你地點煲老火湯架 ? 用瓦煲, 電飯煲, 燉盅 ...? 如不吃肉(吃素), 可以用咩料, 煲d湯才可甜d ?? thanks





  • ?



  • 我用電飯煲



  • 用燉盅唔使落咁多湯料, 又特別清甜.





    我近排, 煲4個老火湯:





    (1)雪耳, 南北杏, 蜜棗, 杞子, 果皮, 猪展 或 猪骨





    (2)西洋菜, 鴨巨, 猪展 或 猪骨,蜜棗,果皮





    (3)淮山, 杞子, 磁實, 蜜棗,果皮,猪展 或 猪骨





    (4)花膠,杞子, 紅棗, 果皮, 猪展 或 雞





    最好用瓦煲, 燉盅, 聽人講用電飯煲唔係咁好



  • sorry, 我搞錯左, 你話食素, 唔知有咩湯材啦



  • 用瓦煲<<<<<< 用高身的..當然係最好,但係要小心,容易爛,我建議用不瘦鋼大煲


    電飯煲<<<< 裡面的膽是鋁質,不適合,我有緊張大師朋友連煲飯也棄用電飯煲


    燉盅<<<< 燉出來的湯好清,另有一番風味,但我都係選擇前者


    如不吃肉(吃素), 可以用咩料, 煲d湯才可甜d ??<<<< 用腰果,是一位吃素的朋友教我,我在她家飲過,煲出來的湯,微微有點油,效果係代替豬肉;妳也可以用眉豆,有質感,又香濃~~~~


    以上兩種材料我也常用的,煲時加紅蘿白啦.....!





    這一年我改用真空煲煲湯,效果都唔錯,用真空煲煲湯最大原因是好多時一煲湯時,攪到一屋熱曬,用真空煲就好好多;用落發覺多個好處,洗少好多爐頭,好多時煲湯有湯水滴落爐頭,乾後好污糟....



  • junice ,


    多謝妳好打不平(心照不宣)


    >.<



  • 不�袗�最耐用, 在健康角度, 用瓦煲, 燩盅最好, 煲出來最和氣, 我個台灣瓦煲, 都用左幾年.







  • 好同意...


    我個台灣瓦煲, 都用左幾年. <<<如果我煲藥材湯我會用玻璃煲(啡色)



  • 以前用中國瓦煲, 幾個月要換一個,我見個朋友用左幾年, 佢話幾好, 咪試下囉, 個老板話, 15日內有壞包換, 第一次用, 瓦煲用幾茶匙英栗粉煲滾水, 洗干淨, 睇下有冇漏水, 如果冇事, 通常用得好耐.



  • 又知多左野....台灣瓦煲....


    thanks



  • " 裡面的膽是鋁質,不適合,我有緊張大師朋友連煲飯也棄用電飯煲 "





    點解呢 ? d 鋁質會甩嗎 ? 煲飯都有問題嗎 ? 佢用甚麼煲飯 ? 咁用電飯煲來加熱油炆餸會唔會有害 ?



  • 那麼, 用電飯煲煲粥適宜嗎? 我經常用電飯煲煲粥的, 會吃壞人的嗎 ?



  • 我咁諗...樣樣渣得太正就真係唔洗做人,我的朋友過份緊張


    唔通真係樣樣要回復原始時代咩....


    我以前都係用電飯煲煲粥





    不過鋁質、銻質少用為佳,但我唔叻用瓦煲煲飯,都係用電飯煲



  • 我煲湯先用瓦煲, 煮飯用電飯煲, 小心d唔好整花個內膽就得啦, 唔理得咁多, 用瓦煲煮飯, 有層飯焦又難洗, 我未試過.



  • 版主, 食素0既湯材, 我唸起之前煲過一個雜菜湯, 好甜好好味, 類似羅宋湯, 你試下, 專欄作者介紹架.





    叫做66222減肥湯, 仲好有營養


    6只 洋蔥


    6只 蕃茄


    2磅 西芹


    2個 椰菜


    2個 大青椒





    煲3小時, 適合食得雜, 腸胃有毒素, 皮膚痕癢, 無咁0既症狀都食得, 1日最少食3次, 1煲湯食3-4日, 正餐照食, 頭幾次食覺得好好味, 之後覺得好悶, 幾日都要食同一味湯, 為左減肥冇計啦.





    不需要減肥者, 適當調整減少材料, 唔需要減肥者食呢煲湯肯定唔會食到悶.



  • " 不過鋁質、銻質少用為佳 "





    點解 ? 是驚d化學物解出還是驚個面甩呢 ? 請問電飯煲同煎pan 係咪都係鋁質?





    電飯煲在炆餸前, 落油加熱會唔會有害 ??



  • 是驚d化學物質分解....


    電飯煲在炆餸前, 落油加熱會唔會有害 ??....時間太長,最好唔好





    煎pan面層的黑色免油質 ,係至癌物質,所以我買煎pan會買質素好d,希望冇咁易甩



  • 我有時都會用電飯煲炆野, 不過唔會爆油, 落嗮料加醬油炆半個鐘左右, d野食會唔會有害???



  • (唔爆油)...認為會好d...


    (落嗮料加醬油炆半個鐘左右)...應該唔係大問題





    不過我都師奶一個,都係要請教專家先0岩....



  • 但係現在的西施電飯煲都係有炆煮功能, 設計都係比你煲埋粥, 炆埋野 (slow cook), 應該 ok 掛 !



  • 看看每個人的接受程度...講講我的習慣...





    我都係用不瘦鋼煲煲湯,但唔會浸隔夜,飲唔曬會替換在玻璃器皿內


    不喜歡用膠盒載食物(隔夜送等),不用膠獲剷


    油、鹽、糖所有調味料都係用玻璃器皿





    更不會用膠兜放入微波爐和載熱食物


    雖然好多標籤話耐熱,但我都唔喜歡咁做





    不過出街飲飲食食都無可避免我都會接受的



  • 你識環保人士盧冠廷嗎 ? 佢都最主張玻璃器皿 ! 但玻璃碗碟選擇好似較少 ! eg. 未見過玻璃食飯碗





    咁瓷器好嗎 ? 因為傳統的瓷碗碟湯碗各種各樣 , 有較多選擇 !



  • 你識環保人士盧冠廷嗎 ? 佢都最主張玻璃器皿 !<<<< 我只知道盧冠廷是有個有學識的歌手,他太太是一個遺傳學的博士(是嗎?)





    未見過玻璃食飯碗<<<< 我還有用剩的中國飯碗(白色有米圖案),如果爛曬我唔打算再買;飲湯的,戴送的,我用的是corning ware





    不過我唔係吹毛求疪的人,我只是抗距再用顏色好勁的中國瓷器碗(萬壽無疆)...完整一套(加燉盅、翅兜)全丟清...



  • junice >> 有 d 素食人仕係唔食洋蔥架, 我就係其中一個





    其實我煲湯同食肉既人仕無咩分別


    只不過唔落肉去煲


    我通常會用紅蘿蔔同粟米去代替肉


    有時都會加少少腰果或者栗子


    不過煲出黎既湯係偏甜既


    我老公就唔多鍾意





    最近我買左 d "燉肉" 去煲都 ok 架


    (係豆腐舖有得買, 你話想買 d 假肉去煲湯)


    一包湯料包加四件燉肉 (2 x 2 x 5cm)


    都好夠味架





    至於用咩野器具


    我就無咩考究


    老人家多數都話用瓦煲煲老火湯就最正


    不過我呢 d 職業女性, 多數用真空煲



  • 燉盅係咪一定紫沙 材料架?





    燉肉" 係咪黎 ? 麵根, 豆腐 ??




  • ?



  • 燉盅係咪一定紫沙 材料架? <<<



  • 我也鐘意用燉盅,但是市面上買到的電子燉盅,size都不是很大,最多只有4.5L左右,如果人多真係唔夠飲!!



  • 玻璃器皿可唔可以放入飯煲蒸野或燉野 ??



  • 蓮藕湯補血強身


    功效:消除疲勞, 滋補淨化血液, 養顏潤膚


    材料:蓮藕(一斤), 紅蘿蔔(半斤), 花生(四兩), 冬菇(10隻), 水(13碗)


    做法:蓮藕洗淨切段拍鬆, 紅蘿蔔去皮切段, 冬菇浸軟. 將材料放入煲內, 水滾轉慢火煲2小時, 加鹽即可





    北菇白菜豆腐湯


    功效:適合身體燥熱, 腸胃積熱, 牙肉腫痛, 血壓高, 大便秘結者咳嗽痰延清稀者不宜


    材料:北菇(一兩), 白菜(十二兩), 豆腐(2塊), 薑(4片), 水(8碗)


    做法:北菇浸軟, 白菜洗淨切段, 豆腐1塊切開4小塊, 水滾後下材料再滾15分鐘, 加油鹽調味即可





    海底椰滋陰養腎湯


    功效:滋陰養腎, 潤肺養顏, 強身健體


    材料:海底椰乾(二兩), 南杏(五錢), 北杏(四錢), 燉肉(4塊), 無花果(8粒), 栗子(10粒), 水(適量)


    做法:將材料洗淨放入煲內, 水滾後轉慢火煲2小時, 加鹽即可





    玉竹煲沙參湯


    功效:降血壓, 補中氣, 潤肺, 化痰止熱咳, 平肝燥. 適合多吃煎炸刺激食物, 燒烤人士


    材料:玉竹沙蔘(各五錢), 西洋蔘(四錢), 黃豆(二兩), 陳皮(小塊), 水(適量)


    做法:將材料洗淨, 水滾後下, 用慢火煲1小時, 加鹽即成





    大芥菜煲蕃薯薑湯治感冒


    功效:健胃生津, 通暢胃腸, 強身健體適合感冒風寒, 惡寒, 無汗, 大便不暢, 食慾不振人士


    材料:大芥菜(一斤), 蕃薯(半斤), 薑(4片), 水(適量)


    做法:大芥菜洗淨切段, 蕃薯去皮切塊. 將材料洗淨放入煲內滾20分鐘, 加鹽即可





    椰子燉北菇


    功效:強胃, 十二指腸, 補血, 滋腎, 強身


    材料:大椰子(1個), 黃耳(4隻), 冬菇(4隻), 淮山(4片), 紅棗(10粒), 杞子(1茶匙), 滾水(適量)


    做法:椰子開蓋, 倒去內�堛漱�, 將材料洗淨浸軟後全放進注滿滾水的椰子內, 蓋上椰蓋並放入煲內用慢火燉3小時即成





    節瓜湯


    功效:預防感冒, 清腸胃利小便, 補腎, 養顏潤膚


    材料:節瓜(一斤), 紅蘿蔔(1個), 花生(二兩), 栗子(二兩), 冬菇(10隻), 薑(2片), 水(13碗)


    做法:節瓜去皮切段, 紅蘿蔔去皮切塊, 冬菇浸軟. 將材料放入煲內, 水滾轉慢火煲2小時, 加鹽即可





    木瓜薏米玉竹湯


    功效:木瓜含蛋白質可分解脂肪, 配合生熟薏米等材料後, 則利水去濕去暑,滋潤中氣, 健睥胃, 潤腸通便, 皮膚光滑, 治濕疹, 益皮膚


    材料:木瓜(一斤), 生熟薏米(三錢), 玉竹(三錢), 淮山(三錢), 燉肉(3塊), 水(10碗)


    做法:木瓜去皮切塊, 將材料洗淨放進煲內, 水滾轉慢火煲2小時, 加鹽即可













  • 老黃瓜湯清熱消暑


    功效:含植物性蛋白及維他命, 可清熱解毒, 消暑散熱, 袪濕毒, 降燥火等


    材料:老黃瓜(1隻), 扁豆(一兩), 赤小豆(一兩), 蜜棗(5粒), 果皮(1個), 粟米(2條), 水(13碗)


    做法:老黃瓜洗淨切塊, 粟米切段, 果皮浸軟, 將材料放進煲內, 水滾轉細火煲3小時, 加鹽即可





    西洋菜湯


    功效:清熱潤肺


    材料:西洋菜(一斤), 黃豆(四兩), 果皮(1個), 蜜棗(6粒), 水(12碗)


    做法:西洋菜洗淨, 黃豆白鑊炒香, 果皮浸軟. 將材料放入煲內, 水滾轉慢火煲2小時, 加鹽即可





    杏仁雪梨蜜棗湯


    功效:清熱除痰, 潤燥止咳. 適合身體燥熱, 喉乾口渴, 咳嗽痰多痰黃, 黏稠或咳痰帶血絲, 大便不順或秘結者. 咳嗽痰涎清稀之人不宜


    材料:南杏仁(一兩), 北杏仁(四錢), 雪梨(2個), 蜜棗(4粒), 生薑(3片), 水(8碗)


    做法:雪梨洗淨去芯切塊, 再將所有材料放入煲內用慢煲1小時, 加鹽即成





    清熱解渴湯


    功效:下火, 清熱毒, 生津止渴


    材料:涼瓜(半斤), 黃豆(四兩), 鹹菜(三兩), 薑(2片), 水(12碗)


    做法:涼瓜切條去核洗淨, 鹹菜切粗條, 黃豆白鑊炒香. 將材料放入煲內, 水滾轉慢火煲2小時即可





    補健湯


    功效:滋養強壯, 助消化, 明目, 平血壓, 強筋骨


    材料:淮山(4片), 杞子(1茶匙), 白蓮子(15粒), 栗子(5粒), 冬菇(4隻), 水(6碗)


    做法:將材料洗淨放入煲內用6碗水煎至2碗水, 加鹽即可










  • 南瓜營養湯


    材料:南瓜(一斤), 蕃茄(2個), 波菜(四兩), 罐頭紅腰豆(3湯匙), 薑(4片), 水(適量)


    做法:南瓜, 蕃茄去皮切塊, 波菜洗淨切段, 南瓜煮腍, 將南瓜, 菠菜, 蓄茄, 薑放入攪拌機內加水打碎待用. 將鑊燒熱用慢火加入麵粉, 牛油, 水煮成糊, 再加入打碎了的材料拌勻煮滾, 加入紅腰豆, 加鹽即成





    蠶豆雪菜湯


    材料:去衣蠶豆(五兩), 雪菜(二兩), 紅蘿蔔(1隻), 冬菇(5隻), 薑(4片), 水(8碗)


    做法:雪菜洗淨切段, 紅蘿蔔去皮切方塊, 冬菇浸軟切粗粒, 將材料洗淨後放進煲內, 水滾後轉慢火煲1小時, 加鹽即可





    蜜瓜蓮子湯


    功效:滋潤, 健脾, 潤肺養顏


    材料:蜜瓜(1磅), 百合(一兩), 白蓮子(二兩), 茨實(一兩), 蜜棗(6粒), 果皮(1個), 水(13碗)


    做法:蜜瓜去核切塊, 將材料洗淨放入煲內, 水滾轉慢火煲2小時, 加鹽即可





    草菇勝瓜蛋花湯


    功效:清熱下火, 生津止渴, 身體燥熱, 口乾口渴, 尿液黃, 血壓高, 頭痛等


    材料:草菇(四兩), 勝瓜(2條), 雞蛋(2隻), 生薑(2片), 水(適量)


    做法:草菇出水切開邊, 勝瓜去皮切方塊, 水滾後下薑片, 草菇, 勝瓜再滾15分鐘, 打入蛋花, 加鹽即成













  • 北菇同豆腐, 會唔會令豆腐便黑 !? 我禽晚整chestnut, 豆腐, 蕃茄湯, 豆腐表面變灰色, chestnut影響 ?



  • " 飲湯的,戴送的,我用的是corning ware "





    corning ware 是玻璃的嗎 ?




  • corning ware 是玻璃的嗎 ? <<< 係呱????....唔....因為我去過參觀過corning ware的showroom....人們叫他做玻璃廠...hahahaha



  • 佢d kitchenware 係咪奶白色架 ? 唔係透明



  • 戴送的,我用的是corning ware <<<<<



  • kitchenware 係咪奶白色架 ? 唔係透明<<<< yes



  • 我仲以為嗰d唔係玻璃黎添 ?



  • 我好喜歡corning ware


    一刀斬落去條邊......都唔爛....hahaha


    但打直跌落地就....碎到一粒粒



  • 西洋蔘係邊度買呀 ??


    貴唔貴架 ???



  • 西洋蔘 = 花旗參


    在中藥房、參茸海味舖也有


    不算貴



  • 其實係咪一定要跟足份量去煲呀 ?!


    是但求其落齊 d 料都 ok 啦 ?? 係唔係呀 ???



  • HA_Kitty,


    唔知係咪老眼昏花,我搵到鬥雞眼都搵唔到西洋蔘...你在那裡找到來


    我略略講下...我常煲花旗參湯,份量隨意,是視乎個人喜好,味甘涼,如你煲的話我再詳細少少講我的方法







  • 邊種燉盅好 ?


    邊度買有多d選擇 ?


    係咪所有湯都適合用燉盅燉架 ?


    用燉盅整糖水又適合嗎(除左燉雪耳木瓜)?



  • to : +ggg





    你快o的食o的藍梅補補眼、哈~下面呢個湯譜有寫西洋蔘.





    玉竹煲沙參湯


    功效:降血壓、補中氣、潤肺、化痰止熱咳、平肝燥. 適合多吃煎炸刺激食物、燒烤人士


    材料:玉竹沙蔘(各五錢)、西洋蔘(四錢)、黃豆(二兩)、陳皮(小塊)、水(適量)


    做法:將材料洗淨、水滾後下、用慢火煲1小時、加鹽即成





    to : thanks





    一般家庭湯水無需要燉、燉湯好處係湯水比較清、但比煲湯時間長、通常人蔘燕窩先會燉.


    再者、一般家庭用燉盅 size 都唔太大、多人飲湯就唔多夠用.



  • 咦??? 係喎 ~~~


    藍梅補眼 ??? 真係要食...Thanks...


    下星期有眼鏡攞,加入四眼一族,我配了一副同老公一樣色,一樣框,但唔同型的眼鏡....





    言歸正傳:





    玉竹煲沙參湯 ....我都會煲,但只落玉竹、沙參、蜜棗(或無花果)煲瘦肉己ok





    花旗參湯...我都會煲,但只落花旗參、紅蘿白、蜜棗(或無花果)煲雞肉己ok













  • 近視定老花 ??!! hehe , 講笑 !





    美國太子花旗參茶包, 可唔可以攞d花旗參出黎煲湯 ?? 買左d茶包, 無吔機會飲 !



  • 係散光<<<


    美國太子花旗參茶包, 可唔可以攞d花旗參出黎煲湯<<<


Log in to reply