試過做第三者介入人地夫妻之間, 而最後又能夠開花結果?



  • 試過做第三者介入人地夫妻之間, 而最後又能夠開花結果?  可能呢個topic會比人狂鬧, 我唔係想鼓吹呢個行為, 但感情唔係分先後亦好難控制, 做第三者其實都唔好好受, 為一個愛字受盡折磨! 唔知有冇人願意分享下類似0既愛情故事?



  • 你知就好啦, 咁不如順便叫埋俾人入侵家庭既受害者入黎分享埋啦!



  • 就係俾人入侵家庭既故仔聽得多, 我好想聽下第三者既心聲!


    我明白做人原配既好痛苦, 但其實第三者都好痛苦架...!


    感情0既野, 唔可以一面倒, 冇邊個0岩邊個錯架...!



  • 濺格!




  • 冷靜d, 我地應該比身為第三者既都講句說話!



  • a few years ago.., i in love with a married woman.., she separated with her man.., and lived with me for a bit more than a year, she had my bb, and gave up the bb...and went back to her husband, after that we still be together serectly for awhile..







  • 喂我都比人搶過男朋友, 但係當時我會自我檢討, 明白愛情唔應該有對或錯, 第三者可以搶到我男朋友佢一定有d優點係我冇既, 或者時間唔0岩啦, 又或者係緣份啦! 我最後都冇怪對方, 佢同我當時既男朋友宜家仲結婚添! 我雖然係好hurt, 但我真心覺得對方比較適合我個ex-bf!


    所以我覺得大家睇事情應該公平d!



  • ME,





    你地秘密地走埋一齊幾耐? 宜家仲一齊緊?



  • me and her totally about 1.5 year, ....





    of coz not now ..



  • 做第三者既人將來實有報應架



  • ME,





    sorry 我眼大睇過龍~


    佢唔要個BB都走返去老公度, 咁你應該明白佢最愛係邊個啦! 比佢走都0岩既...好過大家都拖住!


    你宜家平伏左未呀?



  • 我曾經都係人地第三者,不過佢地唔係夫妻



  • BB,





    咁你可唔可以解釋下個老公離開個老婆咁忍心, 要老婆咁傷心, 咁老婆又做左D咩錯事, 會有咁既報應?





    所以話, 睇事情要公平D冷靜D, 第三者唔一定係錯曬~



  • Dora,





    最後呢? 佢都係同返佢女朋友一齊?


    點解你又捨得放手??



  • 冇人同你討論對錯, 係你自己強調第三者錯唔曬, 但問題係, 一個成熟既人, 如果連自己既行為都唔負責, 咁點樣作為一個榜樣教導下一代?





    囡啊, 大家要放膽做人第三者, 唔需要理其他人架.



  • .





    冇錯, 我想講既就係唔應該計較誰對誰錯! 但你既言辭好似就一早已經將第三者當殺人犯一樣...!


    我亦都讚成應該對自己既行為負責任, 但係唔代表唔應該勇敢D去愛, 你話搶返黎當玩, 為掙既, 我一定唔讚成! 但如果相方都真心相愛呢?? 可能佢地先係最適合對方呢?


    如果我有仔女, 我會鼓勵佢勇敢D, 為所愛去掙取去付出, 不過要自己承擔後果, 因為冇人保證你唔會受傷, 亦冇人話過一定有大團圓結局!







  • 亞各位只係識鬧人的人,這個話題不是比你鬧人,有建設地睇下第二d角度睇到d乜重好啦,另外,淨係識鬧人的人,第三者就好易成為你另一半的傾訴對像,小心啊



  • fm,





    hahaaa thank you!! 你完全get到我開呢個topic既意思~


    請問你有冇類似0既經驗呢?


    老實講,其實我冇搶人老公既經驗但都有做過第三者(可能有某些人以為我是狐狸精...), anyway, 有冇類似既故事可以分享下?



  • 有,不過唔想講,我睇你個話題都係想知多小小姐



  • fm,





    唔緊要丫, 都係想分享唧!


    希望你宜家已經係完全平伏又過得開心啦!!



  • 你的故事已經講完?



  • 似乎版主既言行唔似係 " 我唔係想鼓吹呢個行為 " 喎


    唔知係咪我保守呢


    響我心目中真正既愛唔係要不惜一切同人一齊


    即係愛唔一定要擁有


    勇敢爭取就叫愛 ?


    如果每個人都咁做


    唔知呢個世界會變成點呢 ?


    D 女人成日話男人花心


    話唔埋今年就愛呢個下年就愛果個


    一年愛一個


    試多十幾個先揀個最岩自己既


    不過又唔可以話佢錯喎


    咁我已經唔愛妳啦嘛


    我咪搵個第三者囉


    個第三者都愛我架


    有咩錯先 ?


    咁做男人都幾 so 喎....



  • 我想講一個真人真事,話說一個女仔a,外貎生好靚,,好 cute,.......响一次偶遇下,認識咗一個男仔,而嗰個男仔己經有女朋友.女仔a為人好勝,佢對自己外表充滿信心,誓要將該男搶到手,,佢非常成功撬走男仔,但係就被周遭既人話佢係猢狸精,佢大大聲咁講:[係佢地本身感情有問題啫,而且感情事無話誰對誰錯.]





    後尾佢地結埋緍.........生活似乎非常幸福,過咗兩年,女仔 a發覺老公不時有神秘電話揾佢,仲不時竊竊細語.經過女仔 a不斷嚴詞逼供,男仔終認有外遇.並打算離婚.女仔 a 多次要求覆合.唯不得要領,


    因為呢次對手係一個 18 歲少女,就像女仔 a年青一樣,又可愛又靚,畢竟.......女仔a 老喇..








    女仔a事後到而家仍孤獨一人,佢己40 歲喇,我記得,出事當時佢好激動咁講過:[最憎人搶人野,呢d 人無好下場,僕.家.姣.西]佢自己似乎亦應驗咗.








    剃人頭者,必被剃其頭......凡事有因果.



  • 阿龍,





    唔係..我只係想平衡下太偏激0既諗法唧!


    你0岩, 真正既愛唔係要不惜一切同人一齊, 唔係要擁有, 呢一個諗法, 無論0係第三者, 係做人老婆或者係老公既都應該諗下!


    所以我只認同性智既情況下應該為愛去掙取, 冇人知結果, 但最起碼要努力過!


    但係又如果好似你話d可以今年鍾意呢個下年鍾意0個個, 呢樣叫花心, 係藉口...! 做之前冇諗清楚囉~



  • x檔案





    咁你可以講下你對個男仔由故事頭到故事尾的睇法嗎?



  • x檔案,





    如果係為好勝, 為掙而掙, 我真係一d都唔讚成! 咁樣做法好唔成熟, 唔係真愛!


    我都好懷疑呢個女子a當初結婚時到底有冇諗清楚自己要d乜野, 可能呢一個係導致婚姻失敗既原因。


    而個老公為左個18歲既女仔放棄婚姻, 未勉太兒嬉, 呢個老公既思想亦可能好有問題!


    而個18歲既女仔, 我相信佢心智都唔係好成熟, 相信可能都係為掙而掙0個隻, 如果真係既話, 咁真係太幼稚喇!


    不過, "剃人頭者,必被剃其頭......凡事有因果"呢句話你表達得好似負面左d, 如果以你既意思, 咁當初既第一任老婆又做左咩錯事比人搶左老公?



  • 可能妳以為我串緊妳


    其實我都係講 D 賤男人既心聲出黎


    就係因為有妳呢種愛字行先既諗法


    先有咁多第三者比 D 賤男人利用


    用所謂既 " 愛 " 令第三者留低


    結果一年等一年


    比人呃之餘仲要受千夫所指


    仲要用親都係同一藉口 - 同老婆/女朋友冇感情


    去表示佢愛第三者


    再加上一 D 甜言蜜語去同第三者洗腦


    咩一齊開心咪得囉


    又或者不被愛先係第三者呢類廢話去 tum 人留低


    妳諗清楚 D


    如果真係好似妳咁講每個人都勇敢爭取而唔理對方有冇伴侶


    最終妳話係男人定女人有損失 ?


    妳覺得一對一既戀愛方式係保障男人定女人 ?


    呢到日日都有 D 拍左拖或者結左婚既男人去搵 sl


    唔通妳認為佢地都係真心去尋找愛 ?


    仲有除非個第三者係玩


    否則我只會覺得第三者唔係衰只係傻


    傻在比 D 賤男人用愛去玩弄



  • 有時我唔明依家d後生女點諗愛情


    真係以為只要自己鍾意就咩都得!





    有個case係:


    男的有一個十年女友


    但又身痕識左個新女


    正印女友就唔知個男既偷食


    但個新女係就知個男既有個多年女友


    真係難為人地個正印女友咩都唔知,仲好信個男人


    雖然個男既去偷食係賤格架喇





    不過呢位新女竟然可以同人講:


    佢有女友,關我咩事?!?


    我夠係佢女友咯!唉...







  • old gone new come...soon after that woman gone..i met a nice woman..haha..recover so fast..and from that woman i learnt the difference in between passion & love





    very bore tonite..



  • 阿龍,





    唔緊要架, 大家分享下意見唧!


    我明白你既意思, 所以我之前都有講過, 0係理智既情況下, 要為愛掙取!


    如果個男人成日都藉口tum住你, 呃住你, 你都仲信佢, 咁個第三者真係傻! 咁樣既關係亦都唔係真愛! 只係一個願打一個願捱!


    但係唔可以排除總係有人真心愛對方, 最終邊個同邊個起埋一齊都好, 相信過程中三方都好難受! 亦冇辨法怪罪於邊一方, 有時真係緣入黎架...



  • 老野,





    都係0個句啦, 個第三者唔理智願意比男人玩弄, 真傻~




  • ME,





    hhaa 恭喜喎, 可以咁快平伏, 仲懂得0係每段關係中學習~




  • 0岩0岩0係電視睇到可愛教主, 又真係幾可愛~



  • kk





    咁如果第三者肯等人分左手先一齊既


    無人敢講 D 咩架


    最怕第三者相信 " 一齊先再分手 " 呢招


    就九成九死得啦


    不過都唔排除第三者比 D 賤人呃佢係單身


    其實如果真心相愛又點解唔可以等多一陣呢 ?


    我相信真心既人係絕對唔會比自己鍾意既人做一個咁難堪既角色


    起碼我唔會


    我寧願比人鬧我見異思遷


    都唔想女朋友比人叫狐狸精啦


    有心既大家就會一齊


    其中一個唔肯犧牲既又點會成事呢 ?



  • 阿龍,





    你都講得好有道理!! 我認同!!


    但係佢始終都係第三者, 就算0係等待既時間內心都一樣難受既唧~


    其實我開呢個topic係想睇下有冇第三者最後都可以同佢愛既人開花結果, 因為平時太多對第三者負面既說話同諗法, 我始終覺得, 唔會所有第三者都係為掙而掙, 又唔會所有男人都係賤人玩女人掛?


    我始終覺得要公平d, 感情破裂, 唔應該係一個人既問題~



  • 所以想聽下一d曾經做過第三者, 最後可以開花結果既人, 分享下佢既心路歷程~



  • 如果話第三者係衰人,咁o個一個一腳踏兩船既人就係好人? 第三者唔係因為佢都唔會變成第三者啦!


    我曾經係第三者,三年前我識咗個男人,一開始己經知佢有老婆同女,當時識佢時佢己經同佢老婆分咗居.但當時我地都仲係暖昧,咩都冇發生過.試過响佢屋企過夜幾次,有一次佢老婆第朝番黎仲見到我.不過最後我同佢冇一齊到.記得佢最後一個sms係講因為一d事佢暫時唔可以離開老婆.


    不過上年我地明正言順一齊咗,佢同佢老婆己經離咗婚.你話我係第三者,我又唔太覺,紿終佢地離婚唔係因為我.因為我係响佢地離婚後先一齊.我地依家行咗一年,暫時都好開心.


    咁算唔算成功例子.



  • 小小,





    算呀~ 恭喜你先, 你宜家過得咁開心!


    但係當初佢話唔可以同佢婆分開, 係乜野動力付你繼續等佢??



  • 我唸好多人其實都試過做第三者, 不過係唔敢同人講啫.希望唔好咁負面咁唸第三者,其實佢地只不過係愛上一個有另一半既人.有時感情真係好難控制,以前我朋友做人情婦,我都好睇唔起佢.同自己講自己就一定唔會,做人第三者唔好.幾年後我自己就中意咗人老公.中意就真係中意,有時真係冇理智可言.


    我再遇番佢時冇唸過會一齊,因為我都唔知佢離咗婚.不過我今日可以講一句"我終於等到"同埋"我依家好幸福"


    有人話報應.其實唔好話報唔報應.就算一段感情唔係咁開始,响呢個年代又有幾多愛情同婚姻會一生一世!?




  • kk:


    我冇等過佢,當佢同我講完後我delet佢電話,唔再搵佢.大家二年來冇搵過大家,朋友出黎玩大家都唔會望大家.直到上年聖誔出黎玩,我好奇怪佢同我有講有笑,仲送我番屋企.就係咁開始咗.



  • 小小,





    咁由你認識佢到佢同你講暫時唔可以同老婆離婚維持左幾耐? 當初你有冇為掙而掙既心態先?


    其實你同佢都幾有緣份喎!



  • 我男友番來啦..第日再傾過.bye



  • 曾經我都係左第三者.


    其實係佢太太打電話俾我,我先知道原來我係第三者.


    於是我選擇左離開.


    後來佢搵我,佢話已經同佢太太講清楚,佢選擇離婚同我一齊.


    開心左七年.直至舊年,有個女人打電話俾我,話我知佢係佢出面既女人.


    或者呢D就係報應啦,所以我再次選擇左離開.


    然後佢又搵我,佢話已經同出面個女人講清楚,佢選擇返我.


    而家我地又再係返埋一齊.




  • 真人真事,





    唉....一次又一次喎......! 會唔會有d失望?



  • 真人真事,





    唉......一次又一次喎..!! 會唔會有d失望?



  • kk: how about this? a guy (married, but about to breakup), chased after a gal he loves, but that gal had a bf (who that bf is married), and the gf just broke up with her married bf...complicated enough?




  • simple yet complicate..well it seem quite mess.., however does the gul and the gal in love and willing to try each other for a new path ?



  • 忍唔住手都要講句...


    所有人相戀唔係一朝一夕就發生....亦都冇可能一見鐘情就愛得死去活來!


    如果明知個人巳經有老婆或女朋友都介入做第三者...這種人跟本就係破人幸福既人....當愛得深時又唔想分開!但男人又唔肯放棄正室....咪賤格囉!


    我討厭做人的第三者....用一句愛係冇罪大曬! 我好想講如果係一個有心唔破壞人幸福...當初就唔應該投入呢段唔正常發展既感情..


    除非係男人先欺騙第三者在先.冇講清自己有老婆或女朋友..咁呢個第三者先算係一個受害者!


    記住一句!! 愛一個人係要時間...唔會一見到個樣就會產生愛...


    愛發生的次序係咁


    好感先(若發展才會產生愛)


    後有愛




  • redstar,





    我都好想知道最後既結局係點!



  • 感情0既野, 唔可以一面倒, 冇邊個0岩邊個錯架...!





    對以上呢句說話有保留!


    請問係咪所有感情都係一開始就好深? 係慢慢去接受去引發才會產生...如果明天對方一早有家室...都去用眼神..身體語言去引對方....呢種第三者係唔值得原諒...亦都唔好要人去應同呢種所謂愛情來到冇話啱定錯做藉口!


    雖則楇根都係男人身上...最賤格都係男人永遠唔解決問題...一直去逃避搵藉口溝女.


Log in to reply