試過做第三者介入人地夫妻之間, 而最後又能夠開花結果?
-
雖則我後生時都做過搶人男朋友....但我都知個時好勝先會咁....跟本就係我自己個心要搶人地.....
-
formula0106,
你冷靜d, 我地唔係要做判官, 我出發點係想講出我地對任何任何人既睇法都應該公平d。而且你發炮之前, 請睇清楚, 我一直都唔話讚成呢種引誘或者為掙而掙 以為一個愛字就大曬既搶劫行為!
你所講既情況的確時時有, 但唔可以一概而論, 感情既野好多時都好難控制。我地又唔係當時人, 又唔係0個個第三者, 應該對人地公平d!
-
我都認同formula0106所講, 如果明知人地有女朋友/老婆, 係都要踩入去破壞人既幸福, 果個女仔/女人就心理有問題, 果d咁本唔係叫做愛, 只係好勝心強, 係要爭贏先得.
我都試過男友有第三者, 我打畀第三者, 第三者都係講"我搵你男人關你咩事?!" 轉頭可以喊住打畀男人講我打去罵她... 現在d後生女都唔知諗乜... 同人爭好好玩咩??
"剃人頭者,必被剃其頭......凡事有因果" - 我好嬲既時候都係咁諗, 睇下個第三者以後點, 等佢有日被第二個後生女搶佢男人, 睇下佢又會點...
但有時諗, 第三者這個問題, 都係因為男人既問題所引起, 唔係男人唔專一, 第三者做乜都唔會有事發生...
-
formula0106
拿...0岩喇! 好勝, 為要贏而去掙係唔好既! 有某d男人為左一時之樂去搵藉口比自己周圍溝女, 都係唔好既!
但係唔通呢個世界所有三角戀既人既心態都係咁? 唔會掛...!?
-
wendy,
丫...點解大家都係咁唔化架唧~
"剃人頭者,必被剃其頭......凡事有因果" 呢句說話係真既, 但唔好亂咁講, 其實邊個剃人頭都唔知啦, 如果你咁講, 咁點解你比人搶男朋友呀? 你做左錯事要比人剃返個頭呀?
-
我都做過人地第三者, 但係我俾第四者介入...>.<
-
see my post "隱形女友"
我唔知我算唔算巳經開花結果, 不過巳抽離左三者身份, 佢同老婆攪緊離婚~
-
kk,
我發炮係睇到眼火爆...因為太多人明知做人第三者後...又想搵人同情佢地...我真係唔明白!
我自問做過人第三者...又試過比人搶老公....我都知咩感受..
但我好想話你知....比人搶老公的老婆....個種苦你暫時未必會明白!
當然我都唔係罵你亦冇呢個權力!我只係發自內心不滿第三者用太多藉口去解釋自己既錯.....就好似返公遲到都用好多藉口去解釋....公司請你規定返9:00...但9:15返到話塞車....第一次可以用...但第二次就唔應該再做錯.....
好比喻明知個男人有老婆...就算有好感都可以內心...唔應該比佢發芽
-
我都做過第三者亦都比人搶過男朋友, 不過我冇怨過, 我覺得唔係對與錯既問題, 而係適唔適合既問題, 我會先自我檢討, 從每一段關係中學習! 只要每一段關係中你努力過, 就算做得唔好都對得住自己啦, 學識進步先可以為你既mr. right作好準備~
-
hh/ ~,
講你地既故事黎聽下~
-
起初係好勝...之後發展落去有感情...而自己就自尋煩惱!
-
formula0106
你講緊0個d要人同情既第三者, 我都睇唔起佢地, 難聽d講, 佢地叫自己攞黎衰, 但係我呢度唔係講緊呢d人!
我當然知道比人搶老公既感受啦, 因為當時我既男朋友同我都同居且差不多結婚喇, 不過我睇化左, 我覺得感情出現問題唔可以賴曬人既, 你試諗下, 點解人地會有空間比感情發芽? 點解呢?? 呢個空間你同你既另一半比佢既....!
-
kk, 你有冇睇清楚我寫乜架? 我唔化就唔會寫"我好嬲既時候.."啦 ! 我係好嬲第三者做出好多手段, 所以好憎果個第三者... 我認同formula0106所講, 如果第三者被男人騙無女友/老婆, 而去發展一段以為得兩個人既感情中, 那第三者就可以算是受害者, 但明知人地有女友/老婆, 就係為著"好勝"而去爭個男人返黎,咁果個第三者先係有問題, 你明唔明呀 kk !!!
-
kk,
我都冇怨過...仲好多謝個第三者咁早出現...因為我先咁早學會咩叫珍惜...如果到我人老珠黃老公先有第三者...我估今日應該都未必會講到野!
個種傷心我真係形容唔到你知.....當你一心諗住自己最幸福女人時....個男人話要同你離婚....一一數我缺點既老公....個種心情我仲記得!
不過點都好!我知如果我性格唔改...都會再出現第四第五的第三者....所以我先改變自己每個問題!
-
wendy,
點解你都仲係唔化, 好嬲既時候都仲係會諗"剃人頭者,必被剃其頭......凡事有因果" , 咁未即係未化囉....~
咁答唔答到我點解你比人搶男人呀? 你做左咩錯事要比人剃返個頭唧? 如果你答到我, 你就係化喇...! that's why 我覺得"剃人頭者,必被剃其頭......凡事有因果" 呢句說話, 唔可以亂講~
sorry我唔係要想撩交嗌, 但我真係覺得你諗唔通~
而且你所講既case, 我都講左好多次, 我唔讚成, 要為掙而掙, 唔係真愛囉!
-
真實個案
我5年前認識現在的老公
剛認識時就知道他老婆的存在所以不敢再進一步
一年後感情日深(因我哋一起工作日日見面)
之後暗中交往四年但一直很低調
因我目的不是搶人老公只想一心一意愛他
但真的很痛苦
我沒有要求別人同情
甚至沒有人知道我們的關係
其實有諗過分手但真的好愛我現任老公
我老公也很愛我他不忍心見我痛苦
舊年我老公決定離婚跟我一起
我剛結婚現在都很幸福啦
-
formula0106,
我欣賞你企得返起身夠勇氣, 從關係中學習, 令自己更學識珍惜, 而且識得搵自己性格上既缺點, 仲可以改變自己, 夠曬正面!!
-
其實係老婆角色又好, 做一腳踏兩船既老公又好甚至係千夫所指既第三者都好, 每一段關係都可以令自己成長, 認清自己, 知道自己想要既係咩人! 出現問題時唔好賴曬人, 唔通自己真係冇問題?
我唔相信全世界既第三者都係咁衰, 我唔係幫邊一方, 只係我認為我地應該公平d! 對自己對人地都應該公平d!
-
kk,
我同佢好複習, 好多人...
-
garce,
四年都好長時間喎....好野!! 你eq好高!!
咁你現任老公當初係好坦白同佢ex-whife講你地既關係要求離婚??
-
kk,
我講好嬲既時候, 就係剛剛第三者出現我好嬲既時候, 當你好嬲既時候點"化" ?? 之後我冷靜下來, 就會諗第三者係錯, 但我男人就更加錯, 因為係佢變心在先
我無做錯事, 都唔知你做乜無啦啦講 "你做左咩錯事要比人剃返個頭唧?"
我既case係第三者明知男人有女友, 仲仍然要踩入黎, 仲要做好多手段, 係男人面前就扮可憐, 係我面前就好得戚, 我唔火就奇!
-
hh,
咁你呢段關係完左未?
-
我同佢一齊既時候, 我有男朋友, 而佢有女朋友, 我地之所以一齊, 係因為大家既男女朋友都唔係好理自己, 之後我同我男朋友分開咗, 佢都話佢女朋友應該會好快唔要佢, 點知我同佢而家已經一齊咗兩年半, 佢都仲沒同佢女朋友分開不特止, 佢仲鍾意咗第二個女仔, 而個女仔又有男朋友...我係忍唔到段感情有咁多人, 所以...但係我係好鍾意佢
-
kk
我同佢剛剛分開, 我而家好想打俾佢呀...>.<
-
wendy,
你冇做錯事, 但係比人搶左男友, 咁"剃人頭者,必被剃其頭......凡事有因果" 呢句說話未唔成立囉...! 你真係唔化喎....! 我明白比人搶男友當時真係好火, 如果照你講既case, 呢個第三者的確過份!! anyway , 都係0個句, 一段關係出左問題, 唔係單一方錯, 而且感情既野真係冇錯與對, 你0係呢段關係上努力過盡左力, 出左問題時懂得自我檢討, 對得住自己就得啦! 好似formula0106咁, 我的確欣賞佢既勇氣!
-
hh,
嘩...你男友似乎對感情好唔認真喎! 你要諗清楚!!
-
hh,
你要叫你男友諗清楚, 到底想點, 佢一個人拖住三個, 太過份喇!!
你要硬淨d, 檢討下自己先, 唔好因為掛住佢就搵返佢, 你自己都要冷靜下!!
-
"剃人頭者,必被剃其頭......凡事有因果" 呢句說話點解唔成立? 這句話係畀第三者架喎, 唔係我喎 ?!?! 我果時心態都唔好, 好想果個第三者將來都畀另一個第三者搶走佢男人, 等佢知道被人搶走男友係幾咁痛苦
-
各位, 小妹訓喇, 下次再傾啦! 今晚有咩得罪唔好見怪下~
早抖~
-
wendy,
忍唔住, 唔訓住都要點點你~
"剃人頭者,必被剃其頭......凡事有因果" 呢句話乜有分比咩人聽架咩? 點解你點極都唔明, 我地唔係判官, 我地憑咩話人對或錯呢? 你覺得自己受傷害所以你一定0岩曬?
"剃人頭者,必被剃其頭......凡事有因果" 只係講因果, 我自問未看破世情, 唔敢亂用呢句話! 但照你意思, 咁你比人搶男友呢個就係果, 咁因呢?? 你做過咩事, 種過咩因, 點解宜家會得到呢個果?? 明未呀..wendy? 唔好咁執著啦, 希望你宜家既心態比當初好啦!! 早抖~
-
kk
我都響度睇過好多第三者既 case
都係負面既居多
真係有結果既一百個都唔知有冇十個
我唔會用幸福而係用幸運黎形容佢地
點解咁講
因為佢地都經歷過一段黑暗時期
可能有一兩個一開始個男人就肯離婚或者分手
其餘既都要等一段時間先有結果
我唔排除其他九十個男人之中有人係有心去解決本身段關係
不過有 D 男人係有懶性
一齊之後就唔會攪咁多野
結果就開始拖
好彩既可能拖一陣就有結果
唔好彩就要同男人鬥耐力
所以個男人同第三者一齊之後仲肯攪咁多野
都唔知係幾咁難既一件事
所以我先用幸運黎形容佢地
係咪真係幸福可能要到老左先至知
-
我終於都忍唔住打咗俾佢, 我覺得自己好無用...
-
阿龍,
乜你咁夜都唔訓呀?
我都覺得真係有結果既case唔係好多, 你話男人比女人懦弱0岩唔0岩呢? haa..我見好多case都係個男人唔肯行多一步, 最後都係三個人一齊痛苦~
其實你係男人定女仔呀? 你既言辭好似幾幫d受害既女仔喎~
-
hh,
你打比佢, 咁有冇解決到問題?
-
見到一個真人真事:
有一個女仔跟一對兩公婆很好朋友, 然而個女仔一直都有男朋友的, 之後分手,途中又認識了另一個男仔, 個女仔身邊的人都覺得不會長久, 可是個女仔都堅持同個男仔在一起, 結果當然是分手收場. 之後個女仔一直都冇再同人談戀愛.
直到一次, 個老公因生意上來往而同個女仔見面多左, 最後發生左感情.
而依件事都隱瞞不了, 好快, 其他人都知道左, 當然個老婆都好傷心同做左一d傷害自己既事. 但是個老公在幾年前原來一直都愛上個女仔,只有一直守護住佢, 而且係大家包括當時人都唔知. 事後畀過女仔知道左, 所以一齊, 依家, 因為個老公不希望個老婆再傷害自己而暫不離婚, 但又不捨得個女仔, (因為是終於得到個女仔), 直到依家都一齊, 而個女仔同個老公講分手多次, 個老公都不肯放手, 有一次仲病住坐天光.
大家可以話點解個女仔咁賤格要接受人老公, 但係我見到的是, 除了個老公對個女仔超級無微不至, 個女仔都係工作上不停幫佢. 佢地兩個真係對對方好好. 至於個老婆點對個老公, 我只可以說.她沒有做對佢老公唔住的事.
而我之前係好看不起第三者的, 但而家真有點感動.
-
kk,
問題無解決, 只係我好掛住, 忍唔住打電話俾佢。今晚約咗佢食飯, 佢話要將我係佢屋企d野俾返我, 我驚以後都無機會再見。佢頭先都有話過要唔准拖先肯同我食飯, 我真係...
-
kk
我以前都覺得第三者好衰
之後可能同佢地傾得多同睇得多
慢慢就變得同情佢地
當然有 D 就唔抵幫
有 D 就真係比呃哂放哂感情至做第三者
其實某程度黎講
佢地亦係受害者
我又冇話特別偏幫佢地既
最多都係好言相勸
勸唔到就算咁囉
-
仲有點妳講得好岩
有 D 男人確係比女人懦弱
婆婆媽媽....猶豫不決....
想離開又怕犧牲
有時 D 野做得出就預左付出代價
又想走又唔想做衰人根本就冇可能
對住佢地真係....冇野講....
-
KK: u want to know the result of my story? First, I agree with 阿龍's comments, a man got to have guts to make determined decisions. 2nd, re 阿藍's story, I have to say, love cannot be rational or calculated/reasonable...if it comes, it comes...very complicated indeed. The married man in 阿藍's case should seriously consider his relationship with the other gal..is it worth it...really can last long? if yes...with confidence, then he should seriously consider "dealing with the current relationship with his wife"...
as for my case...the gal is a bit complicated, if u wanna know the details, i can tell u via [email protected]..if u are are really interested.
-
阿龍,
我就係聽到好多呢類故事, 有時真係覺得好感動, 但好多時男方都冇勇氣去負責任, 只係將事情一直拖, 到最後三個都受傷害! 多數人都只係識睇唔起第三者, 覺佢地自尋煩惱, 破壞人地家庭, 但我就覺得佢地好有勇氣, 其實你諗下, 過程中真係好痛苦, 反面男方多數都拖泥帶水, 我先至最睇唔起佢地!
-
redstar,
我認同呀, 阿藍既故事, 男方最終都係要做決定, 時間愈耐, 傷害愈深, 何必咁懦弱!