋友關係，無必要既話，吾會同呢個女仔單獨出街，
-
做朋友咪係一個喜歡佢最好既距離
-
mirrormirror replied @ 2007-11-26 2:51 pm
表白左就即係代表唔會同個女仔有咩野進一步發展，right?＜＝＝＝＝＝對，只會係朋友關係，無必要既話，吾會同呢個女仔單獨出街，
----------
e個答案 = 1. 避開個女仔， 因為驚自己定力唔夠
-
yes but don't let her know you dimp her otherwise you will get into a big big troulbe
-
e個答案 = 1. 避開個女仔， 因為驚自己定力唔夠 ＜＝＝＝吾係，只係吾想對方誤會同埋女朋友誤會，
-
如果仲未熟, 避
如果以經好熟, 保持普通朋友關係, 唔好令對方察覺有異樣
作為一個對愛情負責任既人, 無論新朋友, 同事等接觸之初, 都要令對方知道自己以心有所屬, 除非你自己心有鬼.
-
"play love with her for a short period and better to get sex and then dump her without any contact"
so u better than call chicken
-
有時我只係唔明，點解有d男人明明已經有stable gf，都仲要同其他女仔做埋d野曖曖昧昧？其實佢地知唔知咁樣會玩出火？
-
作為一個對愛情負責任既人, 無論新朋友, 同事等接觸之初, 都要令對方知道自己以心有所屬, 除非你自己心有鬼.
-------------------------------------
佢e加個題目係你真係遇到一個會令你心動既女人wow
係唔係個心已經有鬼呢
-
黑人...無錯呀，我個問題係..個男人都對個女仔有feel呀！
-
黑人,
你同你既愛侶關係, 如果係成熟而又負責任既話, 無論你對住邊個都好, 包括所謂心動既女人, 都係要令其他知道你既心已有所屬, 因為, 即使你控制到自己, 但你估唔到其他人會點, 為避免對方誤會, 咁當然要事先澄清啦. 除非, 除非就係自己心中有鬼, 即係對本身已有既感情關係不忠, 準備破壞同伴侶之間既忠誠, 咁咪會製造機會俾另一方「不幸」地戀上你.
-
. replied @ 2007-11-26 3:09 pm
如果仲未熟, 避
如果以經好熟, 保持普通朋友關係, 唔好令對方察覺有異樣
作為一個對愛情負責任既人, 無論新朋友, 同事等接觸之初, 都要令對方知道自己以心有所屬, 除非你自己心有鬼.
----------------------------
咁你個答案係唔係自己暗自心動,,但在於唔想自邊架人受傷害,或傷害到個女仔
所以自己"暗那底" 咁?
-
你個理性感思維我buy呀~~
我想問實質既感受又會係點之ma...
-
一個正常人, 遇到令自己心動既人實屬平常, 問題之係在於你既身份, 可唔可以容許你話點就點. 成長令我明白到, 感情事如果你俾機會佢建立, 之後你一定收唔到手, 假如你已有愛侶, 情況就會處於進退兩難之境, 所以, 不得不在最初止步. 對於三方面而言, 都係最適當做法, 唔通要搞到好似呢度經常出現既三角關係困擾咁先不枉此生? 暗那底還是默默欣常, 視乎閣下心情選擇.
-
當然是 3
-
. replied @ 2007-11-26 4:08 pm
一個正常人, 遇到令自己心動既人實屬平常, 問題之係在於你既身份, 可唔可以容許你話點就點. 成長令我明白到, 感情事如果你俾機會佢建立, 之後你一定收唔到手, 假如你已有愛侶, 情況就會處於進退兩難之境, 所以, 不得不在最初止步. 對於三方面而言, 都係最適當做法, 唔通要搞到好似呢度經常出現既三角關係困擾咁先不枉此生? 暗那底還是默默欣常, 視乎閣下心情選擇.
---------------
呀. 兄~~ 回答得非常之好...多謝你架意見
板主~~我諗e個答案應該係你想聽個版本.. 其實仲有好多好男人架
-
黑人,
自私乃人之本性, 為一己之好既大有人在, 版主到底遇到乜野人, 乜野事我地都唔知, 只可以默默祝福.
-
黑人，其實我正是o個個"女仔"，即係我鍾意既人原來已經有女朋友...
如果唔係我係街正正撞到佢同個女仔一齊，我仲以為佢只係怕羞所以先唔action，
但一直以黎，佢對我既眼神笑容甚至態度，都係好曖昧下！ >.<
而當我撞到佢之後，好明顯佢既態度已經180度轉變，似乎要跟我劃清界線...
但佢咁樣反而令我好難受，難道以前所有感覺都是錯的嗎？係咪依家先話俾我聽，
佢想學人回頭是岸？明知自己有女朋友，點解仲要咁樣令人誤會？我唔想諗佢係一個衰人，
但佢真係傷害左我。
有時我會諗，佢係咪一直都只係enjoy呢種fantasy？咁既男人我仲等黎仲乜？
即使間中佢都仲會流露一點好不捨得既表情，但試問佢仲可以為我做d乜？
-
板主,
既然個男仔都諗清楚, 冇再進一步既行動仲同你劃清界線, 其實佢都算幫左你喇, 將你既傷害減到最低, 好過到時三角戀仲痛苦呀!! 你都放開d啦, 快d搵過第二個吧啦~
-
有怨婦既味道, 但冇關係既控3
-
hahaha 我覺得最緊要鍚自己呀, 佢唔揀你, 唔一定係錯既, 你都唔想痛苦架! 反正未開始, 未當執身彩囉~ 可能月老都唔想你浪費心機, 下一個先至係你既真姻緣! 放開d~~~
-
有怨婦既味道, 但冇關係既控3
==> 唔好咁話我啦！我都只係想拎件事出黎呻下姐...
-
kk，
無錯，我身邊d朋友都話我好彩，如果唔係撞到佢，可能我付出既會仲多，佢亦都會繼續瞞住我落去。
有時候我會諗，其實佢算唔算一個好男人？
-
唉.....好諗佢係咪好男人喇, 好男人既定定義係咩呢? 個個人既標準都唔同, 我就覺得佢算係咁喇, 懸崖勒馬, 對佢女朋友算負責任喇! 不過咁又點唧, 對你黎講佢係傷害左你, 所以唔好諗咁多喇, 辛苦自己為咩丫~
-
其實, 呢位男仕對你做過乜呢?
-
kk，
你都講得岩既，係呢d局面總有一個人受傷架啦！我亦都唔敢諗佢會唔會因為我既避開而有點點唔開心 (我依家已經避緊佢)，唯有自己收拾好心情罷了！
-
to .
算啦，我都唔想再提，總之態度上曖曖昧昧咁啦！
唔好意思呀！
-
我唔好意思就真, 大家都希望你開開心心, 過左去就算
-
算吧!類似情況我也有經歷過.壞在男人開始便說謊,明明有女友又話無,曖曖昧昧又唔行前,期間仲比我知道他左瞞右瞞的原因,事實擺在眼前,客觀來講有意思而單身點會唔進一步架,心中無鬼又駛鬼隱瞞說謊,他壞不壞?當然壞啦!但壞男人就是隨街都系,仲要個個都話自己係好男人先可悲.
-
同妳曖昧唔代表佢心動喎
佢做過 D 咩先 ?
-
佢當然係壞男人啦
凡係觸動到你感情既男人都係壞男人!
壞在佢太吸引
-
1+3
俾我就會繼續同個女仔做普通朋友，但盡可能唔會曖曖昧昧
同埋有時會避開個女仔，希望心動既感覺只會減少不會增多
我唔會隱瞞自己有gf
-
eat her,love her and make her!
-
阿龍，
佢做過d咩野，detail 我唔太方便係度講啦！至於點解我會知道佢動左心，我只可以講，有d笑容同眼神真係出賣左佢囉！
-
candy，
其實一直以黎，佢俾我既感覺係好"疾住疾住"，對我會忽冷忽熱，所以我唔係無諗過佢係有女朋友架，只不過上天對我實在太好，要我兜口兜面咁撞到佢地囉。當時佢對住我笑，笑得黎仲有點尷尬，即使見唔到佢地有拖手，但我都心知乜野一回事。事後佢態度上既轉變，就更加好明顯啦！
佢係咪壞男人，我真係唔識講，正如樓上都有人話佢算你咁，有d良心，但亦都有人會覺得佢處理得好失敗，本來可以雙嬴多個朋友又唔會背叛女朋友，但結果係我同佢依家連見都唔敢再見！
-
water,
其實點為之處理得好呢?我覺得一開始就光明磊落,實話實說,不說謊掩藏,至係一個負責任的好人.同人曖昧,有無顧及人地感受架?自私到死,一個唔該就變臉或走開,仲係好人嗎?
一開始就光明磊落,自然舒服地做好朋友當然無問題啦,但係對住小家同其心不正的小人,又可以點?
-
講左, 佢唔啱聽, 因為對呢個男人付出左感情.
-
講左, 佢唔啱聽, 因為對呢個男人付出左感情.
==> 唔係唔岩聽，唔好咁講啦！我多謝你地話醒我就真！
-
其實都冇野既,,鐘意人唔係罪架,,
timing唔岩~~ 冇法啦...
-
你條女唔嘈啦?唔駛乙水佢呀?咁快身痕!
-
其實, 呢個男人明知自己有女朋友, 但又對你做出令你誤會既行為態度, 到俾你發現佢真正身份又立即收斂, 照咁睇黎, 佢係身痕, 唔多好人, 時間越耐, 你一日都未發現, 咁你墮網既機會就越大, 佢要搞上你既機會就越高, 到時佢可以話係你自己痴埋黎, 咁你就唔知搵邊個申冤.
既然執返一身彩, 就抹左佢算啦, 再鑽落去都係冇意思, 經一事長一智, 下次遇到同樣情況, 就麻煩你唔好同一玩曖昧, 先搞清楚對方身份先啦.